أنا عندي مشكلة !!!

[ReceptiveGuy]

إمبارح السبت كنت بتفرج على برنامج الدكتور فيل Dr.Phil



كانت حلقة عن ما يعتقده البعض عادياً وما لا يراه الآخرون كذلك



الدكتور فيل دكتور نفساني و........ و........ و......... إلخ



المهم بيحل المشاكل مباشرة



ما علينا



أنا في وضع دلوقتي غير طبيعي



وللأسف بحاول أطمئن نفسي إنه طبيعي



ببساطة أصبت بإدمان الإنترنت



ما لايقل عن 12 ساعة يومياً



مش مهم بعمل فيهم إيه



الكل على ما أعتقد عارف إن مجرد القعاد قدام جهاز الكمبيوتر و الإنترنت مفتوح ده معناه إغراء شديد



المهم



ده وضع غير طبيعي



وأنا عارف ومتأكد



لكن مين قال إن عدم المعرفة في يوم من الأيام كانت هي السبب؟



يعني كل واحد بيعرف الصح والغلط بينفذ الصح؟



بصراحة كنا كلنا جبنا 100% في جميع سنوات عمرنا



وكان كل آباؤنا أطباء



في الفترة الأخيرة في العالم كله



انتشرت موجة كتب "كيف - How to"



هوه مش بيقول إنك مش عارف المعلومة



لكن بيقلك إزاي تنفذها



إزاي أقدر بخطوات عملية مجربة وصحيحة وفعلية من التخلص من إدمان الإنترنت



إللي عنده معلومات موثقة



يبقى أفادكم الله



وافتكروا أنا سبت كل أدوات الاستفهام واخترت واحدة بس



How



ميرسي على كل حال