ممكن مساعدة من مدرسي الانجليزيو الافاضل

[yasmina yasmina]

السلام عليكم ورحمة الله وبركاته
انا بس كنت عايزة اخد رأي مدرسين الانجليزي
هو انا بحب الانجليزي اصلا ولغاية السنة اللي فاتت كنت ممتازة فيه
بس لاحظت ف 2 ثانوي ان الانجلش بيحتاج مهارات اكتر من مذاكرة المادة فانا ممكن ازود المهارات دي ازاي
يعني احل اكتر على المنهج ولا احفظ كلمات كتير زياده ولا اعمل ايه؟؟؟؟؟؟؟؟؟؟؟؟؟؟؟
هو انا دلوقتي بحل مع المدرس من سربريز بس مش بنستخدم كتب تانية بس انا عندي مذكرة تراجم بحفظ كلمات منها وبحل تراجم الامتحانات اللي قبل كده فممكن حضراتكم تساعدوني اعمل ايه علشان اضمن 25 ف الانجلش

[مستر/ احمد جابر]

السلام عليكم

شكرا لحرصك هذا على التفوق لان الحرص على التفوق فى الايام دى قليل اغلب التلمذة عايزين ينجحوا فقط وفى البعض الاخر ناقل وليس باحث يعنى اللى بيخدوا من المدرس بيذكروا ومش بيعمل اكثر من كده لا بيدور ولا بيتطلع ولا اى حاجة مع ان فى حاجات لازم الطالب يكون هو الباحث عنها اكتر من ان المدرس يلفت نظره اليها زى سؤال قطعة الفهم والترجمة والبراجراف الاسئلة دى بتيجى غالبا خارج كل التوقعات والامتحانات تشهد بذلك

انصحك بالاتى

اولا: - اتقان القواعد بكل اشكالها بداية من الازمنة الى اخر القواعد
ثانيا: - اتقان الكلمات والمترادفات الخاصة بالمنهج ولا تقف عند مجرد كتاب خارجى لا البحث فى كل ما حاولك
ثالثا: - اتقان طريقة حل سؤال القطعة بكل اشكاله والتمرين على فهم الكلمات التى لم نقابلها فى المنهج
رابعا: - مفيش مدرس واعى ممكن يتوقع امتحان بالنص كل ما فى الامر التركيز على كتب الوزارة زى الوورك بوك والتقويم الشامل وامتحانات اللونج مان وغيرها
خامسا: - التدريب على اسئلة القصة بكل اشكالها فى مختلف الكتب وحفظ الكوتيشن حفظا جيدا
سادسا: - التدريب على تراجم من الاحداث الجارية لان ده علامة الطالب المتطور
سابعا: - لا للقلق لا لعدم الثقة الامتحان فى الغالب مش بيكون جاى كله معقد لا بالعكس لكل مجتهد نصيب
الالتزام بنصائح المعلم خير سبيل

اخر نصيحة واهم نصيحة ابتعد عن المتفلسفين يعنى اللى بيبحثوا عن اسئلة ليس لها وجود اصلا الا عند العالم اللى ماورهاش حاجة ومش معنى انك فشلتى فى حل سؤال انك مش هتنجحى

بالتوفيق ان شاء الله

[yasmina yasmina]

شكرا يا مستر جزاك الله كل خير حضرتك لفت نظري لحاجات مكنتش واخده بالي منها اوي
بس ممكن حضرتك تقولي اتدرب ع قطع الفهم منين بيتهيألي مش في كتب بتجيب قطع محلولة بس انا دورت هنا ف المنتدي لاقيت قطع بس مش محلولة يعني انا دايما بحب اكون متاكده من الاجابات
تقريبا هي دي اكتر مشكلة عندي اني لما بحل حاجات اضافية مش ببقى عارفة هي صح ولا غلط

[مستر/ احمد جابر]

فعلا انا معاكى طيب ايه الحل

اقولك

حلى قطعة الفهم واعرضيها على مدرسك واستاذنيه يصححهالك

وانت بتحلى قطعة الفهم فى البداية حاولى تقسميها الى فقرات

بعدين تعملى لكل فقرة فكرة رئيسية يعنى عنوان جانبى لها

استخرجى الكلمات الصعبة وتاكدى من معانيها وطلعى للكلمات دى بدائل يعنى مثلا قابلتى كلمة decline

انت بحثتى عن معناها لقتيه يسقط او ينخفض او يهبط او يقلل او ينقص الخ على طول اشوف معنى اخر انت عارفها زى fall - drop - decrease

والمضاد لها rise يا سلام لو تحلى بالاسلوب ده تطلعى برصيد مفردات هايل

اتدربى على اساليب الاسئلة المختلفة مش لازم يجى السؤال مباشر

اخيرا انا طول عمرى بطلب من تلمذتى انهم يعرفوا بداية الجملة من نهايتها علشان المعانى ماتسحش



اسال الله ان ينفعك بهذه الكلمات