التحويل لكلية اسنان

[doctor x]

سلام عليكم اولا

حبيت استشيركم .. انا طالب فطب عين شمس الفرقة الثانية

كنت حابب احول طب اسنان بسبب عدد سنين طب الكتير وصعوبه وكبر كم المنهج وان دلقوتي الباكلريوس مبيفيدش ايو لازم تخصص فهتزيد السنين اكتر واكتر والدراسة

حابب اعرف التحويل ازاي وهي ينفع ادخل سنة تالتة اسنان ع طول من السنة الجاية واشيل مواد الاسنان ولا النظام هيبقي ايه؟ ولو حد عنده تعليق على مشكتلي يتفضل يساعدني

شكرا لاهتمامكم

[chalijaly]

نفس مشكلتي لو رجع بيا الزمن كنت اخترت اسنان
لكن للاسف لو هنحول دلوقتي هترجع اعدادي علي اول السنه الجديده يعني بدال ماتبقي في 3 طب هتبقي في اعدادي اسنان وتضيع سنتين ع الفاضي
ارضي بما كتبه الله

[*تائبة فى رحاب الله*]

للأسف التحويل لطب أسنان من اى كلية بعد مدخلتها
بقى ممنوع ، معدوش هيقبلوا الا طالب ثانوية عامة
**
وبعدين حضرتك قضيت سنتين فى طب بشري اهه وعدوا بسرعة الخمس سنين الجايين هيعدوا بردة
بس حاول تستفيد بأكبر قدر منهم ، الأسنان فيها شغل ومذاكرة زيها زي طب
بس طب مجالاتها اوسع مش بتحددك بتخصص معين
توكل على الله وكمل كلية طب
بلاش تضيع اكتر من كدة فى البلد دى لو هتحول من الكلية يبقى حول لحاجة برة مصر
لانك كدة بتروح من سيء لسيء وتضييع عمر ووقت ع الفاضي
حاول تحب الكلية ،، دكتور عندنا كان بيقول لو عاوز تحب الكلية
انزل فى الاجازة الطواريء او اى مستشفى عام وروح ادخل عمليات مع الدكاترة اقف واتفرج اتعلم
شغل الاستقبال واقف هناك هتحب الكلية )
بيقول قلت الكلمتين دول لطلبة قبل كدة قريب قابلت واحد قال له يا دكتور انا عملت بنصيحتك وانا رايح استلم تعيينى اهه رغم انه كان جايب فى اولى مقبول وفى تانية امتياز تحت التسعين ^^

كلنا كرهنا الكلية وحطمتنا وانا اول واحدة كنت رفضاها وليلة كل امتحان بفكر جديا اسيب التعليم
بس مفيش غيرها يعنى d:
ربنا يعينك