مفأجأة من العيار الثقيل : لا تغيير في مناهج المرحلة الابتدائية للغة الانجليزية

[نبيل محمد ابوزيد]

لا تغيير في مناهج المرحلة الابتدائية مادة اللغة الانجليزية و الدليل نزول الكتب الخارجية المكتبات بدون تغيير طبعة 2014

[ابراهيم ابراهيم الأشرم]

هات دليل بدل الكلام ده

[نبيل محمد ابوزيد]

انزل حضرتك المكتبة و اتأكد بنفسك و مستني ردك بعد ما تشوف المناهج علشان انا مبتكلمش من فراغ

[العقل المدبر]

الكتب الخارجية دليل لكنه ضعيف

[puma_stone]

عذرا لكاتب الخبر كتب اللغة الانجليزية وصلت المدارس بالمنهج الجديد و هو time for fnglish انتى اخوانى ولا اية حتى الكذب فى الكتب

[حسن رمضان 2008]

طاب اسم الكتب الخارجية اللى حضرتك شوفتها يا أستاذ نبيل

[رضا عبد الحميد عبد الرازق]

ايه يا جماعة انا أشتغلت فعلا فى المنهج الجديد نزلته من المنتدى هنا وايه التناقض ده

[نبيل محمد ابوزيد]

كتب سلاح التلميذ للمرحلة الابتدائية 2014 بدون تغيير و اللي بيقول كدب انا بقوله انا محترم و مش هرد عليك

[nile2004]

يا سيدى الفاضل مندوب سلاح التلميذ كان عندى فى المدرسة و موزع الكتب على المدرسين ما عدا الانجليزى و الصف الثانى الابتدائى " عربى " و لما سألتهم قالولى أنهم لسة مطبعوش و كمان أنا ماسك فى أيدى الان كتاب الصف الرابع بالمنهج الجديد لو عندك غير كدة صور الكتاب و ورينا دليلك و البينة على من أدعى

[yosefsaad]

مندوب gem كان عندي اليوم وبيقول لسه الابتدائي انجلش منزلش لانه متغييييييييييييييييير

[mr.amr_samir]

الكتب الخارجية لسه مانزلتش وانا نزلت من موقع تاني الكتب الجديدة

[mr.amr_samir]

الكتب الخارجية لسة مانزلش وانا دونت من موقع تاني الكتب الجديدة

[pshamshoon]

يا ترى اسم الموقع التانى ايه بعد اذنك يا مستر عمر

[رضا عبد الحميد عبد الرازق]

انا شوفت كتاب قطر الندى اولى ابتدائى السلسلة الجديدة time for english وهو فعلا نزل فى المكتبات

[عاطف القاضى]

المشاركة الأصلية كتبت بواسطة puma_stone

عذرا لكاتب الخبر كتب اللغة الانجليزية وصلت المدارس بالمنهج الجديد و هو time for fnglish انتى اخوانى ولا اية حتى الكذب فى الكتب

هل هذا رد يليق بنا ونحن فى منتدى تعليمى وتربوى محترم ؟ يجب أن يعذر بعضنا بعضا وأن نتناقش بموضوعية ومادخل الإخوان فيما نتناقش فيه ؟ " مايلفظ من قول الا لديه رقيب عتيد " " وَلَا تَقْفُ مَا لَيْسَ لَكَ بِهِ عِلْمٌ ۚ إِنَّ السَّمْعَ وَالْبَصَرَ وَالْفُؤَادَ كُلُّ أُولَٰئِكَ كَانَ عَنْهُ مَسْئُولًا"
تفسير بن كثير

قال ابن عباس: لا تقل، وقال العوفي: لا ترم أحداً بما ليس لك به علم، وقال قتادة: لا تقل رأيت ولم تر، وسمعت ولم تسمع، وعلمت ولم تعلم، فإن اللّه تعالى سائلك عن ذلك كله، ومضمون ما ذكروه أن اللّه تعالى نهى عن القول بلا علم، بل بالظن الذي هو التوهم والخيال، كما قال تعالى: { اجتنبوا كثيرا من الظن إن بعض الظن إثم} . وفي الحديث: (إياكم والظن، فإن الظن أكذب الحديث) وفي سنن أبي داود: (بئس مطية الرجل زعموا) وفي الحديث الآخر: (إن أفرى الفرى أن يُري الرجل عينيه ما لم تريا) وفي الصحيح: (من تحلم حلماً كلف يوم القيامة أن يعقد بين شعيرتين وليس بفاعل) وقوله: { كل أولئك} أي هذه الصفات من السمع والبصر والفؤاد { كان عنه مسؤولا} أي سيسأل العبد عنها يوم القيامة، وتسأل عنه.