أين خرجى المعلمين فى تلك الاحداث الجارية

[ابوسمرة88]

ارجو من الاخوة الافاضل المعرفة بموقف الزملاء خريجى المعلمين من تللك الترقيات الجديدة هل يكون لهم نصيب فيها ام لا ولكم جزيل الشكر

[Gamal 2005]

ان شاء الله سو ف يترقون لأنهم الخبرة والبركه فيهم ان شاء الله وهم اساس العملية التعليمية

[hamada_fg2003]

مازالت الامور غير واضحة

[مصطفى محمد السيد عامر]

خريجى المعلمين ليس لهم ترقية اطلاقا فى اللائحة التنفيذية ( وكيل - مدير ) يشترط الحصول على مؤهل عال تربوى يعنى اتركنا على الرف وحنفضلوا ندرسوا الى المعاش ماسكين الطباشيره مع العلم ان دبلوم المعلمين هم اكفا المعلمين فى المرحلة الابتدائية لاننا كنا من افضل الطلبة المتميزين ودخلنا المعلمين بمض ارادتنا ونعلم اننا سوف نكون معلمين للمرحلة الابتدائية فهذا ظلم بين فنحن نطالب الوزير بتسويتنا بالمؤهل العالى فى الترقيات حيث ان مؤهلنا قد الغى من زمان فهذا حقنا ولو نرفع امرنا للقضاء وان شاء الله حنكسب او يسمح لنا الوزير بالتكملة لمدة عامين فقط تاهيل جامعى وليس اربعة سنوات - الرجاء من كل المعلمين (دبلوم معلمين)عدم السكوت على هذا الظلم الفادح الى ان ناخذ حقنا

[sobhy333]

والله ومن غير مغلط فى حد لو شفتوا 6من المؤهلات العاليا (تربية لغة عربية) متجمعين عند معلم اللغة العربية خريج دور المعلمين عندنا فى المدرسة بيشرح لهم (نحو) هتزهلوا وتشكوا ان هؤلاء مؤهل عال خريجى دور المعلمين والمعلمات دول علماء ودول حجر الزاويه فى التعليم الابتدائى بس الدولة اللى دخلت لهم المؤهلات العليا فى 93 وانا اتفق مع زميلى العزيز ان خريجى المعلمين والمعلمات هم الاساس بس للاسف لو كانوا مدخلوش الكادر كانوا حطوا الوزارة فى حسبة برما لان فى قوانين كتير فى صالحهم بتنظم ترقيتهم لحد درجة وكيل وزارة بس الكادر ده كان لعبه لئيمة للتخلص من حاجات جميلة كتير والشعار ده مرفوع من زمان (انت مستريح فى ايه اقرفك فية) ياخساره لو الكل سمع الكلام ومجراش ورا ال200جنية وكنت تشوف هيربطوا الترقيات ازاى بالكادر والله مكان حد هيعرف منهم يعمل حاجه

[ابوسمرة88]

أقدم شكرى وتقديرى للاخوة الافاضل على اهتماهم بالرد عليا وندعو الله ان نأخذ حقنا قبل خريجى الجامعة لاننا احنا الاساس فى العملية التعليمية ونتمنى لكم التوفيق

[صفوت داود]

ان القانون 155 لسنة 2007 م مادة المؤهل العالى يجب ان تنطبق على مايتم بعد تاريخ صدورة واذا تضرر اى احد من القانون لة الحق الطعن فى مايصدر من تطبيق القانون
اما من حيث الدبلوم التربوى فقد استثنى القانون مادة 71 الموجودين فى الخدمة عند اصدار القانون من هذا الشرط لذا يجب رفع قضية عاجلة مجلس الدولة لان عدم ترقية الحاصلين على دبلوم معلمين مخالف القانون خاصة فى المرحلة الابتدائية
لذا يجب التكاتف ورفع قضية قضاء مستعجل او مجلس دولة او عدم دستورية وللمحامين اساليب كثيرة وانتم تعلمون ان مشرفى الانشطة بتحركهم الجماعى والقانونى حصلوا على حقهم

[منعمتوفيق]

ايه الأخوة والأخوات هذاالكلام انا شفته بعينى الأخوة خريجى دبلوم تمريض 3سنوات رفعواقضية ليتساووووووو مع خريجى المؤهلات العليا تمريض لأن طبيعة العمل واحدة وكسبواالقضية وان شاءالله سأرفع لكم من القرار والله والله الكلام ده صحيح
فمن حقنا ايضا ان نتساوى مع المؤهلات العليا
وانا دبلوم معلمين90+ تأهيل تربوى وعلى الدرجة الفنية زيكم

[teachertefa]

السلام عليكم /ياجماعة الموضوع ده مش سهل. ودى حقوقنا ولازم نطالب بها .لأن مش معقول بعد ما قدمناه خلال سنوات خدمتنا . يصدر قرار عشوائى بحرماننا من الترقيه وبالشكل المهين ده.لازم يكون فيه حل.ولازم صوتنا يوصل لوزير التربية والتعليم

[مصطفى محمد السيد عامر]

الاخوة الزملاء الافاضل/ الموضوع ده عايز تنظيم وعايز محامى كبير زى طلعت السادات مثلا/ وعايز خطاب يوجه الى كل عضو من اعضاء مجلس الشعب يحتوى على القانون 155 وعلى (يثتثنى القائمون بالعملية التعليمية)فكيف ياتى المفسرون العباقرة فى اللائحة التنفيذيةويلغون القانون اللى وقع عليه رئيس الجمهورية واعضاء مجلس الشعب ويقولوا اللائحة التنفيذية بتقول لازم الوكيل والمدير يكون مؤهل عال/ يااخونناالقيادة الصح شخصية قويةدون النظر الى المؤهل وبعدين يعملوا لنا امتحان للترقية والكل يدخل وشوفوا خريجو المعلمين / انتم ناسيين ان هما اللى علموكم وعلموا احمد زويل وكل علماء مصر/ انتم ناسيين ان كل الدول العربية كانت تتهافت عليهم قبل مجىء د/ احمد فتحى سرور وزيرا للتعليم/ منك لله يا د| احمد فتحى سرور انت اللى الغيت المعلمين وخليتها فى الارض/ المفروض كنت ساويت بين المعلمين والمؤهلات العليا طالما الغيتها/ يكفينا فخرا اننا دخلنا المعلمين بارادتنا ولكن اى واحد عين بالمرحلة الابتدائية فهو جاى غصب عنه كان نفسه يكون دكتور ولامهندس ولاحتى مدرس اعدادى وياعينى ماعرفش الرجاء من الاخوة الافاضل التنظيم فى رفع القضية بالتساوى مع المؤهلات العليا طالما دور المعلمين الغيت ربنا معنا جميعا حتى نحصل على حقنا

[عبده شراقة]

هل من المعقول ياسيادة الوزير بعدأن أرقى لوظيفة مدير من 8سنوات وباقى لى 3سنوات على المعاش ان كان لنا عمرأ رجع للتدريس تانى (حسبى الله ونعم الوكيل ) فيك وقى اللى حوليك وإن شاء الله قبل ماتطبق الكلام ده تكون فى البايباىىىىىى

[عبده شراقة]

ياسيادة الوزير (ال..........)وليس ( الجمل) و الحدق يقهم

[ragheb71]

يعني ايه خريجي دور المعلمين بيشرحوا لخريجي الجامعة لغة عربية هذا غير صحيح خريجي الجامعة اكتسبوا خبرة كبيرة واصبحو
افضل كتير من خريجي دور المعلمين وبعدين المرحلة الابتدائية مهمة جدا في كل دول العالم ومدريسيها من اعلي المدرسين اعدادا وتدريبا ولو كنا عايزين نطور التعليم لازم يكون مدرس الابتدائي يكون معاه ماجستير او دكتوراه مش اخره مدرسة المعلمين
يا جماعة الي اتعامل مع قيادات من التعليم الابتدائي وهم من خريجي دور المعلمين هيعرف معني كلامي فيه فرق كبير بينهم وبين الاعدادي ادو فرصة للناس خريجي الجامعات يمكن حال التعليم الابتدائي يتعدل

[عبدالرحمن جلدة]

فعلا العملية ليست جا معة ولا دبلومولكن الا ستعداد فى خريجى جامعة غير قادرين ولكن هنا ك منهم ايضا جها بزة اما خريجى المعلمين ليسوا جميعا جها بزة ولكن منهم ايضا لايصلح ان يكون مدرسا

[sobhy333]

المشاركة الأصلية كتبت بواسطة ragheb71

يعني ايه خريجي دور المعلمين بيشرحوا لخريجي الجامعة لغة عربية هذا غير صحيح خريجي الجامعة اكتسبوا خبرة كبيرة واصبحو
افضل كتير من خريجي دور المعلمين وبعدين المرحلة الابتدائية مهمة جدا في كل دول العالم ومدريسيها من اعلي المدرسين اعدادا وتدريبا ولو كنا عايزين نطور التعليم لازم يكون مدرس الابتدائي يكون معاه ماجستير او دكتوراه مش اخره مدرسة المعلمين
يا جماعة الي اتعامل مع قيادات من التعليم الابتدائي وهم من خريجي دور المعلمين هيعرف معني كلامي فيه فرق كبير بينهم وبين الاعدادي ادو فرصة للناس خريجي الجامعات يمكن حال التعليم الابتدائي يتعدل

اسمها دور المعلمين والمعلمات مش مدرسة منت معذور كنت صغير محضرتش ايام العز