الرسم خطوه بخطوه

[yoya for ever]

السلام عليكم ورحمة الله وبركاته
اهلا وسهلا .....ازيكم يا اعضاء منتداى الحبيب .. وحشتونى جدااا
جبتلكم النهارده موضوع اعتقد انه مفيد وهيفيد كل اللى عايز يتعلم الرسم.... ان شاء الله .. وانا واحده منهم

اولا :- هبدا بشرح الموضوع

الموضوع عباره عن موسوعه صغيره لتعليم الرسم وهيبدا من المبتدئين الى مرحلة الاحتراف ( ان شاء الله )
....... ازاى بقى .......
اقولكم ...... يعنى اى عضو ممكن يرسم رسمه بسيطه.. ولكن اثناء رسمه لرسمته يصور مراحل تكوين الرسم ( اللى تفهمنا هو رسمها ازاى )
وينزل الصور فى التبويك ويدعم الصور دى بالشرح للتوضيح ... ولو كمان حب يوضح الغلطات اللى ممكن يقع فيها اللى بيرسم فى مرحله معينه
ويمشى معانا خطوه بخطوه .. ويقولنا ازاى قدر يرسم الرسمه ... و بكده يكون عندنا شرح مبسط لرسمه بسيطه
ممكن لاى مبتدئ انه يرسمها ويستفيد بيها ..
والعضو اللى استفاد من الرسمه و قدر يطبقها ينزل الرسمه اللى طبقها ... علشان نشوف مدى الاستفاده اللى حققتها الرسمه و كمان ياريت التطبيق يدعم بمهارات وابداعات العضو يعنى ميطبقش الرسمه بالملى لا يطور فيها كمان .
وبكده يبقى علمنا واتعلمنا .... والميزه فى الموضوع ان الرسومات هتكون بايدينا وخصوصا اننا الى حد ما فى سن واحد يعنى هنقدر نفهم بعض كويس

ثانيا :- قوانين الموضوع ...


1 * عدم طرح رسمتين فى الموضوع فى يوم واحد .... علشان العضو يقدر يستفيد بكل رسمه وكمان يقدر يطبقها
ويتسنى لنا مناقشة الرسمه ( على خفيف )

2* ممنوع وضع اى صورة مش مرسومه باليد ((( اساس الموضوع هو طرح رسومات من اعمالنا احنا علشان نبقى بجد بنستفيد )))

3* نبدا الاول برسومات بسيطه جداا ولكن تبقى اساسيات للرسم زى مثلا الورد وطريقه رسم العين والوجه وكده .....
وبعد كده نتطور بالرسومات خطوه بخطوه علشان الموضوع يكون عباره عن موسوعه صغيره لشرح كيفية تعليم الرسم
للمبتدئين خطوه بخطوه حتى نصل بإذن الله الى مرحله الاحتراف ...



معلش طولت عليكم
يارب الموضوع يعجبكم ومستنيه تفاعلكم