طالب في 3 ثانوي ناوي على حقوق عين شمس قسم إنجليزي .. إستفسار بسيط !

[oss2008]

السلام عليكم يا جماعة .. أنا لسة في تالتة ثانوي ..

إن شاء الله السنة الجاية ناوي على كلية حقوق عين شمس قسم إنجليزي .. طبعاً أنا كنت ناوي عليها من زمان ..

أنا قسم أدبي من سنة تانية ثانوي .. إن شاء الله مجموعي هيكون أعلى من السنة

اللي فاتت 87% .. بعد إمتحان الإنجليزي إنهارده إن شاء الله في أسوء الأحوال هتكون

درجتي في الإنجليزي 43 من 50 .. و كنت جايب في الفرنساوي السنة اللي فاتت 49 من 50 ..

فهل إن شاء الله من الممكن أن يتم قبولي في حقوق عين شمس قسم إنجليزي ؟؟!! ..

أم أن درجتي في الإنجليزي ستمنعني من ذلك ؟؟!! ..

[a7med_sale7]

اكيد طبعا هيقبلوك مجموعك حلو اوى

[ميدو ماجيك]

ممكن الافادة عن ما هي ميزة حقوق انجليزي عن حقوق عربي ، وما هي الوظائف المتاحة لذلك

[romyo999]

بس بالله عليك تدعيلي انا و انت ندخلها

دي جامعة المنصوره

شروط الألتحاق

- يقبل عدد من الطلاب سنوياً بقرار من مجلس الكلية بناء على إقتراح لجنة الأشراف على الشعبة بالكلية من بين الطلاب المقبولين والمقيدين بالسنة الأولى فى الكلية بذات السنة. ويتم ترتيب الطلاب المتقدمين للقبول بالشعبة طبقاً للمجموع الكلى للدرجات مضافاً إليه مجموع اللغة الأجنبية والمستوى الخاص باللغة الأجنبية إن وجد لاختيار العدد المطلوب.
- يجوز قبول الطلاب الوافدين من الحاصلين علي الثانوية العامة أو ما يعادلها في كل عام دراسي ، بحسب ترتيب درجاتهم وفقا للترشيحات التي ترد إلى الكلية من الإدارة العامة للوافدين

نظام الدراسة

- الدراسة بشعبة اللغة الأجنبية نظامية وعلي الطالب متابعة الدروس وقاعات البحث، ولمجلس الكلية ، بناء علي طلب مجلس القسم المختص ، بعد أخذ رأى لجنة الشعبة أن يحرم الطالب من التقدم إلى الامتحان فى المقرر إذا قلت نسبة حضور الطالب عن 70% من عدد المحاضرات ، وفى هذه الحالة يعد الطالب راسباً فى المقرر الذي حرم من التقدم للامتحان فيه.
نظام الأمتحان

- يخصص 25% من الدرجة النهائية لكل مادة من المواد الواردة فى المادة 10 لامتحان منتصف الفصل على أن يكون ذلك من خلال اختبار تحريرى من دور واحد خلال الفصل الدراسى
- يبدا امتحان منتصف الفصل الدراسى بعد بدء الدراسة بـ 6 أسابيع
- المنقولون بمادة أو مادتين ليس لهم امتحان منتصف فصل وتصحح المادة من عشرون درجة .
- الطلاب الباقون للإعادة يعاملون معاملة المستجدين بالنسبة لامتحان منتصف الفصل .
- قرر مجلس الكلية بتحديد زمن الأمتحان ساعتان .

المصاريف الدراسية

الطلبة المصريين
- 3000 جنيه مقابل الخدمات التعليمية
- 161 جنيه مقابل القيد بالكلية
- 1000 جنيه مقابل تحسين خدمة تعليمية من الطلاب الحاصلين على الشهادات المعادلة والمرشحين بالكلية ( لمرة واحدة )
الطلبة الوافدين
- 3000 ثلاثة الأف جنيه مقابل الخدمات التعليمية وذلك بخلاف ما تنص علية المادة 271 من اللأئحة التنفيذية لتنظيم الجامعات

الأمتيازات

- يتم إعفاء الطلاب المتفوقين في السنوات الثانية والثالثة والرابعة من مقابل تكلفة الخدمات التعليمية وفقاً للقواعد التالية :
الطالب الحاصل على تقدير ممتاز يعفى بواقع ( 50% )
الطالب الحاصل على تقدير جيد جداً يعفى بواقع ( 25% )

اه بخصوص مجموع الانجليزي متقلقش 43 كويس بس فرصتك في الالتحاق هتكون اقل من اللي جايب اكبر منك علي حسب عدد الملتحقين بالجامعه لأنهم بيحددو عدد معين من الطلاب و بيختاروا من الطلاب المتقدمين بأفضلية درجة الانجليزي

و الوظائف المتاحه كتير زي العربي يزيد عيها انك خريج انجليزي بيكون مطلوب اللغه في بعض الاعمال

[ميدو المصري11]

لازم تكون جايب في مجموع السنتين في الانجليزي علي الاقل 45.5 من 50 و ربنا يوفقك ان شاء الله

[ليااان]

طب لو الطالب علمى المجموع المناسب واللى فى الامان يكون كام؟؟؟؟؟؟؟؟؟؟

[نو نيم]

ايه هو المجموع المناسب اللى يدخل حقوق انجليزى من علمى؟؟؟

[عاشق البلانكو الابيض]

المشاركة الأصلية كتبت بواسطة نو نيم

ايه هو المجموع المناسب اللى يدخل حقوق انجليزى من علمى؟؟؟

كلية حقوق شعبة اللغة الانجليزية ج بني سويف

417.5


كلية حقوق شعبة اللغةالانجليزية ج القاهرة

416.5


كلية حقوق شعبة اللغة الانجليزية ج عين شمس

414

كلية الحقوق شعبة اللغة الانجليزية ج الزقازيق

414

كلية الحقوق بالمنصورة شعبة اللغه الانجليزية ج المنصورة

411


كلية حقوق شعبة اللغة الانجليزية ج الإسكندرية

411

كلية حقوق شبين الكوم شعبة اللغة الانجليزية ج المنوفية

410