انصحني شكرا

[Aya Mn Allah ♥]

المشاركة الأصلية كتبت بواسطة حسونة بيه

انا محتاج معجز ة مش محتاج نصيحة لو تعرف تلاقى حل مع انى معتقدش اوك
انا والدتى اتوفت اول قبل السنة بشهر تقريبا طبعا انا كنت داخل السنة بطموح بلا حدود طبعا بعد اللى حصل والله حصل بعديه انا بقيت انسان مخلت تمام بعد ما والدتى اتوفت ابويا اتجوز بحجة انى مش هنقدر نعيش كدة والكلام الكتير طبعا عارضت وحصلت مشاكل من اول السنة وانا جالتى حالة ياس من الدنيا ونفضت للسنة كلها مذاكرتش الا حاجات قليلة جدا
لحد وقت قريب حلمت بوالدتى وبتبصلى بغضب ساعتها والله اتمنيت الموت وقولت يمكن لو زاكرت وجبت مجموع يفرحها بس زى ما بقوله فى وقت الانسان يفوق فيه ويلحق نفسه وفى وقت الانسان يفوق بعد فوات الاوان جيت حسبتها لاقيت الناس بتراجع من شهور وانا لسه هفتح الكتاااااب كل واحد بيشوف اللى مكتوبله (على فكرة اتكلمت كل ده لانى مش لاقى حد اتكلم معاه انا اسف انى طولت عليكم )

انا لله وانا اليه راجعون
ربنا يرحمها ياااااارب ويجعل مثواها الجنة ويغفرلها هى وكل المسلمين يااااااااااارب
اولا مش تتأسف خالص احنا هنا كلنا اخوات مع بعض وكويس انك جيت وقولتلنا مشكلتك عشان نساعدك فيها باذن الله
ثانيا اللى انتا بتعمله ده غلط جدا بالعكس انتا لازم تذاكر وتجتهد عشان تفرح مامتك الله يرحمها
ولازم تعرف ان نجاحك ده هيفرحها اكيد
من دلوقتى لازم تبدأ تذاكر وان شاء الله ربنا هيكون واقف جمبك
يلا ابدأ من دلوقتى وذاكر وربنا هيوفقك ان شاء الله
واقعد فكر بقى لما تجيب مجموع جميل اكيد مامتك الله يرحمها هتيجى ف الحلم مرة تانيه بس المرادى اكيد هتكون فرحانة جدا بيك وهتكون مطمنة عليك

[جهاد14]

البقاء لله يارب تسكن الفردوس الاعلى
خلي الموضوع ده هو المعجزة بتاعتك تخيل ممامتك الله يرحمها يارب وهي جايلك وبتضحكلك وراضية عنك
يارب يوفقك انت انسان عظيم لانك بتكافح علشان هدف نبيل انك تخلي ممامتك راضية عنك حتى وهي متوفيا
خلي املك في ربنا كبير وقول يارب انا ظني فيك خير انك مش هتخذلني علشان انت الكريم يارب ورحمتك وسعت كل شيء وان شاء الله تكون من المهندسين البارعين
قل يا عبادي الذين اسرفوا لا تيأسو من رحمة الله
واذا سألك عبادي عني فقل لهم اني قريب اجيب دعوة الداعي اذا دعاني
ونصيحة مني اقرا كل يوم سورة الواقعة بعد الفجر وقبل ماتنام وشوف اللي هيحصلك جرب وانت هتدعيلي مش تقرا النصيحة وخلاص وتكسل انك تعملها واخر حاجة اياك تتاسف على اي طلب من اخواتك اللي هنا ومعلش انا طولت عليك وصدعتكوا