معلومات هامة عن أداب اعلام و أداب أثار

[! Abanoub Adly !]

بصوا يا جماعة أنا النهاردة عملكوا موضوع عن الأقسام بتاعة كلية الأداب و هقولوكوا على شوية
معلومات عن اهم الأقسام اللى فى الكلية دية .
-----------------------------------------
"شروط الالتحاق بكليه الاداب 2011/2012" و هى :

اللغة العربية / ان يكون الطالب حاصلا على 70% فى مادة اللغة العربية ويقبل المكفوفين و الحالات الخاصه للعام الجامعى 2012/2011
----------------------------------------------------
اللغة العبرية / ان يكون الطالب حاصلا فى مجموع اللغات الثلاثة على 70%و لا يقبل المكفوفين و الحالات الخاصه
----------------------------------------------------
اللغات الشرقية / ان يكون الطالب حاصلا فى مجموع اللغات الثلاثة على 80%و لا يقبل المكفوفين و الحالات الخاصه
----------------------------------------------------
اللغة الانجليزية / يقبل القسم الحاصلين على درجة لا تقل عن 49 درجة من 50 درجة فى اللغة الانجليزية او 47 درجة من 50 درجة مضاف الية المستوى الرفيع انجليزى مع المفاضلة عند تساوى الدرجات بالنظر الى اعلى مجموع فى اللغات الثلاثه و يعتذر القسم عن عدم قبول الطلاب المكفوفين و الحالات الخاصة
----------------------------------------------------
اللغة الفرنسية / 1- ان تكون اللغة الفرنسية هى اللغة الاوربية الاولى فى جميع الحالات
2- ان يحصل الطالب على 45 من 50 اى 90% فى مادة اللغة الفرنسية و يفضل الحصول على مستوى رفيع
3- يوافق القسم على قبول المكفوفين و الحالات الخاصة على ان ينطبق عليهم شروط القبول بالقسم
----------------------------------------------------
الحضاره الاوربية / ان يكون الطالب حاصلا على 70% من مجموع اللغات و يعتذر القسم عن عدم قبول الطلاب المكفوفين و الحالات الخاصة نظرا لظروف الدراسة
----------------------------------------------------
التاريخ / ان يكون الطالب حاصلا على 40 درجة فى مادة التاريخ
----------------------------------------------------
الجغرافيا / الأولوية للمجموع الكلى الاعلى و يعتذر القسم عن عدم قبول الطلاب المكفوفين و الحالات الخاصة نظرا لظروف الدراسة ملحوظه " لا يشترط دراستك لماده الجغرافيا فى الثانوية العامة "
----------------------------------------------------
الفلسفة / ان يكون الطالب حاصلا على 310 درجة على الاقل من المجموع الكلى و الأولوية لأعلى الدرجات فى مادة الفلسفة و يوافق القسم على قبول المكفوفين و الحالات الخاصة
----------------------------------------------------
علم النفس / الاولوية للمجموع الكلى و يعتذر القسم عن عدم قبول الطلاب المكفوفين و الحالات الخاصة نظرا لظروف الدراسة ملحوظه " لا يشترط دراستك لماده علم النفس فى الثانوية العامة "
----------------------------------------------------
علم الاجتماع / ان يكون الرغبة الأولى للطالب قسم الأجتماع و يوافق القسم على قبول المكفوفين و الحالات الخاصة
----------------------------------------------------
اثار / المصرى : ان يكون الطالب حاصلا على 43 درجة فى اللغة الأجنبية الأولى و فى حالة تساوى درجة اللغة الأجنبية الأولى تكون المفاضلة للمجموع الكلى الأعلى لايقبل القسم المكفوفين و الحالات الخاصة
----------------------------------------------------
اثار / الإسلامى : ان يكون الطالب حاصلا على 42 درجة فى اللغة الأجنبية الأولى و فى حالة تساوى درجة اللغة الأجنبية الأولى تكون المفاضلة للمجموع الكلى الأعلى لايقبل القسم المكفوفين و الحالات الخاصة
----------------------------------------------------
اثار / اليونانى : ان يكون الطالب حاصلا على 42 درجة فى اللغة الأجنبية الأولى و فى حالة تساوى درجة اللغة الأجنبية الأولى تكون المفاضلة للمجموع الكلى الأعلى لايقبل القسم المكفوفين و الحالات الخاصة
----------------------------------------------------
إرشاد سياحى / ان يكون الطالب حاصلا على 47 درجة فى اللغة الأنجليزية و ان تكون هى اللغة الأوربية الأولى لايقبل القسم المكفوفين و الحالات الخاصة نظرا لظروف الدراسة
----------------------------------------------------
إرشاد فرنسى / ان يكون الطالب حاصلا على 45 درجة فى اللغة الفرنسية و ان تكون هى اللغة الأوربية الأولى لايقبل القسم المكفوفين و الحالات الخاصة نظرا لظروف الدراسة
----------------------------------------------------
الإعلام / ان يكون الطالب حاصلا على 142 درجة كحد ادنى فى مجموع اللغات الثلاثة لا يقبل القسم المكفوفين و الحالات الخاصة يقبل شهادات المعادلة من الدول العربية بمجموع لا يقل عن 90%
----------------------------------------------------
المكتبات / ان تكون اللغة الأجنبية الأولى هى اللغة الأنجليزية الا يقل مجموع اللغتين العربية و الانجليزية عن 75% و فى حالة تساوى المجموع تكون الأفضلية للمجموع الكلى الأعلى لايقبل القسم المكفوفين و الحالات الخاصة نظرا لظروف الدراسة
----------------------------------------------------
الدراما / 1- ان يكون حاصلا على 90 درجة على الأقل فى مادتين اللغة العربية و اللغة الأجنبية الأولى على أن تضاف الى هذا المجموع درجة المستوى الرفيع فى اللغة الأجنبية الأولى -إن وجدت- لما فوق الخمس درجات لمجموع اللغتين لا يقبل القسم المكفوفين و الحالات الخاصة نظرا لظروف الدراسة
2- يجب إجتياز الأختبار التحريرى الذى يجرية القسم قبل بداية العام الدراسى
-----------------------------------------
-----------------------------------------
كدة احنا خلصنا شروط كل الأقسام نتكلم بقى على اهم الاقسام :
1-قسم الاعلام .
2-قسم الاثار .
-----------------------------------------
بصوا يا جماعة المعلومات اللى أنا هقولها عن القسمين دول أنا متأكد منها عشان كان نفسى ادخل واحد منهم بس محصلش نصيب المهم المعلومات دية انا واخدها من الأساتذة و اتأكدت منها جامد جدا من على النت يعنى إن شاء اللة اقدر افيدكوا .
-----------------------------------------
1- بالنسبة لقسم الاعلام : القسم دة يساوى كلية الاعلام بس الفرق إن كلية الاعلام بيبقى فيها كذا قسم إنما أداب اعلام بيبقى فيها تقريبا 3 أقسام .
المهم أنا كنت مستغرب يعنى معقولة اللى هيتخرج من كلية الاعلام هيبقى زية زى اللى متخرج من أداب اعلام فسألت الأساتذة .... كلهم قالولى إن القسم دة بيبقى عالى جدا و لو إن شاء اللة دخلتة هتلاقى الناس اللى فية كلها جايبة مجاميع عالية بس مدخلتش كلية الاعلام على حاجة بسيطة .
-----------------------------------------
2-بالنسبة لقسم الأثار : القسم دة يساوى كلية الأثار بس الفرق فى الأقسام يعنى كلية الأثار فيها 3 أقسام :1-الأثار المصرية. 2-الأثار الإسلامية. 3-ترميم الأثار.
إنما أداب أثار برضة 3 أقسام : 1-أثار مصرى. 2-أثار إسلامى. 3- أثار يونانى.
يعنى تقريبا بيختلفوا عن بعض فى القسم الثالث .

المهم أنا كنت مستغرب يعنى معقولة اللى هيتخرج من كلية الأثار هيبقى زية زى اللى متخرج من أداب أثار فسألت الأساتذة .... كلهم قالولى إن القسم دة بيبقى عالى جدا و لو إن شاء اللة دخلتة هتلاقى الناس اللى فية كلها جايبة مجاميع عالية بس مدخلتش كلية الأثار على حاجة بسيطة .

-----------------------------------------

يا رب أكون قدرت افيدكوا و ربنا يوفق الجميع.....