هندسه الطيران !!!

[معالى الع ـيل]

السلام عليكم
منورين أبشمهندسين
انا فى 2 ثانوى شعبه علمى
جبت 96.8 %
و طبعا انتو عارفين انى لازم اقرر و بسرعه علمى ياضه و لا علمى علوم
انا حابب علمى رياضه جداااااا بس لانى عايز ههندسه طيران و لو ما فيش هندسه طيران يبقى علمى علوم احسنلى
بعد الرغى الكتير دا بقى عندى شويه اسئله لمنهندسين الطيران اللى فى منتدانا
1- طبعا هندسه طيران موجوده فى جامعه القاهره بس
بالنسبالى انا فى محافظه الفيوم بس اقدر اوفر سكن فـ الجيزه جنب جامعه القاهره هل ا هيفرق معايا و لا افضل فى الفيوم احسن؟؟
2 - اسمع ان فى كوورس بيتاخد بعد ما تخلص دراسه هندسه الطيران اسمه (البيزك) دا ايه نظمه و سعره كام؟ اسمع ان سعره 36000 جنيه مصرى
3- فى ناس بتقول ان نسب الشغل بعدالتخرج من القسم دا منعدمه انتو اي رأيكم؟؟
معلش أبشمهندسين دا مستقبل برضو

[معالى الع ـيل]

هى الردود للبنات و بس و لا ايه؟! و يقولك مجتمع ذكورى ؟!
اوعى حد يزعل بهزر و الله
بس ماحدش رد عليا يعنى؟

[elsharef]

المشاركة الأصلية كتبت بواسطة معالى الع ـيل

هى الردود للبنات و بس و لا ايه؟! و يقولك مجتمع ذكورى ؟!
اوعى حد يزعل بهزر و الله
بس ماحدش رد عليا يعنى؟

و الله هى شكلها كده و الله , انا برضو ولا حد بيعبرنى , والله ده عيب يا جماعة قوى .
(مصطفى الشريف)

[bebo10]

بما ان احنا فيومية زى بعض بص هى طيران فى مصر هيعتبروك ميكانيكى طيارات يعنى اخرك هتنام تحت الطيارة لكن برة بقىحاجة تانية ومن الاول اصلا صعب التحويل من الفيوم للقاهرة علشان الزفت الجغرافى ولازم يكون عندك شقة فى مصر والعنوان ف البطاقة القاهرة او الجيزة ف بيبقى حوار كبيير اوى بس ممكن تعملوا بس انا بجد معرفش حاجة عن البيزك دة
و بعديين كدة كدة عندك هندسة المشتل بنيين زى الفل

[معالى الع ـيل]

المشاركة الأصلية كتبت بواسطة elsharef

و الله هى شكلها كده و الله , انا برضو ولا حد بيعبرنى , والله ده عيب يا جماعة قوى .
(مصطفى الشريف)

و الله يا جماعه الشباب هما اللى بقو مظلومين فى البلد دى

[معالى الع ـيل]

المشاركة الأصلية كتبت بواسطة bebo10

بما ان احنا فيومية زى بعض بص هى طيران فى مصر هيعتبروك ميكانيكى طيارات يعنى اخرك هتنام تحت الطيارة لكن برة بقىحاجة تانية ومن الاول اصلا صعب التحويل من الفيوم للقاهرة علشان الزفت الجغرافى ولازم يكون عندك شقة فى مصر والعنوان ف البطاقة القاهرة او الجيزة ف بيبقى حوار كبيير اوى بس ممكن تعملوا بس انا بجد معرفش حاجة عن البيزك دة
و بعديين كدة كدة عندك هندسة المشتل بنيين زى الفل

ميكانيكى طيارات و ايه المشكله اهم حاجه ان الواحد يطلع من تحت الطياره يتنطط على الشعب بره و لا ايه؟!
تانى حاجه انا لسه ما طلعتش البطاقه و الشقه فى الجيزه موجوده و جنب الجامعه على طول يعنى موضوع الاقامه مش صعب !! اما بالنسبه لموضوع هندسه المشتل بنين دا هسيبه لضميرك انتا

[معالى الع ـيل]

اجدعان حرااااااااام عليكم هو مافيش مهندس طيران فـ المنتدى كله و لا ايه ؟؟!

[eng.taki]

المشكلة ان اسئلتك فنية اوي مايجوبش عليها غير مهندس طيران ودول قليل لما هتلقيهم في الواقع اصلا مابالك المنتدي
انما انا اعرف احسن حاجة في الطيران معهد امبابة و اعرف برضه انه ب11 الف جنيه في السنة
واسمع برضه ان خريج ميكانيكا مع كورس ايرودينامك يقدر يشتغل مهندس طيران
دي كل معلوماتي عن طيران

[issac-newton]

هى الردود للبنات و بس و لا ايه؟! و يقولك مجتمع ذكورى ؟!
اوعى حد يزعل بهزر و الله
بس ماحدش رد عليا يعنى؟

و الله هى شكلها كده و الله , انا برضو ولا حد بيعبرنى , والله ده عيب يا جماعة قوى .
(مصطفى الشريف)

الردود ليست عنصرية , و يعلم الله أنا إشراف القسم يبذل قصارى جهده من أجل الإجابة على إستفسارتكم , لذلك بالإضافة إلا أن موضوع حضرتك مخالف لعدم وضعه في الموضوع المخصص لتلقي الإستفسارات , و التي لم يوضع فيه أي استفسار و ترك من غير رد .
الموضوع سيغلق و نرجوا مراعات الكلمات في المرات القادمة و بالتوفيق