إسرائيل تتقدم بالفيزياء ونحن بالفقهاء

[هانى الشرقاوى]

عرض شريط الأخبار منذ يومين خبرين لهما دلالة مرعبة، الأول «روسيا تشترى طائرات بلا طيار من إسرائيل»، والثانى «الهند تشترى قمراً صناعياً للتجسس من إسرائيل»!!، يا مثبت العقل، روسيا ثانى أكبر ترسانة عسكرية فى العالم تلجأ إلى إسرائيل التى أمدت جورجيا المنشقة بالسلاح، بلعت روسيا الإهانة الإسرائيلية والدعم الصهيونى لجورجيا، وقال رئيس أركانها نيكولاى ماكاروف: «منظومات الطائرات بلا طيار عندنا لا تلبى احتياجات العصر ونحتاج إلى إسرائيل»!،

والهند أ&atildtilde; برمجيات الكمبيوتر فى العالم التى اشتكى رئيس أمريكا من غزوهم لشركات الكمبيوتر الأمريكية، واستثناهم مستشار ألمانيا من شروط الهجرة القاسية، تستورد القمر ريسات -٢ بعد أحداث مومباى الإرهابية لأنه أدق الأقمار العالمية فى المراقبة الليلية.

السؤال كيف حدث التقدم الإسرائيلى؟، ليس بالمساعدات الأمريكية فقط، فنحن ودول النفط غرقنا «فلوس» ومساعدات ونفطا ودخلا قوميًا يعتمد على الريع لا على الصناعة، لكن أين ذهبت هذه الفلوس وكيف استغلت؟، العلم هو سر تقدم إسرائيل، وليس صدفة أن أول رئيس لها كان أستاذ كيمياء فى مانشيستر، هم اقتنعوا بأن التقدم فيزياء ونحن اقتنعنا بأنه فقهاء!، واقرأوا معى تلك الأرقام لندرك أين وكيف وصلوا إلى فرض تكنولوجيتهم على أكبر وأقوى دول العالم؟.

إسرائيل تصرف ٢٥٠٠ دولار على تعليم الفرد مقابل ٣٤٠ دولارًا عند العرب، وحجم الإنفاق على التعليم عند إسرائيل حوالى ٧% من الناتج القومى مقابل ٥% فى أمريكا و٤% فى اليابان، وهناك ١٣٩٥ عالمًا وباحثًا لكل مليون من السكان مقابل ١٣٦ لكل مليون فى الوطن العربى، وتخصص إسرائيل أكثر من ستة مليارات دولار للبحث العلمى بما يوازى أربعة ونصفا فى المائة من الناتج القومى، أما الوطن العربى مجتمعاً فيخصص مليارًا ونصف المليار تقريباً أى أقل من ثلاثة من عشرة فى المائة من ناتجه القومى!،

وإسرائيل هى الدولة الأولى فى العالم فى مجال النشر العلمى نسبة لعدد السكان، فعدد العلماء الناشرين للبحوث ٧١١% لكل عشرة آلاف نسمه ونسبة أمريكا ١٠%، فى رياض الأطفال الإسرائيلية كمبيوتر لكل طفل، أما عدد مستخدمى الإنترنت فهم خمسون ضعفاً بالنسبة لمستخدميه العرب، ونسبة الكتب المترجمة إلى العبرية ١٠٠ كتاب لكل مليون إسرائيلى، وفى العالم العربى ثلاثة كتب فقط لكل مليون عربى!!....... إلخ.

أرقام مرعبة ليس غرضها الانبهار أو الترويج للعقيدة الصهيونية حتى لا يتهمنى أحد بالتطبيع أو التسويق، ولكنه إقرار واقع وحقيقة، ولن ننتصر علمياً أو عسكرياً أو اقتصادياً عليهم بالدعاء من على المنابر، ولا بوصفهم بأحفاد القردة والخنازير، ولا بإنتاج داعية لكل مواطن وفقيه لكل بيت، ولكن بالعلم، الفريضة الغائبة يا أمة اقرأ التى كرر لها الرب نداءه أفلا تعقلون وتتدبرون وتفكرون، أتمنى أن نلبى النداء.

[احمد فاروق1991]

ويا ريتنا عندنا فقهاء كويسين الا ما رحم ربى

انتظرونا نحن فيزيائيوا المستقبل
( كلية العلوم قسم الفيزياء والرياضيات) جامعة الازهر

[هانى الشرقاوى]

المشاركة الأصلية كتبت بواسطة احمد فاروق1991

ويا ريتنا عندنا فقهاء كويسين الا ما رحم ربى

انتظرونا نحن فيزيائيوا المستقبل
( كلية العلوم قسم الفيزياء والرياضيات) جامعة الازهر

هههههههههههه
ان شاء الله يا أبو حميد
انت أدها ونصف

بس ايه ده يا ابنى
هو انت دخلت فيزياء ورياضة بحته
ههههههههههه ربنا يكون فى عونك
أنا بسمع عن القسم ده حاجات
صحيح
هو انت شعرك شاب ولا لسه
ههههههههههه

[هانى الشرقاوى]

الموضوع ده بينتقل هنا ليه
ايه علاقته بقسم الاخبار والتعليقات
ده مش خبر يا سيادة المشرف ( اللى نقل الموضوع )
ده مقال تحليلى للخبر ومقارنة بين اوضاع معينة فى ظروف معينة
ازاى يتحط هنا
أنا مش فاهم حاجة
يمكن أنا كون مش فاهم
حد يفهمنى

[ugy]

واللهى عندك حق والمشكلة وللاسف ان فى ناس كتير اوى فاكرانا حنحرر القدس بيارب اخسف بيهم الارض ويا رب ويا رب.......... ونعم بالله ياجماعة والدعاء واجب واساسى لكن طريقة دعاؤنا دى بقت تواكل مش توكل بدل ما ندور على الافعال اللى نساعد بيها بندعى يعنى الناس خدت اسهل طريقة للمساعدة عشان ميبذلوش مجهود وللاسف اللى بيحاول يبذل مجهود بيلف فى شوارع البلد ويمسك علم مقطط صغنون لاسرائيل او امريكا ويحرقة ........لا بصراحة اثر قوى حرق العلم اللى بيتحرق كل شهر من ساعة ماوعيت فى الدنيا فى حين ان الاربع ولا الخمس ساعات اللى حيلفهم فى الشارع لو قعد ذاكر فى بيتهم ممكن يبقى عالم فيما بعد لو بس اهتم بالمذاكرة ال5ساعات دول يا جماعة احساسنا بالقدس هو هو تقدمنا فى دينا ودنيتنا صدقنى حتنفعهم اكتر لو التزمت بدينك واتقدمت فى علمك دينا افعال مش كلام ودعاء بس

[ugy]

واللى معترض على كلامى يقنعنى ليه مش يقولي ليه معترض

[:: [ K A B B O W ] ::]

بص يا مان
الكلام اللى انت قولته كله فى قمة الجمال
بس فى شوية اعتراضات وملحوظات

انت ليه بتدخل الفيزياء مع الفقه؟؟؟؟؟؟؟

يعنى هم تقدموا لما اهتموا بالفيزياء والعلم والكلام ده كله جميل

بس احنا ممكن نتقدم بحاجه بسيطه اوى

بقول لسيدنا عمر "نحن قوم اعزنا الله بالأسلام فان ابتغينا العز فى دونه ازلنا الله "
انت عارف امتى سيدنا الفاروق قال الكلام ده ؟؟؟؟؟
قاله وهو ذاهب لتسلم القدس فاتحا لها
يا حبيب قلبى

الدين هو اللى يوصلنا للعلم والتقدم مش العكس

متتعجبش
ايوه
لو احنا التزامنا بالدين ونفذنا اوامر الله ورسوله
سنتعلم وسنجتهد
لان الله عزوجل امرنا بذلك وقال فى اشرف الكتب فى اول ايه نزلت منه " أقرأ"
وهى دعوة صريحة للتعلم

ومن السنه " طلب العلم فريضه على كل مسلم ومسلمه "
ولو فضلت تدور هتلاقى استشاهادات كتيره اوى فى الموضوع ده

وبالنسبه لموضوع ابناء القردة والخنازير فهذه حقيقه لان القران قال ذلك ولا حق بعد القران

فالفقه والدين هو الذى يوصلنا الى القمه وليس العلم وحده

وتذكر يا اخى ان اعظم علماء العرب

1-الخوارزمى فى الرياضيات الذى مازال اسمه يردد فى اكبر موسوعات الرياضيات حتى الان وهومؤسس علم الجبر
2- البيرونى العالم العظيم فى الفيزياء
3-ابووفا والعلماء المسلمين فى عصره الذين اسسوا علم حساب المثلثات مقدمى الدوال المثلثية السته "جا / جتا / ظا / ظتا / قتا / قا " ومن منا لا يعرف تلك الدوال ؟؟؟
4-ابوبركات (ابن ملكا ) أول من تكلم فى قوانين الحركه ( المسماه الان قوانين نيوتن الثلاثه للحركه ) واذا قلنا الحق سنجد انه هو من اسس تلك القوانين ووهو اول من تكلم عن الفضاء مع العلم انه لم يتحدث احد قبله عن هذا الموضوع ولو كان الاوربيون تدبروا كلام هذا العالم الجليل لم اخترعوا الاثير الذى اوقف مسيرة العلم زمنا طويلا واذا اردت ان ترى عظمة هذا العالم اقرأ كتابه اقرأ كتاب "المعتبر " له وستجد الكثير والكثير
5-و ................
6-و..................
7-و.............
لو ظللت ان اتكلم عن علماء المسلمين لن انتهى
ارايت عظمة هؤلاء هل تعلم ان كل هؤلاء كانوا فى الاصل علماء اجلاء فى الفقه بل اكبر علماء الفقه
وعندموا درسوا العلم الدينى علموا حكمة الله من خلقنا فتعلموا وابهروا العالم
يا أخى جزاك الله خيرا لا تستمع الا تلك الثرثرة هذه هى الهزيمة النفسية التى يحاولوا ان يملئوا بها نفوسنا نعم هم الافضل الان ولا ينكر احد ذلك لكن هم الافضل لا لانهم افضل الخلق واذكاهم وافضل من المسلمين لا هم مستواهم كما هو منذ قديم الازل هم لم يتقدموا لكن نحن الذين تاخرنا عودتنا الى القمة ليست بالصعبة
انا اسف على الاطاله لكن اردت ان اوضح وجهة نظرى
جزاك الله خيرا على الموضوع وارجو ان يكون هذا الموضوع محفذا لنا على العمل لا على التراخى والاستسلام
وااسف على الاطاله مره اخرى

[ريحانه من الجنه]

السلام عليكم

فى الحقيقه انا كنت هرد رد طويييل

بس جزاه الله خيرا الاخ
Tefa Kabbow

قال كل ما اريد قوله


شكرااا و جزاكم الله خيراا

[waeldont]

من الحكمه ان تعرف شئ عن كل شئ وليس من الحكمه ان تعرف فقط كل شئ عن شئ

[BaNZeR]

كلامك جميل اخ تيفا وجزاك الله خيراً

ويمكن هو كان يقصد إننا عاملين زي الفقهاء نردد الادعية وخلاص
ومفيش اي مجهود واقعي ننفذه
لكن طبعاً لازم الالفاظ في الدين تكون صريحة وغير ضمنية