اتمنى منكم المساعدة

[its me mzmz]

مساء الخير يا جماعة

ورمضان كريم عليكم انشاء الله

لو سمحت انا محتاجة مساعدة ضرورى من المتخصصين

انا عندى 21 سنة وعندى اعاقة جسدية

وانا لظروف صحية عملت اعادة مرتين للصف الثالث الثانوى

واخر اعادة ليا نجت في كل المواد بس مجموعى كان قليل جدااا وكان تقريبا 47 %

وبصراحة انا بعدها مفكرتش اعيد ولا اشوف اية الحل لان كنت تعبانة جسديا ونفسا الموضوع دا عدة علية سنتين تقريبا

انا دلوقتى عاوزة اخد الثانوية وادخل الكلية وابتدى حياة كويسة

وكنت عاوزة حد يدلنى المفروض اعمل اية

انا روحت وزة التربية والتعليم قالولى اعيد من 2 ثانوى

وفى المدرسة عندى قالولى خدى مادة او اتنين بس من تالتة ثانوى تزود المجموع وكدا يبقى اجيب ال 50 % او اكتر وادخل الجامعة

بصراحة روحت كذا مكان ومحدش كان بيدلنى اعمل اية بظبط

انا املى اعرف من حضرتكم هنا ابتدى منين تانى

ارجو الاهتام لو سمحتم

[نهى شاهين]

اولا الف سلامة عليكي ياحبيبتى وربنا معاكي ويوفقك يارب
بصي الكلام اللي انا جايبهولك ده من موقع الوزاره يعني اكيد انا خدته كوبي وبيست بالظبط
س: ما هى المواد التى يجب أن يؤدى فيها الامتحان طالب المرحلة الثانية الناجح فى جميع المواد وراسب فى المجموع الكلى ؟
يحق لهذا الطالب اختيار مادة أو مادتين على الأكثر من المواد التى سبق وأدى الامتحان فيها ويحصل فيها على الدرجة الفعلية وذلك للنجاح فى المجموع الكلى
وده الرابط هتلاقيه السؤال رقم 3 وربنا يوفقك يارب
http://manahg.moe.gov.eg/FAQs.aspx

[its me mzmz]

نهى بجد انا مش عارفة اشكرك ازاى

ميرسى جدا انك اهتميتى وساعدتنى

وانا اتشرفت جدا بمعرفتك ومساعدتك ليا

ميرسى اووووى

[its me mzmz]

معلش يا نهى انا كنت عاوزة اعرف كمان

اروح فين وابتدى اجراءات المادتين اللى هاخدهم ازاى

واية المطلوب انى اخدو معايا

معلش انا هتعبك معايا

[نهى شاهين]

الشكر لله يابنتى على ايه ومفيش تعب ولا حاجه
روحي بقا اسالى في مديرية التربية والتعليم اللي تبع محافظتك او في مدرستك بس الاحسن في المديرية بتاعتك
وطمنيني عليكي بقا

[نهى شاهين]

انا بحثت كتير اوي بس مفيش حاجه كل اللي موجود نص القرار وبس
روحي المديرية بس انتي و قوليلهم انك عايزه تعيدي مادتين
روحي لوكيل الوزاره او منسق التعليم الثانوى هناك

[its me mzmz]

خلاص حاضر يا نهى هروح وهسال انشاء الله

ميرسى اوى يانهى متحرمش منك ابدا يارب

وهبقى ابلغك كمان عملت اية واية اخر الاخبار

[aymaan noor]

بالتوفيق ان شاء الله
و ندعو الله أن ييسر لكى الامور
و جزيل الشكر للأستاذة نهى شاهين على الردود
جزاكم الله خيرا وبارك الله فيكم

[نهى شاهين]

الشكر لله يا استاذ ايمن
هى زي اختى بالظبط