أحبيبتى أهندسة

[XxAmRxX]

ازيكم يا شباب
هفضفضلكوا فى التوبيك دا شوية
انا أولا جبت 204 من 205 فى تانية
و جبت 198.5 من 205 ف تالتة
و جبت كله 98.9% كنت متوقع اكتر من كدا بس الحمدلله طبعا

و مكانش فى دماغى هندسة بترول خالص لأنى شايف نفسى ف هندسة عادية لأنى بحبها

المهم بقى:-
1-أنا من بورسعيد ( محدش يضرب انا غلبان و الله )
اخش جامعة بورسعيد عادى بالذات أن بابايا دكتور فيها ولا اخش ايه بالظبط

2-انا كنت مقدم فى منحة للجامعة الامريكية بيختاروا اعلى 100 جايبين مجاميع و بيصفوا منهم 20 واحد بامتحان انجليزى
هل حد عنده معلومات مجموعى دا هيخلينى اخش من ال100 ولا لأ
هما تقريبا 350 واحد مقدمين فى المنحة

3-و دا الاهم
ليه الناس عمالة تخوفنا من الهندسة و صعبة و هتموتوا و الكلام دا
انا الحمدلله بحب الرياضة و مقفل ميكانيكا و تفاضل و نقصت فى الجبر عشان كنت تعبان يوم امتحان الجبر و بحب الرياضة اوى

هل برضه هتبقى رخمة و صعبة و هقعد اسقط و الحاجات دى

طولت عليكو يا شباب معلش و الف شكر

[ENGINEER AHMED]

انا احب اقولك ان اللى فات ده حماده و اللى جاى حماده تانى خالص ادخل هندسة و ربنا يتولاك برحمته

[محمد عبد النبي 2010]

ودعه يا لمبي

[moataz707]

نجيبك الترنك و نحاسبك ههههه ربنا يستر علينا

[FirstMan08]

بص متقارنش ثانوي بهندسة خالص .. يعني انا كنت جايب 99.9 % و مقفل الرياضة تانية و تالتة و دخلت أول ميدترم نقصت 8 درجات .. عادي جدا دول مش كتير بس بعد كده بدأت أشد شوية لأن النظام مختلف عن ثانوي خالص و المشكلة اللي هتقالك دايما هي الوقت يعني ممكن تبقي عارف كل اجابات الاسئلة بس متلحقش تحل كله و دي كانت بالنسبة لي أكبر مشكلة علي عكس ثانوي بتحل الامتحان في تلت ساعة و تراجعه عشر مرات ..
بالنسبة للمنحة بتاعت الجامعة الأمريكية .. لو جاتلك أمسك فيها بإيدك و سنانك واٍسال في الموضوع كويس جداً لأنها أفضل هندسة أكيد في مصر ..

[a7med_zd_4]

بص يا هندسة ....


احيك على انك مش حابب بترول


بص بقى يا سيدى

............... انت اولا عاوز تبقى مهندس اية بالضبط حدد

لو مهندس مدنى ادخل هندسة الزقازيق
لو مهندس ميكتنيكا او كهربا او اى حاجة تانية ادخل عين شمس او القاهرة


نصيحة من اخ فى سنة رابعة مدنى (هندسة الزقازيق )

وعلى فكرة هندسة مش صعبة ولا حاجة

هو الصعب فيها فقط اول سنــة يعنى (اعدادى)

[a7med_zd_4]

بالنسبة الى انت درستوا فى الرياضة فى ثانوى هتحتاجوا فى الكلية تانى ....