حصري ومتجدد دليلك لشرح منهج الكمبيوتر مع الخوارزمي بلال نصر للصف الثالث الإعدادي ترم

[sir_belal]

بسم الله الرحمن الرحيم

اخواني واخوتي
السلام عليكم ورحمة الله وبركاته

بعد ان انتهيت من شرح منهج الفصل الدراسي الاول تفاجأت من ردود السادة الزملاء .... وبصراحة وجدت كثير من الردود التي حفزتني للمضي قدما طوال قيامي من الشرح والكثير من الزملاء الذين اتصلوا بي ...
أشكركم جميعا ولله ثم لكم سوف اقوم بشرح المنهج بالرغم من ضيق الوقت .... وارجو منالله ان يوفقن للانتهاء من هذا العمل وارجو التثبيت لهذا الموضوع نظرا للمجهود المبذول فيه ان شاء الله

وفي البداية اؤكد أن هذا العمل هو عمل خالص لوجه الله ودا مجهود خالص وخاص بي فقط .... ويسعدني تلقي النقد والاراء . ... وللعلم فإن الموضوع متجدد دوما وسوف تجدوا باقي الموضوع في الصفحات والردود والموضوع عبارة عن مجموعة حصص متسلسلة حسب فصول منهج الترم التاني ....
لمشاهدة باقي الصفحات سوف تجدها اسفل صفحة الويب كما في الصورة التالية

قبل كل شئ ارجو بالدعاء لي ولأمي وأبي وأبنائي وأهلي وللمسلمين جميعاً ، لا تنسوني بصالح الدعاء ...

نبدء على بركة الله
جاهزة يا بنت يا آلاء يا جاهز يا ولد يا نور ..... جاهزين يا جماعة كل يسد منخيره ....

الحصة الأولى ....
مراجعة على ما سبق
يا نهار ابيض يا استاذ بلال احنا لسه حنراجع على ما سبق

خش على الجديد علطول .....

براحة بس حنراجع على شوية مفاهيم اساسية حتفيدكم
نبدء على بركة الله

لغة الفيجوال بيزك دوت نت Visual Basic.net : ـ هي من أشهر لغات البرمجة كائنية التوجه.
بيئة التطوير IDE : هي النافذة التي تتيح للمبرمج مجموعة متكاملة من الأدوات .
ويمكن إنشاء مشروع جديد من خلال :
فتح قائمة File ونختار منها New Project .
أو من خلال أمر Create Project من خلال الشاشة الافتتاحية.

مكونات نافذة بيئة التطوير IDE

1. النموذج Form : المكان المخصص لوضع الأدوات وهو أول كائن تتعامل معه أول نموذج يكون اسمه Form1 ويمكن إضافة أي عدد من النماذج ويمكن تغيير اسمه وتعبر عنه كلمة Me في الكود.
ويمكن إضافة أكثر من نموذج من خلال قائمة Project ونختار أمر Add New Form .
2. صندوق الأدوات ToolBox : يحتوي على الأدوات ويمكن أضافتها على النموذج بالضغط عليها مرتان.
3. مربع الخصائص Properties : يحتوي على خصائص الأداة التي تم تنشيطها بعد إضافتها على النموذج.
ويمكن أظهارها بمفتاح F4 من لوحة المفاتيح.
4. مربع الحل Soulation Explorer : يحتوي على ملفات المشاريع والتصنيفات .
5. نافذة الكود Code Window : ويتم كتابة كود البرمجة فيها وتظهر بالضغط على مفتاح F7 او بالضغط على النموذج بالزر الأيمن ونختار أمر View Code من مربع الحل Soulation Explorer .
مهم جداً : لتشغيل البرنامج في حالة الاختبار نضغط مفتاح F5
أشهر الأداوت الموجودة في صندق الأدوات Toolbox والتي سبق دراستها:

1. أداة النموذج Form : المكان المخصص لوضع الأدوات وهي الأداة الوحيدة التي لا تضاف من صندوق الادوات.
2. صندوق النص Textbox: يستخدم لإستقبال بيانات من المستخدم
3. أداة RadioButton: تستخدم لعرض عدة بدائل مع امكانية اختيار بديل واحد فقط.
4. صندوق القائمة Listbox: تستخدم لعرض قائمة عناصر.
5. مربع العنوان Label : يستخدم كعنوان للأدوات الاخرى أو إظهار رسالة.
6. أداة المجموعة Groubbox: تستخدم لتقسيم الأدوات الى مجموعات.
7. أدة Cechkbox: تستخدم لعرض بدائل مع امكانية اختيار اي عدد منها.
8. صندوق قائمة السرد Combobox: تستخدم لعرض قائمة عناصر تنسدل.
9. الزر Button : يستخدم لتنفيذ أمر عند الضغط عليه.

أشهر خصائص الأدوات السابقة
1. Name : تحديد اسم الاداة داخل كود البرنامج. 5. Visible : الاداة مرئية أو مخفية
2. Text : تحديد ا الظاهر على الأداة. 6. Enabled : الاداة تعمل أو لا تعمل
3. Font : تحديد شكل وحجم الخط النص الظاهر على الأداة.
3. Forecolor : تحديد لون النص الظاهر على الأداة.
4. Backcolor : تحديد لون الخلفية للأداة.

تذكر أن معادلة تغيير قيمة الخصائص برمجياً
اسم الأداة . الخاصية = القيمة
Control name . Property = Value

لحد هنا ونكون انتهينا من المراجعة
سؤال لولبي

يعني ايه متغيرات يا استاذ بلال ؟
المتغيرات هي أماكن في الذاكرة وكل مكان في الذاكرة لابد ان يكون له عنوان غير متكرر.

طيب ازاي ادخل بيانات في المتغيرات دي يا استاذ بلال

بص معايا انت علشان تدخل بيانات في المتغيرات ونفترض في المكان اللي اسمه X
عندنا طريقتان
الطريقة الاولى بإستخدام أداة TextBox1

X = Textbox1.text

الطريقة الثانية بواسطة مربع الادخال Inputbox
ودا مربع بيظهر للمستخدم مع رسالة وامكانية ادخال بيانات

طيب ازاي يا استاذ بلال نعرض البيانات السابق ادخالها في المتغير X

هناك طريقتان
الطريقة الاولى من خلال اداة العنوان Label
Label1.text = X

أو من خلال مربع الرسالة Msgbox

( Msgbox ( X

طيب حلو الكلام دا يا استاذ بلال تمام أوي

طيب ازاي انا بقى اقسم الذاكرة Ram وازاي اعطي الاماكن بتاعة الذاكرة عناوين او اسماء يعني احجز مكان في الذاكرة

بص معايا الاول الذاكرة قبل كده قولنا انها بتتقسم لمجموعة خلايا متساوية الخلية الواحدة تسمى Byte

المهم علشان تعطي عنوان لخلية بالذاكرة أو تحجز مكان في الذاكرة لازم تحديد حاجتين ...
هي البيانات اللي جوه هي بيانات بتتغير تبقى متغيرات
ولو البيانات دي مش بتتغير يعني ثابته تبقى ثوابت

نبدء الاول بالمتغيرات
متنسيش يا بت يا آلاء المتغيرات دي هي عبارة عن أماكن في الذاكرة Ram تتغير قيمتها أثناء عمل البرنامج.

علشان احجز مكان لمتغير في الذكرة يعني اعطي المكان دا عنوان والبيانات اللي جواه تكون متغيره ....

العملية دي اسمها اعلان عن متغير

يتم الاعلان عن المتغيرات بأمر Dim وقاعدة الامر Dim هي

طيب يا استاذ بلال هو انا اقدر اسمي المتغير بأي اسم ؟
طبعا لأ لأن اسماء المتغيرات دي لها وقاعد لازم نلتزم بيها وهي
قواعد تسمية المتغيرات : ـ
1. أن يبدء الاسم بحرف أو علامة _ الشرطة التحتية.
2. ألا يحتوي على رموز أو علامات خاصة أو مسافة.( + - % * ^ ؟ &nbsp
3. يمكن أن يتكون من حروف وأرقام وعلامة _ .
4. يفضل أن يعبر الاسم عن محتواه.
5. ألا يكون من الكلمات المحجوزة لدى لغة VB.net

بعض الكملمات المحجوزة (لا تتعب نفسك بالحفظ فقد سبق دراستها ومنها ما سوف تدرسها)
Data – Short – Double - VB.net - Decimal – Integer – Long – Case – Single – Boolean – Byte – Char - Const – Mod – MsgBox – String – Dim – Print– Color – Me- VbCrLf - Then – For – Next – To – Step- Inputbox – Visual Basic – Name – IF – then – else – end – start – stop – blue – red – read – listbox – RadioButton –Checkbox – Form
( يا نهار ابيض كل دي كلمات محجوزه يا استاذ بلال !!!!!!!! ....... متخافشي يا بيه وخلي بالك ولاحظ أن معظم الكلمات المحجوزة هي عبارة عن أسماء للأدوات وخصائصها ووسائلها وأوامر لغة الـ VB اللي المفروض تكون حفظتها من الترم الأول واللي لسه حتدرسها في الترم التاني يعني متخفشي دي كلمات بسيطة )

طيب يا استاذ بلال يعني ايه نوع المتغير
بص معايا انواع بيانات المتغير دي اللي بتحدد ايه البيانات اللي ممكن تتخزن جوه المتغير دا ...
يعني لازم عند حجز مكان في الذاكرة تحددله اسم ونوع للبيانات اللي انت حتخزنه فيه
وخلي بالك لغة vb بتتيح انواع كثيرة ومنها

لو انت عاي تخزن بيانات حرفية
طيب يا استاذ بلال البيانات الحرفية دي زي ايه اقولك مثلا اسم الطالب عنوان رقم التليفون
ازاي رقم التليفون يبقى بيانات حرفية يا استاذ بلال ؟
علشان رقم التليفون عبارة عن ارقام بس لا صلح لإجراء عمليات رياضية
يبقى انت لو عايز تخزن في متغير ما بيانات حرفية يبقى عليك بالنوعين الآتين
String دا للبيانات الحرفية الطويلة
Char ودا للبيانات الحرفية القصيرة

ولو البيانات اللي عايز تخزنها بيانات رقمية يعني حتعمل عليها عمليات رياضية زي الجمع والطرح زي مرتبات درجات طلاب عدد طلاب ضرائب
يبقى عليك بالأنواع العددية أو الرقمية وهناك نوعان رئيسيان

النوع الاول الرقمي الصحيح
زي Byte ودا للارقام الصحيحة فقط من صفر الى الرقم 255
و Short ودا للارقام الصحيحة فقط
و Integer ودا للارقام الصحيحة فقط
و Long ودا للارقام الصحيحة فقط

النوع الثاني الرقمي العشري
زي Single ودا للارقام العشرية والصحيحة كمان
و Double ودا للارقام العشرية والصحيحة كمان
و Decimal ودا للارقام العشرية والصحيحة كمان

طيب ازيا لانواع العشرية بتاخد ارقام صحيحة ؟
عشان مثلا الرقم 1.0 دا رقم شكله عشري بس قيمته صحيحة

ولو البيانات اللي انت حتتعامل معها بيانات منطقية يعني قيمتعا يا True يا False
تبقى محتاج النوع المنطقي Boolean

ولو البيانات عبارة عن تاريخ أو وقت تبقى تاريخ Date

ولو البيانات صور وصوت تبقى كائنية Object

تبقى البيانات زي الجدول دا

ونكمل باقي الحصة الاولى قريب ان شاء الله

[رفاعي مجدي رشاد]

جزاك الله خيراً يا أ / بلال
شرح ممتاز ومتميز - بطريقة سهلة وبسيطة
في ميزان حسناتك إن شاء الله
وزادك الله علما
شكراً جزيلاً - وألف شكر على الشرح و المذكرة .

[أحـمد قرنى]

جزاك الله كل الخير
وربنا يبارك لك فى ولدك وأهلك أجمعين
والله إنى احبك فى الله
ووجهك يا أخى فيه النور والابستامة المشرقة

[حسين المليجى]

مجهود فوق الرائع والله احنا بنتعلم منك الكثير ........ونحمد الله أن هناك مثلك على المنتدى
باراك الله فيك وجعله فى ميزان حسانتك
الأستاذ / عبده العيسوى

[حسن الاستاذ]

الله يبارك فيك بجد جزاك الله كل خير

[أحمد هاشم الزيدي]

بارك الله في حضرتك أستاذ بلال علي هذا العمل والمجهود الرائع
طريقة شرح سهله ممتازة

[sosotarek]

بارك الله فيك وجزاك الله كل الخير

[hussein mohammed]

رائع جدا....

[مرتضي منصور]

رائعععععععععععععععع و مشكور بس حضرتك مجبتش قواعد اختيار نوع البايانات data type

[khaled_s_sh]

مجهود مشكوووووووووووووووووووووووووووووور

[mahmoudelsyedy]

روعة ربنا يجعلو في ميزان حسناتك

[محمد الهجرس]

مشكووووووووووووووووووووووووووووور
جداااااااااااااااااااااااااااااااااااااااااااااااا ا

[مروة عامر]

ممتاز جدا تقبل الله وجزاك كل خير

[tona27]

جزاك الله كل خير

[mido_tota]

ربنا يبارك لك ويجزيك خير الجزاء