اخطاء علمية في امتحان احياء ثانوية 2012

[مستر حسين شاكر]

السادة الزملاء مدرسي الاحياء ارجو لفت نظركم الى خطأ علمي تكرر ظهوره في امتحانات الاحياء للثانوية العامة وهو مسألة DNA حيث تعطي المسألة جدول به (دي ان ايه مزدوج ) ويطلب منه نسبة اليوراسيل في ( الرسول ) وذلك يستحيل علميا لأننا لا نعلم كمية الادينين في شريط( دي ان ايه القالب ) مقارنة بكمية ( دي ان ايه في الشريط المقابل )

في امتحان 2012 يقول A=26.5 T=26.5 C=23.5 G=23.5 والمطلوب نسبةاليوراسيل في mRNA المنسوخ من DNA ولا يمكن ذلك لأننا لا نعرف كيفية توزيع الادينين على الشريطين ولا يقول احد ان تلك الاقام تعبر عن شريط مفرد لان تساوي نسب القواعد تدل على DNA المزدوج وانا متأكد ان نموذج الاجابة يعطي الاجابة الصحيحة 26.5 %
اطلب تعليقات السادة مدرسي الاحياء

[mr.mag!c]

انا كتبتله نفس الكلام ده فى الورقه وكنت متضايق اوى وفى الاخر عملتها 13.25 بعد ما فضلت متحير منهم لله

[zz123]

انا عملاه كده

[DoctorM]

المشاركة الأصلية كتبت بواسطة mr.mag!c

انا كتبتله نفس الكلام ده فى الورقه وكنت متضايق اوى وفى الاخر عملتها 13.25 بعد ما فضلت متحير منهم لله

اعتقد الاجابه 26.5 موش 13.25

[Mohamed pepo]

بصو كده
بتاعت ماذا يحدث رقم 4 اللي هي اختفاء الكيوتيكل
انا كتبت توقف عملية النتح الكيوتيني صح ولا ايه

و كمان السؤال السادس فسر رقم 4

بتاعت العبور
انا كتبت
يحدث تغير في الصفات بنسب محدودة تتناسب مع المسافة بين الجينات علي الصبغي حيث ان تبادل الجينات يتم بين الكروماتيدات الداخلية فقط وليس كل الصبغي وبالتالي ينتج نسل به نسبة كبيرة تشبة الاباء ونسبة صغيرة تحمل صفات جديدة

هااا

[babagamil]

ياعم صح وربنا اهدلا بقى

[نجوى إبراهيم]

على فكرة وجة نظر حضرتك صحيحة بس طريقة السؤال تحكم علينا ان شريط dna مفرد لذلك الاجابة 26.5
والله أعلم

[EhabFathi]

أحلى حاجة اللي ساب السؤال الخامس كله وحل الخمس أسئلة الباقيين لأنهم بدون مشاكل تقريبا

[Mustafa Elsayed]

المشاركة الأصلية كتبت بواسطة mr.mag!c

انا كتبتله نفس الكلام ده فى الورقه وكنت متضايق اوى وفى الاخر عملتها 13.25 بعد ما فضلت متحير منهم لله

انا كتبت 26.5 عادي و اخدت خط و قولت حل اخر 13.25 لان ال mrna ينسخ من شريط واحد فقط (مع دي كمان غلط لان مش ضروري نسبة الادينين ف الشريط الواحد تكون نصف الموجودة ف اللولب ) حد فاهم ؟؟؟

[sozo_2020]

اظن انها هتبقى اقل من26.5 لان mRNA مش هينسخ الشريط كله و بعدين فى اول الجدول قال النسبه المئويه للقواعد فى (جزيئات ) dna مش فى الاشرطه؟؟؟

[Boody2]

والله انت خبيييييييييييييييير
انا عملت الاجابتين
الاول عملت 26.5
وقومت عامل اعادة للنقطة دي بس
قولت يستحيل علميا تحديد نسبة اليوراسيل

[مستر حسين شاكر]

الحمد لله ان اولادنا الطلاب فاهمين المنهج ومش حافظين بدليل ان الاسئلة دى ما تعديش عليهم وخلاص بس يا ريت الكلام ده يوصل المسئولين عن وضع الامتحانات

[Noureleslam]

يا حماعة هذه نسبة وليست كمية
بعني 26.5 من القواععد علي mrna

[محمد محمد شعيب]

وبردك فى سؤال رسمة الجهاز التناسلى الانثوى لما طلب مكان الاخصاب لو اعتبرنا ان رقم واحد بتشير للقمع يبقى ده مخالف لكتاب المدرسة لان القمع فى الكتاب المدرسى السهم عند الزوائد الاصبعيه ولو اعتبرنا ان رقم اتنين تشير لقناة فالوب فلة قسمن قناة فالوب ثلاثة اجزاء يبقى رقم اتنين تقع فى الثلث الثانى مش الاول وبعدين انا عايز اسال سؤال هو المبيض بيبقى نصه فوق قناة فالوب واالنصف الثانى تحت قناة فالوب ذى ما هو جايب فى الورقه

[minhooo]

طبعا هذا خطأ علمي فادح وأنا مع حضرتك في أن الذي وضع الامتحان شكله مش فاهم dna وربنا يصبرنا علي واضعي الامتحانات