كل واحد يقول رأية فى الامتحان ؟

[nada.dolly]

انا ملاحظة انا الاغلبية بتقول سهل مع ان قرايبى بيقولوا الصفحة الاولى سهلة جدا بس التانية رخمة و صعبة
.
.
.
.
.
.
.
.
اية رايكم ؟

[logey]

ايوه الصفحة التانية صعبة بالذات السؤال الرابع (ب) والخامس (ب) والباقى سهل

[bbelalbb]

انا شايف ان الامتحان كان بسيط جدا ومفهوش الا جزئيتين الرابع ب والخامس ب ودا طبيعي لازم يجيب حتة صعبة

والسؤال الرابع باء فكرتة موجودة في كتاب المدرسة علي فكرة يعني اللل مزاكر هيحلة

[the6991]

السؤال الخامس (ب ) صعب

[hema ismaeil]

الامتحان مضمونا في مستوي الطالب المتوسط ماعدا السؤال الرابع والخامس الفقره (ب) والحمد لله بالتفكير تم حلهم من الاخر مش مهم انك تكون حافظ قد ما تكون هادي في اللجنه واعصابك مرتاحه للحل

[الأستاذ / المتبولى الشناوى]

الإمتحان فى مستوى الطالب المتوسط
حتى الجزئيتين اللى فى السؤال الرابع والخامس
ممكن يتحلوا لو فكر شويه
ويعتبر من أسهل إمتحانات الثانويه فى التفاضل
اللى ناقص بقى يجبولهم الإجابه جنب السؤال
الله يرحم أيام زمان لما كان الواحد يدخل الإمتحان
يلاقيه كله مسائل عمره مشفها قبل كده
تمنياتى للجميع بالتوفيق

[darbkawy]

الامتحان كلو مفهوش حاجة صعبة حتى
4-ب- مذكورة فى كتاب الوزارة
5-ب- مش صعبة اوى لو استغليت مساحة الدائرة هتتجاب ع طول

[اسامة احمد على]

الطالب المتوسط بامكانة الحصول على 22 من 25

[Lyonenyo]

الإمتحان للطالب المتوسط

ويا استاذ متبولي زمان الواحد مكانش بيبقى داخل عايز يخش طب لازم يجيب 99 في المية .. صح ؟

[احمد رمضان الجندي]

انا شايف ان الامتحان مش فيه اي حاجه خالص صعبه هيه ممكن الجزئيه ب في السؤال الرابع بس
بس انا عن نفسي انا حالل الخمس اسئله وكلهم صح ان شاء الله

[احمد رمضان الجندي]

المشاركة الأصلية كتبت بواسطة اسامة احمد على

الطالب المتوسط بامكانة الحصول على 22 من 25

الطالب المتوسط بامكانه يجيب 25 / 25

[احمد رمضان الجندي]

المشاركة الأصلية كتبت بواسطة the6991

السؤال الخامس (ب ) صعب

السؤال الخامس ب مش صعب خالص
هوه اي نعم فيه فكره بس كان امتحان ممتع الحقيقه

[hema ismaeil]

يا استاذ متولي مع احترامي لحضرتك علي ايامكم الطب كان سبعين في الميه وبرضو علي ايامكم كنتوا بتدرسوا نصف المواد وكانوا المدرسين افضل من دلوقت

[the chosen one]

الامتحان اتفه من التفاهه لو كان الواحد يعرف كده مكنش تعب طول السنةويسهر الليالى وفى الاخر يتساوى بالطلبة اللى مكنوش بيفتحوا كتاب وخارجين طايرين من الفرحة

اما بقى الخامس ب بجد سؤال زى الزفت

اول مطلوب سهل لكن المحيط ده هو اللى جننى وفى الاخر معرفتش اجيبه للاسف

فهل كده هنقص كتير ؟؟؟؟؟

عشان فضلت اعيط عياط لحد ما عينى ورمت والله العظيم وبقيت مش قادرة

نفسى مرة اقفل الرياضة يا جدعان هو حرام

[الدكتور شيتا]

المشاركة الأصلية كتبت بواسطة nada.dolly

انا ملاحظة انا الاغلبية بتقول سهل مع ان قرايبى بيقولوا الصفحة الاولى سهلة جدا بس التانية رخمة و صعبة
.
.
.
.
.
.
.
.
اية رايكم ؟

انا رأي الصفحة الاولي سهلة جدا بس التانية فيه افكار عايز اعرف