اهلا وسهلا بك فى بوابة الثانوية العامة ... سجل الان

العودة   بوابة الثانوية العامة المصرية > الجامعات المصرية > المجموعة العلمية > كلية الصيدلة

إضافة رد
 
أدوات الموضوع انواع عرض الموضوع
  #1  
قديم 17-09-2009, 01:11 AM
الصورة الرمزية Dr.Nobel
Dr.Nobel Dr.Nobel غير متواجد حالياً
طالب جامعي
 
تاريخ التسجيل: Jun 2007
المشاركات: 883
معدل تقييم المستوى: 0
Dr.Nobel is an unknown quantity at this point
افتراضي تعريف بمواد التيرم الاول >اولى صيدلة القاهرة <


الكمياء العضوية = organic
200 درجة
100 نظرى ..70 عملى... 30 شفوى

الكيمياء التحليلية =analytical
150 درجة
80 نظرى... 50 عملى...20 شفوى

الكمياء الفيزيائية = physical
150 درجة
100نظرى... 50 عملى (( خللوا بالكوا دى درجة العملى بتاعتها بيحطوها زى بتاع التحليلية يعنى كدا عملى التحليلية هيبقى double))

النباتات = botany
150 درجة
80 نظرى... 50 عملى... 20 شفوى

الرياضة = math
100 درجة كلهم نظرى

تاريخ ومدخل الصيدلة = orintation
100 درجة كلهم نظرى



نبتدى بالعضوية

دى إن شاء الله مجرد العضوية اللى اخدناها فى ثانوية عامة بس مجرد بالإنجليزى ومتحملوش هم الإنجليزى إن شاء الله
يعنى معادلات
وطرق تحضير
وتفاعلات كيميائية عضوية ((خللوا بالكوا عضوية يعنى مركب فيه كربون وهيدروجين))

وفيها طبعا يقولك ارسملى المركب ده اللى بيبقى مديك اسمه او يجبلك مركب مرسوم يقلك قول اسمه
يعنى زى عضوية ثانوية

والمادة دى محتاجة متابعة وتكون فاهم جدا وفهمك ان شاء الله هيسهل الحفظ

طيب نذاكر منين؟؟

نقول المحاضرات طبعا
يعنى تحضروا المحاضرات وتكتبوها معرفتوش تكتبوها إن شاء الله هتبقى موجودة فى المكتبات

ودى بيبقى ليها محاضرتين ف الأسبوع محاضرة ساعتين ومحاضرة ساعة
والدكاترة بتوعها غالبا بيبقوا شرحهم ممتاز أو جيدجدا


عملى المادة دى مجرد إنك بتتعرف على مواد زى الميثان البنزين وهكذا...
وده عن طريق شوية تفاعلات بتعملها منها ذزبان المركب فى الماء وهل هو حامضى ولا قاعدى وهكذا

والعملى بتاعها بيجى سهل ان شاء الله بتتعرف على المركب زى ما قلنا وبعد كدا بتكتب اسكيم للمركب ده (( يعنى الخواص بتاعته))

الإمتحان بيجى ازاى؟؟

بيجى معادلات نكملها
تحويلات (( من كذا هاتلى كذا))
ارسم المركب الفلانى
اكتب اسم المركب اللى قدامك ده
ازاى نحضر مركب معين
يعنى وما شابه ذلك




الكمياء التحليلية

دى عاملة زى باب كان ف الكمياء بتاع الثانوية بس تقريبا لغوه بعد السنة اللى كنت فيها
المهم دى عبارة عن الأيونات بتاع المركب
يعنى مثلا NaCl

ندرس بقى الصوديوم لوحده بصفته هيبقى كاتيون (( يعنى موجب الشحنة))
ندرس بقى الخواص بتاعته زى تفاعلاته مع كذا وكذا ولما نحط عليه معرفش ايه يدى لون ايه وهكذا))

وبعد كدا ندرس بقى الكلوريد بما انه أنيون (( يعنى سالب الشحنة))

طبعا مش هنقعد ندرس فى الصوديوم كلوريد لوحده فى انيون وكاتيون كتير هندرسها ان شاء الله
وصراحة المادة دى من أسهل المواد اللى تقدر تجيب فيها امتياز (( بجد والله))

المادة دى بتبقى محاضرة واحدة ساعتين فى الأسبوع

وعايز فهم ثم يليه حفظ وخدوها نصيحة كما قيلت من قبل افهم الأول وهتلاقى ان شاء الله كل شئ تمام

نذاكر منين من المحاضرات يحبذ اللى انت بتحضرها لأن الكاترة بيشرحوا بطريقة معينة
كمثل لو معرفتش تكتب المحاضرة ان شاء الله هتلاقى المحاضرات موجودة فى المكتبة

العملى بتاعها مرتبط بالنظرى كتيييييييير جدا ودى حاجة هتساعدكوا اوى علشان كدا هى من أسهل المواد
نفس الموضوع بتاع الأورجنيك بنتعرف على المواد اللى هى الأنيون والكاتيون بسش بطريقة التحليلية يعنى هحك البتاع دهو على ده يدينى لون معين يبقى ده هو الكاتيون او الانيون المعين

الامتحان بيجى
اختر
وصل
كمل المعادلات
ازاى تفصل بين الخليط ده
ازاى تعرف الانيون او الكاتيون ده
صح وغلط
وهكذا



الكيمياء الفيزيائية

عبارة عن الفيزيا بتاع الثانوية والكميا معا
أه والله متستعجبوش معظ المواد بتاع الثانوية هتاخدوها تانى بس بالانجلش

عبارة عن كام شبتر بيتكلم عن ايشى الذرة
ومعرفش يتكلم عن نظريات الذرة وما شابه

ومادة لذيذة جدا وسهل جدا تميزوا فيها بكل سهولة ان شاء الله

ودى تتذاكر من الكتاب كيفما تشاءون

ودى محاضرة واحدة برضه ساعتين

ومفهاش عملى (( زى ما قلنا درجة العملى بتاعتها هى بتاعت التحليلية))

هى هتبقى محتاجة شوية مجهود ف الحفظ بس مش اوى يعنى

امتحانها على ما افتكر بيجى شوية مسائل باين واختر
ممكن المصطلح العلمى
اكمل
يعنى



النباتات

من اجمل المواد فى الكلية هتسمتعوا بيها اوى ان شاء الله

دى بقى بتتكلم عن النباتات وازاى بقى بيجيبوا النبات ويستخرجوا منه الدوا
والمادة دى عبارة عن تقريبا جزئين اوى تلاتة المهم

المقدمة وهى مهمة جدا ليك كطالب ف كلية صيدلة علشان تعرف تكمل ف باقى فروع المادة
وبيجى عليها أسئلة كتير ف الإمتحان

وبعد كدا هيكلمك بقى عن الأوراق اللى هى أوراق الشجر leaves يعنى
الاوراق بقى اللى بنستخدمها استخدام طبى زى أوراق السنامكى

المادة دى محتاجة حفظ كتيير اجاركم الله بس هتستمتع بيها ان شاء الله

بتبقى محاضرة واحدة ف الأسبوع ساعتين

المحاضرات
هتعوزوا ف المادة دى ف اولها انكوا تجيبوا المحاضرات من المكتبة فحاولوا تفهموا اوى المحاضرة ومتحاولوش تكتبوا فيها ف الاول لان فيها مصطلحات مش هتعرفوها وممكن تكرهوا المادة بسببها فمن الاحسن تركزوا ف المحاضرة وبعد كدا تجيبوا المحاضرة مكتوبة من المكتبة

العملى بتاعها
عبارة عن شوية مواد هتعرفوها فى الأول من زى الكبريت والبطاطس والأرز يعنى شوية حاجات عبيطة كدا هتعرفوها تحت الميكروسكوب

اه صحيح لو تجيبوا ميكروسكوب خاص بيكوا ف الأول يبقى احسن علشان المادة دى

بعد كدا بقى هتشرحوا بعيد عنكوا

متخافوش مش هتشرحوا حاجت اللى هى زى البنى آدمين
لأ هتشرحوا الأوراق وتشوفوها بقى تحت الميكروسكوب
ايشى قطاع عرضى وايشى قطاع طولى
وطبقة من على سطح الورقة هتشوفوا العجب ف العملى ده


ودى امتحانها بيجى
أكمل وده هيفضل ف القسم بتاع المادة دى لحد اما تخلعوا منه بيحبوا اكمل اوى
وممكن اختر
وشوية أكتب ما تعرف عن
يجيبلك جدوا ناقص شوية حاجات تكمله
يقلك ازاى تفرق ما بين المادة الفعالة ودى وغيرها
وما شابه



الرياضة

ودى عبارة عن رياضة

فيها رياضة بحتة زى التفاضل ةالتكامل والمصفوفات ومحدش يقولى يعنى ايه مصفوفة هتعرفوها ان شاء الله لما تاخدوها

ورياضة تطبيقية عبارة عن تطبيق الرياضة فى مجال الصيدلة الى حدا ما

دى بيديها دكتورين من كلية الهندسة

محتاجة فهم جدا وسرعة فى الحل مع الثقة ف انك بتحل صح

وبتبقى محاضرة ساعتين ف الأسبوع كل دكتور اسبوع

محتاجة تحضر محاضرات علشان تفهمها لو حد يقدر يشرحهالك يبقى خير وبركة بس المحاضرات مهمة جدا علشان معظم الأمثلة اللى بيشرحوها فى المحاضرات هى اللى بتيجى ف الإمتحان

طبعا مفيهاش عملى

الامتحان بيجى زى امتحان الرياضة
شوبة تفاضل على تكامل ع مصفوفة تحلها

على شوية امثلة تطبيقة تحلها وهكذا وبيبقى امتحانها بونس يعنى من 120
يعنى لو حبيت 110 هتآخد 100 برضه المهم ان امتحانها بيبقى محتاج وقت وسرعة هو بيبقى ساعتين
وخلو بالكو من الوقت فيها ))



تاريخ ومدخل الصيدلة

عبارة عن تاريخ الصيدلة من أيام الفراعنة الى يومنا هذا مرورا بالعصر القبطى والإسلامى وعصر ما قبل النهضو والعصر الحديث وهكذا شوية تاريخ يعنى بس عن الصيدلة

ازاى كانوا بيحنطوا والذى منه
دا التاريخ

أما مدخل الصيدلة بنآخد شوية حاجات مهمة هنحتاجها ان شاء الله فى الدراسة بعد كدا

عايزة حضور محاضرات ومحتاجة حفظ

بتبقى محاضرة واحدة ساعة ف الأسبوع

امتحانها بيجى اكمل
صح وغلط
اختر
اكتب ما تعرفه
ممكن وصل

تقريبا كدا


منقوووووووووول

__________________
رد مع اقتباس
  #2  
قديم 18-09-2009, 03:28 AM
A L M A S A L M A S غير متواجد حالياً
عضو مجتهد
 
تاريخ التسجيل: Jun 2009
المشاركات: 62
معدل تقييم المستوى: 15
A L M A S is on a distinguished road
افتراضي

جميل جدا جدا .. و الله حاجات شكلها ممتعة ..
متعرفيش مواد صيدلة حلوان عامله ازاي ..
رد مع اقتباس
  #3  
قديم 26-02-2010, 11:54 PM
الصورة الرمزية كونان باشا
كونان باشا كونان باشا غير متواجد حالياً
عضو مجتهد
 
تاريخ التسجيل: Apr 2008
المشاركات: 122
معدل تقييم المستوى: 16
كونان باشا is on a distinguished road
افتراضي

كله كان بيقول انها مواد ممتعه ف الاول لما تدخلى ان شاء الله هاتتصدمى صدمه وهاتكرهى الل يوم اتلل جيبتى فيه مجموع عشان دخلتى صيدله
وبعدين امتحان التحليليه بييجى اكمل ووصل ؟ يمكن ف جامعه القاهره كده
احنا عندنا ف الازهر نفخ بجد ربنا يكون ف عونا على المواد الل بتدرسوها دى
رد مع اقتباس
  #4  
قديم 27-02-2010, 05:17 PM
الصورة الرمزية Dr-Mahmoud Ehab
Dr-Mahmoud Ehab Dr-Mahmoud Ehab غير متواجد حالياً
مشرف المجموعة الطبية
 
تاريخ التسجيل: Dec 2007
المشاركات: 322
معدل تقييم المستوى: 17
Dr-Mahmoud Ehab is on a distinguished road
افتراضي

اقتباس:
المشاركة الأصلية كتبت بواسطة كونان باشا مشاهدة المشاركة
كله كان بيقول انها مواد ممتعه ف الاول لما تدخلى ان شاء الله هاتتصدمى صدمه وهاتكرهى الل يوم اتلل جيبتى فيه مجموع عشان دخلتى صيدله
وبعدين امتحان التحليليه بييجى اكمل ووصل ؟ يمكن ف جامعه القاهره كده
احنا عندنا ف الازهر نفخ بجد ربنا يكون ف عونا على المواد الل بتدرسوها دى
هي حضرتك مواد ممتعة فعلآ وده مايمنعش أن في مواد صعبة
حضرتك حاول تسأل حد في أي كلية عن مواد الكلية وأتحداك لو قال كل المواد سهلة
ومش هيحصل صدمة ولا حاجة بس هيكون فيه ذهول وده وارد لأنه نظام جديد أول مرة نشوفه
جامعة القاهرة تعتمد بنسبة كبيرة علي العملي حيث يمثل ثلث الدرجة
أما mcq فدرجاتها كفاية لو حلتها كلها أنك تنجح paper
وتقديرك في المادة يعتمد علي باقي الإسئلة
وده مايقولش أن ال mcq سهلة يعني ..........
رد مع اقتباس
  #6  
قديم 16-08-2010, 10:17 PM
الصورة الرمزية هنا إبراهيم
هنا إبراهيم هنا إبراهيم غير متواجد حالياً
عضو قدير
 
تاريخ التسجيل: Mar 2009
المشاركات: 455
معدل تقييم المستوى: 16
هنا إبراهيم is on a distinguished road
افتراضي

اقتباس:
المشاركة الأصلية كتبت بواسطة mahmoudehab مشاهدة المشاركة
هي حضرتك مواد ممتعة فعلآ وده مايمنعش أن في مواد صعبة
حضرتك حاول تسأل حد في أي كلية عن مواد الكلية وأتحداك لو قال كل المواد سهلة
ومش هيحصل صدمة ولا حاجة بس هيكون فيه ذهول وده وارد لأنه نظام جديد أول مرة نشوفه
جامعة القاهرة تعتمد بنسبة كبيرة علي العملي حيث يمثل ثلث الدرجة
أما mcq فدرجاتها كفاية لو حلتها كلها أنك تنجح paper
وتقديرك في المادة يعتمد علي باقي الإسئلة
وده مايقولش أن ال mcq سهلة يعني ..........


كلامك صح جداااااااااااااااااااااااااااااااااااااااااااااااا ااااا

انا على فكره فى تانيه صيدله القاهرة

وفعلا الكليه ممتعه جداااااااااااااااااااااااااااااااااااااااااااااااا ااااا

ودكاتره القاهرة ممتازين جداااااااااااااااااااااا

ربنا معاك ان شاء الله وتجيب امتياز وعلى فكره

سهل جدا فى سنه اولى انك تجيب امتياز

بس اعرف تنظم وقتك صح
رد مع اقتباس
  #7  
قديم 17-08-2010, 05:13 AM
الصورة الرمزية Dr-Mahmoud Ehab
Dr-Mahmoud Ehab Dr-Mahmoud Ehab غير متواجد حالياً
مشرف المجموعة الطبية
 
تاريخ التسجيل: Dec 2007
المشاركات: 322
معدل تقييم المستوى: 17
Dr-Mahmoud Ehab is on a distinguished road
افتراضي

منوره المجموعه الطبيه يا د\هنا داخله تالته إن شاء الله زينا يعني
شكرآ لمرورك الطيب
جامعه القاهره جميله جدآ في نظام الدارسه والأساتذه كلهم ممتازين
يعني كفايه أن في التحليله د/ محمد عبد القوي ده لوحده يخليها سهله
أنا شخصيآ شايف أن نظام الدارسه في جامعه القاهره أحسن من جامعتي إسكندريه
وربنا يوفقك ويوفق كل زوار المجموعه
__________________
رد مع اقتباس
  #8  
قديم 17-08-2010, 08:57 PM
الصورة الرمزية هنا إبراهيم
هنا إبراهيم هنا إبراهيم غير متواجد حالياً
عضو قدير
 
تاريخ التسجيل: Mar 2009
المشاركات: 455
معدل تقييم المستوى: 16
هنا إبراهيم is on a distinguished road
افتراضي

اقتباس:
المشاركة الأصلية كتبت بواسطة mahmoudehab مشاهدة المشاركة
منوره المجموعه الطبيه يا د\هنا داخله تالته إن شاء الله زينا يعني
شكرآ لمرورك الطيب
جامعه القاهره جميله جدآ في نظام الدارسه والأساتذه كلهم ممتازين
يعني كفايه أن في التحليله د/ محمد عبد القوي ده لوحده يخليها سهله
أنا شخصيآ شايف أن نظام الدارسه في جامعه القاهره أحسن من جامعتي إسكندريه
وربنا يوفقك ويوفق كل زوار المجموعه


المجموعة الطبيه منوره بدكاترنها والله

بس على فكره انا لسه رايحه تانيه اصغر منكم بسنه

طمنونى تانيه سهله ولا؟؟؟؟؟
__________________
لا تجعل الدنيا تضحك من بكاؤك ولكن اجعلها تبكى من جبروت ضحكك
رد مع اقتباس
  #9  
قديم 19-08-2010, 02:32 PM
الصورة الرمزية Dr-Mahmoud Ehab
Dr-Mahmoud Ehab Dr-Mahmoud Ehab غير متواجد حالياً
مشرف المجموعة الطبية
 
تاريخ التسجيل: Dec 2007
المشاركات: 322
معدل تقييم المستوى: 17
Dr-Mahmoud Ehab is on a distinguished road
افتراضي

لا تانيه سهله متقلقيش معظم المواد مكمله معاكي
عضويه ــــ عقاقير ـــــ تحليليه ـــــ صيدلانيات دول المواد الأساسيه
فمش هتلاقي صعوبه بالإضافه أنك خدتي خبره كبيره في سنه أولي خبره الشفوي والعملي
والمصطلحات الطبيه فهتبقي أسهل إن شاء الله
وربنا يوفقك
__________________
رد مع اقتباس
  #10  
قديم 20-08-2010, 11:11 PM
الصورة الرمزية هنا إبراهيم
هنا إبراهيم هنا إبراهيم غير متواجد حالياً
عضو قدير
 
تاريخ التسجيل: Mar 2009
المشاركات: 455
معدل تقييم المستوى: 16
هنا إبراهيم is on a distinguished road
افتراضي

اقتباس:
المشاركة الأصلية كتبت بواسطة mahmoudehab مشاهدة المشاركة
لا تانيه سهله متقلقيش معظم المواد مكمله معاكي
عضويه ــــ عقاقير ـــــ تحليليه ـــــ صيدلانيات دول المواد الأساسيه
فمش هتلاقي صعوبه بالإضافه أنك خدتي خبره كبيره في سنه أولي خبره الشفوي والعملي
والمصطلحات الطبيه فهتبقي أسهل إن شاء الله
وربنا يوفقك


شكراااا جدا اااااااا جزاك الله خيراااااااااااااااااا

ربنا يوفقك
__________________
لا تجعل الدنيا تضحك من بكاؤك ولكن اجعلها تبكى من جبروت ضحكك
رد مع اقتباس
  #11  
قديم 03-08-2011, 12:38 AM
sony w bs sony w bs غير متواجد حالياً
عضو مجتهد
 
تاريخ التسجيل: Feb 2010
المشاركات: 115
معدل تقييم المستوى: 15
sony w bs is on a distinguished road
افتراضي

ايه ده انا هاخد كل ده ؟؟؟ :DDDDDDDD
لا ممكن احول تجارة
رد مع اقتباس
  #12  
قديم 03-08-2011, 01:44 AM
vito123 vito123 غير متواجد حالياً
عضو مجتهد
 
تاريخ التسجيل: Jul 2011
المشاركات: 76
معدل تقييم المستوى: 13
vito123 is on a distinguished road
افتراضي

اقولك انا كنت خايف جدا من الامتحانات بس بجد شجعتني وانا كده ممكن احلم اني اتفوق بجد في هذه الكلية الرائعه بس هيضيقني الحفظ بس يلا ربنا معانا
رد مع اقتباس
  #13  
قديم 03-08-2011, 04:32 AM
الصورة الرمزية The Castle
The Castle The Castle غير متواجد حالياً
عضو مجتهد
 
تاريخ التسجيل: Oct 2010
المشاركات: 58
معدل تقييم المستوى: 14
The Castle is on a distinguished road
افتراضي

3la fkra ana mar3ob mn kolyet saydla la2enha kolha kemya :S ... y3ny ana el7l gayeb full mark f el a7ya2 w el fyzia... w gayeb f el kemya 47 !!! :S:S w el mawad shaklha sa3b .. rabena ystor isA w rabena ywaf2na kolna ya rab
رد مع اقتباس
  #14  
قديم 01-07-2015, 01:47 AM
الصورة الرمزية ابراهيم الكومى
ابراهيم الكومى ابراهيم الكومى غير متواجد حالياً
عضو قدير
 
تاريخ التسجيل: Feb 2010
المشاركات: 487
معدل تقييم المستوى: 15
ابراهيم الكومى is on a distinguished road
افتراضي

جزاك الله خيرا
رد مع اقتباس
  #15  
قديم 03-03-2017, 05:37 PM
lahfaahmed lahfaahmed غير متواجد حالياً
عضو جديد
 
تاريخ التسجيل: Mar 2017
المشاركات: 2
معدل تقييم المستوى: 0
lahfaahmed is on a distinguished road
Icon111

انا ف تالته ثانوى وبجد نفسي ادخل صيدله اوووووووووى بس حاسه اني ضااااااايعه خالص قولولى ازاى اقدر اوصل وخلاص الوقت بقي قصير جدا
رد مع اقتباس
إضافة رد

العلامات المرجعية

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


جميع الأوقات بتوقيت GMT +2. الساعة الآن 11:03 AM.