ملتقى طلاب صيدلة جامعة فاروس

[dr.omnia.pharma]

السلام عليكم ورحمة الله وبركاته



ازيكوا يا جماعة عاملين ايه



يااارب تكونوا بخيييييييييير



طبعا كلكم قدمتم وعملتوا الاختبارات وخلصتوا الحمد لله



مفضلش غير نتيجة الاختبار



وان شاء الله خيييييييير



وانا لقيت ان مفيش حد خاااااااالص اتكلم عن الجامعة



علشان كده حبييييت ان يكون لينا ملتقى نتجمع فيه ان شاء الله



علشان كلنا نتعرف على بعض ونقول رايبا فى الجامعة بصراحة



وايه اللى مضايقنا



وهتكون فكرة جميييييييلة للتواصل



انا منتظراكم




يلااااااااا كل اللى داخلين صيدلة فاروس يتجمعوا هنا

[ESSAM.KASEB]

لسه مكملتش عشر دقايق يدوبى متكلم عليها
جامعة فاروس بالإسكندرية

أما جامعة فاروس بالإسكندرية - وهى من الجامعات الخاصة الحديثة - ففيما يلي مصروفات الدراسة بها:

الصيدلة 16 ألفا و500 جنيه.

طب الأسنان 10 آلاف جنيه.

الهندسة 10 آلاف جنيه.

إدارة الأعمال 8 آلاف و300 جنيه.

الحقوق 7 آلاف و500 جنيه بزيادة قدرها ألف جنيه عن مصروفات العام الماضى.

اللغات والترجمة 7 آلاف و500 جنيه بزيادة قدرها ألف جنيه عن مصروفات العام الماضى.

السياحة والفنادق 7 آلاف و500 جنيه بزيادة قدرها ألف جنيه عن مصروفات العام الماضى.

وتعطى جامعة فاروس تخفيضات للدارسين بكلية الهندسة وفقا للمجموع فيحصل الحاصلين على أعلى من 95% فى الثانوية العامة على تخفيض يصل إلى 5 آلاف جنيه والحاصلين على أعلى من 90% تخفيض يصل إلى 3500 جنيه والحاصلين على أعلى من 85% تخفيض يصل 2500 جنيه والحاصلين على أعلى من 80% على تخفيض قدره 1500 جنيه بالإضافة إلى 3 منح لأوائل الثانوية العامة من الإسكندرية ومنح خصم نسبة من المصروفات للطلاب المتفوقين داخل الجامعة.

---------------------------------------------
شكرايا باشا

[dr.omnia.pharma]

جزاك الله خيرا

بس كنت عايزة اعرف حضرتك طالب فى الجامعة ولا لا

[ESSAM.KASEB]

المشاركة الأصلية كتبت بواسطة dr.omnia.pharma

جزاك الله خيرا

بس كنت عايزة اعرف حضرتك طالب فى الجامعة ولا لا

الله يخليكي
انا مش طالب فيها بس ليا 2 صحابى فيها

[الشفق القرمذى]

هل جامعة فاروس معترف بيها فى نقابة الصيادلة؟؟؟؟؟؟؟؟؟؟؟؟؟؟؟؟؟؟
و ليه هى رخيصة كدة عن باقى الجامعات الخاصة الموضوع فىيه ان ولا ايه؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[عااصي]

السلام عليكم ياريت لو حد في فاروس يقولي ايه نظام الامتحانات فيها وايه هي كليه العلوم الطبية والمساعدة وهل ساهلة ولا لا وانهي قسم احسن وياريت بسرعة عشان عاوزاه اقدم

[مظلومة والله]

انا عاوزة اعرف كل حاجة عن جامعة فاروس والعنوان والتعليم وهل ممكن القي شغل لو دخلتها

[‏Dr.KaR!MaN]

ممكن أعرف مصاريف علاج طبيعي كام في جامعة فاروس ؟!

[dodoo93]

عايزة اتاكد من مصاريف كلية الصيدلة مكتوب على موقع الجامعة 18500 جنيه المبلغ ده فى السنة الواحدة ولا فى الترم الواحد

[Dr BeBoOo]

علي فكره يا جماعه المصاريف اللى هنا ف الموضوع دا قديمة اوي .. المصاريف اتغيرت من زمااااان
وبالنسبة لاعتراف الصيدلة .. الله اعلم .. انا في طب اسنان بس اكييييد معتمده لكن النقابة وكده اسأل فيها احسن
والجامعه في سموحه في اسكندرية
الــ 18500 سواء للصيدلة او طب الاسنان فدا للترم الواحد بس ))))

[kokoyara]

ممكن لو حد قاعد قى اسكندرية يعرفنا المصاريف حاليا بقت كام بالنسبة للصيدلة و طب الاسنان و اية النظام فيها صعبة و الامتحانات صعبة ارجو الرد ربنا يخليكو

[lakaleko]

بقيت 21 ف الترم ده للصيدلة
و 22 ف الترم ده اسنان
و الملام ده من موقع الجامعة الرسمي و كلام شؤن الطلابه
بس انصحك بلاش لان مدير الجامعة راجل مش تمااااااام خالص

[HALAWA01090]

لو سمحتم صيدلة بتاخد من كام

[bikka]

لو سمحتم كنت عايزة اعرف مصاريف معهد رجب بالنسبة للغات والترجمة

[s.n.m]

المشاركة الأصلية كتبت بواسطة lakaleko

بقيت 21 ف الترم ده للصيدلة
و 22 ف الترم ده اسنان
و الملام ده من موقع الجامعة الرسمي و كلام شؤن الطلابه
بس انصحك بلاش لان مدير الجامعة راجل مش تمااااااام خالص

يعني ايه مش تمام خالص؟ ممكن توضيح بليز