أعمل ايه؟؟

koki` · #1 22-04-2010, 07:17 PM

السلام عليكم

ده اول موضوع ليا فى الموقع

و الصراحة البوابة مشهورة جدا وده شئ جميل

انا طالب فى اولى ثانوى

يعنى ممكن نقول شاطر

جبت 97.5 فى الترم الاول

و جتللنا من يومين كدا الاستمارة

بتاعت الشعب علمى و لا ادبىى ولا ايه

و الحقيقة انا متلخبط

عايز اخش علمىة علوم ومشش عارف

اختار كيمياء و لا احياء السنة الجاية

و مش عارف ايه هى انسب مادة ادبية

و سمعت انى لو اخدت كيماء المرحلة الاولى و انا علمى علوم
اقدر اغير لرياضة السنة اللى بعدها

هل ده صحيح

يا ريت حد يفيدنى يا جماعة

و شكراً ليكم مقدما

دينا دونا · #2 22-04-2010, 08:53 PM

واضح انك متلغبط جدا

محدش يقدر يقولك تدخل ايه

لان العلمي عايز دماغ شغاله وفهم

والادبي عايز حفظ كبير جدا

بص انا عن نفسي كنت ادبي في سنه تانيه كان عندي عربي ورياضة1 وانجلش واللغة التانيه كانت دويتش وانا كنت مختارة تاريخ
وفي سنة تالته اخدت علم نفس واقتصاد واحصاء وجيولوجيا وانجلش وعربي

دوول اسهل حاجة بالنسبة للادبي

انما لو انتا عايز تدخل علمي فيستحسن انك متاخدتش كيمياء ولا حتي تاخد احياء لان كل البنات صحابي بيشتكو منها

ادخل علمي رياضة

وربنا يوفقك وخليك معايا علي الخط

تقبل مروري

دينا دونا · #3 22-04-2010, 08:56 PM

انسب مادة ادبية هي التاريخ او علم النفس

مع العلم ان التاريخ فيه تواريخ كتيرة بس هيفيدك وكل حاجه في التاريخ هتلاقي نفسك عارفها
لانها معلومات عامه زي الحمله الفرنسيه علي مصر والحرووب ومحمد علي والخديوي اسماعيل

هتاخد حاجات جميلة جدا
صحيح انتا في مدرسة ايه

علاء سيف · #4 23-04-2010, 01:12 PM

أبني الحبيب كوكي
كلنا مرينا بهذة الحيرة وقليل من أحسن الاختار ومع الاسف لم أكن واحد مهنم
واليك تجربتي لعلها تفيدك
كان أيامنا أدبي للبنات او الطلاب محدودي القدرات فكان لابد ان احافظ على كرامتي وادخل علمي
بس مش عارف ليه ؟؟ وواضح انها كمان مشكلتك
المهم دخلت علوم وبعدها كلية تربية قسم طبيعة وكيمياء وحبيت الكيمياء اكتر
لكن اكتشفت اني موهوب اكتر في المواد التربوية
وبحبها اكتر وكمان في كتابة القصة القصيرة ولشعر وأخدت جوايز مش بطالة
ولما عملت دراسات عليا عملتها في اصول التربية
ولما عملت الماجستير كان في علم الاجتماع السياسي

فهت حاجة؟؟؟؟
اقصد لازم تحدد الهدف قبل الطريق انت عاوز تروح فين وبعدين تشوف اسهل الطرق لهدفك
اما مسألة اختيار الطريق الاسهل والهدف ربنا يفرجها فلا انصحك بها
وارجو لك دوام التوفيق والمتابعة