عارفين ايه اللى حصل؟

[اميمة طه]

الاستاذ الاساسى امتنع عن وضع الامتحان ورفض انى احط امتحان والمدير عشان حبيبه رفض يعمل مشكلة ورفض يعمل ليا تكليف بوضع الامتحان وهمس فى ودن مدرس الانجليزى بوضع الامتحان لمادتنا المبجلة

[Observer]

قدامك حل من اتنين
1- التنفيض وده لو عايزة تكبرى دماغك
2- رفع شكوى رسمية لموجه المادة

[اميمة طه]

عارف حضرتك لو قلت انه محطهوش هو نفسه والمدير اللى هينفجر منه والمدرس اللى حط الامتحان هيقولوا محصلش ده الاستاذ عامل اللى عليه واكتر ويا ريت الناس كلها تبقى شكله............عندنافى مدرستنا النفاق فى اقصى حالاته

[محمدقبيص]

معلش عندي سؤال
هو حضرتك مادة ايه
ولو انجليزي هو فيها مشكله ان مدرس الانجليزي الزميل يحط الامتحان
ولو حضرتك مادة اخرى ....... ابتدائي ولا اعدادي
لو ابتدائي هما بيقولوا علينا مدرس كشكول يعتب حط أي مادة وخلاص
ولو اعدادي المفروض المدرس الاول للمادة أو من يكلفة الناظر في حالة وجود أقارب وخلافة مثل أن يكون المدرس ذمته واسعة وبتسرب كتيييييييييييييييييييييييييييييييييييييييييير

[مدرسة الانجلش]

المدير بتاعك ده خولللامبو خالص

[ابن الأكرمين]

المشاركة الأصلية كتبت بواسطة اميمة طه

الاستاذ الاساسى امتنع عن وضع الامتحان ورفض انى احط امتحان والمدير عشان حبيبه رفض يعمل مشكلة ورفض يعمل ليا تكليف بوضع الامتحان وهمس فى ودن مدرس الانجليزى بوضع الامتحان لمادتنا المبجلة

اصبري ياستاذ أميمة

وأشكرك على موضوع مواقف تحدث للمعلم المساعد

[منار على]

بلغى الموجه بتاعك

كمان معلهش انتى اللى غلطانه من الاول انتى كنتى فين من ايام امتحان التقويم الاول ومين اللى سكتك
كمان دى مسؤليه سيادتك المفروض مكنيش تسكتى وكنتى تبلغى الموجه بتاعك بالكلام دا من زمان

واصلا مين من الولاد لسه بيروح المدرسه دا الامتحان بعد بكره

للاسف الغلط منك انتى انتى السبب الاساسى فى كل اللى بيحصل وانتى المسؤله عشان انتى اللى سكتى وكبرتى دماغك من الاول

وبصراحه انا لو مكانك اعمل الاتى اتصل بالموجه وابلغه وياريت لو خلتيه يجى المدرسه وحملى المدرس الاول قدامه مسؤليه عدم وضع الامتحان واحرجيه عرفيه انك ممكن تعملى مشاكل بعد كدا اراهنك انه هيعمل للموضوع دا الف حساب لكن لو سكتى وفضلتى سلبيه زى ماانتى لا مدير المدرسه ولا المدرس الاول بعد كدا هيعملوا لسيادتك اى اعتبار انتى المفروض تعملى لنفسك شخصيه اكبر من كدا قدامهم وعلى فكره اول حاجه هيقولهالك الموجه كنتى فين من زمااااااااااااااااااااااان وبصراحه تستاهلى وزى ماغلطى اتحملى نتايج اخطائك

والبديل انك تنفضى وافضلى زى ماانتى المدرس الاول يتحكم فيكى ويفرض نفسه على سيادتك عادى
يعمل امتحان الترم التانى بمزاجه مفيش مشاكل ماهو عارف بقى ان فيه واحده لسه صغيره بتكبر دماغها وبتنفض يعنى براحته على الاخر

اه لو صور من كتاب خارجى لو مكانك هعمل نسخه واوري للموجه انجازات المدرس الاول

[منار على]

المشاركة الأصلية كتبت بواسطة mohamad fawzy

قدامك حل من اتنين
1- التنفيض وده لو عايزة تكبرى دماغك
2- رفع شكوى رسمية لموجه المادة

اهو الحل رقم واحد دا هو السبب الاساسى فى مشاكل كتير بتحصلنا فضلنا ننفض وننفض لحد مابقينا ننفض فى كل حاااااااااااااااااجه من غير مانميز بين ان فيه مشاكل التنفيض فيها ممكن يعمل مشاكل اكبر لان فيه مشاكل لازملها واقفه وفيه مشاكل ممكن ننفض ليها

[علي عضاضلي]

المشاركة الأصلية كتبت بواسطة اميمة طه

الاستاذ الاساسى امتنع عن وضع الامتحان ورفض انى احط امتحان والمدير عشان حبيبه رفض يعمل مشكلة ورفض يعمل ليا تكليف بوضع الامتحان وهمس فى ودن مدرس الانجليزى بوضع الامتحان لمادتنا المبجلة

هيه دي مشكلة ؟!!
اّمــال لوعرفتي اللي حصل في المنيا؟!!!!!

[اميمة طه]

عاوزة اقول لحضرتك انى مش سلبية ولا حاجة والدليل المشاكل المستمرة اللى بينى وبين المدرس ده بس بقه المشكلة اللى عندى اولا المدير من النوع مش عارفه اوصفه ازاى انما هو تشكيلة من مرتشى ومنافق وعديم الشخصية وممحابى لبعض الناس وبتاع مصلحته جدا فعشان تتعاملى مع حد فيه درجة عالية من التدنى كده لازم تبقى عارفه انه كل الاوقات بيوقع بين المدرسين والاكتر انه مرة قال للموجه وانا قاعدة ان الاستاذ فلان مثال يحتذى به وهو نفسه الاستاذ الزميل اللى معهوش كشكول تحضير واللى بيهرب لو عرف ان زائر فى المدرسة واللى ميعرفش المدرسة الا عشان الدروس ........سيبك من ده كله انا مرة فكرت اشتكى فى موقف حصل قدام كل الناس واستشهد بيهم محدش رضى يشهد قولى ليا بقا ايه الحل فى الموضوع ده .

[ابن الأكرمين]

المشاركة الأصلية كتبت بواسطة اميمة طه

عاوزة اقول لحضرتك انى مش سلبية ولا حاجة والدليل المشاكل المستمرة اللى بينى وبين المدرس ده بس بقه المشكلة اللى عندى اولا المدير من النوع مش عارفه اوصفه ازاى انما هو تشكيلة من مرتشى ومنافق وعديم الشخصية وممحابى لبعض الناس وبتاع مصلحته جدا فعشان تتعاملى مع حد فيه درجة عالية من التدنى كده لازم تبقى عارفه انه كل الاوقات بيوقع بين المدرسين والاكتر انه مرة قال للموجه وانا قاعدة ان الاستاذ فلان مثال يحتذى به وهو نفسه الاستاذ الزميل اللى معهوش كشكول تحضير واللى بيهرب لو عرف ان زائر فى المدرسة واللى ميعرفش المدرسة الا عشان الدروس ........سيبك من ده كله انا مرة فكرت اشتكى فى موقف حصل قدام كل الناس واستشهد بيهم محدش رضى يشهد قولى ليا بقا ايه الحل فى الموضوع ده .

الحل أنك تكوني صاحبة شخصية قوية لاتخافي في الله لومة لائم
وتذكري
(( إن المنافقين في الدرك الأسفل من النار ولن تجد لهم نصيراً))
صدق الله العظيم

وأكيد أنك ملاحظة ده عليه من خلال تعاملك معه

الله يهديه ليكي يارب

[علي عضاضلي]

المشاركة الأصلية كتبت بواسطة اميمة طه

عاوزة اقول لحضرتك انى مش سلبية ولا حاجة والدليل المشاكل المستمرة اللى بينى وبين المدرس ده بس بقه المشكلة اللى عندى اولا المدير من النوع مش عارفه اوصفه ازاى انما هو تشكيلة من مرتشى ومنافق وعديم الشخصية وممحابى لبعض الناس وبتاع مصلحته جدا فعشان تتعاملى مع حد فيه درجة عالية من التدنى كده لازم تبقى عارفه انه كل الاوقات بيوقع بين المدرسين والاكتر انه مرة قال للموجه وانا قاعدة ان الاستاذ فلان مثال يحتذى به وهو نفسه الاستاذ الزميل اللى معهوش كشكول تحضير واللى بيهرب لو عرف ان زائر فى المدرسة واللى ميعرفش المدرسة الا عشان الدروس ........سيبك من ده كله انا مرة فكرت اشتكى فى موقف حصل قدام كل الناس واستشهد بيهم محدش رضى يشهد قولى ليا بقا ايه الحل فى الموضوع ده .

سوووري يعني اللي بيتنازل عن حقه يبقي في نظر البعض ضعيف !!
طالما حضرتك على حق متسكيتيش ، اقلبي عاليها واطيها

وخلي شعارك :يا نعيش عيشة فل .. ياندخل السجن احنا الكل

[اميمة طه]

وبعدين انا معرفش ان الامتحان لازم يكون مبتكر انا قبل كده عرفت ان الاستاذ ده بينقل بالنص من كتاب خارجى ....... بس فى امتحانات التقويمات بيصور مباشر من الكتاب الخارجى لدرجة انه بيدى الولاد عنده فى الدرس التقويمات وبينقيها صعبة والعيال اللى فى فصولى طبعا هم اللى مغضوب عليهم عشان مبيخدوش دروس عنده فعشان اساعدهم باغير فى توزيعة الدرجات على الاسئلة ....كمان فى اوقات الاستاذ بيصور نص الامتحان من الملخص على اساس انه كامل ويصحح بنفس التوزيعة بس النتيجة اى كلام فباضطر اضيف سؤال او سؤالين من عندى عشان اعوض الاسئلة اللى متصورتش واحط درجاتى عادى .....وعاوزة اقولك ان فى المرات اللى باعمل كده فيها بتبقى فى حريقة فى المدرسة ولازم اجتماع صلح فورى عشان الاستاذ بيبقى هيولع ان العيال عندى جابت درجات عالية بالرغم من الامتحان اللى متفصل على قد بتوع الدرس........

[اميمة طه]

يا عضاضلى ايه اللى حصل فى المنيا

[منار على]

ههههههههههههههههههههههه

للاسف كل اللى بتحكيه بياكد كلامى بصى انتى معاكى حق وفى موقف قوه انتى غلطك انك سكتى من التقويم الاول

كمان اللى عملتيه مينفعش

تعرفى انا مره المدرس الاول مل امتحان صعب جدا اتصلنا بالموجه وقلبنا الدنيا ولان معانا حق بقينا احنا اللى بنحط الامتحان
ويوم مابيحاول يدخل هو والله العظيم بيبقى حذر جداااااااااااااا معانا لانه عارف اننا مش هنسكت كمان سيبك من مدير المدرسه
اتعاملى مع موجهك اتصلى بيه وقوليله اللى بيحصل وصدقينى حتى لو نصره عليكى قدامك ودا نادرا هيديله كلمتين فى جنابه بينهم وبين بعض كمان انا مش رايحه اقولك اتخانقى لا بالراحه جدا وبهدوء دا استاذ فلان مصر انه يعمل الامتحان وقال انه متحمل المسؤليه ومعملش حاجه احرجيه بذكاء وبحق لا تشدى ولا تعلى صوتك ولا حاجه هو فى موقف ضعف اللى عمله دا يحوله هو والموجه نفسه للتحقيق اعملى لنفسك شخصيه وخليهم يعملولك حساب انتى زعلانه انى بقول انك سلبيه وبصراحه ومن غير زعل انا مصره على ان تصرفك كان سلبى لانك كنتى فين من امتحانات التقويم الاول ومسالتيش نفسك ليه بقيت المدرسين كملوا شغلهم وانتى لا روحى اسالى حد فيهم لو مكانك شوفى هيرد عليكى ويقولك ايه

كمان بالنسبه لشخصيه مديرك احب اقولك ان النوع دا من الشخصيات هى اكتر نوعيه بتحب تبعد عن المشاكل
ودايما بتنتمى للجانب الاقوى وهو حس بقوه المدرس الاول عليكى عشان كدا دا سر تصرفاته معاكى
كمان هو عارف كويس ان لو الموضوع دا كبر هو والمدرس الاول والموجه المفروض يتحولوا للتحقيق لانه المفترض انه يتابع ويمضى على الدرجات فين متابعته هو والموجه مع انى استبعد استبعادك انتى نفسك من المسؤليه لانك هتتسالى كنتى فين من ايام التقويم الاول اتعاملى مع الموقف بذكاء انتى فى مركز قوه واعمليلك شخصيه قدامهم والاهو من كدا اعرفى حقوقك واسالى الاكبر منك والاكتر خبره عن اى موقف يقابلك