وانا مالى انا عاوز اتجوز

[biob]

اهلا يا جماعه
كل سنه وانتوا فرحانين

انا لاحظت من فتره ان الركن العام مليااااااااااااااااان مواضيع عن الجواز
جواز جواز جواز
فجه فى بالى اعمل موضوع عن الجواز خطر فى بالى فجاه
شاب بسيط جدا عنده 17 سنه زينا فى حوار مع باباه
طبعا مش انا
بس انا بتخيل نفسى يعنى

انا:بابا.................بابا

بابا:ايوه يا ابنى انت بطل زن انا صايم وهبطان ومش ناقصك

انا:هو انا كل ما اجى جمبك تعمل مخنوق
ماتخافش مش عاوز فلوس

بابا:امال جاى جمبى ليه السعادى.عاوز ايه؟

انا:انا عاوز اتجوز

بابا:وحياه امك
بقى انت يا قلهيا ابو.......... عاوز تتجوز
دا اخوك الكبير لسه ما اتجوزش

انا:و انا مالى وماله.هو حر

بابا:والنبى يا مصطفى حل عن دماغى انا مش نقصك دلوقتى

انا:انا بتكلم بجد على فكره .انت مفكرنى بهزر

بابا:ياد دانا ما اتجوزتش الا وانا عندى30 سنه
تقومانت يا عيل يا ابو 18 سنه عاوز تتجوز

انا:لا انا لسه 17

بابا:كمان .خلاص انت حر
عاوز تتجوز اتجوز
وناوى تقعدها فين هى وعيالها يا عريس

انا:الله مالبيت واسع اهوه
هبقى اخد الاوضه بتاعه الصالون اللى مالوش لازمه ده واحط فيها سرير

بابا:اه لا فكره برضه
وناوى تصرف عليها منين

انا :جرى ايه يا حج وجيه ما انت ناوى تستندل معايا ولا ايه
ربنا يخليك لينا

بابا:اه يعنى عاوزنى اصرف عليكو وعليها وعلى عيالك وعلى اخواتك وكمان تقعدوا فى بيتى

انا:اه بس
انا يعنى مش عاوز احملك فوق طاقتك

بابا:الله طيب ما اتجوزها انا وخلاص

انا:الله جرى ايه يا بابا انت باصصلى فى اللقمه من دلوقتى

بابا:قوم يا ابن ........ من هنا
قوم

(روحت قايم من على الكنبه ومشوح بايدى وانا ماشى ورحت قايل)

الله طالما احنا مش هينفع نتجوز دلوقتى
امال احنا ليه بنبلغ فى السن ده؟


طبعا الحج وجيه نفضلى وماردش
ياريت حدفيكوا يجاوبنى على السؤال ده

هواحنا بدام مش هنتجوز فى السن ده
يبقى ليه بنبلغ دلوقتى؟

[براءة]

اصل المفروض الواحد ف سنك ده يعنى المفروض يكون راجل مسئول و معاه حرفه غير تعليمه ويقدر يفتح بيت وكده
بس طبعا ف ايامنا دى وشباب قدوتها تامر حسنى اكيد مش هتتجوز غير وانت 40 كده مثلا

[براءة]

وبعدين انت ترضي انك تعيش مع والدك وكمان يصرف عليك وعليها ؟؟
يا سيدى يوم ما تبقي تقدر تعيشها ف اوضة حتى وتصرف عليك وعليها ابقي قول يا جواز

[باسم باشا]

لا يا باشا احنا المفروط فعلا نتجوز في السن دا


16 او 17 هو دا الصح

[Cray_Bird91]

السن مطلوب

بس المشكلة ان الشباب لما يبلغوا 17 سنة

المفروض يبتدوا يتحملوا المسئولية ويتجرأوا مع الناس ويتعلموا الادب فى الحوار والمعاملة

اكيد مش كلهم كدة

عشان لما يكون عندهم مثلا 20 سنة يكونوا خلاص اتعودوا على المسئوليه ويعرفوا الدنيا

ويكون طريقهم لبناء المستقبل قرب

بس دلوقتى معظمهم للاسف واخدين واحد قدوة وفاكرين ان اللى بيعمله ده صح وهو تامر حسنى

بس.....

[الشفق الباكي]

موتنى من الضحك يا بيوب
خلاص هنحاول نقنع الحاج وجيه يرضى يجوزك
وماتخفش اوى هو مش باصصلك فى اللقمه ولا حاجه هو يقدر الحاجه كانت ت................................


تقبل مرورى

[Cray_Bird91]

المشاركة الأصلية كتبت بواسطة باسم باشا

لا يا باشا احنا المفروط فعلا نتجوز في السن دا


16 او 17 هو دا الصح

لو صح

كانوا تحملوا المسئلية واعتمدوا على نفسيهم

والاهالى هيرضوا

بس العقل مش بينضج كامل فى السن ده

[الشفق الباكي]

مش مهم العقل ينضج كامل بقى
ماهو هيتجوز 17 يعنى هيتجوز واحده عندها 15ولا 14 ولا 13 سنه هتبقى برده دماغها هيه
عادى يعنى
هيمشى رايه ماتخفش

[withoutname2100]

انا رأي من رأي مون لايف..الواحد في السن دا سواء بنت او ولد بيبدا تفكيره ينضج ومخه يشتغل صح[دا المفروض]عشان يبدا يختار مجال دراسته وبعدين مجال عمله ولازم ساعاتها الانسان يكون انسان عاقل بالغ..عشان دا مصير..وبعد ما الولد يبقي راجل كدا ملو هدومه [ مش عضلتين وعليهم بنطلون جينس وحبه شعر عليهم جل] يروح وهو واثق من نفسه يقول لابوه انا عاوز اتجوز بس يكون قد المسئوليه سواء من ناحيه الفلوس والتفكير ويكون قادر علي تحمل مسئوليه ان يكون اب..والبنت برده تكون معاها شهادتها وانسه عاقله كده ومحترمه مش لسه بنوته طايشه..وعالعموم البلد مليانه عرايس مستعجل علي ايه..والعنوسه فالبنات بالذات في ازدياد..[.دونت وري]

[الشفق الباكي]

كمان هتخلونا عوانس وانتو قاعدين ياظلمه

[Dr.diamond]

المفروض فعلا لو كان حالنا كويس كان الشباب يتجوز فى السن ده فعلا زى ما كان بيحصل زمان
بس دلوقتى اساسا فى السن ده الولد بيبقى لسه مثلا مخلص ثانوى وداخل كليه لسه اساس مخلصش تعليمه
ولا كون اى حاجه فى حياته ولا حتى عنده مصدر دخل
ده غير ان اغلب البنات دلوقتى بقت بتكمل تعليمها مش زى زمان بيخلصوا بدرى
فأكيد مش هينفع يتجوزوا دلوقتى مش هيبقى هما الاتنين قاعدين يذاكروا والجيران تعملهم شاى لزوم المذاكره


على فكره الحوار ده تحفه جدا

[الشفق الباكي]

دكتوره جوليت ياخدوها ورديات كل واحد يذاكر ساعتين والتانى يعمل الشاى

[براءة]

المشاركة الأصلية كتبت بواسطة الشفق الباكي

كمان هتخلونا عوانس وانتو قاعدين ياظلمه

يا شفق ما طبيعى العنوسة تزيد
مش كل واحدة بتفضل تخلف ف بنات تخلف ف بنات تخلف ف بنات لحد ما يجيلها الولد
ده احنا زماننا ضعفهم 5 او 6 مرات

[biob]

المشاركة الأصلية كتبت بواسطة رحمة للعالمين

اصل المفروض الواحد ف سنك ده يعنى المفروض يكون راجل مسئول و معاه حرفه غير تعليمه ويقدر يفتح بيت وكده
بس طبعا ف ايامنا دى وشباب قدوتها تامر حسنى اكيد مش هتتجوز غير وانت 40 كده مثلا

الله
اعملهم ايه يعنى
مش هما اللى عاوزنى ادرس واطلع دكتور قد الدنيا
كان زمانى اتجوزت وخلصت
انا ماليش دعوه بتامر حسنى دلوقتى
تامر حسنى مش هيجوزنى

[الشفق الباكي]

هههههههههههه
الحمد لله احنا بنتين بس لا خمسه ولا سته
وشكرا يابيوب على التوبيك
تحفه بجد