للى نفسه يحقق حلمه ومش عارف

[بس مش انا]

إزاى تبدأ من جديد وتكون انسان سعيد ؟؟؟!!
ممكن ...الكلام ده بجد ؟؟؟؟؟

كل واحد فينا حاسس بلعنة الفراعنة فى حياته فى مذاكرته فى شغله فى كل حاجة ونفسه انه يتخلص من الهم الكبير ده
نفسه ينجح ويعيش عادى فيها حاجة دى ؟؟؟؟
لكن المشكلة تحس انك متكتف ومش عارف تعمل حاجة
طب هى السعادة فين وهيحصل حاجة ولو بقيت سعيد؟؟؟ يعنى القيامة هتقوم مثلا ؟؟؟ والا هدخل النار؟؟؟؟
طب اعمل ايه انا عملت كل حاجة بس بجد مافيش فايدة

بص يابوب الحبوب الأول ماينفعش تقرأ البوست ده من غير ماتطبق اللى هقولك عليه
عشان تعمل الصح لازم زى الكمبيوتر تفرمت كل القديم بتاعك اللى جواك ...حلو وحش فورمات مش دليت
لازم تنزل نسخة جديدة على نضافة وطبعاً انت مستعجل عشان تكمل البوست لأ لازم النهاردة بالليل تسهر لحد ماتفرمت كل اللى جواك ماينفعش تقول بعدين،ولو هتقعد يومين مش مشكلة انت كده كده بتضيع وقت ومكتئب والعلاج الصح هيجيب نتيجة مبهرة
تخيل كده واحد عنده جرح فيه خراج ومليان صديد ..اعمل ايه ؟؟؟؟؟
الصح انى افتح الخراج الأول وافضيه وياخد مضاد حيوى محترم وبعدين اقفل الجرح غير كده اسمه عك

زمبؤلك كده البوست مالوش لازمة لو ماطبقتوش بالحرف الواحد

معاك كشكول وقلم وتكتب الأتى:
فالأول:
كل اللى مضايقك كل اللى مزعلك كل اللى خانك وجرحك كل شخص وحش فى حياتك أو عمل معاك موقف مهما كان.... هتكتب اسمائهم كلهم واحد واحد ،وبعدين تكتب قصاده سامحتك لوجه الله وبعدين تشيله من دماغك ولو شفته كأنك أول مرة تشوفه ( فاقد الذاكرة للشخص ده )

الثانى:
كل موقف خلاك تتنرفز أو تعيط أو تتضايق هتكتبه وتكتب قصاده: الحمد لله قدر الله وماشاء فعل إنا لله وإنا اليه راجعون ،اللهم أجرنى على مصيبتى خيراً واخلفنى خيرا منها (وماتفكرش فيه تانى مهما حصل )

الثالث:
كل كلمة اتقالتلك وكانت وحشة وسببتلك ألم نفسى أو عدم ثقة بالنفس هتكتبها وتكتب قصادها فى ميزان حسناتى ان شاء الله


الرابع:
هتفرمت كل حاجة وحشة عملتها معصية / كلام فى التليفون خروج مع بنات/أولاد (للبنات) /أغانى / كذب م سخرية/ استهزاء /عقوق والدين ؟؟
طب ازاى ...؟؟؟؟؟
أوعى تشك أن ربنا بيغفر أو يتوب أو يسامح لأ وبيبدل السيئات حسنات مهما كانت الرسول بيقول:" التائب من الذنب ..ماله ؟؟؟ كمن لاذنب له
الخامس :
فرمت كل حاجة انت فاكر انها بتفرحك الفيس / النت / الحب/ الأغانى / الخروج / الأفلام /الفرجة ع التلفزيون/ العادة السرية....... مش مهم انك بعده كده تعملها بس ماتربطش فى دماغك ان دى اللى بتفرحك طب ليه ؟؟؟
لأن فى حاجة جواك اسمها العقل اللاوعى :ده مسئول عن العادات اى حاجة بتفرحك بتتخزن فيه ،و بعدين مجرد ماتتضايق يطلعلك الحاجة دى ويطلبها منك ولو مش وقتها ولو ماعرفتش تعملها يفضل دماغك مشغول بيها (لأنك رابطها انها بتفرحك) وبعدد كده ممكن ماتعرفش تتخلص منها، وتلاقيك كل شوية تعملها غصب عنك بعد ماتقعد تحلف وتعاقب نفسك وبعدين تعملها تانى

وده مش بيخليك تركز ولا تذاكركويس ولا مبسوط لأنك ماينفعش تعمل الحاجات دى على طول ،لكن للأسف جواك هى دى اللى بتفرحك !!!!!
لأنها هتتحكم فى المخ فيفرز هرمونات تغير خريطة جسمك ومخك وتركيزك وتفكيرك وقدراتك لحاجة انت مش عامل حسابها ومش وقتها خالص فتتخنق لأنك يا أمور
لا لبيت رغبات عقلك اللاواعى ولا لبيت رغبات (نفسك) عقلك الواعى بالمذاكرة وتدخل فى الدوامة اللى انت فيها ؟؟
البوست ده مش للقراءة ده للتطبيق وماينفعش تحكم عليه إلا لما تطبقه

خد بالك احنا كده فرمتنا الناحية النفسية اللى كانت مطلعة عينك
نبدأ بأه ننزل الويندوز الجديد
الأول :
هتكتب أنت مخلوق ليه ؟ عشان تعبد ربنا بس فلازم لازم
هو كل حاجة جواك بجد هو الحافز ليك هو مصدر سعادتك هو كل اهتماماتك يعنى انك تصح تصلى الفجر لأنك بتحب ربنا مش عشان تصحى بدرى وتذاكر ،،
وبعد كده هتذاكر إرضاءً لله مش تقضية واجب والسلام
وكل حاجة فى حياتك هتتغير لأن ربنا هيبقى كل اهتماماتك

تبدأ تصلى صح ؟ يعنى ايه ؟؟
الأول هتفرمت كل اللى تعرفه عن الصلاة وكل الصلاة اللى صلتها وتبدأ تصلى من جديد بس بتصلى ليه ؟

بص مش هاعرف أوصفلك ان علاجك كله فى الصلاة بس مش اللى احنا بنصليها خاااااااااااااالص لأ
الصلاة دى معناها أن ربنا بينده عليك تقف بين ايده عشان تنزه وتقدسه وتتزلل له غير كده مااسمهاش صلاة يعنى تحس بكل تسبيحه وهى طالعة من قلبك على قد ماتقدر
يعنى بداية يومك الصلاة
يعنى فى الدرس هصلى فى وقتها مش هاقول اصل المية ساقعة ولما أروح
وخد بالك احنا فرمتنا شخصك القديم فمش هتلاقى أعذار تقدمها عشان ماتصليش عشان ماتذاكرش عشان ماتبقاش مبسوط وناجح

ولو فى حاجة جواك (أعذار/أو عادات زى الفيس أو الأغانى/ أو التلفزيون لسه إدمان ) يبقى مافرمتش صح
ولسه فيه فيروسات ومحتاج فورمات مش دليت عشان نمسح مصدر الفيرس
وماتناقش نفسك فى البوست ده عشان ماتقولش :
أصل هياخد وقت
ده كلامى نظرى
ده كلام قديم
جرب وهتشوف الفارق
طب ليه يعنى ؟؟؟؟؟
أصل احنا كده غيرنا مابأنفسنا وربنا بيقول:" وماكان الله ليغير مابقوم حتى يغيروا ما بأنفسهم "
ها مصدق ربنا والا بتشك فيه ؟؟
مصدق والا مش مصدق والا بتشك فى قدرته وكلامه ؟؟؟؟
ماتتكلمش طبق وفورمات من غير كلام
صدقنى لو مش جد فى كلامك انك تبقى كويس هتبقى
زى واحد بيعمل فورمات ووقف قبل ما يخلص لسه فيه ملفات قديمة ماعملهاش فورمات

خليك واثق فى ربنا وابدأ ووالله ربنا صادق لما قال:" وماكان الله ليغير ما بقوم حتى يغيروا ما بأنفسهم"

ماتنسوش تدعولى ولوالدى بالرحمة والمغفرة وماتستخسرش انك تدعي لو سمحت
د.محمد

[بس مش انا]

عفوا :
تصحيح الاية : " إن الله لا يغير ما بقوم حتى يغيروا ما بأنفسهم "

[fun2020]

جزاك الله خيرا.. ربنا يجعله ف ميزان حسناتك ياااااااارب