تعالوا يا دكاترة المستقبل

[Dr norhan]

الاول السلام عليكم اهلا بحضراتكم يا احلى دكاترة المهم بقى انا عايزة اى حد عندة استفسار عن اى حاجة فى الكلية وانا اقدر ارد عليها انا تحت امرة ان شاء الله وكلنا نساعد بعضنا يلا بينا

بس قبل اى حاجة عايزة اققولكم ان المجال دة رائع بجد ومستقبل ان شاء الله بالتوفيق.










مستنياكواااااااااااااااااااااااااا

[Dr.moamen]

نورتى القسم يادكتوره ومتميزه ديما يارب

[Dr norhan]

المشاركة الأصلية كتبت بواسطة dr.moamen

نورتى القسم يادكتوره ومتميزه ديما يارب

ربنا يكرمك يا دكتور مؤمن يارب انت الى نورت الموضوع بوجودك

[الشفق القرمذى]

انا جايب 94 فى 2 ثانوى يعنى فرصتى ضعيفة اوى فى علاج طبيعى
ترشحيلى انهى جامعة احسن فى الخاص؟
مصر ولا اكتوبر؟
مع ذكر اسباب التميز

[Dr norhan]

المشاركة الأصلية كتبت بواسطة الشفق القرمذى

انا جايب 94 فى 2 ثانوى يعنى فرصتى ضعيفة اوى فى علاج طبيعى
ترشحيلى انهى جامعة احسن فى الخاص؟
مصر ولا اكتوبر؟
مع ذكر اسباب التميز

اولا احب اققولك ان 94 تقدر لو حاولت تجيب حكومى لان لو قلناها بالعقل 94 يعنى ناقص 12 درحة يعنى 193 المهم لو نقصت السنة دى 4 درجات او 5 ورفعتهم بالمستوى هتفضل اكنك ناقص 12 درجة ساعتها هتجيب 97 او 96.7 او 96.5 حتى ويبقى فى امل فى علاج طبيعى لو التنسيق مش زى السنة الى فاتت اما بقى لو لقدر الله ملحقتش ومقرر انك تقدم خاص فانا انصحك بجامعة 6 اكتوبر اولا لان الشهادة اقوى وقريبا هتبقى جامعة مصنفة دوليا ان شاء الله ودة بيتيح ليك فرص عمل كبيرة بعد ربنا طبعا كمان اكتوبر انضف و المستشفى افضل بكتير والدكاترة واحترامهم ليك اما جامعة مصر فهى حلوة بردوا بس مش نضيفة اوى والمعامل والمستشفى مش حلوين يعنى انا لما دخلتها حسيت انها مدرسة حكومى على نضيف شوية بس كويسة ممكن ناس بتفضلها علشان الامتحانات وانها صعبة بس بردوا انا اخويا فى اكتوبر وفى امتحانات علطول فى مصر زيادة شوية لكن الى عايز يتعلم بيتعلم فى اى حتة دة رائيى بس لو مقرر خاص يبقى تقدم مبكر فى جامعة 6 اكتوبر شهر5 علشان تضمن مكان وانت هيتعملك خصم 15 فى المية علشان المجموع ان شاء الله بالتوفيق واى سؤال تانى انا تحت امرك

[الشفق القرمذى]

بصى انا عارف ان اكتوبر شهادتها اقوى
بس مش عارف قلقانى بسبب سمعتها فى الايام الاخيرة و الاعتراف اللى اتسحب من هندسة من كذا سنة
لكن جامعة مصر مع انها صعبة جدااااااااااااااا لكن عمرى ما سمعت حد بيقول عليها حاجة وحشة
و فى سؤال تانى
انا سمعت ان اخصائى العلاج الطبيعى المصرى مصنف عالميا التالت على العالم
هل ده بردو هينطبق على الخاص؟؟؟؟؟؟؟؟؟؟؟؟؟؟؟؟؟

[*مسلمة مصرية*]

عايزة أشكرك على الموضوع و المجهود......أنا بصراحة نفسيييييييييي فى الكلية دى بس للأسف و الحمد لله أنا من الاسكندرية مش من القاهرة و مش حينفع اروح المدينة ولا بحب ادخل كلية خاصة.......المهم عايزة تقولولى لو عايزة اقرأ فى المجال ده يبقى الكتب أسماءها ايه عشان دورت فى النت كتير و ملقتش حاجة مفيدة اوى.....وجزاكم الله خيرا

[Dr norhan]

المشاركة الأصلية كتبت بواسطة الشفق القرمذى

بصى انا عارف ان اكتوبر شهادتها اقوى
بس مش عارف قلقانى بسبب سمعتها فى الايام الاخيرة و الاعتراف اللى اتسحب من هندسة من كذا سنة
لكن جامعة مصر مع انها صعبة جدااااااااااااااا لكن عمرى ما سمعت حد بيقول عليها حاجة وحشة
و فى سؤال تانى
انا سمعت ان اخصائى العلاج الطبيعى المصرى مصنف عالميا التالت على العالم
هل ده بردو هينطبق على الخاص؟؟؟؟؟؟؟؟؟؟؟؟؟؟؟؟؟

اولا مفيش انسحاب الاعتراف من كلية الهندسة خالص خالص ثانيا موضوع السمعة دة متسمعلوش لان اخويا قبل ما يقدم سمعنا نفس الحكايات وقدمنا ومفيش كدة فى فى اى حتة ناس محترمة وناش مش محترمة اهم حاجة انت تبقى انسان محترم الكلام دة مش صح الجامعة سمعتها كويسة ومش فيها اى حاجة الكلام دة الجامعات بيقلوة على بعض علشان يخسروا بعض سواء مصر قالت كدة على اكتوبر او العكس كلة استثمار مش اكتر

واة اخصائى العلاج الطبيعى المصرى مصنف عالميارقم 3 بعد كندا وامريكا وشهادتة معادلة لامريكا سواء كانت شهادة خاصة او حكومية

وصلى استخارة وقتها وربنا هيرشدك للى فية الخير اى حاجة تانى انا تحت امرك

[Dr norhan]

المشاركة الأصلية كتبت بواسطة *مسلمة مصرية*

عايزة أشكرك على الموضوع و المجهود......أنا بصراحة نفسيييييييييي فى الكلية دى بس للأسف و الحمد لله أنا من الاسكندرية مش من القاهرة و مش حينفع اروح المدينة ولا بحب ادخل كلية خاصة.......المهم عايزة تقولولى لو عايزة اقرأ فى المجال ده يبقى الكتب أسماءها ايه عشان دورت فى النت كتير و ملقتش حاجة مفيدة اوى.....وجزاكم الله خيرا

مفيش فرق دلوقتى بين حكومى وخاص بالنسبة التعليم فى الخاص بقى افضل دة مستقبل يعنى لو نفسك مفيش حاجة اسمها مش بحب الخاص عندك جامعة فاروس فى اسكندرية فيها علاج طبيعى بصى كتب العلاج الطبيعى كلها بالانجلش والطلبة والدكاترة بس الى هيفهموها لانها مصطلخات طبية مش انجليزى لغة المهم دة لينك http://www.thanwya.com/vb/showthread.php?t=492747ادخلى علية فى موضوع هتفهمى اغلب الحاجات عن المهنة اتمنى يعجبك ودورى فى جوجل بردوا واى حاجة تانى اامرى يا حبيبتى بالتوفيق

[Dr norhan]

علفكرة قريبا ان شاء الله وبعد ما مجلس الشعب يجى هيبتم اعتماد تطبيق ال dpt ان شاء الله وساعتها هتكون الكلية 6 او 5 سنين وسنة امتياز ان شاء الله

[*مسلمة مصرية*]

المشاركة الأصلية كتبت بواسطة dr norhan

مفيش فرق دلوقتى بين حكومى وخاص بالنسبة التعليم فى الخاص بقى افضل دة مستقبل يعنى لو نفسك مفيش حاجة اسمها مش بحب الخاص عندك جامعة فاروس فى اسكندرية فيها علاج طبيعى بصى كتب العلاج الطبيعى كلها بالانجلش والطلبة والدكاترة بس الى هيفهموها لانها مصطلخات طبية مش انجليزى لغة المهم دة لينك http://www.thanwya.com/vb/showthread.php?t=492747ادخلى علية فى موضوع هتفهمى اغلب الحاجات عن المهنة اتمنى يعجبك ودورى فى جوجل بردوا واى حاجة تانى اامرى يا حبيبتى بالتوفيق

أشكرك جداااااااااا و جزاااكم الله خيرا......بس ممكن اطلب منك بس انك تقوليلى أسماء الكتب اللى بيدرسوها علاج طبيعى..معلش حتقل عليكى

[Dr norhan]

المشاركة الأصلية كتبت بواسطة *مسلمة مصرية*

أشكرك جداااااااااا و جزاااكم الله خيرا......بس ممكن اطلب منك بس انك تقوليلى أسماء الكتب اللى بيدرسوها علاج طبيعى..معلش حتقل عليكى

لا يا قمر تتقلى اية بس انتى تامرى

بيدرسوا اناتومى (تشريح) وهستولوجى (علم الانسجة)وفسيولوجى(علم الانسجة)وكيميا حيوية وطبيعة حيوية ووسائل علاج طبيعى واختبارات ومقاييس وميكانيكا حيوية وفيزيا حيويةولغة انجليزية علشان المصطلحات الطبية والاشعة والادوية وصحة عامة وعلاج طبيعى عظام واعصاب ونسا وحروق ومسنين وجراحة وعناية مركزة وباطنة وعمود فقرى واطفال وجلدية وتناسلية وفى تانى طبعا بس مش مجمعاهم كلهم اى حاجة تانى انا تحت امرك

[Dr norhan]

وامراض القلب والجهاز التنفسى وسن اليأس والتغذية

[*مسلمة مصرية*]

أنا بشكرك جدا جدا جدا على مجهودك يا dr norhan و لا تنسينى من دعائك لأنى بجد نفسى ادخلها....وجزاااااكم الله خيرا

[Dr norhan]

المشاركة الأصلية كتبت بواسطة *مسلمة مصرية*

أنا بشكرك جدا جدا جدا على مجهودك يا dr norhan و لا تنسينى من دعائك لأنى بجد نفسى ادخلها....وجزاااااكم الله خيرا

ان شاء ربنا هتتدخليها ادعى ربنا وهو عمرة ما هيخذلك وانا صاحبتى طالعة عمرة يوم 24 ان شاء الله هخليها تتدعيلك مخصوص ان شاء الله هتتدخليها ادعى كتير فى اليل وصدقينى قولى بس يارب انا واثقة فيك متخذلنيش قولى يا جبار اجبر لخاطرى وهيجبر ان شاء الله ربنا كبير وقادر على كل شئ ان شاء الله وهتبقى دكتورة علاج طبيعى كبيرة باذن الرحمن واى حاجة انتى عايزاها انا تحت امرك