اقدم ف تجارة انجليش ازاى ؟؟

[تيتانيك]

بسم الله الرحمن الرحيم

انا يا جماعة تنسيقى ظهر وجالى تجارة وادارة اعمال حلوان انا علمى رياضة
جايب 359 من غير المستوى الرفيع وبالمستوى الرفيع 361.5 مع العلم ان المستوى الرفيع مش كان انجليش وجايب 46 انجليش وفى حلوان تجارة انجليش بتقبل مجموع اعتبارى 390 من ادبى و404 من علمى كدة اكيد هلحق ولا احتمال عشان العدد اللى بيكتفوا بيه ؟؟؟؟؟؟؟؟؟؟؟؟ لو هقدم اقدم ازاى ؟؟ ايه الخطوات ؟؟ ادخل الجامعة معياا ايه واروح فين واقدم على ايه ؟؟؟؟؟ يا ريت حد من اللى ف تجارة انجليش يفيدنى وكل سنة ونتم طيبين

[maged4ninja]

ماعتقدش هتجيلك عشان انت علمي
بس لو عايز روح قدم هي الكليه في الزمالك بس بتقدم في شئون الطلبه في جامعة حلوان ! بس لما نتيجة التنسيق تطلع ولو طلعت متقبلتش مش هتلاقي مكان تحول فيه لكليات تانيه ده

[ياســــــــمين *]

انا روحت سألت عشان اقدم الحاجات المطلوبة كالآتى :
6 صور ليك
شهادة الميلاد الاصلية وصورة منها
صورة من البطاقة الشخصية
ملف الثانوية اللى خدته من المدرسة
بطاقة الترشيح اللى طبعتها من موقع التنسيق
استمارة 2 جند " دى للشباب بس طبعا "

هتروح شئون الطلبة فى الكلية وهتقدم هناك طلب التحاق للشعبة وهيجيبولك استمارة كده هتملاها وتقدم الحاجات دى معاها فى دوسيه

بس لو انت شايف انها ممكن تقف معاك على درجة او فرصتك مش قوية اوى يبقا تقدم فى حاجة تانية احسن بدل فى الاخر ما تلاقى نفسك لبست فى تجارة عربى ومش هتقدر تحول تانى بقا

[تيتانيك]

المشاركة الأصلية كتبت بواسطة maged4ninja

ماعتقدش هتجيلك عشان انت علمي
بس لو عايز روح قدم هي الكليه في الزمالك بس بتقدم في شئون الطلبه في جامعة حلوان ! بس لما نتيجة التنسيق تطلع ولو طلعت متقبلتش مش هتلاقي مكان تحول فيه لكليات تانيه ده

انا جايب 405 هى بتأخد 404 من علمى يعنى كدة ممكن برده ملحقش ؟؟؟؟؟
انا وصلى ان ليها فرعين فرع ف حلوان والفرع التانى ف الزمالك صح الكلاام ده ولا لا؟؟؟؟؟

[تيتانيك]

المشاركة الأصلية كتبت بواسطة ياســــــــمين *

[color=r
بس لو انت شايف انها ممكن تقف معاك على درجة او فرصتك مش قوية اوى يبقا تقدم فى حاجة تانية احسن بدل فى الاخر ما تلاقى نفسك لبست فى تجارة عربى ومش هتقدر تحول تانى بقا
[/color]

طب هما لما بيأخدو المجاميع العالية بيأخدوا اكبر مجاميع من المجموع الاعتبارى ولا بيأخدوا من درجة الانجليش ؟؟ هى الكلية بتأحد كم طالب ؟؟

[ياســــــــمين *]

المشاركة الأصلية كتبت بواسطة تيتانيك

طب هما لما بيأخدو المجاميع العالية بيأخدوا اكبر مجاميع من المجموع الاعتبارى ولا بيأخدوا من درجة الانجليش ؟؟ هى الكلية بتأحد كم طالب ؟؟

لا بياخدو من درجة الاعتبارى طبعا , يعنى لو مثلا انت جايب فى الانجلش 49 والاعتبارى بتاعك 411 وواحد تانى جايب ف الانجلش 46 بس الاعتبارى بتاعو 419 ياخدوه هو لأن الاعتبارى بتاعو أعلى حتا لو انت جايب اعلى منو ف الانجلش ,,

هى السنة دى واخدة اجمالى عدد الطلاب 3279 طالب , الكلام ده من موقع الاستاذ , معرفش بياخدو منهم بقا نسبة قد ايه فى انجلش , ممكن تسأل طالب هناك عن الموضوع ده

[mohamedmohamed1]

طب انا جايب 401 الاعتبارى الحقها حلوان و لا فى واحد صاحبى كان مقدم فيها السنه الى فاتت و مقبلش قالى انها خدت من 404 بعد كده قل الى 402 علشان العدد مكملش فا كده ممكن الحق و لا

[تيتانيك]

هى السنة دى واخدة اجمالى عدد الطلاب 3279 طالب , الكلام ده من موقع الاستاذ , معرفش بياخدو منهم بقا نسبة قد ايه فى انجلش , ممكن تسأل طالب هناك عن الموضوع ده[/quote]

طيب هما بيأخدو عدد من علمى وعدد من ادبى ولا بياخدو الاعداد ازاى ؟؟؟؟؟؟؟؟؟؟

[تيتانيك]

المشاركة الأصلية كتبت بواسطة ياســــــــمين *

لا بياخدو من درجة الاعتبارى طبعا , يعنى لو مثلا انت جايب فى الانجلش 49 والاعتبارى بتاعك 411 وواحد تانى جايب ف الانجلش 46 بس الاعتبارى بتاعو 419 ياخدوه هو لأن الاعتبارى بتاعو أعلى حتا لو انت جايب اعلى منو ف الانجلش ,,

هى السنة دى واخدة اجمالى عدد الطلاب 3279 طالب , الكلام ده من موقع الاستاذ , معرفش بياخدو منهم بقا نسبة قد ايه فى انجلش , ممكن تسأل طالب هناك عن الموضوع ده

يعنى ليها عدد من علمى وعدد من ادبى ولا بياخدو للطلباات والدرجات العالية اللى بتوصلهم كمان هو فعلا فرعين فرع ف حلوان وفرع ف الزمالك ولا هى كلية واحدة ف الزمالك ولا ايه ؟

[تيتانيك]

المشاركة الأصلية كتبت بواسطة mohamedmohamed1

طب انا جايب 401 الاعتبارى الحقها حلوان و لا فى واحد صاحبى كان مقدم فيها السنه الى فاتت و مقبلش قالى انها خدت من 404 بعد كده قل الى 402 علشان العدد مكملش فا كده ممكن الحق و لا

انت علمى ولا ادبى ؟؟؟؟؟
متأكد ان صاحبك كان فيها السنة اللى فاتت طب ممكن تدينى اللينك بتاعه اللى ع الفيس لو عنده عشان استفتسر منه اكتر ويفيدنى

[ياســــــــمين *]

طيب هما بيأخدو عدد من علمى وعدد من ادبى ولا بياخدو الاعداد ازاى ؟؟؟؟؟؟؟؟؟؟

اه بياخدو من علمى ومن أدبى طبعا , لكن المجموع بتاع علمى اللى بياخدوه بيكون اعلى من أدبى بكتييييييييييير ,

يعنى ليها عدد من علمى وعدد من ادبى ولا بياخدو للطلباات والدرجات العالية اللى بتوصلهم كمان

العدد مش بيتحسب كده يعنى مش اسمها عدد من علمى وعدد من أدبى , هو بيتحدد اجمالى عدد الطلبة فى انجلش بنسبة معينة سواء من علمى ولا من ادبى " يعنى بياخدوا العدد اللى هما عاوزينه من الشعبتين " , بعد التنسيق الداخلى طبعا وبياخدو اعلى المجاميع المتقدمة
مثلا : احنا مكتوب على موقع الكلية الرسمى ع النت ان عدد طلبة تجارة انجلش بيكون بنسبة 25% من طلاب الانتظام " يعنى نسبة الربع "
والسنة دى عدد الطلبة فى كليتنا 614 ده معناه ان بتوع انجلش هيكونوا حوالى 150 " بنسبة الربع يعنى "

فعشان كده بقولك اسأل واحد هناك شوف بياخدو بنسبة ئد ايه او عدد ئد ايه وبعد كده ادخل ع موقع الاستاذ شوف انت ترتيك الكام على الكلية ومن ترتيبك تقدر تستنج بقا انت هتتقبل ولا لأ على حسب المجاميع اللى قبلك ف الترتيب يعنى , يعنى لو لقيت مجاميع من علمى كبييييييرة موجودة ف الكلية , اعرف ان التنسيق ممكن يزيد شوية بالنسبة لعلمى والعكس صحيح



هو فعلا فرعين فرع ف حلوان وفرع ف الزمالك ولا هى كلية واحدة ف الزمالك ولا ايه ؟

أنا مش حلوان ع فكرة أنا مقدمة ف تجارة اللى ف دمياط الجديدة , اسال بردو حد من هناك زى ما قلتلك عشان تتأكد , تمام

[تيتانيك]

فعشان كده بقولك اسأل واحد هناك شوف بياخدو بنسبة ئد ايه او عدد ئد ايه وبعد كده ادخل ع موقع الاستاذ شوف انت ترتيك الكام على الكلية ومن ترتيبك تقدر تستنج بقا انت هتتقبل ولا لأ على حسب المجاميع اللى قبلك ف الترتيب يعنى , يعنى لو لقيت مجاميع من علمى كبييييييرة موجودة ف الكلية , اعرف ان التنسيق ممكن يزيد شوية بالنسبة لعلمى والعكس صحيح



[/color][/b][/QUOTE]


طيب انا بدخل على موقع الاستاذ مش بيجيبلى كلية تجارة وادارة اعمال حلوان خااااااالص اعمل ايه عشان تظهرلى ؟؟

[ياســــــــمين *]

اللينك اهو ادخل عليه هيجيبلك قائمة الكلية على طول

شبكة الأستاذ التعليمية - نتيجة الثانوية العامة 2013 مع البحث بالإسم

[ياســــــــمين *]

لو اللينك مفتحش معاك ادخل على موقع الاستاذ واختار خدمة " اعرف مين معاك فى كليتك " هتلاقيها على ايدك اليمين كده
وبعدين اكتب ده فى المربع " تجاره وإدارة أعمال ج حلوان " اكتبها كده بالظبط زى ما هى عشان تطلعلك ولو مطلعتلكش ممكن تكتب رقم جلوسك فى المربع وبردو هيطلعلك قايمة الكلية اللى انت فيها ودى الطريقة الأسهل على فكرة انك تكتب رقم جلوسك وخلاص

[shahira tarek]

ياجماعه فى حاجه انتو مش فهمينها حلوان فيها تجاره انجليش وفى حاجه تبع جامعه حلوان اسمها Bis و دى ف الزمالك ومش زى تجاره انجليش دول بيدرسوا مواد من تجاره +كمبيوتر تقريبا