الي كل طلاب الصف الاول الثانوي2012

[المســ نور ــتقبل]

الســـلام عليكم ورحمة الله وبركاتة
فى البداية ببارك لكل طالب علي النجاح والتفوق فى الشهادة الاعدادية واتمنئ له مزيد من النجاح والتفوق فى الحياة باذن الله.
اليوم انا انشأت هذا الموضوع لكي اعرف ما هو تعليقك علي اختيار اللغة الثالث التي سوف تدرسهــا فى المرحلة الثانوية اى ماذا سوف تختار هل الفرنسي ام الالمانــي؟؟؟

الكثير منا يختار الفرنسي لان معظمهم يعتقدون ان الفرنسي اسهل من الالماني لان الاكثرية يختارون الفرنسي.
هذه كلام غير صحيح الالماني اسهل من الفرنسي. كل شيئاً له دليل سوف اقدم لكم الدليل

المشاركة الأصلية كتبت بواسطة herr osama

* لغة سهلة وشيقة فى دراستها فأنت تشعر معها بمتعة التعلم

* من السهل الحصول على الدرجة النهائية فى اللغة الالمانية

* الحاصلون على الدرجة النهائية يسافر منهم عدد سنوي الى المانيا لمدة شهر وتتحمل المانيا كل نفقات السفر والاقامة والانتقالات وهذه منحة غير متوفرة فى دراسة اى لغة اخرى

* لا يوجد حروف لا تنطق فكل ما يكتب ينطق

* لا تعوق دراسة الالمانية دخول اى كلية نظرية او علمية

* تتشابه الحروف الأبجدية الألمانية مع الأبجدية الإنجليزية مع وجود بعض الاختلافات البسيطة

* يوجد كلمات متطابقة بين الانجليزية والالمانية اى هى نفس الكلمات بنفس المعنى فى اللغتين
ويوجد كلمات كثيرة متشابهة بين الانجليزية والالمانية مع اختلافات بسيطة فى النطق او الحروف
لكن فى كل الاحوال القواعد فى اللغتين مختلفة

أمثلة ذلك

امثلة للكلمات المتطابقة

العربى
حاسب الى
طفل رضيع
سيارة اجرة

الانجليزى
computer
baby
taxi

الالمانى
computer
baby
taxi

امثلة للكلمات المتشابهة

العربى
أب
أم
أخ

الانجليزى
father
mother
brother

الالمانى
vater
mutter

المشاركة الأصلية كتبت بواسطة herr osama

bruder

هــا عايز تختار برده الفرنسي اوكي هديك دليل كمــان

المشاركة الأصلية كتبت بواسطة herr osama

تعرف على اللغة الالمانية

1 عالميا
الألمانية تعتبر أحد لغات العالم الرئيسية . فهى واحدة من اثنى عشرة لغة الاكثر انتشارا فى العالم


2 أوروبيا
تعتبر اللغة الألمانية هي اللغة الأولى في الإتحاد الأوروبي، إذ يتحدث حوالي 24% من سكان دول الإتحاد*الأوروبي الألمانية كلغة أم ، يليها كل من الإنجليزية والفرنسية بنسبة 16%


3 المتحدثون بها كلغة أم
اللغة الألمانية هي اللغة الأم لأكثر من ١20مليون إنسان فى العالم وهم متواجدون فى دول كثيرة منها

ألمانيا
في النمسا
ومعظم سويسرا
في فرنسا (منطقة ألزاس)
فى إيطاليا (تيرول الجنوبية)
لكسمبورج
مناطق في بلجيكا
فى الدنمارك (شليزيا الشمالية)
اقليات في بولندا و رومانيا
وبلدان من الاتحاد السوفيتى سابقا



4 الكتب بالألمانية

عشر الكتب في العالم تقريباً التى تنشر سنوياً تصدر باللغة الألمانية
اى ان كتاب من كل عشرة كتب فى العالم مكتوب باللغة الالمانية


5 الاهمية العلمية والثقافية
أهميتها والحاجة لتعلمها من خلال ما تفرضه هذه اللغة من أهمية ثقافية وعلمية
وتحتل المرتبة الأولي من حيث الترجمة إليها والثالثة من حيث الترجمة منها


6 التصنيف والأصل التاريخى
اللغة الألمانية تنتمي إلى مجموعة اللغات الجرمانية مع لغات أخرى مثل اللغة الإنجليزية، اللغة الهولندية، واللغة السويدية

المصدر : سلسلة بستا فى اللغة الالمانية لمستر اسامة سعيد
مع تمنياتى لكم بدوام التوفيق

هـــا برده فرنســي اوكي كمان دليل

المشاركة الأصلية كتبت بواسطة eng.ahmedshetos

اللغة الالمانية لغة سهلة جدا

المشاركة الأصلية كتبت بواسطة فتاة المانيا

انا في مدرسة الرمل و شايفة ان اللغة الالانية لغة حلوة اوي و سهلة و كل الشهور اللي فاتت قفلت الامتحانات و ان شاء الله حاقفل الالماني الشهور الجاية

المشاركة الأصلية كتبت بواسطة erona

فعلا الالمانى لغه جمييييييييله

جزاك الله خيرا

المشاركة الأصلية كتبت بواسطة saa3ed

فعلا الالمانى لغه جميلة اوى اوى وانا ماخترتش اللغه الالمانيه كلغه تانيه لمجرد انها لغه سهله لكن فعلا لانها لغه جميله وانا بحبها اوى اوى
danke schön herr osama

المشاركة الأصلية كتبت بواسطة dr:esraa

هو فعلا الالمانى سهل وبسيط
بس كل واحد يفكر قبل ما يختار
وعلى فكر الفرنش جامد وممتع جدا

المشاركة الأصلية كتبت بواسطة love story 2010

انا دخلت المانى وبجد هو حلو اووووووووووووى وعجبنى جداااا وربناا يوفقنا ويوفق الجميع
danke herr

المشاركة الأصلية كتبت بواسطة نور المهدى

يا جماعة انا فى اولى ثانوى بس اخترت فرنساوى بس لقيته صعب احول المانى ولا اعمل ايه حد ير د عليه انا متحيرة جدا

المشاركة الأصلية كتبت بواسطة nano2010

الالمانى لغة سهلة كتير و انا جربتها و هى اسهل من الفرنساوى لان الكتابة ذى النطق +كلماتها مشابه للانجليزى و انا فى مدرسة تجريبى فدرست فرنساوى لمدة ثلاث سنوات و لكن انا الان ادرس المانى لان اسهل كتير وانا احبة كتير
وشكرا herr osama

المشاركة الأصلية كتبت بواسطة sara-shaban

انا كنت بدرس فرنساوي وبعدين حولت لاالماني ولاقيت اسهل بكتييييييييييييييييييييييير من الفرنساوي ودرجته مضمونة

المشاركة الأصلية كتبت بواسطة mąlκђ

الالمانى سهلللللللل

المشاركة الأصلية كتبت بواسطة crazy star

هى لغة سهلة جدا

المشاركة الأصلية كتبت بواسطة اسماء عبدالقوى

انا فى اولى ثانوى وبجد اول ما دخلت المدرسة كنت خائفة من الالمانى بس انا حبيت الالمانى جدا والفضل لfrau reda

المشاركة الأصلية كتبت بواسطة السونيان

انا شايفة ان الالمانى اسهل
انا كنت فرنساوى فى الثانوى بس اخدت المانى فى الكلية وهو جميل جدا وهتقدرى تمشى فيه ان شاء الله طلبة كتير بتجيب فيه 50

دي بعض تعليقات بعض الاعضاء فى المنتدي عن اللغة الالمانية
هـــا هتختار فرنسي ولاالماني انا عن نفسي هختار الماني وانا كنت مصمم علي الالماني قبل مااعرف هذا الكلام والحمد لله اتاكدت حينما شاهدت بعض ردود الاعضاء عن اللغة الالمانية
طبعاً فى الاول والاخر اختار اللغة اللي نفسك بتميل لها يعني لو فعلاً حاسس انك هتكون كويس في الفرنسي علي طول اخترها.
منتظر تعليقاتكم علي الموضوع ويارب يعجبكم وتستفيدو منه

[Ossama elhefnawy]

اللغة الفرنسية سهلة وجميلة وفيه كلمات كتير متشابهة بينها وبين العربي والانجليزي cinema stade classe football acteur professeur arabe anglais art lettre
touriste- pyramide- examen- universite - tennis -

[sad nono]

السلام عليكم ..
انا هنصح حضرتك وعن تجربة وشفت اللغتين .. حضرتك مهما قرأت مش هتشوف الاتنين
اللغة الفرنسية بالفعل اصعب من اللغة الالمانية لكن الامتحانت الفرنسية تكون اسهل بمرااااحل من اللغة الالمانية
امتحانات الثانوية العامة السنادي خير دليل لما سألت اللي امتحنوا فرنسي قالولي الامتحان كان كويس جدا على عكس كلام الالماني ..

حبيت اوضحلكوا بس قبل ما تدخلوا وكدا واللغة الفرنسية جمييلة جدا علفكرة هي بس صعبة في البداية .. لكن انا كانت دايما الامتحانات بتيجلنا سهلة ودايما الاملاني بيقولوا الامتحان صعب ودي حقيقة فعلا ..

والسلام عليكم

[عهد الطفولة]

انا صراحة مش عارفة انا داخلة برده اولى ثانوي بس مش عارفة اختار ايه

[Dr.Noha Sami]

الصراحة انا سمعت من كذا مصدر عن سهولة الالمانى لكن لقيت اللغه الفرنسية اكثر شيوعا وكمان في مدرستنا مفيش غير مدرس واحد المانى لكن الفرنساوى مدرسينه كتير حتى هنا في المنتدى قسم الفرنساوى اكثر نشاطا من قسم الالمانى عشان كده قررت هاخد فرنساوى ان شاء الله

[mahmoud nassef]

الاخوة المدرسين الالمانى اللى دخلوا على المنتدى الفرنسى وعاملين نفسهم طلبة بينصحوا الطلاب باختيار الالمانى دا اسلوب عير لائق تماما ولا يليق باسلوب حضارى
انا اسمى محمود ناصف مدرس لغة فرنسية................ وبقول لاى طالب فى مصر لك كامل الاختيار اللى فى مصلحتك وماتسمعش كلام ناس يهمها مصلحتها بس وانتم فهمين لية
اللى هيختار الفرنسى لنا كامل الشرف انة يكون معانا

[المســ نور ــتقبل]

المشاركة الأصلية كتبت بواسطة mahmoud nassef

الاخوة المدرسين الالمانى اللى دخلوا على المنتدى الفرنسى وعاملين نفسهم طلبة بينصحوا الطلاب باختيار الالمانى دا اسلوب عير لائق تماما ولا يليق باسلوب حضارى
انا اسمى محمود ناصف مدرس لغة فرنسية........ وبقول لاى طالب فى مصر لك كامل الاختيار اللى فى مصلحتك وماتسمعش كلام ناس يهمها مصلحتها بس وانتم فهمين لية
اللى هيختار الفرنسى لنا كامل الشرف انة يكون معانا

استاذي الفاضل فى البداية انا لست مدرس كما تعتقد انا طالب بالصف الاول الثانوي وانا حبيت انبه الاعضاء علي اخيتار المادة الاسهل بسبب كثرة التحويل من لغة للغة.انا لست مستفادً بهذا الموضوع شيئً ولكن اكسب الثواب والاجر من الله سبحانه وتعاله واذا كنت تعتقد اني مدرس يمكنك مراجعة مواضعي وستتاكد اني طالب
انا فى اخر الموضوع كتبت اذا كان الطالب يريد الفرنسي بالطبع يختاره علي طوووووول ولايتردد لان كل انسان حينما يحب شيئً سوف يكون مبدعاً فى هذا الشيئ .

[asmaa232]

يا جماعة متنسوش ان احنا درسنا الفرنساوى ف الاعدادى وعندنا فكرة عن المنهج بتاع اولى كله يعنى كله هيبقى تمام يعنى اما الالمانى لسا منعرفش عنه اى حاجة على الرغم من سهولته

[ايه جلال الجارحى]

زوتوا الحيره اوف بقى اعمل ايه فى اولى ثانوى
المانى ايطالى فرنسىالخ؟؟؟؟؟؟؟؟؟؟؟؟؟؟؟؟؟

[حمادة مصطفى ابراهيم جوده]

يا مدرسى الالمانى عينى المانى الالمانى جاية من الم فية حد عاقل فى الدنيا يأخذ المانى دى رجلى المانى

[حمادة مصطفى ابراهيم جوده]

اؤكد لكل المعلمين الناس اللى دخلت على المنتدى معلمين لغة المانية واسلوبهم واضح جدا اللى كاتب الكلام ده مسحيل يكون طالب

[المســ نور ــتقبل]

المشاركة الأصلية كتبت بواسطة حمادة مصطفى ابراهيم جوده

اؤكد لكل المعلمين الناس اللى دخلت على المنتدى معلمين لغة المانية واسلوبهم واضح جدا اللى كاتب الكلام ده مسحيل يكون طالب

كلامك هذا يجعلني ان افتخر بنفسي بان اكون احسن الطلاب فى الحوار والنقاش
استاذي الفاضل انت وبعضك يظن اني لست طالب ولكن اؤكد غير هذا الكلامـ انا بفضل الله امتلك هواية الكتابة باسلوب علمي علي فكرة انا بالرغم من صغري ولكن استطيع التحدث مع اى شخصً باسلوب يجعله يظن اني استاذ وليس طالب
عموماً لو كنت اعرف ان هذا الموضوع سوف يسبب هذه المشاكل كنت اقتصرت علي نفسي ولم اعمل الموضوع ولكن هذا الموضوع تم انشاءه ليكون علمً لكل طالب
واتمنئ التوفيق لجميع الطلاب

[dopi]

كلامك يااستاذ ليس باسلوب طالب فى الصف الاول
وياريت لما تيجى تنصح انصح فى قسم اللغة الفرنسية
وياسيدى الفاضل ليس هناك لغة سهلة او لغة صعبة
اهم شىء الممارسة مملرسة اللغة
وكما تعلمون ان اللغة الفرنسية لغة التذوق والجمال والادب ومن ينكر هذا فهو حاقد
وارجو من الله ان يختار كل طالب اى لغة شاء سواء الفرنسية او الايطالية اوغيرها حسب رغبته هو دون تاثير من احد
واتقو الله ويعلمكم الله
واخر دعوانا ان الحمد لله رب العاملمين
اخوكم عبدالله فرج
معلم اول لغة فرنسية .................

[dopi]

كلامك يااستاذ ليس باسلوب طالب فى الصف الاول
وياريت لما تيجى تنصح انصح فى قسم اللغة الالمانية الالمانييييييييييييييييييييييييييييييييييييييييييي يه
وياسيدى الفاضل ليس هناك لغة سهلة او لغة صعبة
اهم شىء الممارسة مملرسة اللغة
وكما تعلمون ان اللغة الفرنسية لغة التذوق والجمال والادب ومن ينكر هذا فهو حاقد
وارجو من الله ان يختار كل طالب اى لغة شاء سواء الفرنسية او الايطالية اوغيرها حسب رغبته هو دون تاثير من احد
واتقو الله ويعلمكم الله
واخر دعوانا ان الحمد لله رب العاملمين
اخوكم عبدالله فرج
معلم اول لغة فرنسية

[المســ نور ــتقبل]

استاذ الفاضل/عبد الله فرج
كما قلت فى الردود السابقة ان كل انسان لديه شعور باللغة الذي سوف يخترهــا وهذا هو شعوري باختياري الالماني
وكما قلت لكل الطلبة والطالبات لديهم حرية الاختيار اذا كنت فعلاً حاسس بانه سوف يكون مبدعً فى لغة معينة بالفعل لاتترد اختارهـا حتي لو كانت صعبة لان كل انسـان حينما يجب شيئً سيبدع في هذا الشيئ وسيكون باذن الله من المتفوقين
اخر كلامي اتمنئ لجميع الطلاب التوفيق ان شاء الله
اخوكـم عمرو عبد الفتاح سعد