معادلة كليه الهندسة

[AhmedEzz55]

السلام عليكم
ياريت ياجماعه اللي عمل معادلة ف كلية هندسة يفهمني الدنيا انا كنت جايب فـ 3 اعدادي 281 من 300
كنت ادخل ثانوي عام مستريح انا حلمي ادخل هندسه الناس قالتلي ادخل صنايع علشان تعمل معادله كليه هندسه
انا حاليا ف 3 صنايع ومش فاهم اي حاجه ف موضوع المعادله ناس تقولي ادخل معهد فني صناعي واخرج بعده علي هندسه وناس تقولي مركز النور بتاع المعادلات علي طول ياريت ياجماعه اللي عنده خبره او عمل العادله يفهمني

[alkingstar]

تقدر تعمل المعادلة بعد ظهور نتيجة الثانوى الصناعى والتقديم بيكون فى كلية الهندسة جامعةالقاهرة بشرط ان يكون المجموع الاجمالى اكبر من 75% ده بالنسبة للثانوى الصناعى بس مش متاكد من النسبة هل هى 75% او اكثر او اقل الى ياكدلك المعلومة كلية الهندسة جامعة القاهرة وتقدر تتصل بيهم بالاستعلامات تستفسر او تروح بنفسك ويحق لك دخول الامتحان فى نفس سنة ظهور النتيجه والسنة التالية لها فقط ده بالنسبة للثانوى الصناعى اما اذا كملت معهد صناعى او كلية تعليم صناعى فبعد السنة التانية فى كلية تعليم صناعى او ظهور نتيجة المعهد فى السنة التانية يحق لك عمل معادلة فى هندسة القاهرة فى نفس سنة النجاح والسنة التلية لها(دخول الامتحان مرتين فقط) بس لا يشترط التقدير ولاكن نسبة النجاح فى المعادلة بتكون ضعيفة لان الامر يحتاج الى اجتهاد ومثابرة وتركيز لان المصحح هو دكاترة هندسة حط ده فى اعتبارك ولا يوجد وسطة من يستحق النجاح فقط هو من ينجح ويتم عمل اربع امتحانات فى الرياضيات والفيزياء (الجبر -الهندسة - الميكانيكا- الفزياء) منهج الثانوى العام وبيكون التقديم بعد ظهور النتيجة والامتحان بيكون تقريبا 15-9-**20 وبيتم توزيع المنهج الى بمتتحن فية فى هندسة القاهرة وتقدر تشترى الكتب منهم بالاضافة لكتاب الاسئلة والامتحانات السابقة وغالبا 90% من الامتحان بيكون من كتاب الاسئلة بس الى يقدر ينجز لان الوقت بين ظهور النتيجة وبين الامتحان بيكون قصير جدا جدا ومضيعش وقتك فى المراكز واللف الكتير ركز على عنصر الوقت والمذاكرة وتقدر تبدأمن دلوقتى اذا كان حلمك فعلا تدخل هتدخل الموضوع يا اخ احمد مش مستحيل وتقدر تدخل المعادلة بعد الثانوى الصناعى وبعد المعهد مش شرط تدخل المعهد القصه كلها بيحددها مجموعك فى ثانوى صناعى
ملحوظة مهمة جدا : اعرف وقت التقديم والحق لانة مش بيفتحوا التقديم لفترة طويلة غالبا يومين او ثلاثة وبعد بيقفلوا التقديمات والاوراق المطلوبه غالبا (شهادة الثانوى الصناعى - وطلب هما بيدهولك - ومبلغ مالى فى حدود 200 اقل او اكثر مش متاكد) واتاكد برضو منهم لانى مش فاكر ايه بقيت الاوراق المطلوبة لازم تروح بنفسك وتسال عشان تتاكد وتعرف المعلومة بشكل دقيق وثابت
والله اعلم
كل ده على حسب معلوماتى وافضل حد تساله هما هندسة القاهرة نفسهم لان كل يوم النظام بيتغير ومتخرجش الا وانتا عارف كل شئ من الاف للياء لان محدش هيفيدك برة وتوكل على الله وربنا يوفقك ويوفق الجميع

واستغفر الله العظيم
لا اله الا انتا سبحانك انى كنت من الظالمين
استغفرك واتوب اليك
وتوكل على الله فمن توكل على الله فهو حسبه