|
||||||
| كليات المجموعة العلمية (الطب البشري - طب الأسنان - الطب البيطري - العلوم الطبية التطبيقية - العلاج الطبيعي - الصيدلة - التمريض - العلوم - الزراعة) |
 |
|
|
أدوات الموضوع | انواع عرض الموضوع |
|
#1
21-07-2014, 10:53 AM
|
|||
|
|||
كل ما تريد معرفته عن العلاج الطبيعى
السلام عليكم و رحمة الله و بركاته
بسم الله الرحمن الرحيم ((العلاج الفيزيائى او الطبيعى)) Physical therapy or Physiotherapy لكل واحد عايز يعرف عن العلاج الطبيعى و أهميته و هو بيدرس ايه ؟! و هل انت فعلا بتكون مدلكاتى و لا ايه  ؟! و لا هل العلاج الطبيعى دا علاج بالاعشاب  او علاج طبيعى دا كلية تربية رياضية  ؟! كلام كتير كدا هل انت فعلا بتاخد لقب دكتور ؟! و اسم المهنة المعترف بيه عالميا ايه ؟! و ليه اسمه العلاج الطبيعى او الفيزيائى طيب و ايه اقسامه ؟! طيب انا ممكن افتح عيادة ؟! طيب ممكن اكشف على المري و اكتب روشته ؟! ايه الفرق بين مجال العلاج الطبيعى و الطب البشرى ؟! طيب ايه المواد الى بتدرس فى العلاج الطبيعى ايه مميزات و عيوب المجال ؟! اسألة كتير ؟!و اخيرا عدم انتشار المجال او محدش عارف ايه هو العلاج الطبيعى ايه السبب ؟! طيب لكل واحد هيجيبله تنسيقه علاج طبيعى و هو مكنش عايزها ؟! ايه هى الدكتوراة المهنية فى العلاج الطبيعى DPT ؟! و هل فعلا العلاج الطبيعى المصرى ليه مركز عالمى و لا ايه ؟! انا فعلا بشوف عملى و بدخل مشرحة و بالبس البالطو الابيض و امسك السماعة و ابقى دكتور  و لا ايه ؟!كل دا انا هجاوبه و اى حاجة من اى حد داخل الكلية لسه ان شاء الله يسأل و انا هجاوب ؟!  
__________________
|
|
#2
21-07-2014, 11:57 PM
|
|||
|
|||
بصراحه بدون تحيز للمهنه بيطري ولا علاج طبيعي ؟؟
أنا قريت عن طب بيطري ومقتنع بيها الي حد ما .. انما علاج طبيعي مش عارف هحبها ولا لا ولا هاخشها وبعدين الاقي نفسي بقول ياريتني أنا كمان مرحله تانيه فبفرض احتمال انها يمكن تنزل مرحله تانيه
|
|
#3
22-07-2014, 12:22 AM
|
|||
|
|||
|
طيب انا هقولك كل حاجة عن العلاج الطبيعى و قارن ... على فكرة و بدون تحيز يمكن اكتر مجال ممكن تستمع بيه من مجالات الطب هو العلاج الطبيعى و صيدلة لذيذة برده
__________________
|
|
#4
22-07-2014, 12:32 AM
|
|||
|
|||
|
ايه هو العلاج الطبيعى او الاصح انى اقول ((العلاج الفيزيائى)) : هو اسمه كدا اصلا لأن بيتسخدم الظواهر الى حولينا الطبيعية فى العلاج الظواهر الفيزيائية يعنى .... و بوجع عام استخدام علم الفيزياء فى العلاج بيخلى الكلية ليها طعم تانى ... لما احنا بندخل كلية طبية بيبقى تركيزها الاكبر على الاحياء و معظمها حفظ و و و ... انما بالنسبة لعلاج طبيعى فهى تعتبر مجال وسط بتدرس احياء و فيزياء ... مادة زى العلاج الكهربى عندنا دى بتعالج بايه معظم علاجنا اصلا ((بقوانين الفيزياء الحديثة)) مثلا الاششة تحت الحمراء و الموجات القصيرة و الميكروية و الموجات فوق الصوتية و الليزر و الاشعة فوق البنفسجية و المغناطيس و موجات الصوتية و حاجة اسمها الارتجاع البيولوجى و علاج بالتيارات الكهربائية ... و كمان بنستعمل قوانين فزياء الموائع و درجات الحرارة ... زى مادة عندنا اسمها العلاج المائى ... دى بنستعمل قوانين الدفع و قوة دفع الماء مثلا فى العلاج زى قاعدة ارشميدس و مبدأ باسكال و قوانين الضغط و بنستعمل تأثيرات الحرارة زى حاجات منها شمع البرافين و حاجة اسمها الطين العلاج و العلاج بالموائع و غيرهم ... فى علا بالبردة او فيزياء التبريد ...
كفاية ان العلاج الطبيعى بتخرجك من واقع ان العلاج هو عبارة عن دواء كيميائى او عملية جراحية ... انا هقولك بعد كدا على حاجات مش هتصدق انها فى مجالنا اصلا ((زى نقط التحكم فى طاقة الجسم و غيرها او الى بيسموها نقاط الابر الصينية)) و على فكرة اكتر فرع بيعالج امراض الشلل الى معظم الناس مفكرة ان ملهاش علاج ((زى الشلل النصفى او غيره هو العلاج الطبيعى)) ايه رأيك فى الكلام دا الأول
__________________
|
|
#5
22-07-2014, 01:05 AM
|
|||
|
|||
|
تمام ... معلش علي تعبك
بس بم ان الموضوع استخدام ظواهر فيزيائية وتقنيات وكده ايه اللي يميز دكتور علاج طبيعي من دكتور علاج طبيعي تاني ؟ هوا الموضوع فيه تشويق كمان بس هل انا لو فتحت عياده هيكون صعب اني اجهز عيادته باجهزه بتستخدم التقنيات دي مش كده ولا ايه ؟
|
|
#6
22-07-2014, 01:16 AM
|
|||
|
|||
|
طيب انا هقولك كل حاجة ما دام انت عايز تعرف و الاقسام و الاجهزة و كله و هقولك برده ليه المجال مش مشهور شوية لسه ... ولا تعب و لا حاجة انت تؤمر
__________________
|
|
#7
22-07-2014, 01:34 AM
|
|||
|
|||
|
اقتباس:
-اولا موضوع العيادة دا مش صعب لأن فى اجهزة رخيصة و اجهزة غالية و مش هتفرق كتير اوى يعنى المهم مهارتك انت ...
فى 3 اساليب للعلاج فى العلاج الطبيعى : 1- دا يعتبر الاهم (( التمارين العلاجية therapeutic exercises)) دى مش تمارين رياضية لأ دى تمارين علاجية الفرق اننا فى علاج طبيعى بندرس مادة اسمها الميكانيكا الحيوية ((Biomechanics)) المادة دى بنطبق بيها قوانين الميكانيكا على الجسم بمعنى بعرف حركات الجسم المختلفة و القوة و ذراع القوة و المقاومة و حاجات كدا يعنى بالتالى بقدر اعرف الخلل فى حركة العضو ((و دى بشرى مش بيدرسوها)) و طبعا من خلال دراسة مادة ((التشريح)) و بتبقى انت عارف اتجاه العضلات و هى راحة فين و جاية منين بتقدر تعالج الضو دا من خلال تمارين معينة .... لأن فى امراض بتبقى جاية نتيجة حاجة اسمها الالتصاق او غيره من الامراض و التمارين بتقضى على الحاجات دى و من غير اثار جانية فالتمارين بتحتاج منك ممارسة جامدة و فهم تشريح و ميكانيكا صح و الا هيكون ملهاش لزمة.. 2-مادة العلاج الكهربى ((Electrotherapy)): فى بعض التمارين بتكون مؤلمة او المريض جاى مش قادر يحرك طرف من اطرافه من كتر الوجع احنا مش بنستعمل بقى مسكنات ادوية لأ ... احنا عندنا نظريات للألم و هى زى ما انت اخدت فى الاحياء و هتاخد بالتفصيل لو دخلت علاج طبيعى ان الالم دا اشارات او سيال عصبى ليها ممرات داخل النخاع الشوكى و المخ ... انا بقى باجى على نقط من الجسم بتعرفها و بقطع طريق الاشارات دى من خلال انى ببعت اشارات كهربة فى الاعصاب تقفل طريق اشارات الالم و بالتالى المخ مش بيدرك الالم و مش بيحس .. او طرق تانية كتير عندنا من الاجهزة دى جهاز مثلا اسمه الTENS .. طيب مثلا فى مريض عمل عملية جراحية لأن العصب بتاعه كان اتقطع فالجراح خيط العصب هو فعلا خيطه بس العصب لسه ملحمش او يعنى ملتأمش فمش بيوصل اشارات كويس عشان كدا العضلات بتتشل لأن الى بيحرك العضلات هى الاعصاب ... طيب لو العضلة دى فضلت مثلا سنة مش بتتحرك هيحصلها ضمور او موت الخلايا و بالتالى يحصل شلل فى الجزء دا لأ بقى انا (بالعلاج الطبيعى و بموجات الكهرباء) بقدر اخلى العضلة تنقبض من غير عصب و ميحصلهاش ضمور او ابدأ ازود باجهزة تانية سرعة التئام العصب و ازود توصيل العصب يعنى زى ما اكون ببعت اشارات كهربية للمخ و اقوله ركز العصب دا لسه بينقل فيبدأ المخ يدرك دا ... مثلا فى واحد عمل حادثة و كان فى عضلات يتعمل ثنى للذراع فالجراح اضطر انه يحط عضلة من الى بتعمل فرد للذراع مكان عضلة من الى بتعمل انثناء كدا بتلاقى المريض مش عارف يحرك العضلة دى لأن المخ مادركش الحركة الجديدة فبرده انا بنبه المخ و بعمل انقباض للعضلة عشان تبدأ الذراع تتحرك... 3- فى العلاج المائى ((Hydrotherapy)) : مثلا انا فى واحد مشلول و انا عملت برنامج علاج كهربى و تمارين و بدأ الشلل يقل يعنى بأ يحرك اطرافه بدرجة بسيطة بس مش قادر كدا بلجأ للعلاج المائى ... مثلا بنزله فى حوض سبحاة و بستغل قوة دفع الماء عشان تقلل من وزنه طبقا لقاعدة ارشميدس مثلا بخلى الماء تغمر لحد كتفه فبيقل وزنه 90% مثلا لو وزنه 100 كيلوا هيبقى كأنه 10 كيلو بس فى الماء!!!! و بالتالى لما هيجى يحرك اطراف جسم فى الماء هتتحرك بسهولة و اقدر اعمله برنامج التامرين فى الماء و كمان مع العلاج الكهربى لحد ما الشلل يروح .... و هكمل لسه بس انت اقتنعت بالحاجات الى فوق دا انا عارف انها غريبة بس ممتعة مش اى حد بيمارس العلاج الطبيعى صح هو المجال لسه جديد بس بس هيتشهر قريب
__________________
|
|
#8
22-07-2014, 01:43 AM
|
|||
|
|||
|
دا الموضوع طلع كبير
 انا مكنتش اعرف الكلام دا بصراحه . معاك .. بس لو تعبتك ممكن تكمل بعدين
|
|
#9
22-07-2014, 01:52 AM
|
|||
|
|||
|
لا مفيش تعب و لا حاجة ... ما هى مشكلة الكلية انها لسه مش معروفة المجال لسه حديث خالص مبقلوش 100 سنة و لا حاجة و طبعا مر بمراحل تطور كتير غير ان المجال مرتبط بالفيزياء الحديثة و القوانين الحديثة فحاجة جديدة لسه .... طيب هقولك و بالمرة ابقى اوبت على الاسألة الى فوق هكلمك عن الكلية و اقسامها و المواد الى بتدرسها و كدا
__________________
|
|
#10
22-07-2014, 02:06 AM
|
|||
|
|||
|
أولا العلاج الطبيعى دا نوع من انواع الطب ... و اسمه بره طب العلاج الطبيعى ... فى مهنة فى طب اسمها الطب الطبيعى و دى معتش معترف بيها عالميا اصلا ... بقى فى طب العلاج الطبيعى لخريج العلاج الطبيعى بس ...
((لقب دكتور)) احنا اول كلية بتاخد لقب دكتور فى كل الكليات الطبية لأنا احنا عندنا الماجستير و الدكتوراة عادى زى باقى الكليات لكن فى شهادة خاصة بالعلاج الطبيعى بس اسمها الدكتوراة المهنية dpt طيب دى لزمتها ايه ؟! المفروض ان المشكلة بتاع العلاج الطبيعى فى الأول كانت ان دكتور العلاج الطبيعى مش بيشخص تشخيص جزئى بمعنى ان الحالة تتحول ليه من الدكتور البشرى و بعدين هو بيحط برنامج العلاج و يشتغل ... انما بعد تطبيق الدكتوراة المهنية السنة لى فاتت دى ... دى عباةرعن شهادة بتاخدها فى سنتين بعد الكلية الى هى 6 سنين يعنى المجموع 8 سنين بس متتخضش انت بتاخد السنتين دول و انت شغال و بتقبض فلوس كمان ... و بكدا الشهادة دى بتديك حق ((التشخيص + كتابة الروشته)) فالبتالى انت كدا بتقدر((تشخص+تكتب روشته عادى+تطلب اشعة و غيره زى البشرى بالظبط + زيادة اساليب العلاج الطبيعى)) .... طيب انت بعد التخرج من الكلية بيبقى ليك تكليف و بتتوظف على طول و بعكس باقى الكليات انت كل المستشفيات محتاجاك لأن عددنا قليل جدا جدا جدا ... و انت ممكن تفتح عيادتين مش عيادة واحدة او نقول زى ما بشرى بيقولوا مركز مش فارقة كتير ... اسباب عدم انتشار الكلية : 1- المجال لسه حديث و لسه قدامه فترة و دى ميزة ان عدد الخريجين قليل و كمان انت لما بتفتح عيادتك المريض ملوش دعوة انت ايه المهم تعالجه ؟! طيب ايه الفرق بين الطب البشرى و العلاج الطبيعى؟! الطب البشرى بيدرس الاعضاء الداخلية بالتفصيل عننا زى القلب و الكبد و غيره ... و البشرى وظيفته التشخيص الكلى يعنى المفروض لو انا معرفتش اتعامل مع حالة معينة بحولها بعد الدى بى تى للبشرى عشان لو المريض هيتاج جراحة ... انما على فكرة ((وصف الدواء)) دا بتاع ((الصيادلة)) مش بشرى انما هى البلد ماشية بالمقلوب يعنى عادى ... العلاج الطبيعى اتنشأ اصلا عشان مشاكل الجهاز الحركى ((العضلات- الاعصاب-العظام-و ملحقاتهم)) و بعدين المجال اتطور و بقينا بنعالج الامراض الجلدية بالليزر او الاشعة فوق البنفسجية و كمان بقينا بنعالج مشاكل قبل و بعد الجراحة و كدا .... برده من ضمن عدم انتشار العلاج الطبيعى ((انه بيتحارب من الطب الطبيعى فى بشرى)) لما احنا طبقنا شهادة التشيص دى بدأت تحصل مشاكل كتير بس ما علينا ... طبعا بالنسبة للبالطو انت بتلبسه و كله تمام ... و من مميزات العلاج الطبيعى عن اى كلية تانية من الكليات الطبية ... ان بعد تطبيق شهادة الdpt احنا معادلين هنا للشهادة الامريكية و على عكس كل الكليات مبنحتجش معادلة عشان نسافر و احنا المركز ال3 على مستوى العالم فى العلاج الطبيعى ... اخر حاجة و انا كنت كاتبها قبل كدا هنقلها هنا هى اقسام الكلية و المواد و كدا كل حاجة تقريبا عن مجالنا
__________________
|
|
#11
22-07-2014, 02:09 AM
|
|||
|
|||
|
اولا المواد الى بندرسها فى سنة أولى 13 مادة ((عارف انهك كتير و اكبر من منهج بشرى فى أولى كمان بكتير)) انت بتدرسى 4 مواد من بشرى :-
تشريح .... مقارب لبشرى جدا جدا جدا ما عدا الاعضاء الداخلية هما بيدرسوها تفصيلا شوية علم وظائف الاعضاء..... بس برده منهج بشرى اكبر هنا بشوية حلوين علم الانسجة... و كتابنا فى اولى قد بشرى بالظبط بس الفرق ان دا منهج الهستولوجى كله بتاعنا هما نص منهج و لسه هيكملوا فى تانية علم الكيمياء الحيوية ... و برده مختصرة شوية هما مختصرين عشان احنا لسه عندنا مواد كتيييييييير جدا :- مواد علاج طبيعى زى : علاج كهربى و دى من اشهر مواد الكلية ...Electotherapy و دى عبارة عن علاج بالموجات زى الاشعة تحت الحمراء و فوق البنفسجية و الموجات فوق الصوتية و المغناطيس و الليزر و موجات الصوت و الكهرباء و الكهرباء ليها انواع كتير بس مش جلسة كهرباء بتوجع و تموت هههههههه لا دا عادى ... يعنى من الاخر المادة دى اساسها فيزياء و بعد كدا بندرس تأثير الجهاز على الجسم (فسيولوجى) و بنستفيد من ال(اناتومى او التشريح) انك تعرف المكان الى هتعاجله دا عامل ازاى ... علاج مائى Hydrotherapy: و دا برده بيدرس اساس فيزيائى و هو عبارة عن دراسة استعمالات الماء فى العلاج زى قاعدة ارشميدس و مبدأ باسكال و غيره فى تخفيف وزن الجسم فى الماء و عمل تمرينات عشان مثلا الناس الى عندهم شلل .... و بتدرس برده تأثير الحرارة و البرودة على الجسم .. فى مادة ثالثة بنستخدمها عندنا فى العلاج و دى هتاخديها فى تانية لو دخلتى جامعة القاهرة : التمارين العلاجية Therapeutic exercises و دى عبارة عن مادة اسمها تمارين علاجية استخدام التمارين فى العلاج..... برده من المواد الى هتدرسيها فى تانية (دا على حسب منهج الجامعات الحكومية) : الميكانيكا الحيوية Biomechanics و دى بنطبق قوانين الميكانيكا على الجسم او يعنى بنعرف استجابات الجسم و القوة و المقاومات و دى بتفيدنا جدا عشان نعرف الخلل فين و نعالجه ... من مواد اولى زى قوانين و اداب المهنة و مبادىء الجودة مواد من علوم زى : الفيزياء الحيوية Biophysics and Biology .... الاحياء دى بتدرسى فى حاجات بسيطة كدا او معلومات عامة .... انما الفيزياء الحيوية مهمة عشان تفهمى الكترو و هيدرو اكتر ((اصلا معظم كليتنا فيزياء او اساليب العلاج يعنى و من هنا جه اسم علاج طبيعى او علاج فيزياء على اساس ان علم الطبيعة هو الفيزياء)) فى مواد من اداب زى : علم النفس psychology و كمان هتدرسى كمبيوتر ( ويندوز سفن-وورد-اكسل-بوربوينت-اكسس-انترنت) و فى كمان اللغة الانجليزية(دى عبارة عن دروس و معلومات عامة و شوية جرامر صغيرين و مصطلحات طبية و سفكس و برفكس عشان تتوقع معنى الكلمة من غير ترجمة)
__________________
|
|
#12
22-07-2014, 02:10 AM
|
|||
|
|||
|
التخصص : دا بتبدأى تدرسى الاقسام من سنة ثالثة و دا على حسب النظام الحديث ((الى هو 6 سنين))
و تقريبا بقت سنين العملى الى هى الشغل فى المستشفيات من سنة ((4)) تقريبا ... انما عشان تتخصصى بتاخدى الماجستير زى بشرى و بالظبط ... و فى كمان الدكتوراة الفلسفية الى بعد الماجستير ... و عندنا دلوقت شهادة متطبقة من السنة دى اسمها ((الدكتوراة المهنية dpt)) دى بقى بناخدها بعد التخرج و دى على سب اجتهادك الشخصى ((من 2 ل 5 سنين بس المفروض انها بتخلص فى 2)) يعنى مجمل عدد السنين يعتبر 8 سنين انما انت بتاخدى الشهادة دى و انت متوظفة ... و دى بتدليك حق فى((التشخيص و كتابة الروشته)) يعنى دكتور العلاج الطبيعى مميز كدا عن كله لأنه ((بيشخص+بيكتب روشته+بيعالج)) كلية العلاج الطبيعى مش بتحتاج اى معادلة لأننا و بعد تطبيق الدى بى تى معادلين للشهاى الامريكية فممكن تسافر على طول من غير معادلة ... و زى ما قلت التخسيس دا مش قسم دى حاجة كدا بتتاخد زيادة بعد سنين الكلية و انت و مزاجك انما احنا عندنا 6 اقسام الى هما
__________________
|
|
#13
22-07-2014, 02:11 AM
|
|||
|
|||
|
1- قسم العلوم الأساسية للعلاج الطبيعي:دا بيهتم بدراسة المواد الاساسية زى التشريح و وظائف الاعضاء و باقى مواد طب و علاج كهربى و علم الامراض و غيرها...
2-قسم الميكانيكا الحيوية: بيدرس ميكانيكية الجسم و حركته و استجاباته و كدا ... و اول قسمين دول مش اقسام تخصص دول بيساعدوا الطالب فى الكلية بس 3-اضطرابات الجهاز العصبي والعضلي وجراحتها(قسم الاعصاب):و دا بيهتم بمشاكل الاعصاب و علاجها زى الشلل النصفى و الرباعى و الرعاش و غيرها و امراض كتير جدا فى الاعصاب ملهاش الا علاج طبيعى 4-قسم العلاج الطبيعى لاضطرابات مراحل النمو والتطور وجراحتها عند الأطفال(قسم الاطفال):و دا بيهتم بعلاج الاعقات الجسدية عند الاطفال بشكل جزئى او كلى 5-قسم العلاج الطبيعى لامراض الجهاز العضلي والحركي وجراحتها(العظام) : مشاكل العظام زى خشونة المفاصل و هشهة العظام و انخلاع الكتف و غيرها كتير ... و مشاكل العظام بعد الجراحة 6-قسم الجراحة و الحروق (التجميل و الجلدية): و دا بيهتم بعلاج مضاعفات بعد الجراحة و بيمنع حدوثها و مشاكل الجلدية بنعالجها بالاشعة فوق البنفسجية او الليزر زى حب الشباب و الصدفية و الاكزيما و غيرها ... غير لو فى حرق و كدا ممكن نعالجه بالليزر التجميلى ... 7-قسم العلاج الطبيعى لامراض النساء والتوليد وجراحتها(قسم النساء و التوليد): و دا مشاكل انقطاع الطمث و اللبن و امراض بعد الولادة او مشاكل بعد الولادة او مثلا الولادة القيصرية دا بتتقطع عضلات البطن فاحنا بنحوش اثر القطع دا و بنمنع تكون الكرش ... 8-قسم العلاج الطبيعي لاضطرابات الجهاز الدوري والتنفسي والمسنين(قسم المسنين و الى داخل تحته البطانة و مشاكل الجهاز التنفسى و الدورى): دا بيعالج امراض التقدم بالسن او بيتابعها و منها السكر و الشغط و حاجات كتير جدا و امراض الجهاز الحركى و غيرها ... -من افضال اقسام التخصص فى الكلية الاطفال و العظام و الاعصاب .. لأننا بعد كدا بندرس عظام و اعصاب و عضلات بالتفصيل عن بشرى بكتير و هو دا اساس شغلنا (مشاكل الجهاز الحركى) ... و العلاج الطبيع فى تقدم مستمر (احنا المركز ال3 عالميا)
__________________
|
|
#14
22-07-2014, 02:12 AM
|
|||
|
|||
|
و التخصص بيكون ليه تنسيق ... و بالنسبة لدراسة كل قسم لو دخلتى الكلية ان شاء الله ممكن تسألى فى مكان اسمه (وحدة الجودة) فى الكلية هيقولك على كل حاجة .... فى بعض المشاكل لو ربنا اكرمك و دخلتى الكلية لازم تعرفيها ...
اولا فى بعض المشاكل مع بشرى لاننا بقينا بنشخص و كدا و خاصة مجال الطب الطبيعى الى هو كان وظيفته التشخيص بس ... ممكن العملى ميتطبقش كتير و متدخلوش مشرحة كتير بس ممكن بتروجى تحضرى فى القصر العينى هناك لسه برده مش كل الاجهزة موجودة بسبب ضعف الامكانيات هنا فى مصر (ممكن تروحى تدربى فى مركز خارجى) .... الكلية الطبية زى بشرى و علاج و غيرهم صعبة و عايزه مذاكرة جامد خاصة فى اول سنة و كمان اللغة هتبقى جديدة و كدا .... يعنى اول سنة تشيدى حيلك اوى ... و بوجه عام نظام التعليم فى مصر فى الجامعات (قايم على الحفظ) و حفظت تجيب مجموع للأسف انما الفهم (ليكى و عشان لما تتخرجى تبقى حاجة كويسة) ..... و اخيرا مجال العلاج الطبيعى مشكلته الاساسية انه لسه مش مشهور محدش يعرف ايه العلاج الطبيعى اصلا فى مناطق كتير كل الى عارفينه شوية ياما يقولك طب اعشاب ؟! او تخسيس و دا غلط علاج طبيعى يعنى علاج فيزيائى بنستخدم الحاجات الطبيعة فى العلاج و قوانين الميكانيكا و الفيزياء فى العلاج .... اظن دا كل حاجة عن الكلية و ربنا يوفقك و التنسيق يجى كويس لأن احتمال الكلية تعلى الله اعلم هى فى الاخر حكاية عرض و طلب .... و لو حضرتك ربنا وفقك و دخلتى الكلية ممكن تبقى تتابعى معانا على الفيس بعد رمضان على جروب ... Physical therapy- first division -cairo university (2013 2014) .........و دا هنساعد فيه الدفعة الجديدة و ربنا يوفقكم اظن كدا كل حاجة عن الكلية تقريبا و الحمد لله
__________________
|
|
#15
22-07-2014, 04:46 AM
|
|||
|
|||
|
اظن كدا كله تمام و انا بطلب من مشرف القسم انه يثبت الموضوع ((للافادة لكل الى هيدخل الكلية و ان شاء الله اى تسائل عن كلية العلاج الطبيعى انا هجاوبة))
__________________
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 04:50 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
