والله إللي شفته الآن علي قناة الجزيرة هوا الكارثة

[ورقة شجر]

يا أخي إاللي سمعته الآن علي قناة الجزيرة هوا الكارثة المديع جايب عضو مجلس شوري أستاد جامعي وبيفتخر قوي إنهم كشفوا ميزانية رئاسة الجمهورية وإسمع الحوار المستفدبيقول لك ميزانية رئاسة الجمهورية 330 مليون جنيه ومرتب رئيس الجمهورية 29 ألف وقال مرتب قنديل 32 ألف يعني أزيد من مرسي والمديع قال طب ومرتبك كام قال له مرتبي بعد الترد1000 جنيه المديع ما صدقش قال له مرتبك قال 11ألف والجلسة 200 جنيه المهم عضو آخر صعبان عليه قوي مرتب مرسي إنه يعتبر قليل بالنسبة للمخلوع وبيقول له إن المخلوع إزاي يأخد أكثر من مرسي إفرض إن المخلوع حرامي هاتقيس عليه ليه يا إخواني والمديع بيقول أنا سامع إن مرتب عضو المحكمة الدستورية 160 ألف جنيه قام العضو قال له ميزانية المحكمة الدستورية 000مش فاكر مبلغ كبير لم يستوعب عقلي تدكره فتتحققت بعيني من الجزيرة مباشر مصر هل المرتبات دي عندنا في مصر قلت لنفسي أنا كنت قانع وبقول (نتحمل عشان مصر وظروفها وكنت بقول لنفسي إشمعني المعلم إللي فرض عليه إنه يتحمل ؟) وفي إعتقادي إن ربنا يبارك وبنمشي الشهر بالطول والعرض ونتنازل عن أساسيات من أجل أوليات للأبناء فأنا معلم لي 26 عاما في التربية والتعليم وزوجتي لا تعمل ومرتبي 1300 جنيه بعد الكادر الميمون ولما بناخد ترقية بيتخصم مننا ولما بنروح لجان بناخد فيها أقل من ال200 جنيه إللي بياخدهم العضو في جلسة إحنا بناخدهم في إسبوع يعني الغلاء بيعدي علي الناس كلها إلا المعلم مقهور في كل نظام و مطلوب منك كمعلم تربي أجيال بعيدا عن الغش وأن أربي أولادي إللي أنا ملزم بهم أحسن تربية فأنت معلم ولابد أن تبعد عن أبنائك شر الحوجة ومطلوب مني أن أستر نفسي وأن أظهر أمام العامة والطلبة بالمظهر الوقور كل دا ب1300 بعد 26 سنة خدمة معلم بكالوريوس تربية بمجموع فوق 90% ودبلومة يا إخوان يا مسلمين حرام عليكوافين الحد الأدني والأقصي دا كان أساس الثورة سامحكم الله

[Mr...Ahmed]

طالما انت قلت نستحمل عشان مصر يبقى متتكلمش

ولو لسعك الفقر يبقى متقولش نستحمل عشان مصر بلاش شعارات كدابة ودتنا ف داهية بقى

[الزعيم1]

جميع اعضاء جمعية المستقبل التابعة لجمال مبارك عضونشيط

[أ/رضا عطيه]

أنتم عارفين مصيبتنا الحقيقية إيه ؟
بص حواليك فى مدرستك
هتلاقى كتيييييير
يا إخوان - يامناصرين - يا متأخونين - يامستفيدين - ياسلبيين
زمان كانوا بيصدعونا بدعواتهم للمظاهرات على أبسط الأمور
أما الأن (سكمم بكمم ) والى يعارض ياويله وياسواد ليله
أبسط شىء عنده يرميك بالفلول والعماله والخيانه
وإن زهق منك يرميك بالقاضية وهى الكفر والعياذ بالله
عرفتوا ليه حقنا ضايع بين الوزارات
لأننا الوزارة الممتلئة بأتباعهم وأنصارهم ولو من تحت ستار
جرب كدا تدعوا زملائك بوقفة حتى إعتراضا على مايحدث
وتعالى قللى كم واحد وافق يقف ليطالب بحقه وحقك
أرجو أن تقارنوا بين أى وزارة ووزارتنا
هل حدث معهم مايحدث معنا فى موضوع المكافأة مثلا ؟
أين الدرجات المالية ؟-
ولماذا لم تقدر الدوله المعلم فى كادره كما فعلت مع الكثير من الوزارات كالصحة مثلا ؟

لما بيعينوا وزير من الإخوان فى أى وزارة بيصرخوا العاملين فيها وبيقولوا (لا للأخونة )
طب إحنا هنقول إيه والوزارة نصفها إخوان ومتأخونين وتابعين ؟

قريبا هما اللى هيطردونا وهيهتفوا ويقولوا (لا لغير الأخونه )

حسبنا الله ونعم الوكيل

شكرا لكم جميعا

[ابونرمين]

تفاءلوا خيرا..فالله يدبر لمصر أمرها..ومصر كنانة الله فى أرضه..والأخوان ستجدهم مخلصين لله والوطن ..ولا تسمع للإعلام الفااااااااااااااااااسد

[ايمن69]

شكرا اخي ابو نرمين علي نصحك

[طه المنشاوى]

الاعلام فاسد صحيح لكن اين العداله علي ارض الواقع