مش وقتو بس فرفشو شوية

[Eco esraa feps]

دى من برنامج النكتة تقول النكتة تقول" للإعلامى الشاب أحمد مدحت والذى يبث يوميا على راديو ميجا إف إم الساعة الخامسة والنصف مساء والإعادة الساعة التاسعة والربع مساء، وهو أول برنامج يناقش قضايا المجتمع المصرى من خلال النكتة.
النكتة 1
واحد عصبى راح للترزى ورماله حتة قماش وقاله أنا عايز أفصلها قميص... بس مش عايز الياقة ضيقة علشان باتخنق والأساور تكون واسعة علشان باتنرفز بسرعة... طب أقولك على حاجة... طب و الله ما أنت مفصلها... هات

النكتة 2
واحد جاب لمراته سواق، وبعد يومين دخلت عليه مراته متنعكشة وهدومها مقطعة ووشها مليان هباب، وصرخت وقالتله: السواق ده لازم يمشى حالاً... ليه حصل إيه كفى الله الشر... قالت له: إمبارح دخل بينا ف شجرة... والنهاردة العربية التانية اتقلبت بينا... فجوزها قالها: يا ستى... خلينا نديله فرصة تانية!!!

النكتة 3
واحد مثقف فتح محل سماه: سوبر ماركت الأقمشة الكهربائية لحلاقة الأجهزة الطازجة.

النكتة 4

النكتة بتقول واحدة بتقول لمامتها: جوزى اتأخر قوى يا ماما... أنا خايفة يكون اتجوز عليا... فمامتها قالت لها: يا بنتى اتفائلى خير... مش يمكن تكون داسته عربية؟!! ...

النكتة 5
النكتة بتقول: مرة واحد كان عنده أرق... فواحد صاحبه نصحه وقاله لما ترقد ف السرير عد من واحد لـ 500... صاحبنا دخل ينام وقعد يعد وصل لحد 150 لقى نفسه بينعس راح قايم جرى يطس وشه بشوية ماية علشان يفوق... ويكمل عد!!!

النكتة 6
اتنين دخلوا على ظابط ف القسم وواحد منهم عمال يصرخ: خبطنى بالعربية يا بيه وانا ف نص الشارع، الظابط قال للسواق: أنت خبطته؟!... السواق قاله: يا بيه الراجل ده بيفترى عليا... دانا قعدت أكلكسله واقلبله نور وهو مصمم مايتحركش من مكانه، الظابط لف للراجل وسكعه على قفاه وقاله: أنت بتستهبل ياللا؟ الراجل بيكلكسلك ويقلبلك نور... ماتحركتش ليه؟ قاله: يا بيه أتحرك فين دانا كنت قاعد ف الكشك بتاعى.
النكتة 7
واحد لقى كنز... فقعد يصرخ ويقول: الحمد لله لقيت كنز... لقيت كنز... مش فاضل غيرإنى ألاقى الخريطة!!!

النكتة 8
واحد كان نفسه ابنه يتعلم إنجليزى فدخله مدرسة لغات... الولد خلص ابتدائى وماتكلمش إنجليزى... راح محوله مدرسة تانية... خلص إعدادى وثانوى برضه وماتكلمش إنجليزى... الجامعة نفس الكلام... فالراجل بعته إنجلترا وجوزه واحدة إنجليزية... فبعد شهر بيتصل بيه فمراته ردت عليه قالها: عايز أكلم عوضين... قالتله: نجولو مين؟!!

النكتة 9
النكتة بتقول: واحد كريم متجوز واحدة كريمة خلفوا ولدين... خدوا واحد واتبرعوا بالتانى للملجأ!!!
النكتة 10
عسكرى إسرائيلى يوم 6 أكتوبر الصبح الدولة جهاز اتصال وقالوله: لو لمحت أى تحركات من الجانب المصرى اتصل بالقيادة على طول... قالهم وأنتو رايحين فين؟... قالوله: النهاردة عيد الغفران بقى كل سنة وأنت طيب وهانروح نعيد... بس أول ماتحس إن المصريين بيعملوا حاجة كلمنا على طول... الراجل لقى الطيارات طلعت راح مكلم القيادة: المصريين طلعوا بالطيارات... قالوله ماتقلقش إحنا مسيطرين بس خليك مصحصح... شوية ولقى المصريين بيعبروا... قالهم: المصريين عبروا القناة وبينهم وبينى 10 كيلو بس... قالوله ماتقلقش إحنا مسيطرين... شوية وكلمهم: المصريين فاضلهم 3 كيلو... وبرضه قالوله إحنا مسيطرين... شوية وكلمهم : أيوة يا قيادة... اتفضلوا المصريين عايزين يكلموكوا
النكتة 11
واحد بيقول لصاحبه: فيك من يكتم السر... قاله ف بير... قاله: معاك 400 جنيه سلف؟! ... قاله: ماتقلقش ... ولا كأنى سمعت حاجة
النكتة 12
واحد بلدياتنا دخل مجلس الشعب جديد، فأول جلسة قعد جنبه واحد نايب من دايرة قصر النيل وعزم عليه بسيجار فخم قوى فبلدينا قعد يشربه وهم مستجم قوى، فالراجل قاله: ماقولتليش رأى حضرتك ف الديمقراطية؟... قاله: لا و اللهحلوة ... دى أحسن من الكليوباترا كتير.
النكتة 13
واحد شيخ وواحد قسيس كانوا مسافرين مع بعض فى مهمة إنسانية وسهروا لحد بالليل قوى يشتغلوا... ولما رجعوا الفندق وقبل مايدخلوا أوضتهم... الشيخ قال لولد شغال ف الفندق يصحيه كمان ساعتين علشان صلاة الفجر... الولد فعلاً صحى الشيخ كمان ساعتين... فالشيخ قام وهو مش شايف قدامه ولبس لبس القسيس ونزل راح الجامع... وهو ف السكة كان فيه مراية ف الشارع فالشيخ بيبص فيها لقى نفسه لابس لبس القسيس... فقال: شوف الواد المغفل... صحى القسيس يصلى الفجر وسابنى أنا نايم!!!
النكتة 14
عبد الناصر كان ماشى ف الشارع سمع واحد بيقول لصاحبه أنا المرتب ما بيكفينيش لحد يوم 20 ... صاحبه قاله وبتكمل الشهر إزاى... قاله باعيش ع الستر... راح عبد الناصر أمم الستر.
النكتة 15
وواحد بيقول لصاحبه أنا دايخ على شغل بقالى شهرين ومافيش فايدة... قاله... عارف ياض ف مصر بقى الموضوع مختلف تماماً... أنت ف مصر تروح تقدم على شغل وتقعد مع المدير خمس دقايق يقولك خلاص أنت اتعينت وبالمرتب اللى أنت عايزه وبعدين ياخدك وتخشوا السينما وبعدين تتعشوا سوا وبالليل يقعد يتحايل عليك تبات عنده... صاحبه بلم وقاله: ياسلاااااام؟.. أنت حصل لك كده؟! ... قاله لأ حصل مع أختى!!!.
النكتة 16
واحد اشترى جزمة جديدة... فضل ماسكها ف إيده... فدخل ف رجله مسمار قعد يتألم ويقولها: كان هاييجى فيكى يا غالية.
النكتة 17
مرة واحد جاب كلب صيد وطلع يصطاد بيه، أول ماضرب طلقة من البندقية الكلب اغم عليه... اصحابه قالوله لازم تدربه وتخليه يسمع ضرب نار كتير... قالهم اعمل إيه؟!! ... قالوله: خدوا أفراح كتير هايسمع ضرب النار قلبه هايقوى ويتعود... الراجل خد الكلب ولف بيه أفراح مصر كلها وبعدين راحوا يصطادوا... الراجل ضرب طلقة راح الكلب قعد يزغرط !!!!
النكتة 18
واحدة بتشترى جزمة... فاختارت جزمة بكعب ووجوزها اختار لها جزمة من غير كعب فقعدوا يتخانقوا انهى واحدة أحسن... فصاحب المحل دخل ف الحوار وقال للراجل: يا أستاذ... أنت مالك متعصب ليه؟ هو أنت اللى هاتلبسها... فجوزها قاله وأنت مالك بتتدخل ليه؟ هو أنت اللى هاتتضرب بيها ...

النكتة 19
واحد حلاق بيعلم ابنه الحلاقة فدخل زبون عايز يحلق دقنه... فالراجل قال لابنه احلقله دقنه... فالولد بيحلق للراجل غلط وعوره ف خده بالموس الراجل راح مصرخ وبص للحلاق وقال: إيه ده؟؟ ماتيجى تشوف يا ريس... فالحلاق جه وشاف الراجل متعور راح رافع إيده ونازل على ابنه الواد بعد راح القلم نازل على وش الراجل لوحه... قاله معلهش يا أستاذ أسفين... وبعدين الولد كمل حلاقه وبرضه راح معوره ف خده التانى راح قال الراجل قال: آآآى ... الحلاق خد باله راح جاب كرسى ونزل بيه ع الولد الولد جرى راح الكرسى نازل على دماغ الزبون فاتحاله قاله معلهش يا أستاذ أسفين ... الولد من لبخته راح جارح الراجل جرح كبير قوى ف رقبته... راح الراجل مخبى رقبته وقاله أوعى أبوك ياخد باله والنبى.

النكتة 20
واحد من عيلة كلهم كسلانين... جاله شلل... أهله راحو يباركولوا... قالهم: دانا أول الدكتور ما قاللى انه شلل كنت خايف لاخف وأقوم من الفرحة.
يلا فرفشوا شوية