سؤال محير ؟؟؟

[سوسوكاتى]

افتراضي
السلام عليكم ورحمة الله وبركاته
كان عندى سؤال محير بالنسبالى فى باب العناصر الانتقالية
دلوقتى هو بيقول إن السلسة الانتقالية الأولى تبدأ من السكانديوم Sc وتنتههى بالخارصين Zn
وبعدها بشوية قال ان الخارصين ليس عنصر انتقالى لان اوربيتالات المستوى d فيه ممتلئة سواء فى الحالة الذرية او حالة التأكسد
ولما جه يتكلم على خواص العناصر الانتقالية تناول فقط التسع عناصر الأولى من السلسة الانتقالية لحد النحاس ومجابش سيرة الخارصين
مش دى الحتة اللى فيها المشكلة
كان فى سؤال جاى فى كتاب الامتحان 2016 صفحة 19 السؤال 10 رقم 5
نص السؤال يقول
النيكل والخارصين من العناصر الانتقالية, اذكر :
أ- خاصية واحدة يتشابه فى العنصران
ب- خاصيتين يختلف قيهما العنصران

المهم السؤال ده جالى فى امتحان الدرس وانا لما جيت اكتب الخاصية المتشابهة قلت انهم فلزات انتقالية تمتاز بأنها صلبة وجيدة التوصيل للحرارة والكهرباء ولها درجة انصهار وغليان مرتفعة
المهم المدرس بتاعى بيقول ان الاجابة دى غلط لأننا لا نعتبر الخارصين انتقالى فلما نيجى نقول التشابه بين العنصرين نقول ان كلاهما بيستخدم فى طلاء العناصر الفلزية لحمايتها من الصدأ والتآكل
ولما بصيت فى إجابات كتاب الامتحان لقيته مجاوب السؤال نفس إجابتى بالظبط
فأنا كنت عاوزة أعرف من أساتذتنا الأفاضل فى المنتدى ايه الصح ؟؟؟
وعاوزة اعرف ليه بنحسب الخارصين فى السلسلة الانتقالية الأولى وهو لا يعتبر انتقالى ؟؟
وهل كده يعتبر ان السؤال محطوط غلط عشان هو كاتب فى أول السؤال "النيكل والخارصين من العناصر الانتقالية " ؟؟

معلش طولت بس بجد عاوزة إجابة عاجلة وشافية فى الموضوع ده

[nada33]

في فرق بين ان العنصر من العناصر الانتقالية وإن العنصر انتقالي ..انتقالي هنا معناها خاصية معينة بتميز العنصر ودي اللي درسناها ..بمعنى أصح الخارصين محطوط مع العناصر الانتقالية في الجدول بس هو مش انتقالي تبعا للخاصية الانتقالية فأنا مع المدرس بتاعك في الرأي ..يارب أكون أفدتك

[المحلاو]

يقال للخارصين انه عنصر من الفئة d وليس عنصر انتقالى.. كما يطلق على مجموعة الخارصين اسم عناصر
مابعد الانتقالية.... اخيراً كتاب الامتحان ليس هو المرجع الاخير ؟؟؟؟؟؟؟؟؟؟؟؟

[محمد عبد السلام عواد]

تمت الإجابة عليه نرجو عدم تكرار الأسئلة
بإختصار

• الخارصين يوجد ضمن عناصر السلسلة الإنتقالية الأولى ولكنه ليس عنصر انتقالي
• أمتا صيغة السؤال غير دقيقة وكان الأفضل أن يقول النيكل والخارصين من عناصر السلسلة الإنتقالية الأولى أو من عناصر الفئة d
  
• أما من حيث الإجابة : فالسؤال من الأسئلة التي تحتمل إجابات عديدة ولكن الخطأ في إجابتك أنك قلت كلاهما عنصر انتقالي

الإجابات الممكنة
أوجه الشبه بين النيكل والخارصين
كلاهما صلب
كلاهما يستخدم في طلاء المعادن لحمايتها
كلاهما من عناصر الفئة d
كلاهما له حالة تأكسد +2 مستقرة
كلاهما يكون سبائك
كلاهما موصل للحرارة والكهرباء
كلاهما من الفلزات
كلاهما يتميز بكثافة عالية
كلاهما يحتوي أربعة مستويات طاقة رئيسية
كلاهما ينتهي بالمستوى الفرعي 3d

الخلاصة هذا عيب سؤال

[سوسوكاتى]

المشاركة الأصلية كتبت بواسطة محمد عبد السلام عواد

تمت الإجابة عليه نرجو عدم تكرار الأسئلة
بإختصار

• الخارصين يوجد ضمن عناصر السلسلة الإنتقالية الأولى ولكنه ليس عنصر انتقالي
• أمتا صيغة السؤال غير دقيقة وكان الأفضل أن يقول النيكل والخارصين من عناصر السلسلة الإنتقالية الأولى أو من عناصر الفئة d
  
• أما من حيث الإجابة : فالسؤال من الأسئلة التي تحتمل إجابات عديدة ولكن الخطأ في إجابتك أنك قلت كلاهما عنصر انتقالي

الإجابات الممكنة
أوجه الشبه بين النيكل والخارصين
كلاهما صلب
كلاهما يستخدم في طلاء المعادن لحمايتها
كلاهما من عناصر الفئة d
كلاهما له حالة تأكسد +2 مستقرة
كلاهما يكون سبائك
كلاهما موصل للحرارة والكهرباء
كلاهما من الفلزات
كلاهما يتميز بكثافة عالية
كلاهما يحتوي أربعة مستويات طاقة رئيسية
كلاهما ينتهي بالمستوى الفرعي 3d

الخلاصة هذا عيب سؤال

شكرااا جزيلا أستاذى وبعتذر عن عمل موضوع مخصوص للسؤال .. عشان فكرت ان كده هيبقى الرد أسرع
وبجدد شكرى لحضرتك على الإجابة على أسئلتنا وربنا يجعله فى ميزان حسناتك بإذن الله

[سوسوكاتى]

المشاركة الأصلية كتبت بواسطة المحلاو

يقال للخارصين انه عنصر من الفئة d وليس عنصر انتقالى.. كما يطلق على مجموعة الخارصين اسم عناصر
مابعد الانتقالية.... اخيراً كتاب الامتحان ليس هو المرجع الاخير ؟؟؟؟؟؟؟؟؟؟؟؟

شكرا لحضرتك وفعلا كتاب الامتحان مش مقياس او مرجع لان اكيد فيه أخطاء ولو بنسبة بسيطة

[عبدالناصر صديق]

ولكن لماذا وضع الخارصين مع عناصر هذه السلسله على الرغم من انه غير انتقالى ؟
الاجابه لانه وقعت الكتروناته فى المستوى الفرعى 3d مثل عناصر السلسله الانتقاليه الاولى

[محمود حبي]

الله ينور يا استاذنا الفاضل