استفتاء : أحسن لغة ممكن تدرسها فى سياحة وفنادق

[foooxman]

هااااااااااااااااااااااااى شباب

عاملين ايه ؟؟؟؟

اللى داخل سنة اولى السنة دى يقولنا هو هاياخد اى لغة وليه

و كمان الناس القديمة فى سياحة

تقولنا هما واخدين اى لغة ولية


و ياريت نضيف صوتنا فى الاستفتاء دا حول احسن لغة

من حيث : السهولة و فرص الشغل الاحسن

يعنى اللى معاه اى لغة بتكون فرصته فى الشغل احسن

بااااااااااااااااااااى

[sympathique]

بص انا واخد اللغة التانية فرنساوى علشان كنت بدرسها فى الثانوية العامة

وهتسهل عليا فى الدراسة وعلشان انجح فيها

ونصيحة منى اى واحد كان واخد المانى او فرنساوى او ايطالى فى الثانوية العامة ياخدها فى الكلية

لو انت مفكر انك هتاخد لغة زى روسى او اسبانى فصدقنى مش هتتعلم حاجة

لان كلية السياحة والفنادق مش متخصصة فى اللغات واللغة تعتبر فيها تحصيل حاصل

انا بقولك الكلام ده واسال اى طالب فى اى كلية سياحة وفنادق هيقولك نفس الكلام

فنصيحة خد اللغة اللى انت كنت واخدها فى الثانوية العامة

وانت مع نفسك خد كورسات زى ماكلنا بنعمل

ده رايى المتواضع واكيد هتلاقى اعضاء ترد عليك افضل منى

[eslam_2009]

زى ما قال الاخ sympathique كلية السياحة مبتهتمش باللغات جامد اوى ولكنها بتخليك متواصل مع اللغات علطول عشان متنساش اللغة
اما بالنسبة للغات فمن نظرى الفرنساوى والايطالى اسهل لغتين ومشهورين فى مصر اوى كلغة بعد الانجلش علطول ومطلوبين فى الشغل جامد
ولكن اهتمامك الاول المفروض على الانجلش وبعدين تيجى حكاية اللغة التانية دى لان الانجلش لغة دولية و عالمية ومنتشرة فى العالم كله

[soha fouad]

ان شاء الله هاخد ايطاليانو لاني كنت باخدو في الثانوية وكمان انا بمووووووووووووووووووووووووووت فيه لانها لغه جامده والجرامر بتاعها زي العسل


بس ان شاء الله هاخد كورسات ايطاليانو وبعد كام سنة كده هاخد الماني كورسات برضه

[aya gamel]

انا بقى اخدت صينى
انا اصلا كنت باخد ايطالى فى ثانوى و هو لغة جااااااااااااامدة اوووووووووووووى بجد سهلة جدااااااااااا
بس للاسف انا فى سياحة الفيوم ومش فى عندنا ايطالى هما كل اللى عندنا اربع لغات يا بانى وده صعب مووووووووت وفرنساوى وانا بكره اللغة دى و المانى ودى لغة انا مش مقتنعة بيها اصلا عشان رخمة اوووووى بس فمش لاقيت غير الصينى وبصراحة انا اقتنعت بيه جدااااااااا و فى ناس كتير اخدوها و قالولى انها سهلة وممتعة بس لازم اخد فى كورسات عشان اكون فيها احسن
وانا كمان نوية اخد كورسات ايطالى فى الاجازة او لما اخلص عشان بجد هى لغة ممتعة جداااااااااا

[foooxman]

المشاركة الأصلية كتبت بواسطة sympathique

بص انا واخد اللغة التانية فرنساوى علشان كنت بدرسها فى الثانوية العامة

وهتسهل عليا فى الدراسة وعلشان انجح فيها

ونصيحة منى اى واحد كان واخد المانى او فرنساوى او ايطالى فى الثانوية العامة ياخدها فى الكلية

لو انت مفكر انك هتاخد لغة زى روسى او اسبانى فصدقنى مش هتتعلم حاجة

لان كلية السياحة والفنادق مش متخصصة فى اللغات واللغة تعتبر فيها تحصيل حاصل

انا بقولك الكلام ده واسال اى طالب فى اى كلية سياحة وفنادق هيقولك نفس الكلام

فنصيحة خد اللغة اللى انت كنت واخدها فى الثانوية العامة

وانت مع نفسك خد كورسات زى ماكلنا بنعمل

ده رايى المتواضع واكيد هتلاقى اعضاء ترد عليك افضل منى

شكرا جدا على النصيحة دى يا sympathique و انا قررت انى اخد ايطاليانو خلاص

بس هو من ناحية الشغل فى السياحة مين هما اكتر ناس بيكونوا شغالين

اللى واخدين ايطالى ولا فرنساوى ولا المانى ؟؟؟؟؟؟؟؟؟؟؟

[black horse]

انا كان نفسى ادرس يابانى واملى كله انى اتعلمها او اسافر حتى اليابان بس التنسيق ودانى سياحةوفنادق المنصورة ورحت سألت قالولى ان مفيش غير ايطالى والانجليزى بس يلا مش مهم الايطالى حلو برضه واخد كورسات فيه ان شاء الله

[sympathique]

المشاركة الأصلية كتبت بواسطة foooxman

شكرا جدا على النصيحة دى يا sympathique و انا قررت انى اخد ايطاليانو خلاص

بس هو من ناحية الشغل فى السياحة مين هما اكتر ناس بيكونوا شغالين

اللى واخدين ايطالى ولا فرنساوى ولا المانى ؟؟؟؟؟؟؟؟؟؟؟

انت لو معاك انجليزى هتشتغل اوكى

بس طبعا اى لغة تانية كله بيشتغل بغض النظر عن كون اللغة ايه؟

بس اللى شغال حاليا فى سوق السياحة

روسى وايطالى

[good_2020]

مفيش حد معاه لغة مبيشتغلش الا اذا كان هو مش عايز يشتغل

[amiroso]

انا متوافق مع الراجل الطيب ده sympathique

انا محدد انى حاخد روسى وايطالى

احترامى لكم

[seco33]

انا المانى ان شاء الله وهاكمل فى تانية قورصات للغات تانية اسبانى وروسى

[samora meteb]

ياجماعة انا سياحة وفنادق حلوان ولما سالت قالولى ان مينفعش اختار لغة وان الغة التانية اللى كنت بدرسها اجبارى

[reda_mafia50]

انا رايح تانيه ان شاء الله وهدخل قسم درسات فندقيه

و واخد المانى

[nosa kamanosa]

المشاركة الأصلية كتبت بواسطة sympathique

بص انا واخد اللغة التانية فرنساوى علشان كنت بدرسها فى الثانوية العامة

وهتسهل عليا فى الدراسة وعلشان انجح فيها

ونصيحة منى اى واحد كان واخد المانى او فرنساوى او ايطالى فى الثانوية العامة ياخدها فى الكلية

لو انت مفكر انك هتاخد لغة زى روسى او اسبانى فصدقنى مش هتتعلم حاجة

لان كلية السياحة والفنادق مش متخصصة فى اللغات واللغة تعتبر فيها تحصيل حاصل

انا بقولك الكلام ده واسال اى طالب فى اى كلية سياحة وفنادق هيقولك نفس الكلام

فنصيحة خد اللغة اللى انت كنت واخدها فى الثانوية العامة

وانت مع نفسك خد كورسات زى ماكلنا بنعمل

ده رايى المتواضع واكيد هتلاقى اعضاء ترد عليك افضل منى

بص هو طبعا اكيد رايك مهم ويحترم بس انا داخلة انشاء الله ارشاد بس فى حلوان وسالت واحد اعرفة اكبر منى فى القسم هو كمان واخد المانى قالى اللغتين بنيقى متقنينهم كويس وغير كدا لو انت او اى حد دخل على موقع جامعة حلوان وشاف الكلية من على الموقع هيعرف ان فيها معمل لغات
اى نعم الكلية مش متخصصة فى تدريس اللغات زى الالسن وزى اداب اقسام اللغات ولكن دا مش معناه ان احنا مش بنتعلم لغات او ان احنا مش هنبقى متقنين اللغات بالعكس مجال الكلية اصلا بيعتمد على اللغات والفرق ما بينى وبين خريج مثلا السن انجليزى او المانى او ما بين خريج اداب انجليزى او اداب المانى انى ولا بدرس ادب ولا شعر ونقد ولامسرح ولا روايات انجليزى لكن كلغة زيي زيه بالظبط لان الحاجات دى كلها ممكن اكتسبها بالقراية ودا رايي

[foooxman]

المشاركة الأصلية كتبت بواسطة nosa kamanosa

بص هو طبعا اكيد رايك مهم ويحترم بس انا داخلة انشاء الله ارشاد بس فى حلوان وسالت واحد اعرفة اكبر منى فى القسم هو كمان واخد المانى قالى اللغتين بنيقى متقنينهم كويس وغير كدا لو انت او اى حد دخل على موقع جامعة حلوان وشاف الكلية من على الموقع هيعرف ان فيها معمل لغات
اى نعم الكلية مش متخصصة فى تدريس اللغات زى الالسن وزى اداب اقسام اللغات ولكن دا مش معناه ان احنا مش بنتعلم لغات او ان احنا مش هنبقى متقنين اللغات بالعكس مجال الكلية اصلا بيعتمد على اللغات والفرق ما بينى وبين خريج مثلا السن انجليزى او المانى او ما بين خريج اداب انجليزى او اداب المانى انى ولا بدرس ادب ولا شعر ونقد ولامسرح ولا روايات انجليزى لكن كلغة زيي زيه بالظبط لان الحاجات دى كلها ممكن اكتسبها بالقراية ودا رايي

انا متفق معاكى فى كل كلمة قولتيها يا nosa kamanosa