موضوع هاااااااام جدا على كلية العلاج الطبيعى

[sooooony]

السلام عليكم


اولا انا سعيد جدا بوجودى فى هذا المنتدى الرائع واحب اتوجه بالشكر والتقديرلادارة الموقع وفريق العمل والمشرفين


وربنا يجعله فى ميزان حسناتكم ويجازيكم خير عن اخوتكم الطلبة


زملائى الاعزاء طلاب العلمى علوم لو دخلت علاج طبيعى


اولا احب اعرفكم بنفسى انا اخوكم مصطفى





واحب ان اوضح لكم بعض التساؤلات عن الكلية

كلية العلاج الطبيعى من كليات القطاع الطبى زى طب وصيدلة واسنان وبيطرى


مدة الدراسة بالكلية 5 سنين 4 سنوات دراسة اكاديمية وسنة امتياز

الكلية الحمد لله مستقبلها اكثر من رائع لانك ليك تكليف بعد التخرج ان شاء الله وفى ناس كتير بتشتغل من وهيا بتدر س هو يعنى اذا كمجال عمل هو اكثر من رائع ومربح واولا واخير الله مقسم الارزاق

وفيما يلى بعد ممزيات الكلية عن طب وصيدلة عشان متزعلش انك ملحقتش صيدلة او اسنان



طبعا انا مش بقلل من مكانة الكليات دى لا اطلاقااااااااا على عينى وراسى والله بس ليا الحق انى افتخر بكليتى برضه واكشفلكم الجوانب السلبية الكليات اللى كنتو بتحلموا بيها



اولا مميزات كلية العلاج الطبيعى عن طب بشرى



طب بشرى عدد الخرجيين كتيييييييييييييير لدرجة ان بقوا فى التكليف بتاعهم يودوهم اماكن بعيدة من كثرة دكاترة بشرى فى المدن وطبعا انا ليا قريبتى بتصوت ودوها شمال سيناء يعنى غربة ومواصلات ومصاريف وهيا خريجة جامعة اسكندرية ده طبعا غير المرتب المهول اللى بتقبضه واللى ميتجوزش300 جنيه

بالنسبة للولاد طب بشرى معاناة كبيرة لانك بتدرس سبع سنين بعدها 3 سنين جيش بعدها تكليف ولازم تعمل ماجستير عشان تتخصص ودوخينى يا لمونة يعنى عشان توصل للى المرحلة اللى تقدر تقول فيها انا هبدا اكون متسقبلى يا جماعة يكون عندك 28 سنة

كلية علاج طبيعى بقى عدد الخرجيين قليل وتكليفك بيبقى فى بلدك بس برضه لازم يكون تقديرك كويس ده يساعدك كتير

عدد سنين الدراسة خمسة فقط وبتبدا شغل من بعد رابعة على طول وبتبدا تاخد مرتب من وانتا فى امتياز سواء من الحكومة او من الشغل الخاص اللى يببقى فى عيادات وزى ما قلت والله يا جماعة فى ناس كتيرة فى امتياز بتطلع بمرتب محترم من الشغل الخاص
يعنى تخيلوا وانتو فى امتياز بتاخدوا فى الشهر 200 جنيه من الحكومة +مرتب الشغل الخاص

يعنى مبلغ محترم جدا بالمقارنة ببتاع بشرى اللى لسه طالب فى سنة خامسه


مميزات كلية علاج طبيعى عن صيدلة


الفرق بين مميزات العلاج الطبيعى والصيدلة
الطلبة بتتكالب على الصيدلة بسبب ميزتين فى الصيدلة:-

1-انها مربحة جدا

2-انها خمس سنوات فقط بخلاف الطب سبع سنوات

ولما نيجى نتكلم عن العلاج الطبيعى نجده يحتوى على تلك الميزتين لأنه مربح جدا خصوصا كلما مرت سنوات على تخرجك يزداد دخلك والجلسات بتبقى على فترات امع العيان يعنى بتشوف العيان كتير وبيجيلك كتير


والمميزات الاضافية عن الصيدلة ان عدد الطلبة فى كليتنا قليل جدا بالنسبة للطب او الصيدلة او الاسنان

عندما تتجول فى اى منطقة تجد صيدلايات كثيرة جدا غير الخريجيين اللى كل يوم بيزيدوا

وميزة العلاج الطبيعى انك بتفتح عيادة وبتشتغل فى مستشفى وهذا فى حد ذاته متعة كبيرة لا يغنى عنها اى مال فعندما تجلس فى عيادتك ان شاء الله ويأتيك المرضى وتعالجهم

تشعر بمتعة تختلف عن كونك دكتور صيدلانى يصرف الروشتة فقط ونادرا ما تجد دواء تركيب فكل الادوية جاهزة واعرف كثير من الناس يعملون فى صيدلايات بمؤهل متوسط وناس تانيين بدون مؤهل



خلاصة هذا الكلام اذا اردت ان تنجح فى العلاج الطبيعى تضع تلك المميزات نصب عينيك وتجعل معنوياتك فى السماء وتتجاهل اى سلبيات للكلية ولا تضع فى بالك مشاكل النقابة فهى ستحل ان شاء الله عاجلا او آجلا وغالبا قبل التخرج ستحل وعندما تتخرج ان شاء الله هيكون كارنيه نقابة المهن الطبية معاك

وارجو يا جماعة ان انتو بجد تبقوا متفائلين وتخليكوا فى الكلام المشجع وسيبكوا من المحبطين دول ناس مش تفهم

[samos2008]

كلامك منظم ومنطقى جدا
بارك الله فيك
لكن متهيألى الكلية تناسب الاولاد اكتر من البنات

[Doctor P.T]

بالعكس

الكلية 3/4 منها بنات

[dr.kholoud]

كلامك مقنع جدا الله يطمنك انا كنت قلقانة جدا من الكلية وخايفة من مستقبلها بس الحمد لله والف شكر ليم على المجهود الرائع وربنا يجعله فى ميزان حسناتك بأذن الله

[طالب بالخارج]

طب انا طالب في تالتة ثانوي
حلو
بدرس برا مصر وكلها شهرين انشاء الله وهخلص
حلو
وهموت وادخل علاج طبيعي
هنا بقا مش حلو
كل اما اقابل حد بيطلعلي مليون عيب في الكلية
لدرجة اني جت علي فترة وكنت هصرف نظري عنها
سؤال واحد ؟؟!!
خريج علاج طبيعي لقبه إيـ؟ـه
دكتور ولا اخصائي ولا اوسطا ولا ايه
ياريت رد

لقب دكتور غير مسمي المهنة مسمي المهنة اخصائي علاج طبيعي واخصائي معناها طبيب متخصص زي الطبيب البشري لما بيتخصص بيبقي اسمه اخصائي زي اخصائي الباطنة واخصائي العظام وهكذا فده اسم المهنة زي ماالصيدلي اسم المهنة صيدلي .. انما اللقب هو اللي الناس بتنده علي الشخص بيه وهو دكتور وبيتكتبلك في كارنيه النقابة دكتور والمحاكم المصرية حكمت باحقية اخصائي العلاج الطبيعي في لقب دكتور

[جمال عوف]

اولا انا احب اشكرك على الموضوع ولكن معلش سؤال صغير هى بتاخد من كام وياريت ترد ضرورى جدااااااااااااااااااااااااا

[kimoz]

كلية علاج طبيعي اخدت السنة اللي فاتت من %95.9

[توتة احلى بنوتة]

انا عاملة حسابى انى ممكن ادخلها بس عايزة اعرف فروعها

[myro14]

السلام عليكم و رحمة الله
الكلام حلو خالص بس معلش انا عايزة اعرف هو دكتور العلاج الطبيعى بيتراحلو امتى ؟ يعنى بعد ما اروح لدكتور و يودينى ليه و لا هو مباشرة؟
و سؤال تانى لو فيها غلاسة اكيد فى مواد مشتركة بينها و بين الطب البشرى صح؟
و ياريت تردو عليا
و السلام عليكم

[Dr/Moaa]

كانت امنية حياتى انى ادخل كلية علاج طبيعى بس مجموعى فى تانية قليل 91.2 وبحاول والله المستعان يااااااااااااااااااااااارب

[eso0o0o]

أنا عايزه أعرف حاجه
كليات ايه اللى فيها علاج طبيعى؟
لأنى كل لما اشوف التنسيق القديم ملقاش غير جامعة القاهرة
يا ريت حد يرد

[زيزو1900]

المشاركة الأصلية كتبت بواسطة eso0o0o

أنا عايزه أعرف حاجه
كليات ايه اللى فيها علاج طبيعى؟
لأنى كل لما اشوف التنسيق القديم ملقاش غير جامعة القاهرة
يا ريت حد يرد

تقريبا فيه كليه علاج طبيعي واحده وبتطلع اخصائي علاج طبيعي والتخصص ده بيضرب مع اخصائي الطب الطبيعي في كليه طب
وهي نفس المشكله بتاع اخصائي التحاليل الطبيه من كليه علوم واخصائي التحاليل الطبيه من كليه طب


ويجو يقولك انت مش دكتور وحوار
ولكن غصب عنهم احنا دكاتره
لان الدكتور هو للي معاه الدكتوراه
والطبيب يسمي فيزيشن ولكن كلمه دكتور تطلق بالعرف ع الاخصائي في المجال الطبي زي اخصائي الجلديه اخصائي الكبد اخصائي التحاليل اخصائي العلاج الطبيعي الخ

[merna mohamed foxy]

السلام عليكم انا 3 ثانوى مجموعي لسه مظهرش وخايف جدى بس ظنى فربنا كبير باذن الله بس عايز اعرف علاج طبيعى كانت من كام ياخونا حد يرد انا صوتى اتنبح ادعولى الحقها

[الغيورة على الدين]

المشكلة انها في القاهرة

نفسي ادخلها بس انا من المنصورة