العلاج الطبيعى بين الماضى والحاضر والمستقبل المأمول

[DPT-Blue Phoenix]

" العلاج الطبيعى بين الماضى والحاضر والمستقبل المؤمول باذن الله "




بداية_ظهور_وسائل_العلاج_الطبيعى_فى_التاريخ


- ونبدأ بجملة شهيرة أوى #لروبرت_شيستاك (Robert Shestack) مؤلف كتاب (Hand Book of Physical Therapy) ✋

.. الكتاب دا نزل منه 3 اصدارات الاصدار الاول سنة 1967 والاصدار الثانى بعدها بعشر سنين سنة 1977 والاصدار الثالث سنة 1980 قال بالنص كدا ☺☺ :

(( إن العلاج الطبيعي يعرف الآن بأنه #الأقدم و #الأحدث في مجال الطب الممارس :O
يعد الأقدم لأن الرجل البدائي الذي استلقى تحت أشعة الشمس ليستفيد من تأثيرها المعقم والحراري، كان يمارس ما يسمى حاليا بالعلاج المناخي. وكذلك فإن الرجل الأول الذي عمل حماما مائيا لجرحه في روافد أحد الأنهار لإزالة الألم ، كان يمارس ما يعرف في وقتنا الخالي بالعلاج المائي . أما الأحدث فلأنه بدأ خلال الأربعين إلى الخمسين سنة الماضية يصبح مميزا وجزءا مكملا للمعالجة المنتظمة ))

- طيب هو بنى كلامه على انه الأقدم والأحدث على اساس ايه ؟!

- عشان نعرف ليه الوسائل دى هى الأقدم لازم نرجع لورا بالذاكرة
- ودلوقت هنعمل فلاش باك ونرجع حوالى بتاع 5000 سنة بس
ونقف هنا

1- أول ظهور للعلاج الطبيعى فى التاريخ يعتبر على نقوش ومخطوطات القدماء المصريين زى ما ظاهر فى الصورة كانوا بيستعملوا بعض وسائل #العلاج_اليدوى Manual Therapy وكمان استخدموا الحرارة Heat والحمامات المائية Hydrotherapy واشعة الشمس فى العلاج Ultraviolet :O

2- ونشوف عند الصينيين انهم استخدموا المواد الطبيعية والفيزيائية لتقليل الألم وتحسين الوظائف والصحة فمثلا استخدموا #المساج_العلاجى والشد Medical Massage and traction من سنة 3000 قبل الميلاد !!!!! وهى من وسائل العلاج اليدوى المستخدمة فى العلاج الطبيعى حاليا

3- مش بس كدا لأ كمان بدأت تظهر بعض أساليب #التمارين_العلاجية Therapeutic exercises بشكل علمى من سنة 1800 قبل الميلاد

4- وتم وصف بعض وسائل العلاج الطبيعى سنة 460 قبل الميلاد بواسطة #ابقراط الملقب بابو الطب وأول الأطباء الى دونوا الطب وخلصوه من بعض الأساطير وهو اشهر الأطباء اليونان فى التاريخ :O

5- بعد كدا ظهر #جالينوس طبيب وفيلسوف يونانى ونظرياته الطبية فضلت مستعمله فى الطب لمدة حوالى 1300 سنة كاملة وكان بيستعمل بعض تقنيات العلاج اليدوي و العلاج المائى والحرارى =D

6- وسائل العلاج المائى كمان موجودة كمان فى مخطوطات الاغريق وانها كانت بتستعمل زى الاستفادة من آثار الحمامات المائية الساخنة فى العلاج :P

- بعد كدا هنطلع بالذاكرة تاااااااانى بعد اكتشاف الكهرباء بدأ استعمال أول التيارات الكهربية فى العلاج سنة 1600 ميلادية =D

- وبالشكل دا هنلاحظ ان كل وسائل العلاج الطبيعى الى هنتكلم عنها بعد عنها سواء العلاج اليدوى أو التمارين العلاجية أو الوسائل الفيزيائية ظهرت من فترات طويلة جدا فى التاريخ بل انها كانت معروفة قبل معرفة باقى وسائل الطب واخرها فى الظهور الى ظهرت مع اكتشاف الكهرباء هى العلاج بالتيارات الكهربية سنة 1600 ميلادية والى اتطورت بعد كدا لوسائل العلاج الكهربى المعروفة حاليا =D


--------------------------------------------------------------------------------------------


ظهور_العلاج_الطبيعى_الحديث_فى_أوربا


- فى الموضوع الى فات شوفنا ازاى ان العلاج الطبيعى يعتبر الأقدم لأن وسائل العلاج الطبيعى كانت مستخدمة من قبل التاريخ لكن امتى مهنة العلاج الطبيعى الحديثة ظهرت ؟!

- دا بالظبط بدأ فى سنة 1894 لما حاولت 4 ممرضات بريطانيات انهم يساعدوا بعض المرضى على استعادة بعض الوظائف الى فقدوها ( التأهيل ) من خلال بعض التمارين العلاحية وبعد كدا قاموا بتأسيس جمعية للعلاج الطبيعي والتي عرفت ب Chartered Society of physiotherapy واللوجو بتاعها موجود فى الصور تحت ✋

- بعد كدا فى سنة 1913 تم إنشاء قسم للعلاج في جامعة أوتاجو Otago الموجودة في نيوزيلاندا New Zealand ☺☺

- ولحد سنة 1940 كان بيقتصر العلاج الطبيعي على العلاج باستخدام #التمارين_العلاجية و #المساج_العلاجى و #الشد Therapeutic exercises, Medical Massage and traction

- لكن خلال #الحرب_العالمية_الثانية ( 1939 - 1945 ) بدأت المهنة تتطور بسرعة رهيبة بسبب تزايد حالات #اصابات_النخاع_الشوكي وعشان كدا .

- هنلاقى ان #العلاج_اليدوي Manual Therapy بدأ فى 1950 وفترة الخمسينات بوجه عام ودا كان بيشمل بشكل خاص تحريك العمود الفقرى والمفاصل Joint and spine mobilization and manipulation .. وخاصة فى بريطانيا

- وعلى الجانب الآخر بدأت الوسائل الفيزيائية ( العلاج الكهربى والمائى ) تتقدم بشكل سريع جدااااا بسبب تقدم التكنولوجيا وبدأت تستخدم فى التأهيل والعلاج

- وفى نفس السنة 1950 بدأ العلاج الطبيعي يتوسع ويشمل قطاعات صحية تانية غير المستشفيات زى مراكز التأهيل ودور المسنين وعيادات العظام والمجتمع المحلي والمراكز الطبية ومراكز التأهيل والشيخوخة والمدارس وغيرها :O

- وبناءا على ذلك تم انشاء #الاتحاد_الدولى_للعلاج_الطبيعى سنة 1951 فى المملكة المتحدة وهو منظمة غير ربحية هدفها خدمة العلاج الطبيعى وكان الأول عبارة عن اتحاد 11 منظمة من استراليا وكندا والدينمارك وبريطانيا العظمى ونيوزلاند وفنلندا والنرويج وأفريقيا الجنوبية والمانيا الغربية والسويد والولايات المتحدة الأمريكية .. بعد كدا الاتحاد دا تطور وشمل 112 منظمة وكمان يمثل أكتر من 350 الف دكتور علاج طبيعى .. وأول اجتماع تم فى لندن سنة 1953 .. والاتحاد دا بيحتوى على اكتر من منظمة فرعية بتختص بفرع معين من العلاج الطبيعى وهما :

1- Animal practice .. العلاج الطبيعى للحيوانات ونشر كتاب سنة 1967 عن العلاج الطبيعى للأحصنة
2- International Federation of Orthopaedic Manipulative Physical Therapists .. المهتمية بالعلاج اليدوى وتحريك المفاصل واتأسست سنة 1974 وفى نفس السنة بدأ التخصص فى مجالات العلاج الطبيعى المختلفة وبشكل خاص مجال #العظام
3- International Acupuncture Association of Physical Therapists .. أماكن الوخر بالابر ودا اتعمل سنة 1991 وبقى جزء من الاتحاد سنة 1999
4- International Society for Electrophysical Agents in Physical Therapy (ISEAPT) .. ودا الى بيختص بالوسائل الكهربية الفيزيائية واتعمل سنة 2011
5- International Confederation of Cardiorespiratory Physical Therapists (ICCrPT) .. دا مهتم بتخصص القلب والصدر للعلاج الطبيعى واتعمل سنة 2011
6- International Organization of Physical Therapists in Mental Health (IOPTMH) .. ودا مركز على دكاترة العلاج الطبيعى المهتمين بالطب النفسى والصحة النفسية فى 2011
7- International Neurological Physical Therapy Association (INPA) .. مهتم بتخصص الأعصاب
8- International Association of Physical Therapists working with Older People (IPTOP) .. مهتم بتخصص المسنين
9- International Organisation of Physical Therapists in Paediatrics (IOPTP) .. مهتم بتخصص الأطفال
10- International Private Physical Therapy Association (IPPTA) .. دا للدكاترة المهتمين بنطاق البحث العلمى القائم على دليل وما الى ذلك
11- International Federation of Sports Physical Therapy (IFSPT) .. المهتم بتخصص الاصابات الرياضية
12- International Organization of Physical Therapists in Women's Health (IOPTWH) .. المهم بتخصص صحة المرأة

- وفى سنة 1993 فى برشلونة فى اسبانيا منظمة the International Laser Therapy Association (ILTA) و منظمة the International Society for Laser Application in Medicine (ISLAM) اتحدوا وكونوا ما يعرف ب The World Association for Laser Therapy (WALT) ودى المنظمة الى بتهتم بالأبحاث والدراسة والتطبيق لوسائل العلاج الضوئى الى بتشمل أجهزة الليزر والموجات فوق البنفسجية وغيرها من وسائل العلاج الضوئى والليزر حصل على موافقة صحية سنة 2002

- اخر حاجة احب اتكلم عنها بالنسبة للعلاج الطبيعى فى أوربا ان فى 2016 السنة الى احنا فيها دى زى ما ظاهر فى الصورة ال3 (( هناك اتفاق على نطاق أوروبا جعل أخصائيي العلاج الطبيعي والأطباء البشريين شركاء #متساويين في تقديم رعاية صحية عالية الجودة ! )) مبنحبش نتكلم عن نفسنا كتير :P

----------------------------------------------------------------------------------------------------


العلاج_الطبيعى_فى_أمريكا


- اتكلمنا فى الموضوع الى فات عن تاريخ ونشئة العلاج الطبيعى فى أوربا 󾌾 المرة دى هنتكلم عن بدايته فى أمريكا والقصة تبدأ من هنا : 󾌰󾌰

1- بدأ العلاج الطبيعى فى أمريكا #بكلية_ريد في #بورتلاند بولاية #أوريغون في الولايات المتحدة الأمريكية سنة 󾭟 1914 󾭟

2- لما بدأت #الحرب العالمية الأولى ( 1914-1918 ) أدت إلى أصابة عدد كبير من الجنود فقام عدد من الجراحين في الولايات المتحدة الامريكية ببعت عدد من المتدربين ل #انجلترا_وفرنسا لتعلم العلاج الطبيعي لمعالجة الجرحى والمصابين من الحرب وعمل التأهيل اللازم ليهم . 󾆪

3- ولما ازدادت الحاجة لدكاترة العلاج الطبيعى فى سنة 1917 تم #إنشاء_وحدة_خاصة_بالعلاج_الطبيعي في المستشفيات الأمريكية والعلاج الطبيعي في بداياته كان بيقوم على بعض النساء الامريكيات الى كان ليهم مساهمة قوية وفعالة في الارتقاء وتطوير المهنة في الولايات المتحدة الامريكية 󾮟

4- بعد كدا فى سنة 1921 تم نشر #أول_بحثٍ_علمى في مجال العلاج الطبيعي ورغم انتهاء الحرب العالمية الأولى فضلت الحاجة الشديدة للعلاج الطبيعي ومع دخول المهنة في مختلف المجالات والتخصصات الطبية المختلفة كان لابد من تعريف العلاج الطبيعى بشكل أكبر عن طريق انشاء جمعية خاصة بيه وبالفعل تم انشاء أول جمعية للعلاج الطبيعى فى الولايات المتحدة سنة 1921 والى سميت ب " الجمعية الامريكية النسائية للعلاج الطبيعي "
American Women’s Physical Therapeutic Association
وانتخبت أول رئيسة وكان اسمها "#ماري_ماك_ميلان " وفى نفس السنة صدرت أول مجلة للعلاج الطبيعي وكان اسمها P.T Review ✨✨

5- بعد كدا فى سنة 1922 اتغير اسم الجمعية إلى
American physiotherapy Association
برده اتغير اسم المجلة ل تغير اسم المجلة ل
Physiotherapy Review

6- فى سنة 1924 the Georgia Warm Springs Foundation شجعت مؤسسة جورجيا وارم سبرينجس المجال بأنها روجت للعلاج الطبيعي كعلاج لحالات شلل الأطفال ( المقصود دورنا فى تأهيل حالات الشلل )

7- وخلال فترة الحرب العالمية الثانية ( 1939-1945 ) وما بعدها ازدادت أهمية العلاج الطبيعي وبناءا عليه فى سنة 1951 تم تغيير اسم الجمعية إلى
“American Physical Therapy Association(APTA) “
المعروفة حاليا برابطة العلاج الطبيعى الأمريكية الى هى زى النقابة عندنا كدا فى مصر 😎

و كمان بقى اسم المجلة “ Physical Therapy Journal “ 󾰛󾌾
.
8- في سنة 1980 وفترة الثمانينيات أدى تطور التكنولوجيا بشكل كبير لتطور الوسائل الفيزيائية Electrophysical Modalities ( وسائل العلاج الكهربى والمائى ) فى أمريكا وتطور وسائل التأهيل وبدأت تدخل أجهزة حديثة زى الموجات فوق الصوتية وغيرها من الوسائل .󾍘

9- واخيرا في عام 1990 ازداد الاهتمام #بالعلاج_اليدوي Manual Therapy فى أمريكا بشكل كبير بدأ يدرس في الولايات المتحدة الامريكية ..
وفي 1991 ميلادية تم انشاء جمعية خاصة بالعلاج اليدوي سميت ب
“American Academy of Orthopedic Manual Physical Therapy (AAOMPT)”
وساهمت بدور كبير فى توسع ونشر العلاج الطبيعى .✊󾮞

10- العلاج الطبيعى فى أمريكا طبقا لموقع U.S News فى سنة 2015 كان هو المهنة رقم 6 بين أفضل 100 مهنة فى أمريكا وانه رقم 5 فى نفس السنة بين ال Healthcare jobs وانه من أعلى المهن فى العائد المادى فى 2015 فى تصنيف الولايات المتحدة !!!

11 - واخر تطورات المهنة فى 2016 ان دكتور العلاج الطبيعى بقى من حقه انه يطلب ويقرأ #الأشعة وطبعا من حقه ال Direct access ان المريض يروحله مباشرة بدون تحويل من طبيب بشرى دا متطبق من فترة طويلة فى أمريكا . 󾌸

-----------------------------------------------------------------------------------------------


العلاج_الطبيعى_فى_مصر


- مصر كان ليها الصدارة فى الوطن العربى والشرق الأوسط كله بالنسبة للعلاج الطبيعى =D وقدرنا ودا فى حد ذاته انجاز ان مصر تواكب الدول المتقدمة أمريكا وأوربا ويكون ليها الصدارة فى مجال متميز زى العلاج الطبيعى والقصة تبدأ من هنا

1- أولا بدأت دراسة العلاج الطبيعى في مصر سنة 1945 تحت اشراف منظمة الصحة العالمية WHO لخريجي وخريجات #معاهد_التربية_الرياضية .. مصر طبعا أم الدنيا =D سيبنا المجال الطبى كله وبعتنا التربية الرياضية بما انه كله تمارين :P

2- وبعد كدا بدأ إعداد الكوادر اللازمة للتخصص سنة 1956 بأن كان فيه بعض البعثات الخارجية لأمريكا وبريطانيا وألمانيا ✊

3- فى سنة 1958 بدا تطبيق نظام #البعثات_الداخلية لخريجي وخريجات معاهد التربية الرياضية العالية لدراسة مكثفة #لمدة_سنتين بعد كدا اتجه التفكير لإنشاء المعهد العالي للعلاج الطبيعي ودا طبعا كان لازم هيحصل لأن العلاج الطبيعى حاجة مختلفة تماما وهو مهنة صحية Healthcare job فى العالم كله

4- وعشان كدا فى سنة 1962 عملوا العلاج الطبيعى #بشكل_مؤقت كشعبة من المعهد العالى للتربية الرياضية .. واتعمل بشكل مؤقت لحين انشاء معهد منفصل للعلاج الطبيعى فى مصر

--- ومن هنا تعتبر #البداية_الحقيقية_للعلاج_الطبيعى_فى_مصر وهوووووووبا دبل كيك =D

5 - فى سنة 1969 بقى #المعهد_العالى_للعلاج_الطبيعى #معهد_مستقل

6 - بعد كدا فى سنة 1976 انضم المعهد لجامعة القاهرة .. وبقت الدراسة فيه 5 سنين

7- وفى سنة 1992 صدر القانون الجمهورى رقم (( 20 )) بتحويل المعهد العالى للعلاج الطبيعى #لكلية تابعة لجامعة القاهرة ..
وبقت كلية العلاج الطبيعى جامعة القاهرة #الكلية_الوحيدة من نوعها فى مصر والبلاد العربية واصبحت الرائدة فى مجال العلاج الطبيعى .. وكان انجاز اننا نضيف مجال حقق كل دا فى العالم ونواكب العالم فى التقدم وندخل مجال العلاج الطبيعى بالشكل دا فى مصر ✊

7- فى سنة 1994 القانون رقم (209) قرر مجلس الشعب انشاء #النقابة_العامة_للعلاج_الطبيعى مقرها القاهرة .. ودلوقت حديثا عندنا مبنى قديم للنقابة .. ومبنى جديد فعلا يعنى حاجة تشرف فى التجمع الخامس ✊

8- بعد كدا فى سنة 2013 تم زيادة عدد سنين كلية العلاج الطبيعى جامعة القاهرة ل 6 سنوات .. 5 سنين دراسة + سنة امتياز .. وتم استحداث درجة الدكتوراة المهنية للعلاج الطبيعى Doctorate of Physical Therapy or DPT ..وتم انشاء كلية العلاج الطبيعى جامعة كفر الشيخ وكلية العلاج الطبيعى جامعة بنى سويف وحصلت كلية العلاج الطبيعى جامعة القاهرة على الاعتماد وجودة التعليم سنة 2014 وتوالت الكليات وتم افتتاح كلية العلاج الطبيعى جامعة جنوب الوادى 2015 لحد ما بقينا 11 كلية 4 حكومى و 7 خاص لحد دلوقت ولسه هتفتح كليات جديدة ان شاء الله .. وبقى عندنا شهادات كتير تقدر تحصل عليها بعد التخرج منها الدبلومة والماجستير والدكتوراة الفلسفية والدكتوراة المهنية والزمالة وغيرهم .. وطبعا ما زال المجال فى تقدم نحو تحويل الدى بى تى الانتقالية Transitional DPT الىEntry-level DPT عشان نكون بنواكب أعلى الأنظمة فى العالم وهو النظام الأمريكى

والعلاج الطبيعى فى مصر حاليا هو يعتبر #الثالث ✊ بعد أمريكا وكندا من حيث عدد الساعات الدراسية الى بيدرسها أى طالب علاج طبيعى فى العالم

#ملاحظة : #للرد_على_المشككين :P

- يطلع واحد من دول يقولك يا عم العلاج الطبيعى شوف كان نشأته فى مصر كشعبة من تربية رياضية نقوله .. وفى مصر كان بدل دكتور النساء والتوليد مثلا داية ؟! وكان بدل الطبيب بوجه عام حلاق الصحة ؟! وكان الناس بتخلع سنانها من غير دكتور اسنان والطب البيطرى كان غير متواجد اصلا ؟!

- غير كدا بقى انه لحد قبل سنة 1938 كان الطب البيطرى والصيدلة مع كلية الطب البشرى كلهم تحت مسمى كلية الطب وبعد كدا بدأوا ينفصلوا ويكون فى كلية صيدلة وكلية طب بشرى وكلية طب بيطرى وهكذا .. أى مجال جديد بياخد فترة عشان ينشأ ومش مهم انت كنت ايه المهم انت ايه دلوقت ✊


#Amr_Elsareih
#اعرف_عن_العلاج_الطبيعى_2
#يومك_طبيعى