كرنفال كونتكتيد فاميلي بتاريخ 18/9

eng.taki · #1 18-09-2011, 03:33 PM

يا جماعة اي حد حضر كرنفال كونتكتد النهاردة يا ريت يشرحلنا ايه اللي حصل ولو في اي ملاحظات او معلومات ياريت يقولهلنا
وشكرا مقدما

ENG.HAGAR · #2 19-09-2011, 07:49 AM

اسرة connected
تعلن ان
كرنفال دفعة
اعدادي 2016
يوم الأحد 18/9
... الساعة 10 ص

-أجندة اليوم:
-1 هيتوزع علينا الورق الخاص بالكرنفال وهنحجز في كورسات الـ(soft skills).
-2 هنشوف أول ماكيت (مجسم 3d) للكلية.
-3 هناخد جولة (tour) في الكلية.
-4 الـ(tour) متكونة من كذا (check point) في كل أنحاء الكلية.
-5 عند كل (check point) هيتشرح المباني الموجودة في المكان و جزء من الورقة.
-6 بعد آخر (check point) هناخد (break) عشان الناس تريح شوية.
-7 هنتجمع في المدرج بعد الـ(break).
-8 هنشرح ازاي تقرا الجدول اللذيذ السهل اوي بتاعنا دا .
-9 هنشرح ازاي تعدي كل مادة و هنشرحلكم ازاي تجيبوا الأدوات.
-10 هناخد صورة جماعية للدفعة.

كل المطلوب منك و انت جاي "قلم".
نقلا عن الصفحة الخاصة بالآسرة
ـــــــــــــــــــ
كمان فى كورسات ان شاء الله هتبدأ الثلاثاء 20/9 الساعة 12
و هتبقى 4 أيام ( تلات / خميس / حد / تلات )
هتلاقونا أول يوم مستنينكم عند البوابة

مواضيع الكورسات :
-open session
-time management
-communication skills
-teamwork
-leadership
-keys of success
-problem solving
brain storming
-creativity

التسجيل هيبقى خلال أول محاضرة ان شاء الله

الكورسات مجانية من غير رسوم

ENG.HAGAR · #3 19-09-2011, 07:53 AM

اقتباس:

المشاركة الأصلية كتبت بواسطة eng.taki

يا جماعة اي حد حضر كرنفال كونتكتد النهاردة يا ريت يشرحلنا ايه اللي حصل ولو في اي ملاحظات او معلومات ياريت يقولهلنا
وشكرا مقدما

اه معلش فى حاجة ..
حضرتك تقدر تجمع المعلومات اللى اتقالت شفويا من خلال ورقة بتعرف حضرتك المواد والادوات وكمان الفرق بين الكويز والسيتات والمحاضرات والكلام دا ..
هم اخدونا جولة فى الجامعة .. بس دى مش هتقدر تحفظ بيها الاماكن اوى علشان الكلية كبيرة ..
كمان كان فى نصايح من الطلبة - جزاهم الله كل خير والله - عن المعيدين والدكاترة
يعنى مثلا هم قالوا ان الواحد مش هيقدر يجمع كل حاجة من المحاضرة .. اهم حاجة الشيتات " الورق اللى من برا الجامعة " ما عدا دكتور المعمل لازم نلتزم بالكتاب وكمان اللى بيقوله اثناء الشرح علشان هو عارف هيسأل فى التجربة ازاى ..