وضاع....الامل تتتااااااااااااااااااااااااااااااا

[شيشانا]

الحمد لله يا جماعه دخلت علوم الزقازيق والامل مضعشى ولا حاجه ده انا كنت بهزر معاكو شويه هو اه مش الامل اللى كنت بتمناه طول عمرى بس خلاص بقا ربنا كاتبهالى ودى خلاص بقت نصيبى
الحمد لله على كل شى ان شاء الله هيبقى املى التانى انى اتعين وابقى معيده فى الجامعه وكيدعمرى ما انسى ايام الثانويه وايام الدروس والله مع انها كانت عذاب بس فيها ذكريات جميله مع انها مش بعيده اوى يعنى
ههههه
وان شاء الله رنا يوفقكوا كلكو وكل واحد عايز علوم يخشها باذن الله وان شاء الله كل اللى عايزين يحولو يحولو البلاد اللى عايزينها وربنا ييسرلهم التحويل
وان شفكوا بقا فى الجامعه واحنا طلاب جامعيين مش تلاميذ

[شيشانا]

المشاركة الأصلية كتبت بواسطة gogo_hero14

ههههههههه لا والله دة انا حتى وانا بقرأ كلامك حسيت اني بسمع صوت نفسي بيكي انت اصلا متعرفيش انا كنت منهارة ازاي و والله و الله انا فعلا وصلت لمرحلة كل ما كنت افتكر اللي حصلي السنة دي من كتر العياط الاقيني بضحك و والله و صلت لحالة هستيرية اوكي بس تعرفي مش هكدب عليكي انا فعلا مكنتش راضية خالص خالص و عارفة استغفر الله العظيم يعني قعدت افكر اني لو اقدر اقلب الدنيا راس على عقب كنت عملت و فعلا يمكن كنت اصعب منك و مش هقول كنت لاننا عارفين انه فعل ماضي انا برده الوقتي زعلانة و بقول لنفسي يمكن برده ملحقش علوم بس خلينا لا نستبق الاحداث
عارفة انا يمكن عملت تظلم ع العربي و الانجليزي و فعلا اجاباتي زيس النموذج بالضبط يعني لو خدت الدرجات اللي ليا هكون جايبة 96 وحسة اني مش هاخد ولا درجة يعني انا برده مصيبة اكبر
على العموم احنا الاتنين مقدمين علوم و احنا الاتنين مجموعنا قريب جدا من بعض و ان شاء الله نلحقها و لو ملحقنهاش متخفيش انا مش هقولك ممكن اعمل ايه بس اي حاجة هعملها هناديكي معايا فيها عشان نبقى زملا هههههه المهم بصي يا بنتي انا قبل ما اقرا موضوعك بيوم واحد و والله و مش بكدب انا عيط بعد الفجر و انهرت و لقيت وحده صحبتي ع الشات معايا هي ماشاء الله جابت 99 و دخلت اسنان لان دي رغبة باباها المهم كلمتها و هي فعلا ما شاء الله مؤمنة جدا و قالت لي و كلمتني و بعدين قلت لها انا بس محتاجة شوية وقت عشان افوق م الصدمة لانها بجد صدمة عمري ما توقعتها ابدا و بجد كنت مخنوقة بالعايط لان عامة كل ما كنت اعيط اعيط بسكات من غير صوت فالمرة دي بقة رحت معيطة بصوت عالي جدا جدا و والله بعد ما سمعت كلامها عن حكمة ربنا و ان ربنا كاتبلي ان شاء الله خير حتى لو فين المهم العاملين اشتغلو مع بعض كانهم معادلة كيميا العياط و الكلام المهم تخرجي اللي جواكي لما نمت و قمت كانت عينيا ورما من كتر العياط بس حسيت علا براحة اكيد مش راحة قوي بس ارتحت جدا فانت كل اللي محتاجاه حد يتكلم معاكي و تعيطي او تخرجي اللي جواكي باي طريقة ان شالله تصرخي لان دة عامل نفسي مهم بريح جامد و بعد كدة تستني النتيجة التنسيق ع نار برده و ان اشاء الله هيجيلك علوم يا جميل كمان انا فعلا بقول لنفسي زيك بالضبط انا مكنتش بذاكر زي مثلا اوائل ث عام بس ع الاقل كنت بذاكر و انا عارفة نفسي اوكي فصدقيني انت كل اللي بتقوليه مر عليا و مش بقولك ان انا بقة بت متقية قوي و خلاص مزعلتش ع اللي راح و الله انا كنت زيك بس صدقيني كل اللي انت عايزاه انك تصرخي شوية بصوت عالي و لو خايفة حد يسمعك و يقول عليكي مجنونة يبقة عيطي بصوت عالي المهم تخرجي الحزن اللي مكبوت هي فكرة عبيطة قوي قوي جبتها من مسلسل the mentalist بس والله نفعت هههههههههه جربي و ادعيلي و استني التنسيق

لا من ناحيه الصراخ معملتهاش قبل كده بس كفايه انا الحمد لله دخلت علوم الزقازيق وانتى دخلتى علوم ايه جامعه ايه
وان شاء الله نبقى زمايل
تصدقى الامل مضعشى ده كان تايه شويه بس الحمد لله لقيناه
ههههههههههههه
المهم انا فعلا استمتعت واتشرفت بكلامك
وان شاء الله اشوفك بقى وجها لوجه لما الاقى نفسى والاقيكى معيده فى الجامعه ان شاء الله

[كيميائي طبي2011]

المشاركة الأصلية كتبت بواسطة بلالل

انا جامعة الزقازيق وفى احتمال احول عين شمس عادى لان لينا سكن هناك
انا ناو قسم كيميا وميكروبيولوجى او كيميا حيوى وميكروبيولوجى(وده مش موجود فالزقازيق)ا
ان شاء الله نبقى مع بعض فالدراسه طبعا ى الفيزيا كده
ابعتلى ميلك ياريس

قسم كيمياءحيوي وميكروبيولجي موجود في عين شمس

وده لينك علوم عين شمس فيه القسم

Microbiology/Biochemistry:
Under this program, the time is shared equally between microbiology courses and biochemistry courses. The unique combination of microbiology and biochemistry makes the graduates of this program very good candidates for working in medical laboratories and pharmaceutical companies


http://science-ainshams.com/Departme...logy_index.ASP

[Ahmed Magdy Beshr]

على فكره مجموع الكلية بيبقى حسب المتقدمين ليها يعنى علوم لما تاخد 81 معناها ان عدد المتقدمين عدد صغير و ليس هذا تقليل من شان الكلية

[Heartbeat]

المشاركة الأصلية كتبت بواسطة كيميائي طبي2011

قسم كيمياءحيوي وميكروبيولجي موجود في عين شمس

]

لو سمحت د/احمد..
هو قسم كيميا حيوى وميكروبيولوجى موجود فى علوم اسكندرية؟؟

[كيميائي طبي2011]

المشاركة الأصلية كتبت بواسطة habiba hamdy

لو سمحت د/احمد..
هو قسم كيميا حيوى وميكروبيولوجى موجود فى علوم اسكندرية؟؟

لا
موجود هناك كيمياحيوي بس
وموجود كيمياء و ميكربيولوجي

[Ezel]

الحمد لله على كل حال. !!
كتير مننا كان راسم لنفسه مستقبل وانه هيدخل ( طب / صيدله / هندسه ) !!!

وكتييييييييير مننا ضاع حلمه بسبب سياسه التعليم الفاشله !!!
وكلنا عارفين ان فى ناس داخلت كليات قمه ( مش حقها ) وفى ناس دخلت كليات اقل !!!!!
بس احنا مسلمين وعارفين ربنا كويس وعارفين ان ده ( نصيب / قضاء ربنا )
ولازم نرضى بيه ونقول الحمد لله ..

وف نفس الوقت عارف انه صعب اننا نعمل كدا !! بس والله دى حكايه وقت مش اكتر

انا كان حلم عمرى ادخل صيدله .. وفرقت معايا على حاجات بسيطه !
وجالى بيطرى .. حسيت ان الدنيا اسودت فى وشى وكرهت نفسى

بس رجعت وقلت لنفسى لو عملت كدا .. ابقى مش مسلم ولا اعرف حاجه عن دينى
ابقا معرفش يعنى ايه ربنا اختار ليا كدا !! فكرت تانى واستخرت ربنا ....
واكيييييد الخير فى الكليه اللى كل واحد مننا هيدخلها
.........................................
بالنسبه لكليه العلوم ,, بجد والله كليه رووووووعه بمعنى الكليه <<
علوم كليه قمه .. كفايه المجالات اللى فيها !!! >>

وان شاء الله خير >>
ولازم دايما نقول الحمد لله على كل حال ...... >>>

[H.H.KH]

المشاركة الأصلية كتبت بواسطة Ezel

الحمد لله على كل حال. !!
كتير مننا كان راسم لنفسه مستقبل وانه هيدخل ( طب / صيدله / هندسه ) !!!

وكتييييييييير مننا ضاع حلمه بسبب سياسه التعليم الفاشله !!!
وكلنا عارفين ان فى ناس داخلت كليات قمه ( مش حقها ) وفى ناس دخلت كليات اقل !!!!!
بس احنا مسلمين وعارفين ربنا كويس وعارفين ان ده ( نصيب / قضاء ربنا )
ولازم نرضى بيه ونقول الحمد لله ..

وف نفس الوقت عارف انه صعب اننا نعمل كدا !! بس والله دى حكايه وقت مش اكتر

انا كان حلم عمرى ادخل صيدله .. وفرقت معايا على حاجات بسيطه !
وجالى بيطرى .. حسيت ان الدنيا اسودت فى وشى وكرهت نفسى

بس رجعت وقلت لنفسى لو عملت كدا .. ابقى مش مسلم ولا اعرف حاجه عن دينى
ابقا معرفش يعنى ايه ربنا اختار ليا كدا !! فكرت تانى واستخرت ربنا ....
واكيييييد الخير فى الكليه اللى كل واحد مننا هيدخلها
.........................................
بالنسبه لكليه العلوم ,, بجد والله كليه رووووووعه بمعنى الكليه <<
علوم كليه قمه .. كفايه المجالات اللى فيها !!! >>

وان شاء الله خير >>
ولازم دايما نقول الحمد لله على كل حال ...... >>>

اتصدق انت اول واحد اسمعه يقول على كلية علوم انها حلوة ايوة كده فرحنى نفسي احس ان كليتي فى حد بيشكر فيها بدل نظرات الشفقة والعطف اللى بشوفها لما بقول لحد ان فى علوم
والله انا مكنتش بحبها نهائيا فى الاول ونفسيتي كانت تعبانة جداااااااا سنة اولى الترم الاول ومكنتش بكلم اى حد فى الكلية بس بعد كده خلاص اخدت عليها قدر ومكتوب
وحصلتلى فيها مواقف كتيييييييير عمرها ما خطرت فى بالى انها ممكن تحصلى انا بالتحديد فى يوم من الايام وعمرى ما كنت اتخيل انى ادخل الكلية ديه
بس بجد والله دلوقتى بقول الحمدلله ده قضاء ربنا ومش زعلانة اوى زى الاول
ف يعنى اللى جاتله الكلية ديه ميضايقش لان زعله مش هيغير حاجة وبالعكس والله هى مش كلية وحشة اوى كدا بس الناس هى اللى معقداها