اختيار اوائل الثانوية العامة ..

[Funny fish]

السلام عليكم ..
انا طالبة في تالتة ثانوي السنادي حصلتلي ظروف واجلت 4 مواد ودلوقتي قررت اني مش هادخل اي امتحان ..
دلوقتي انا اعتبر راسبة مش كدا ؟!
طيب هل السنة الجاية لو جبت مجموع عالي يحق ليا اطلع من الاوائل ولا لا ؟

مستنياكم

[باسم هانئ]

انا أعتقد تقريبأ أيوه ، لأن كان ف سنة قبل كده ناس كانت مأجلة السنة
و طلعوا من الاوائل ، مش عارف عشان تقريبا كانت سنة فراغ ولا لأ
بس المفروض من حقك لو جبت درجة تؤهلك تكون من الأوائل ، أكيد مش هيمنعوك

[Good Citizen]

نفس الحال . حدثت لى ظروف ، بس أنا العكس
انا كنت فاكر انى مش هحضر الامتحانات
بس أنا لسه عارف انى ممكن امتحن مواد و أأجل مواد
و احتفظ بالدرجات الفعلية ،
مع الأسف انى مش عارف أى حاجة فى أى مادة حتى ف اللى هختارهم عشان امتحنهم
لأنى قررت ماروحش الامتحانات من فترة
بس الأسهل انى أمتحن ألمانى و كيميا ( أسهل ، و ف اخر الجدول )
و كان نفسى اخد كمان العربى ، بس لو كنت عرفت من بدرى شوية
كنت لحقت أذاكر عربى ، الحمد لله
و السنة الجاية : رياضة ، فيزيا ، English و للأسف معاهم العربى

[Funny fish]

المشاركة الأصلية كتبت بواسطة good citizen

نفس الحال . حدثت لى ظروف ، بس أنا العكس
انا كنت فاكر انى مش هحضر الامتحانات
بس أنا لسه عارف انى ممكن امتحن مواد و أأجل مواد
و احتفظ بالدرجات الفعلية ،
مع الأسف انى مش عارف أى حاجة فى أى مادة حتى ف اللى هختارهم عشان امتحنهم
لأنى قررت ماروحش الامتحانات من فترة
بس الأسهل انى أمتحن ألمانى و كيميا ( أسهل ، و ف اخر الجدول )
و كان نفسى اخد كمان العربى ، بس لو كنت عرفت من بدرى شوية
كنت لحقت أذاكر عربى ، الحمد لله
و السنة الجاية : رياضة ، فيزيا ، english و للأسف معاهم العربى

طيب تزنق نفسك ليه ماتاخدهم براحتك السنة الجاية وتبدأ تشد حيلك من دلوقتي

[سلمة بن الأكوع]

لو سمحت في واحد زميلي النهاردة حل النحو بس وساب باقي الفروغ
يعمل ايه علشان يأجل المادة دي ( ايه الاجراءات )
ارجو الافادة ضروري

[Funny fish]

لا انا معرفش صراحة .. انا اجلت قبل ما ادخل الامتحانات .. ماعرفش بقا اذا كان ممكن تاجل بعد ماتمتحن اولا ماعرفش فعلا

[Eco esraa feps]

عادى جدا موضوع الاوائل ده انا اجلت قبل كده وطلعت من الاوائل ع المدرسة عادى
ولو قصدك ع الجمهورية يبقى عادى برضو ماتخافيش

[hady3]

funny fish احنا ممكن نعمل جروب ولا حاجة انا بردو اجلت مش هخش ولا مادة وبصراحة انا حالتى النفسية سيئة جدا وكل الناس بتقولى انت متخلف عشان اجلت السنة دي عشان الامتحانا سهلة وكدا وكل منزل الشارع كلو يقولى كدا وانا بصراحة مش عارف اعمل اية

[Funny fish]

المشاركة الأصلية كتبت بواسطة دوك اسراء اوف لاين

عادى جدا موضوع الاوائل ده انا اجلت قبل كده وطلعت من الاوائل ع المدرسة عادى
ولو قصدك ع الجمهورية يبقى عادى برضو ماتخافيش

ربنا يطمنك ادعيلي بقا
:*

المشاركة الأصلية كتبت بواسطة hady3

funny fish احنا ممكن نعمل جروب ولا حاجة انا بردو اجلت مش هخش ولا مادة وبصراحة انا حالتى النفسية سيئة جدا وكل الناس بتقولى انت متخلف عشان اجلت السنة دي عشان الامتحانا سهلة وكدا وكل منزل الشارع كلو يقولى كدا وانا بصراحة مش عارف اعمل اية

انا بعاني من نفس الحالة والحمدلله انا اتخطيت المرحلة دي .. لو في مجال ياريت تكلميني خاص نتفاهم

[اتعلمت ولسه بتعلم]

وانا كمان نفس الحالة اجلت السنه كلها ومدخلتش ولا مادة علي عمل اني اخد مركز. والناس كلها بتنتقضني بس الملحوظ ان دي مشكله عامة انا بقيت حاسس ان حوالي20% او اكتر من الصلاب السنادي ماجلين مواد انا عايز اخد الطريق من اوله ومش عايز اغلط نفس الغلطه تاني بس مش عارف ابد* مننين حد ينصحني