أيها المنتدبون بين المحافظات تواصلوا معا لمناقشة قضايانا المختلفة

[nasseer]

المنتدبون بين المحافظات : سمعت في المديرية أنه طبقا للقانون الجديد سيتم الغاء ندب المنتدبين بين المحافظات لأن المحافظة المنتدب إليها المعلم سوف تتحمل أجور هؤلاء المعلمين وبالطبع ما فيش محافظة حترضى تتحمل هذه النفقات لذلك سيتم وقف الانتدابات ,,,, لكن ماذا نفعل بعدما انتقلنا إلى هذه المحافظات بأسرنا هل سنهدم حياتنا ونبدأ من جديد في أماكن جديدة ؟
المفروض المنتدب في المحافظة يتم تثبيته حتى يأمن من هذه القرارات العشوائية التي تضر بحياتنا و تضيع فرصتنا في الحياة الكريمة .
على كل منتدب بين المحافظات وضع رقم تليفونه للتواصل

[سعد رمضان]

أنا نقلت من محافظة البحبرة لمحافظة كفر الشيخ بأمر تنفيذى بس النقل بدون الدرجة المالية
كل سنه فى شهر سبعه بأعمل شيك تكاليف بمرتب السنه كلها من محافظة البحيرة لمحافظة كفر الشيخ رغم أنى نقل مش ندب نقل بأمر تنفيذى منذ عام 2010 وحتى الأن الدرجة المالية لم تنقل بعد من محافظة البحيرة

[ashrafe2003]

انا مشكلتى اكثر صعوبة
انا منتدب من الغربية الى الوادى الجديد
وزوجتى تعمل معلمة بالوادى
واولادى الاربع فى مدارس
ماذا افعل لو تم الالغاء معنى ذلك ان فى الغربية واولادى وزوجتى فى الوادى الجديد
للعلم انا منتدب بقالى 11 سنة اعما اية دلونى

[عمران جابر مهني]

المشاركة الأصلية كتبت بواسطة سعد رمضان

أنا نقلت من محافظة البحبرة لمحافظة كفر الشيخ بأمر تنفيذى بس النقل بدون الدرجة المالية
كل سنه فى شهر سبعه بأعمل شيك تكاليف بمرتب السنه كلها من محافظة البحيرة لمحافظة كفر الشيخ رغم أنى نقل مش ندب نقل بأمر تنفيذى منذ عام 2010 وحتى الأن الدرجة المالية لم تنقل بعد من محافظة البحيرة

أنا حالتي مثل حالة حضرتك تماما ان نقلت من الفيوم الي المنيا عام 2009 رقم 1468 بتاريخ 16 -7-2009 والي الان لا درجة في المنيا واصرف بشيك تكاليف والعذاب في شهري يوليو واغسطس من كل عام حيث يتاخر الشيك حتي يصل الي المنيا ويقومون بتسويته واقبض في سبتمبر

[nasseer]

لابد من التحرك لارسال هذه المشاكل للوزارة لبحثها وحلها لأننا مدرسين قدامى ولنا حقوق وخدمنا كثيرا في التربية والتعليم وأولادنا كبروا لايمكن المغامرة بالغاء الندب أو أي شيء فالحل هو التثبيت في أماكننا .
سبحان الله في الوزارات والهيئات الأخري يتم النقل أو الندب بين المحافظات بسهولة وبدون تعقيدات ما عدا التربية والتعليم الوزارة الوحيدة التي فيها مشاكل مثل قضية نقل الدرجة كأنها سوف تنقل خارج مصر مش من محافظة إلى أخرى وكذلك الندب وغيرها

[عمران جابر مهني]

احنا رحنا وزارتي التعليم والمالية وقالوا نقل الدرجة بين المحافظات ولا علاقة لنا به

[ashrafe2003]

طب وبعدين يا جماعة اية الحل
دى حياة اسر ومستقبل اولاد
بعد العمر دة كلة اسيب اولادى فى اخر الدنيا وارجع الغربية ازاى
ارجوكم وصلوا صوتنا سعدونا
انا فاضلى فى المعاش مش كتير
اعمل اية

[nasseer]

تواصل معي على التليفون وياريت كلنا نتواصل عشان نلاقي حل للمشكلة ونوصل الحل للمسئولين ت 01123437793

[ashrafe2003]

المشاركة الأصلية كتبت بواسطة nasseer

تواصل معي على التليفون وياريت كلنا نتواصل عشان نلاقي حل للمشكلة ونوصل الحل للمسئولين ت 01123437793

ارجوا التواصل على 01119478847

[نجلاء شوقى]

انا نفس المشكله منتدبه من الجيزة لبنى سويف وفى بنى سويف قالولى الكلام ده بس انا افتكرت انهم فاهمين القانون غلط لانى قريته فهمت منه ان الغاء الندب للناس المنتدبه من وحده لوحده او من وزارة لوزاره طيب حد شاف القانون وقراه وفهمه زى انا ما فهمته ولا اييييه

[عزة فرج]

انا نفسي افهم ليه وزارة التربية والتعليم دائما تهين موظفيها يعني رافضين النقل ورضينا بالانتداب لظروفنا العائلية ونقبض
بشيك تكاليف ونتعذب كل سنة على ما نحصل على الموافقة بالندب وشيك التكاليف ايضا بالاضافة ان المرتب بينقص عن زملائنا بنسبة 10% بحجة الانتداب وبتروح لللإدارة التعليمية . مش هو المفروض اننا موظفين دولة واحنا مصريين يعن بنقبض من دولة مصر تفرق ايه بقى من محافظة لمحافظة ماهو في النهاية الميزانية لنفس الدولة مصر حد يفهني كل الوزارات كده ولا احنا بس
؟

[nasseer]

أيها الزملاء الأعزاء : يجب أن نطالب الوزارة باصدار قرارات تثبيت لنا كل واحد في مكانه لأن احنا كل واحد فينا عاش في محافظته هو وعياله ومن الصعب علينا نرجع تاني أو يعاد توزيعنا في أي مكان غير الى احنا فيه ,,,,,,,,,,,, عشان كده يجب أن نكتب طلب جماعي لتثبيتنا في أماكنا أما موضوع الدرجة المالية فاحنا داخل مصر و كل محافظات مصر فيها ناس خارجة منها وناس داخله فيها بس مطلوب من المسئولين شوية تفكير صغيرة وكل مشاكلنا حتتل . لكن أغلب المسئولين مش عايزين يحلوا أي مشاكل أكبر تفكير لهم هو الحفاظ على الكرسي فقط ...... لنا الله

[ashrafe2003]

المشاركة الأصلية كتبت بواسطة nasseer

أيها الزملاء الأعزاء : يجب أن نطالب الوزارة باصدار قرارات تثبيت لنا كل واحد في مكانه لأن احنا كل واحد فينا عاش في محافظته هو وعياله ومن الصعب علينا نرجع تاني أو يعاد توزيعنا في أي مكان غير الى احنا فيه ,,,,,,,,,,,, عشان كده يجب أن نكتب طلب جماعي لتثبيتنا في أماكنا أما موضوع الدرجة المالية فاحنا داخل مصر و كل محافظات مصر فيها ناس خارجة منها وناس داخله فيها بس مطلوب من المسئولين شوية تفكير صغيرة وكل مشاكلنا حتتل . لكن أغلب المسئولين مش عايزين يحلوا أي مشاكل أكبر تفكير لهم هو الحفاظ على الكرسي فقط ...... لنا الله

انا موافق ولو عاوز اى بيانات منى
انا معاك ولو فى توكيل للتوقيع انا مستعد وياريت كل الزملاء تتعاون قبل صدور اللائحة التنفيذية

[nasseer]

لازم كل واحد فينا يكتب فاكس لوزير التربية والتعليم يطلب فيه التثبيت في مكانه ويتحدث بصيغة الجمع حيث أن هذا الطلب يمثل رغبة كل المنتدبين ولنبدأ من الآن

[شوقى جمعة]

الموضوع بجد مهم ولازم نتحرك