التقدم لطب القاهرة

[Dr.islam_Siad]

لو سمحتوا يا جماعة انا ربنا كرمنى والحمد لله بكلية طب القاهرة وانا من قنا


و عايز اروح اقدم فى الكلية فهل باب التقديم مفتوح و بالنسبة للمدينة الجامعية هل باب التقدم للطلاب الجدد مفتوح ولا لا

[Dr.islam_Siad]

حد يرد يا جماعة

[ahmedfezo]

شوف انا هريحك

التقديم ليه يوم معين هما بيحددوه
طبعا لو جيت بعده مش مشكلة على ما اظن


وكمان تقدر تخلى حد يقدم لك (وده حصل معايا)


فى العادة بيكون اليوم 16 -8 15-8 الله أعلم السنة للى فاتت كانت اغلب كليات الطب كدة


المهم تكون مجهز ورقكك معاك علشان متتسوحش




شهادة ميلاد (أصل أو مستخرج ) وكم صورة ليها

ورقة الترشيح

شهادة الثانوية العامة

صور شخصية (فى حدود ال10 12 كدة وزود عليهم 2 علشا الكارنيه والاستمارة )

استمارة ال2 جند تجيبها من المنطة العسكرية فى محافظتك أو من أى محافظة مش فرق

بعدها هحددولك وقت تجى علشان الكشف الطبى


بس كدة


بالنسبة للمدينة الجامعية فكل للى أعرفه لازم تدفع المصاريف علشان الوصل مهم والا مش هتقدر تخش المدينة

بس كدة وده للى عندى

[ahmedfezo]

يوووه نسيت


ممكن تسال شئون الطلبة على معاد التقديم أو تخلى حد يسألك

أو ممكن يكتبوا الموعد على موقع الكلية

على فكرة كل كلية ليها موقع وابحث عنه لو عايز