جروب اقتصاد وعلوم سياسية على الفيس واى حاجة عايز تعرفها

[M.A.D.O]

أنا طالب فى اقتصاد وعلوم سياسية قسم عربي طالع تانية ان شاء الله
السنة اللى فاتت كان فى ناس فى تالتة عاملين جروب لدفعتنا استفدنا منهم جامد وعرفنا كل حاجة عن الكلية والكلية على فكرة سهلة وفيها قسم عربي وقسم إنجليزي وقسم فرنسي

والسنة دى هما عاملين جروب ع فيس لدفعة السنة دى اللى بيفكروا يدخلوا الكلية

https://www.facebook.com/groups/fepsawy2013/

وموقع الكلية عليه المواد اللى هتدرسوها

http://www.feps.edu.eg/ar/

[Princess nemo]

شكرا جدا على الجروب

[omnia_M]

طب هى اكلية دى عملية .. يعنى فيها مواد عملية كدة و انشطه وكدة ولا كلها نظري ؟ و لو دخلت قسم احصاء هتخصص فى اية ؟ و اية شروط قسم انجلش يعنى لازم اكون جأيبة كام فى الانجلزى . هل فية امتحان مستوي فى الجأمعة مفسها ؟!؟؟

[M.A.D.O]

مفيش امتحان مستوى للكلية

بتبقى نص المواد عملية والنص التاني نظرية
واول سنة بتدرسي كل حاجة بس مجرد مبادىء (فيها اجزاء من مواد ثانوي) والتخصص بيبقى من سنة تانية (اقتصاد - احصاء - سياسة)

مواد سنة أولى : 6 مواد فى كل فصل
الفصل الدراسي الأول

1) مبادىء اقتصاد كلي
2) مبادىء علوم سياسية (1)
3) مبادىء إدارة
4) مبادىء إحصاء (1)
5) مبادىء قانون
6) قراءات بلغة أوروبية (يعنى إنجليزي)

الفصل الدراسي الثاني

1) مبادىء اقتصاد جزئي
2) مبادىء علوم سياسية (2)
3) مبادىء حاسب آلي
4)مبادىء إحصاء (2)
5) مبادىء رياضيات
6) قراءات بلغة أوروبية

قسم الانجليزي بيحتاج انك تكوني جايبة فى الانجليزي اكتر من 42.5 درجة

مجالات العمل لقسم احصاء : بنوك وبورصة والجهاز المركزي للتعبئة و الاحصاء و مراكز البحث الاحصائية و بعض الوزارات في اعداد الخطط