عاجل لكل طلاب ديكور بمصر الانضمام لنقابة المهندسين والارتقاء بالمهنة

[bahaaeldeen]

احنا بنجمع توقيعات يا جماعة علشان نقدم طلب للمجلس الاعلى للجامعات اننا ندخل نقابة المهندسين تبعا لنظام دراستنا وعملنا
والاسباب جت بعد ما الخريجين عانوا جدا لان شغلهم كله قطاع خاص
دة غير ان بتوع هندسة عمارة بيسرقوا شغلنا هما وبتوع تربية فنية وكمان لو مهندس ديكور سافر برة بيشتغل مساعد مهندس ديكور وتصميماته مش بتكون باسمه لكن باسم المعمارى للاسف

وكمان المسمى الوظيفى بتاعنا فنان تشكيلى مش مصمم ولا مهندس

احنا عايزين ناخد حقنا ومش هدفنا لقب مهندس وبس لكن بجد نقابة التشكليين مهشمة وعايزين نرتقى لافضل مستوى لينا

والتحرك دة جيه لما هندسة اسيوط فتحت قسم اسمه عمارة داخلية بيدرسوا فيه ديكور بس من غير ناحية فنية طبعا
يعنى الخريج عندهم يبقى اقل مننا فى المستوى والاخر ياخد فرص شغلنا لانه مهندس واحنا فنانين تشكليين

طب وايه المطلوب ؟؟

المطلوب دلوقتى اننا قدامنا لحد يوم الخميس تجميع توقيعات ونزلنا كليات فنون جميلة كلها وجمعنا حوالى الف توقيع
ومحتاجين اكبر عدد
كل اللى هتقدر تعمله انه هتبعت اسمك ورقم القومى والتليفون والشعبة او سنة التخرج على الايميل دة
mohandseen_decor*************

مستنيين اكبر عدد من التوقيعاااااااااااات وشكرااااااااااااا