متقلقوش من رسالة ليس لديك صلاحية / عبدالرحيم رجب

[elsaher555]

يا اخوانا انا مدرس اساسي ومريت بالتجارب دي الموقع لسة ما كملش بياناتكم واطمنوا بس شدوا حيلكم في الامتحانات

[NESCAFIOOOOO]

ربنا يطمنك يا أستاذنا لإنى فعلاً قلقان بخصوص الموضوع دة جداً

[amirahdi]

انت شكلك نايم فى العسل
انت ناسى يا استاذ ان اخر معاد 26/10 ولحد النهارده الموقع بيقول ليس لك صلاحيه مع انى تعاقد 1/7/2008

[محمدطعيمة]

طب والحل ماذا سنفعل ؟ حد يفدنا الله يكرمكم

[m_nagib_2010]

اخر معاد يوم الاثنين الموافق 26/10 / 2009 ولحد النهارده الموقع بيقول ليس لك صلاحيه
نريد حل سريع لتلك المشكلة

[NESCAFIOOOOO]

المشاركة الأصلية كتبت بواسطة amirahdi

انت شكلك نايم فى العسل
انت ناسى يا استاذ ان اخر معاد 26/10 ولحد النهارده الموقع بيقول ليس لك صلاحيه مع انى تعاقد 1/7/2008

طيب أنا نايم فى العسل

قولنا بأة عملت إنت أية يا أستاذ مصحصح علشان نستفاد منك وندعيلك

[aste6]

يا جماعة اللى بتظهر له رسالة ليس لديك صلاحية تلاقى المؤهل بتاعة غير تربوى وده مش هيدخل الاختبار السنة دى هيدخل السنة الجاية لمل ياخد التربوى ان شاء الله وربنا معاكم

[محمدطعيمة]

لا يا جماعة هذه الرسالة تظهر لي هذه الرسالة وأنا معي تربوي وكله تمام وسلمت ملفي في الاكاديمية وأعطوني ايصال استلام ولست وحدي فقط بل كل زملائي في مديرية المنوفية ولو فيه حد من المنوفية سجل يقول

[dado2007]

يا جماعة أيه الحل وياريت بسرعة عشان احنا مش عارفين نعمل ايه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[amirahdi]

طيب أنا نايم فى العسل

قولنا بأة عملت إنت أية يا أستاذ مصحصح علشان نستفاد منك وندعيلك

يا استاذ عمالين تقولوا اطمنوا اطمنوا وايديكم فى الميه البارده معنى كده انتو معاكم الحل مش تقولى اطمنوا وتسألنى عملت ايه لو عملت , او فى حاجة نفعت فى سوء التنظيم والتخطيط وعدم حساب الزمن والوقت المطلوب لحصر وتنزيل ملفات المتعاقدين على الموقع كان كله بقى تمام لكن عندنا وزارة ماشيه بالبركة كل مره يطلعوا بقرار وبعدين يلغوه ويطلعوا غيره ويقولوا اخر معاد كذا وبعدين يمدوا الميعاد وهكذا ميعاد التقديم للاوراق اتغير واتمد 3 مرات لكن حددوا اخر ميعاد لاستلام التقرير 26 / 10 وهما لسه مانزلوش باقى الناس على موقع الاكاديمية انا تعبان من كل اللى بيحصل ده متزعلش منى لكن حاسس ان احنا المتعاقدين لعبه فى ايديهم او فئران تجارب ولو واحد قال غلط ولا صح يتفصل من العقد واهو كلب وراح فى نظر التربيه التعـــ ؟؟؟؟؟؟ ليم

[وائل السيد قطب]

تظهر لي هذه الرسالة وأنا معي تربوي وكله تمام وسلمت ملفي في الاكاديمية وأعطوني ايصال استلام ايه العمل انا مش عارق افكر مفيش حد من الاكاديمية يفهمنا فانا متاعقد عقد عادي من 2005 وعقد مميز من 1/ 7/2008 اعمل ايه

[محمدطعيمة]

هام وعاجل
اتصلت الآن بالأكاديمية علي الرقم المختصر (19126) السبت 24/10 2009 العاشرة صباحا بخصول مشكلة عدم استطاعة التسجيل وظهور الرسالة المعروفة (ليس لدي صلاحيات الدخول ) وقالوا لي لا تقلق في خلال يومين كله هيدخل بياناته لأن كل من ظهر له هذه الرسالة بياناته لم تسجل بعد علي قاعدة بيانات الاكاديمية وهذا ما يفعلونه الآن والكل سيسجل خلال اليومين(من تنطبق عليه الشروط طبعا وقدم ملف للأكاديمية )
فلا داعي للقلق وبالتوفيق إن شاء الله للجميع ومن يريد أن يطمئن أكثر فعليه الاتصال بهذا الرقم المكتوب أعلاه ويطمئن بنفسه
كذلك قالوا لي أخر ميعاد لتقديم الاستمارة ليس الأحد25/10 للإدارات والمديرات 26/10 ولكنه سيمتد حتي يسجل كل من تظهر له هذه الرسالة

[محمدطعيمة]

هام وعاجل
اتصلت الآن بالأكاديمية علي الرقم المختصر (19126) السبت 24/10 2009 العاشرة صباحا بخصوص مشكلة عدم استطاعة التسجيل وظهور الرسالة المعروفة (ليس لديك صلاحيات الدخول ) وقالوا لي لا تقلق في خلال يومين كله هيدخل بياناته لأن كل من ظهر ت له هذه الرسالة بياناته لم تسجل بعد علي قاعدة بيانات الاكاديمية وهذا ما يفعلونه الآن والكل سيسجل خلال اليومين(من تنطبق عليه الشروط طبعا وقدم ملف للأكاديمية )
فلا داعي للقلق وبالتوفيق إن شاء الله للجميع ومن يريد أن يطمئن أكثر فعليه الاتصال بهذا الرقم المكتوب أعلاه ويطمئن بنفسه
كذلك قالوا لي أخر ميعاد لتقديم الاستمارة ليس الأحد25/10 للإدارات والمديريات 26/10 ولكنه سيمتد حتي يسجل كل من تظهر له هذه الرسالة

[amirahdi]

نفس الكلام حصل فعلا معايا اتصلت وقالولى كده واتمدت لحد 31 اكتوبر مش 26 بس ربنا يستر علينا مع قائد سفينه مايعرفش بتمشى ازاى والدفه ضايعه وبيدور عليها وشكله مش لاقيها

[ahmedgamalsms]

قالو لى كمان يومين وحتفتفتح وبقالى خمسة أيام تظهر نفس الرسالة
ليست لديك صلاحية