نموذج الإجابة لإمتحان الجيولوجيا والعلوم البيئية 2014 نظام حديث نسخة واضحة ونموذجية

[Mohamed AbdulGaleel]

يا مستر فى سؤال رسمة الكثبان الرملية والبحيرات القوسية أنا رسمت الاتنين حلو أوى بس للأسف نسيت أكتب البيانات وفى سؤال المصطلح العلمى بدل ما اكتب الخواص البصرية كتبت الخواص الظاهرة..كل دا من السرعة عشان ألحق أحل
ياريت حضرتك تقولى الدرجات هتبقى ازاى؟

[Only Forward]

استاذ من فضل حضرتك ارجو الرد والاهتمام والافادة

انا كتبت في اجاية السؤال الثالث الف اول واحدة
لانها هى التى تقوم بصنع العذاء و توفره لباقي الكائنات الحية
وكملت شرح الوظيفة دى وقلت لانها تقوم عليها باقي اجزاء السلسلة

فهل هى صح ؟؟

[fatensalem]

لو سمحت يا مستر انا كتبت ان الماس يتميز بخاصية عرض الالوان و شرحتها وان صلادة الماس 10 بس مكتبتش ان الاحجار الكريمة صلادتها تزيد عن 7,5 كدة اخد كام من الدرجة

[مستر حسن متولى]

المشاركة الأصلية كتبت بواسطة fatensalem

لو سمحت يا مستر انا كتبت ان الماس يتميز بخاصية عرض الالوان و شرحتها وان صلادة الماس 10 بس مكتبتش ان الاحجار الكريمة صلادتها تزيد عن 7,5 كدة اخد كام من الدرجة

الإجابة صحيحة

[مستر حسن متولى]

المشاركة الأصلية كتبت بواسطة ياقوتة1

استاذ من فضل حضرتك ارجو الرد والاهتمام والافادة

انا كتبت في اجاية السؤال الثالث الف اول واحدة
لانها هى التى تقوم بصنع العذاء و توفره لباقي الكائنات الحية
وكملت شرح الوظيفة دى وقلت لانها تقوم عليها باقي اجزاء السلسلة

فهل هى صح ؟؟

هو أهم حاجة فى إجابة النقطة دى إنك تذكرى إنها تحتوى على أكبر قدر من الطاقة الإنتاجية وتانى حاجة إن الطاقة تتناقص بمقدار العشر عند إنتقالها من حلقة لأخرى ،
إجابتك بالشكل اللى كاتباها توحى بالنقطة الأولى فممكن تاخدى نص الدرجة وهذا يتوقف على المصحح لو فاهم كويس هيديكى نص الدرجة لكن لو متشدد ومش فاهم مش هتاخدى حاجة
أتمنى لك التوفيق .

[ahmed369]

لو فى تصحيح الخطا كتبنا الخطا وتصحيحة فقط دون كتابة الجملة كاملة صح ام خطا

[مستر حسن متولى]

المشاركة الأصلية كتبت بواسطة ahmed369

لو فى تصحيح الخطا كتبنا الخطا وتصحيحة فقط دون كتابة الجملة كاملة صح ام خطا

صح يا باشا وربنا يوفقك

[مستر حسن متولى]

المشاركة الأصلية كتبت بواسطة mohamed abdulgaleel

يا مستر فى سؤال رسمة الكثبان الرملية والبحيرات القوسية أنا رسمت الاتنين حلو أوى بس للأسف نسيت أكتب البيانات وفى سؤال المصطلح العلمى بدل ما اكتب الخواص البصرية كتبت الخواص الظاهرة..كل دا من السرعة عشان ألحق أحل
ياريت حضرتك تقولى الدرجات هتبقى ازاى؟

للاسف يا محمد هتتخصم منك الدرجة بتاعة البيانات وكمان المفهوم كده غلط لكن ممكن لو المصحح رحيم يعملك المفهوم صح ربنا يوفقك

[hema6773]

حضرتك فى السؤال 5 كتبت ان الانديزيت نسبجه دقىق التبلر الاصح انه بورفىرى

[ahmed369]

انا كتبت فى نوع الصخر نارى سطحى مكتبتش مثلا حامضى ينفع

[Mohamed AbdulGaleel]

طب درجة البيانات كام؟

[مستر حسن متولى]

المشاركة الأصلية كتبت بواسطة hema6773

حضرتك فى السؤال 5 كتبت ان الانديزيت نسبجه دقىق التبلر الاصح انه بورفىرى

يا هيما الانديزيت صخر بركانى (سطحى) وبالتالى يكون نسيجه دقيق التبلر ، وليس صخر متداخل حتى يكون نسيجه بورفيرى .

[مستر حسن متولى]

المشاركة الأصلية كتبت بواسطة ahmed369

انا كتبت فى نوع الصخر نارى سطحى مكتبتش مثلا حامضى ينفع

تعتبر نص اجابة لأن الصخور النارية تقسم على أساسين
1- مكان التكوين (جوفية - متداخلة - بركانية)
2- التركيب الكيميائى والمعدنى (حامضية أو جرانيتية - متوسطة أو متعادلة أو أنديزيتية - قاعدية أو بازلتية)
وبالتالى يصنف كل صخر نارى على أساس ذلك فمثلاً :
الجرانيت : صخر نارى جوفى حامضى وهكذا .

[محمود حليفة]

شكرا جزيلا