اهلا وسهلا بك فى بوابة الثانوية العامة ... سجل الان

العودة   بوابة الثانوية العامة المصرية > الجامعات المصرية > الكليات الأدبية والتربوية > كلية السياحة والفنادق

كلية السياحة والفنادق كليات السياحة والفنادة للجامعات المصرية

إضافة رد
 
أدوات الموضوع انواع عرض الموضوع
  #1  
قديم 08-09-2012, 11:40 PM
الصورة الرمزية Eslam_Tourism
Eslam_Tourism Eslam_Tourism غير متواجد حالياً
كلية السياحة والفنادق
 
تاريخ التسجيل: Oct 2008
المشاركات: 237
معدل تقييم المستوى: 16
Eslam_Tourism is on a distinguished road
افتراضي قبل أن تدخل كلية سياحة وفنادق المنصورة


بسم الله الرحمن الرحيم

طبعا فى ناس هنا ممكن تكون عارفانى انا مشرف قسم كلية السياحة بس يعتبر سابقا لانى معدتش قادر ادخل المنتدى الفترة اللى فاتت دى كلها لاسبب خارجة عن ارادتى .

الحقيقة انا عملت الموضوع ده عشان اعرفكوا شوية حاجات عن كلية السياحة فى جامعة المنصورة باعتبارى متخرج منها ,,, انا عارف ان فى ناس كتير اول ما دخلتها اندهشت من شكلها اللى مينفعش يبقى شكل كلية فى جامعة كبيرة زى جامعة المنصورة وايضا المستوى التعليمى وكدة يعنى ....

الحقيقة انا هقولكوا الخلاصة او الزيتونة بمعنى أصح , يعنى بحكم خبرتى المتواضعة فى الكلية دى وبعد ما دخلت سوق العمل , هقولكوا عيب الكلية بتاعتنا اية ؟ وان شاء الله هابقى عمل موضوع تانى عن اللى واجهته فى سوق العمل بعد ما اتخرجت من كلية السياحة .

الحقيقة ! كلية سياحة وفنادق جامعة المنصورة كلية شكلها فعلا زى مدارس الثانوية العامة واللى مزود كمان الحكاية دى انها فى محاطة بالمدارس بحكم انها بتقع فى شارع الثانوية طبعا اللى راح الكلية فاهمنى .

طبعا انا عارف ان شكل الكلية لازم يكون يليق بمستوى الجامعة وكل الكلام ده .

عشان انا بطبيعتى مبحبش الموضوع يبقى سايب كدة هسهل الموضوع شوية هتكلم عن كل جانب بالتفصيل فى صورة نقط :

اولا : مظهر الكلية : شكل الكلية فعلا مش جميل لكن ده طبيعى فى جامعة المنصورة لان الكلية لسه جديدة ( تقريبا 6 سنوات ) وبعدين كلية تربية رياضية وطب بيطرى كانوا فى المكان ده قبل كدة , ده حتى فى مدرجات باسمهم فى الكلية عندنا وبعدين الجامعة دلوقتى عملت مساحة او مشروع انشاء كلية الاداب وكلية السياحة والفنادق داخل الجامعة عشان الجامعة اصلا عايزة تدخل كلياتها كلها جوة الحرم الجامعى فلازم تعرفوا ان المقر ده مقر مؤقت بس طبعا الحكاية حكاية وقت مش أكتر .

شكل الكلية والموقع والمظهر الجمالى والفنى للكلية اشياء ثانوية كلها بتنفع فى حكاية برامج الجودة والاعتماد والكلام ده بس طبعا كليتنا لسه طالعة من الفرن فالموضوع موضوع وقت مش اكتر وبعدين كلية صيدلة المنصورة زمان خالص كانت كلية تعبانة جدا اما دلوقتى فبقت واخد شهادة الـiso وليها مبانى كتيرة جدا فى الجامعة .

ثانيا : المستوى التعليمى :
برضو عشان الكلية جديدة فطبيعى تلاقى النظام التعليمى مش جامد اوى يعنى يعنى عيوبة فى ان مفيش معامل لغات فى الكلية وايضا مفيش تدريب على تنظيم البرامج السياحية وانظمة الحجز الالكترونية زى اماديوس وجاليليو وكمان فى مواد كتير هتتذاكر وهى ملهاش اى لزمة وطبعا كأى كلية سياحة وفنادق فى مصر مش هتتخرج فاهم لغة كويس اوى فياريت تعتمد على نفسك فى اللغة لان الدكاترة نفسهم كانوا بيقولولنا كدة

ثالثا : وجودها فى جامعة المنصورة : طبعا جامعة المنصورة جامعة عريقة جدا وجامعة ليها اسمها وخصوصا الفترة الاخيرة دى لانها واخدة المركز التالت على مستوى جامعات مصر بعد جامعة القاهرة والجامعة الامريكية والمركز ده بيتكرر بقاله اكتر من خمس سنين وكمان الجامعة متطورة جدا فى انظمتها وخدماتها وده طبعا من مميزات الكلية انها فى جامعة زى دى .

نصيحة اخوية : كلية سياحة وفنادق المنصورة كلية شكلها ومظهرها اى نعم لا يليق بشكل كلية كبيرة لكن طالما كانت كلية زى كلية تربية رياضية اللى هى دلوقتى من احسن كليات الجامعة وكلية طب بيطرى برضو كانوا مكان كلية السياحة حاليا فانا بعتبر ان حكاية الشكل دى حكاية وقت مش اكتر .

اهم حاجة لازم تركز عليها قبل ما تدخل اى كلية هو المجال اللى ناوى تشتغل فيه وطبعا لازم تحب المجال اللى هتشتغل فيه ولو حتى التنسيق اجبرك على اختيار معين , يعنى انا مثلا كان نفسى ادخل طب اسنان بس اعمل اية بقى النصيب ودخلت سياحة الحمد لله .

عالعموم متخافوس يا اللى دخلتوا سياحة وفنادق المنصورة فالشكل والمظهر والكلام وحتى المستوى التعليمى مش محور اهتمام بالنسبة لسوق العمل لان المحور الاساسى والمهم جدا هو شهادتك طبعا يعنى المهم بكالوريوس سياحة وطبعا ميمنعش تقدير كويس وجامعة محترمة والاهم بقى الخبرة والمهارة زى اللغات والكمبيوتر والدورات والشهادات .

اتمنى ان اكون افدتكوا و ان شاء الله ممكن ابقى عمل موضوع تانى هيفيدكوا ان شاء الله .

__________________
EGYPT

آخر تعديل بواسطة Eslam_Tourism ، 08-09-2012 الساعة 11:45 PM
رد مع اقتباس
  #2  
قديم 09-09-2012, 12:03 AM
الصورة الرمزية مرنا احمد
مرنا احمد مرنا احمد غير متواجد حالياً
عضو جديد
 
تاريخ التسجيل: Oct 2009
المشاركات: 39
معدل تقييم المستوى: 0
مرنا احمد is on a distinguished road
افتراضي

تسلم يا استاذ ع الموضوع دا

بس كنت حابه اسالك هي الكليه بتقبل من كام في المجموع ؟
__________________
آنآ انولدت ذگيه ,;, بَس آلدراسة خَربتني XD !

[/CENTER]
رد مع اقتباس
  #3  
قديم 09-09-2012, 12:27 AM
الصورة الرمزية Eslam_Tourism
Eslam_Tourism Eslam_Tourism غير متواجد حالياً
كلية السياحة والفنادق
 
تاريخ التسجيل: Oct 2008
المشاركات: 237
معدل تقييم المستوى: 16
Eslam_Tourism is on a distinguished road
افتراضي

اقتباس:
المشاركة الأصلية كتبت بواسطة مرنا احمد مشاهدة المشاركة
تسلم يا استاذ ع الموضوع دا

بس كنت حابه اسالك هي الكليه بتقبل من كام في المجموع ؟
الصراحة السؤال ده متكرر جدا ومش هتتعبى لو دخلتى على موقع التنسيق من جوجل وشوفتى الحدود الدنيا من سنة 2008 لحد السنة دى لان كل سنة الكلية بتاخد من مجموع معين
__________________
EGYPT
رد مع اقتباس
  #4  
قديم 09-09-2012, 12:42 AM
actavious_ actavious_ غير متواجد حالياً
عضو نشيط
 
تاريخ التسجيل: May 2012
المشاركات: 150
معدل تقييم المستوى: 12
actavious_ is on a distinguished road
افتراضي

طيب انتا بردو مجبتش الغرض م الموضوع ، ايه العيب بتاع الكلية فى مجال سوق العمل ، وهل اشتغلت ولا قعدت ف البيب بشهادتك وهل فعلا قسم سياحة اعلى مرتب فيه 500 جنيه ؟؟؟ طمنا ربنا يكرمك :/
رد مع اقتباس
  #5  
قديم 09-09-2012, 01:12 AM
الصورة الرمزية Eslam_Tourism
Eslam_Tourism Eslam_Tourism غير متواجد حالياً
كلية السياحة والفنادق
 
تاريخ التسجيل: Oct 2008
المشاركات: 237
معدل تقييم المستوى: 16
Eslam_Tourism is on a distinguished road
افتراضي

اقتباس:
المشاركة الأصلية كتبت بواسطة actavious_ مشاهدة المشاركة
طيب انتا بردو مجبتش الغرض م الموضوع ، ايه العيب بتاع الكلية فى مجال سوق العمل ، وهل اشتغلت ولا قعدت ف البيب بشهادتك وهل فعلا قسم سياحة اعلى مرتب فيه 500 جنيه ؟؟؟ طمنا ربنا يكرمك :/
انا غرضى من الموضوع انى اقول ان مظهر كلية السياحة والفنادق بالمنصورة والشكل والكلام اللى بيهم الطلبة الجدد ده مش محور اهتمام فى سوق العمل .

بالنسبة لسوق العمل انا الحمد لله شغال دلوقتى فى شركة سياحة تقدر تقول كبيرة شوية فى القاهرة باخد مرتب 1000 جنية طبعا انا عارف المرتب قليل لانى معنديش خبرة سابقة فى شركات سياحة كل خبرتى انى معايا icdl وانجليزى كويس واشتغلت شهرين فى شركة سياحة صغيرة .

لازم تعرف ان حكاية المرتب متغيرة من شركة لشركة يعنى فى الخليج المرتبات من 3000 لـ 7000 وطبعا مرتبات الفنادق الكبيرة ممكن تكون فى الحد ده برضو واعلى كمان .

طبعا انا بحمد ربنا انى لقيت فرصة زى دى اول ما اتخربت ومتقلقش عدد شركات السياحة العامة فى مصر اكتر من 1200 شركة يعنى من السهل تلاقى شغل فى واخدة فيها ولازم تعرف ان المرتب بعتمد على الخبرة فى المقام الاول يعنى مستحيل تفضل تشتغل بنفس المرتب علطول وانصحك انك تتقن الانجليزى كويس جدا جدا لانه الاساس فى كل وظائف السياحة

ومفيش حاجة اسمها اعلى مرتب 500 جنية ده كلام كله بطيخ ,,, اى نعم فى شركات سياحة بتدى مرتبات 300 و 500 جنية لكن دى بتبقى شركات صغيرة وشغلها مقتصر على مجال معين
__________________
EGYPT
رد مع اقتباس
  #6  
قديم 09-09-2012, 02:29 AM
actavious_ actavious_ غير متواجد حالياً
عضو نشيط
 
تاريخ التسجيل: May 2012
المشاركات: 150
معدل تقييم المستوى: 12
actavious_ is on a distinguished road
افتراضي

الهى يطمن قلبك ، قلبى الصغير لا يحتمل d: ، انا ناوى اتقن ان شاء الله ايطالى كمان مش انجليش بس ، وبعدين 1000 جنيه كبداية مش وحش ابدا ، محدش بيبدأ كبير ، شكرا يا معلم :*
رد مع اقتباس
  #7  
قديم 11-09-2012, 01:05 AM
ايمان هارون ايمان هارون غير متواجد حالياً
عضو قدوة
 
تاريخ التسجيل: Dec 2009
المشاركات: 1,263
معدل تقييم المستوى: 16
ايمان هارون is on a distinguished road
افتراضي

ع فكرة كلام حضرتك كلو تمام دة حتى الكلية الى هى الاولى ع الجمهورية والله مدرسة الثانوية بتاعتى كانت اكبر منها وكليتنا نصها عاوز يتبيض ويتغير حمامات وبنجات والمعامل تتظبط هواة عندنا معامل بس بيبقا ف حاجات عاوزة تتعدل بس الكلية مش بشكلها الكلية بمضمونة وان الواحد يخوش القسم الى هو بيحبه فيها وانا احب اشكر حضرتك اوووووووووووى لان انا دخلت الكلية دى بس بسبب كلامك عنها ومواضيعك الى كنت كاتبها ف الاول وحضرتك الى حببتنى فيها يارب ربنا يوسع رزقك ويوافقك ويرزقك من حيث لا تحتسب ياااااااارب وبجد الدعوة دى من قلبى ربنا يوافقك وموضوع ان المرتبات صغيرة دة والله كدبة انا كنت بدرب ف مكتب سياحى والمدير بتاع الشركة كان عاوز يدينى 200 جنية ل شهر حق موصلاتى عشان انا كنت بدرب انا مش شغالة معاهم والى كانو شغالين مش خارجين سياحة وخارجين تجارة وبياخدو 750 فمبالنا بقا بتوع سياحة والى معاهم لغات وكورسات هيشتغلو بكام ولة الى معاه اماديوس وادعيلى بقا ربنا يوافقنى بعد قرار وزير الطيران بالسماح للمضيفات بالحجاب دة انهم يقبلونى ف مصر لطيران عشان اقضى التدريب بتاع تانية هناك وسافر
__________________
anosha
لفو البطل ف الكفن
وحتى الكفن بيبكى
اصل الكفن كان علم
وعن البطل بيحكى
رد مع اقتباس
  #8  
قديم 19-08-2014, 04:56 AM
aya abdelghany aya abdelghany غير متواجد حالياً
عضو جديد
 
تاريخ التسجيل: Aug 2014
المشاركات: 1
معدل تقييم المستوى: 0
aya abdelghany is on a distinguished road
افتراضي

لو سمحت الكليه اخدت م نسبة كام السنه دى م علمى علوم
واختبارات القدرات ليها معاد محدد انا حاليا بره مصر ينفع اعمل الاختبارات لما اوصل مصر والا مش بتتأجل
رد مع اقتباس
  #9  
قديم 11-02-2015, 11:53 AM
طهقان طهقان غير متواجد حالياً
عضو جديد
 
تاريخ التسجيل: Mar 2014
المشاركات: 29
معدل تقييم المستوى: 0
طهقان is on a distinguished road
Icon9 ؟؟؟؟؟؟؟؟؟؟

يا سلالالالالالالالالالالالالالالالالالالالالالالالال الالالالالالالالالالالالالالالالالالالالالالالالال الالالالالالالالالالالالالالالالالالالالالام:022yb 4: :0 22yb4::022 yb4:
رد مع اقتباس
إضافة رد

العلامات المرجعية

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


جميع الأوقات بتوقيت GMT +2. الساعة الآن 07:24 PM.