كل طلبة حقوق يدخلوا

[The king Boy]

السلام عليكم ورحمة الله وبركاته

ازيكم يا جماعة عاملين ايه

طبعا كلنا عارفين الامتحانات قربت خلاص اي كانت الجامعة فالمواعيد كلها متقاربة مفيش فروق كبيرة فاحنا عايزين بقى نبتدي الجد ونشتغل وكل واحد يفكر كده ويشوف يومه بيضيع في ايه والي بيضيع وقته يسيبه وخلينا نركز بقى دلوقتي كل واحد يقول هو تبع جامعة ايه و الفرقة الكام والمواد الي عنده ايه علشان عايزين نعمل جداول ونقسم المذاكرة وحتى نساعد بعض لان اكيد فيه حاجات كتير مشتركة

[mmm_2010]

ميرسي جدا علي مساعدتك بس ياريت متاخرش في الرد علينا
جامعة جنوب الوادي الفرقة الاولي المواد 1ـ المدخل لدراسة العلوم القانونية
2ـ حقوق الانسان 3ـ المدخل لدراسة الفقه الاسلامي ( الشريعة ) 4ـ علمي الاجرام والعقاب 5ـ مدخل لدراسة النظم الاجتماعية والقانونية
اكون شاكرا لو انتي ساعدتني بسرعة

[ليااان]

الفرقة الاولي ( تاريخ النطم القانونية - المدخل - io - political economy ) وياريت بسرعة ..

[The king Boy]

المشاركة الأصلية كتبت بواسطة mmm_2010

ميرسي جدا علي مساعدتك بس ياريت متاخرش في الرد علينا
جامعة جنوب الوادي الفرقة الاولي المواد 1ـ المدخل لدراسة العلوم القانونية
2ـ حقوق الانسان 3ـ المدخل لدراسة الفقه الاسلامي ( الشريعة ) 4ـ علمي الاجرام والعقاب 5ـ مدخل لدراسة النظم الاجتماعية والقانونية
اكون شاكرا لو انتي ساعدتني بسرعة

العفو على ايه
المهم
دلوقتي انا معرفش بتحضري ولا لا وايه الوقت الفاضي انتي بقى شوفي يومك بيمشي ازاي المهم اعتقد ان اكبر مادة عندك هي المدخل فلازم تخلصي منها ورايي الشخصي عموما انك تقسمي كل مادة حسب حجمها وحسب مذاكرتك ليها وتحاولي تسيبي فترة كويسة قبل اول امتحان يعني لو امتحاناتك لسه في شهر واحد مثلا حاولي تسيبي اسبوع واقل حاجة 3 ايام المهم ورايي الشخصي انك متحاوليش تحفظي لانك مستحيلل تقدري تحفظي الاف الصفحات ولا تقري من ملخصات او ملازم الا بعد ما تخلصي الكتاب وتحاولي وانتي بتقري تقري بهدوء وبتأني وبعد لما تخلصي تحاولي تكتبي في ورقة الجزء الي قريتيه وتقارني الكلام ببعضه او ممكن تدي الكتاب لوالدتك وانتي تحكي وهي تقارن كلامك بالكتاب شوفي اي الطرق انسب ليكي

[The king Boy]

المشاركة الأصلية كتبت بواسطة ليااان

الفرقة الاولي ( تاريخ النطم القانونية - المدخل - io - political economy ) وياريت بسرعة ..

حاولي تقري الرد الي فوق هتستفيدي منه ولكن اضيف بما انك انجليزي انك تحاولي تاخدي المواد الانجليزي قبل العربي وتحاولي تترجمي وتحفظي الكلمات في وقت وتذاكري في وقت تاني لانك مستحيل تعرفي تركزي في الكلام المكتوب وتذاكريه وانتي بترجمي كل شوية وبالنسبة لتاريخ القانون حاولي تتابعي الدكتور لان معظم دكاترة المادة ديه بيقولوا المهم او الاسئلة بس

[The king Boy]

الحاجة العامة الي عايز اقولها ان الكل يركز ويحفظ العناصر الاساسية في الكتاب ولما يجي في الحل لاي سؤال ياما يكتبها ورا بعض ويفصلها بعد كده واحدة واحدة او يكتب النقطة وتفصيلها على طول ولو الدكاترة بيسمحوا باكتر من لون حاولوا متزدودوش عن لونين لون للنقاط ولون للتفصيل