|
||||||
| كليات المجموعة العلمية (الطب البشري - طب الأسنان - الطب البيطري - العلوم الطبية التطبيقية - العلاج الطبيعي - الصيدلة - التمريض - العلوم - الزراعة) |
 |
|
|
أدوات الموضوع | انواع عرض الموضوع |
|
#1
20-07-2013, 04:08 AM
|
||||
|
||||
سين و جيم من طلاب الفرقة الاولى
بسم الله الرحمن الرحيم
بدايية الموضوع دة اصله مش هنا اصله في قسم التنسيق الموضوع الاصلي بس اسئلة الدكاترة كانت مفيدة جدا فاقترح العضو الدكتور bebo the one نقله من هناك لقسم كلية الطب البشري كي تعم الفائدة و هو اقتراح رائع جزاه الله خيرا نبدأ بسم الله __________________________________________________ _______________ س:ممكن اعرف الدراسة فى طب سهلة ولا صعبة والتقديرات نظامها ايه ج:اولا الف مبرووووك مققدما دراسة الكلية عموما سيبنا من صعبة و سهلة لكن اكبر بكتيير من ثانوي بمعني هنخالص المنهج من هنا تلاقى الامتحان عليه شهر مثلا على اول مادة يعني لو مكنتش مظبط كل المواد هوب مش قدامك فرصة غير في اخر ايام قبلها اخر السنة لازم تبقى عارف انك داخل على حاجة جديدة بلاش يبقى في نفسك رهبة و اسال دايما اللى اكبر منك نصيحتي ليك و اللى قالهالنا دكتور من الدكاترة السنادي تذاكر ساعة في الاسبوع تجيب جيد ساعة في اليوم جيد جدا 6ساعات في اليوم ترتب ع الدفعة و بايدك الاختيار التقديرات حسب مذاكرتك مفيش ظلم كفاية عليك الكمية لو انت طالب شاطر و بتذاكر اول باول و بتراجع مراجعة دورية مبرووووووك عليك بتفوت و مشيت في طريق احباط بلاش تمشي الطريق ة احسنلك و انا معاك و توكل على الله وحده _______________________________________________ س:انا لو كتبت في التنسيق رغبة اولي طب القاهرة مثلا والرغبة الثانية طب اسيوط ومجموع القاهرة اقل من اسيوط وانا مجموعي يجيب اسيوط كده انا حدخل اي واحدة فيهم ؟؟؟؟؟؟!! ج:لا طبعا مدام مجموعك جايب اول رغبة بتدخلها عادي بس اهم حاجة تكون في نطاقك الجغرافي من الجامعات المسموح بها جغرافيا انا مثلا كان ليا منصورة و زقازيق حاولت اكتب القاهرة بس الموقع مكنش بيرضى كان بيكتبلي غير مسموح بيها جغرافيا بس مادام نفسك في القاهرة اقبل في اي جامعة و حول ورقي بوصل نور او فاتورة تليفون جامعة القاهرة فيها كتير من الصعيد و و الله كل التحويل الورقي بيتقبل خدها مني كلمة و بالتوفيق يا رب _______________________________________________ س:مشاركة طيبة من العضو bladoo انا في تالتة طب و الدكتر جزاه الله خير بيساعد ف ربنا يكرمه بجد بالنسبة للطلاب الي جايبة مجاميع عالية و ربنا كرمهم لأن في الأول و في الأخر دة كرم من عند ربنا , كلية طب كلية صعبة جدا و مش سهلة و محتاجة صبر و جهود الثانوية العامة بالنسبلها تفاهة هيا كوم تاني الكلية صعبة يعني مش سهلة و مفيش حاجة في اي كلية سهلة بس كطب فهيا للمرة المليون محتاجة حد منظم و بيعرف يستحمل الضغط و صحته كويسه و اهم حاجة يكون حابب الكلية مش داخلها اسم و استخسار مجموع الكلام دة مش بقوله احباط و لا خوف الكلام دة اتقالي اول ما دخلت و اسوأ منه بس صممت اني ادخل لاني كنت حابة الكلية و حب اني يبقى ليا علم ينتفع به و انا حد مش مستواه وحش انا الحمد الله برتب و امتياز بس التحذير واجب و بجد فكر مية مرة قبل ما تقول انا هدخل لانهم 7 سنين محترمين و الدراسة مش صعبة في الفهم لا هيا هجمهااا كبير و بتمتحن فترات طويلة كلية تعبها كبير يعني في حلو زي ما فيها صعب اللهم بلغت اللهم فاشهد و انا بعتذر يا دكتر لو أحبط فيكلامي حد بس الكلام دة لازم يتقال و الرد :بضم صوتي لصوتك دكتور فعلا طب صعبة و اصعب من ثانوي بمراااحل و لازم اللي يدخلها يتجاوز العقبة دي في نفسه يعني لو دخل محاضرة لقاها تقيلة على ذهنه ميحبطش لانه مستعد اصلا و يكون رد فعله بدل الاحباط انه يبذل مجهود و ينظم وقته اكتر __________________________________________________ _ س:يا دكتور ممكن نعرف بالنسبة لسنه الامتياز فيها فلوس ولا لا وبتخصص ازاى ج:بص يا دكتور سنة الامتياز سنة تدريب طبعا زي ما حضرتك عارف بتاخد مرتب بس قليل جدا جدا حوالي 240 الى 280 جنيه بس الغالبية بيشتغل شغل خاص اثناء الامتياز في مستوصفات او مستشفيات خاصة خياطة بسيطة و كشوفات مغص و الحجات الصغيرة دي و بتعمل فلوس لحد ما تخلص الامتياز اما التخصص فله طريقين اما تكون من المية الاوائل او ايا كان العدد بيزيد او بيقل حسب الجامعة بس عندنا في المنصورة حوالى 120 واحد بيبقوا ليهم وظيفة في الجامعة يعني هيبقى مدرس مساعد و ضيف عليهم خمسين هياخدوا فترة تدريب 3 سنين و بيفكروا يمدوها ل خمسة و ياخد اثناء الفترة دي الماجستير و مجرد ما تتدرب فب الجامعة بتبقى تخصصت مثلا باطنة او جراحة او او نسا من غير ما تعدي على سنتين التكليف كدة يبقى اللي بيستفيد من التخصص على طول عن طريق الجامعة 170 واحد باقى الدفعة الالف الباقيين بياخدوا سنتين تكليف بعدها بيقدموا على موقع الوزارة على النيابات يعني التدريب برضه بس في وزارة الصحة و ياخد خلال فترة النيابة الماجستير بس مش من حقه يبدا ماجستير و هو في التكليف يبقى اللي مش بيتعين بيتاخر سنتين على ما يتخصص و بس و لو في حاجة مش فاهمها قولى و نصيحتي اجتهد و نظم وقتك و خليك في المية و عشرين الاولانيين __________________________________________________ س:طيب بصراحة يا دكتور هل الـ 120 طالب دول بيتعينوا باجتهادهم والا فيه كوسة وأبناء الدكاترة والمحاسيب وخلافه زي ما بنسمع؟ يعني هل المجتهد بياخد فرصته واللا حقه بيضيع؟ ج:الإجابة هامة و بها كلام هام جدا حضرتك المحسوبية مابتلعبش دور اصلاقا عشان دول كتير اوي لو في حقوق مثلا وواحد بس اللي بيتعين ممكن يحصل حاجة زي كدة و مش شرط برده الموضوع الفيصل فيه مش الظلم او العدل الموضوع الفيصل فيه ان الطالب يوصل لدرجة الشطارة اللي تاهله انه يبقى احسن من غيره و دة تحدي اصعب من ثانوي لازم نبقى عارفين اننا رايحين من اوضه الدرس -معلش يعني انا برضه كنت زيكم السنة اللي فاتت- لمكان واسع كله شمس هلاقى اصحابي بتوع هندسة و الكليات التانية عايشين براحتهم و بيذاكروا في الاخر دة ممكن عندهم اما طب مش كدة خالص طب يعني اذاكر من اول يوم طب يعني ما فوتش حتى اول ربع ساعة في المحاضرة لان الدكتور او الدكتور بيقول هتكلم عن كذا لو معرفتش هو هيتكلم عن ايه هتضيع علينا فهم كتير جدا و انا اتعرضت لموقف محرج اول السنة بسبب حاجة زي كدة طب يعني انام و انا مذاكر اللي خدته النهاردة طب يعني مش اذاكر و ارمي ططب يعني اذاكر و بكرة اقرا اللي ذاكرته و بعده اقرا اللى ذاكرته قراية بس مش مذاكرة تانية و الموضوع دة خاصة في الفسيولوجي اما بعد بعده خلاص بقى اقرا اللي \اكرته امبارح و اول بس فهمت؟؟ و مش بس كدة اقرب فرصة افضى فيها اراجع حاجة خايف منها و نحذر جداااااااااااااااااااا الدرجة مش بس مذاكرة التشريح لازم انزل اشوف الجارات و اذاكرها كويس لان امتحانها عليه درجات كتير "العملي" و كذلك الهستولوجي لازم اشوف الشرايح كويس و الفسيولوجي لازم اذاكر العملي بتاعه كويس و خلى بالك في بعض النظري مرتبط بالعملى و دي مش مشكلة او انت مذاكر كويس اما لو مش مذاكر كويس هيبقى لازم تعرفها تاني لو مش متخيل الموضوع دلوقتي اوي مش مشكلة لما تعدي اسبوعين او تلاته في سنة اولى اقرا المشاركة دي تاني ممكن تستفيد بيها اكتر و خلى بالك المذاكرة محترمة و قيمة و مادة دسمة للمخ عاوزه فهم سيبك من انها سهلة و حفظ لا لازم افهم و اوعى يختلط عليكم الامر و تفتكروا ان مذاكرة الكلية قراية ههههههههههههههههههههههههههههه غلططططططط مذاكرة الكلية حفظ بس مش بالنص زي الادب و الاحياء طريقة اسمها items يعني العوامل التي تحافظ على الضغط فى المعدل الطبيعي مثلا اربعة كل واحدة تحتها كلام كتير بس لازم اعرف العناوين كويس اوي و احفظها صم و الكلام اللي تحتها افهمه كله و بالقراية الكتير بعد المذاكرة هيثبت لوحده ان شاء الله و بالتوفيق و اي سؤال انا موجود ..... ولا ننسى ملك تجميع الدرجات كتاب MCQ اللى بنستلمه مع الكتب لما بنشتريها كتاب القسم بينزله فيه اسئلة اختياري على المنهج لكل فصل و كل او 90% من اختياري المد يير و الفاينال بيجي منه لازم يتحل اكتر من مرة و الحاجة الغريبة نعلم عليها عشان مننساهاش و غالبا الغريب بيجي منه في الامتحان بس عادي هو موجود في الكتاب بيقول ياللي يذاكرني و نحاول نسال اي حد اكبر مننا على مذكرة امتحانات السنة اللي فاتت اكيد هيكونو محتفظين بيها لسة و يستحسن يكون اكبر بسنة واحدة عشان لو خلصنا شابتر مثلا او اي كمية نبص في الامتحانات نشوف ايه السؤال او الفكرة اللي بتتكرر يعني مثلا في التشريح حاجة اسمها lymphatic drainage of breast لقيتها بتتكرر في كذا امتحان اقوم كاتب عليها امتحان او اخلى بالي منها و انا براجع تاني عشان في landmarks في المنهج بتتكرر كل سنة و الاهم من كل دة التوكل على الله و ارضاؤه و الصلاة و ارضاء الوالدين تاتيك الدنيا و هي راغمة و اجعل نيتك لله و لمساعدة الفقراء حتى في التعيين اجعل نيتك انك عاوز تتعين عشان تتدرب في الجامعة كويس و تبقى دكتور كويس متأذيش مرضاك مش بقول ان اللى مش بيتعين مش كويس بس التعيين أدعى للشطارة ان شاء الله ............ و اخر نصيحة بلاش نعمل like لاي صفحة طبية مضحكة لانها ممكن تحبطنا اوي اوي اوي يبينلك الحياة سودة لمجرد انه يعمل كوميك و اللي بيشوف الحياة سودة بيبقى الموضوع صعب عليه نفكر في المذاكرة الماديات مش مهم ان طالب يتكلم فيها ولا ايه؟؟ و يستحسن نعمل delete account احسن و اريح __________________________________________________ __ س:سؤال بقا معلش ضرورى ضرورى انا حاليا محتارة جدا بين طب القاهرة و طب عين شمس فى ناس بيقولولى خليكى فى القاهرة علشان اسهل و ناس بتقولى لا عين شمس شهادتها معتمدة اكتر من القاهرة يا ترى حضرتك شايف اية ج:اولا و ثانيا و ثالثا الاستخارة رابعا الكلام القائل بان عين شمس معتمدة اكتر من القاهرة ملوش اي اساس او دليل ممكن عشان الاسم حلو و ليه رنة و جامعات مصر كلها غير معتمدة عالميا بل معظم جامعات العالم و الا مكانوش عملوا المعادلة الامريكية و البريطانية و خلافه الحاجة الوحيدة المعتمدة هي شطارة الدكتور و علمه بس و عشان اختار ادخل جامعة ايه يبقى لازم معايير اختار على اساسها 1 القرب من البيت 2 الدكاترة افضل فين؟؟ "القاهرة تكسب" 3 المستشفيات افضل فين و دة مهم كمان تلت سنين ان شاء الله لكن نحطه في الاعتبار لو حضرتك من القاهرة يبقى من وجهة نظري القاهرة افضل اما لو حضرتك مش من القاهرة يبقى بلاش غربة بلاش غربة بلاش غربة انا في مدينة جامعية الغربة عذاب و بتعطل عن المذاكرة لو في افضل جامعة بس نفسيتي تعبانة مش هعرف استفيد من الجامعة دي اوي يبقى لو انا بعيد عن القاهرة يبقى افضل ليا اني اروح اقرب جامعة ليا اروح البيت بدري و مستريح مش تعبان من سفر اذاكر اللى اخدته و اشوف اهلى كل يوم ولا ايه؟؟ و برة القاهرة كل الجامعات زي بعض و مستوي الدكاترة واحد بتفرق بس المباني احلى فين !! و ممكن النظافة من جوة برضه بس الحجات دي مبتفرقش قد ان الواحد يرود بدري و مستريح الخلاصة لو انا من محافظة اخرى اروح اقرب جامعة من البيت من القاهرة و الامر سيان اروح القصر العيني افضل حسب ما اسمع من زمايلي اللي هناك مش متضايقين من حاجة اما لو بعيد اوي عن ج القاهرة و عين شمس اقربلي خلاص عين شمس و استفيد باني اروح بدري و مستريح بس القاهرة ككلية طب افضل و انا بكرر موضوع بدري و مستريح دة لاهميته الفعلية لانه بيتكرر كل يوم و بياثر على المذاكرة بشكل مباشر و اخيرا الاستخارة و جزاكم الله خيرا __________________________________________________ _______ س:اه انا عارفة ان جامعات مصر كلها مش معتمدة بس هنا الدكاترة بيقولوا ان جيد فى عين شمس بتناظر امتياز فى القاهرة و انا اللى محيرنى انى انا ساكنة على نفس البعد من الجامعتين بعنى الطريقين مش مسببين اذمة فموضوع الاختيار دة موترنى جدا و خايفة اخد قرااااار و ارجع اندم عليه كل الدكاترة اللى بينصحونى بينصحونى بعين شمس بس فى نفس الوقت بيقولولى ان الفرصة ليا هتبقا اعلى فى القاهرة علشان اطلع من اوائل الدفعه و التوفيق طبعا بايد ربنا و انا يردة عمرى فى حياتى ما دخلت الدمرداش او القصر العينى فمعرفش الدنيا فيها اية ج :انا عارف التردد دة و كنت فيه السنة اللي فاتت بس اقولك حاجة عندنا في الدقهلية زمان لما كنا في اعدادي امتحانات الرياضة بتاعتنا كانت اصعب بكتير من كفر الشيخ مثلا نفس الطالب اللي يجيب الدرجة النهائية في كفر الشيخ هو اللى ممكن ينقص في الدقهلية كدة يبقى الدقهلية عبقرية بتطلع طلبة عباقرة لممجرد انهم بينقصوا في امتحانات صعبة و لو امتحنوا امتحان اسهل شوية هيجيبوا درجات كتير؟؟؟ اكيد لا جامعة عين شمس امتحاناتها تقيلة جدا و انا شفت مذكرة امتحاناتهم تقيلة اوي اوي اتقل من المنصورة بمراحل غير كدة الدكاترة فيها معتقدش انهم يتميزوا عن دكاترة القاهرة و مستشفى الدمرداش مش افضل من القصر العيني و موضوع جيد تساوي امتياز دة لمجرد ان امتحاناتهم صعبة و الفرصة متساوية في ان الطالب يكون من الاوائل شريطة ان يصل الى مستوي علمي افضل من زمايله سواء في القاهرة او عين شمس و مستوي الطالب هو الفاصل الاستخارة ثم التوكل على الله و للامانة عين شمس صعبة و القاهرة مش سهلة __________________________________________________ __________ س:جزاك الله كل خير يا دكتور .. انا ان شاء الله ناوية علي طب .. بس محتارة بين طب الاسماعيلية و طب القاهرة .. الاتنين غربة بالنسبة لي لاني من السويس ج:اولا الف مبروك عليكي يا دكتورة و ربنا يوفقك في مشوار الطب اللى احنا واقفين على بابه ثانيا حضرتك بتقولى ان الاسماعيلية بالنسبة لحضرتك هتبقى غربة و بالتالي لو حضرتك من اي محافظة تانية غير محافظات القناة من اسيوط مثلا كنت هقول لحضرتك ادخلى اسيوط طبعا عشان تروحي بدري و تبقى مع اهلك لو حضرتك رحتي طب الاسماعيلية هتعيشي مع اهلك و تروحي و تيجي كل يوم طبعا طب الاسماعيلية و خصوصا ان حضرتك بنت و الغربة متعبة ليكي و اسالى مجرب و انا ولد ما بالك بالبنات اما اللي انا فاهمه من كلام حضرتك ان طب الاسماعيلية هتكون هي ايضا غربة إذا فالخيار الافضل هو القاهرة طبعا انا السنة اللي فاتت غيرت رغباتي كتير بين المنصورة و الزقازيق و الاسماعيلية عشان النظام الامريكي و كدة و استقريت على الاسماعيلية و جتلي فعلا و ترشحت ليها بس بعد نتيجة التنسيق كنت بسأل ناس برده فسألت مدرس مساعد بجامعة الزقازيق عن الاسماعيلية قالي انها "ضايعة|" على حد تعبيره و ان زمايلهه هناك مدرسين مساعدين و بيقولو كدة فلما التحويل الالكتروني فتح حولت المنصورة و قد كان و ها أنا بها فنصيحتي و معلش لو اتكلمت كتير بس انا بحب اوضح الصورة كاملة لو الاتنين غربة يبقى القاهرة و اقعد في مدينة او في مكان امان و معلش اهلك هيوحشوكي شوية بس اخلصي النية لله و ذاكري دون كلل او ملل و ربنا يوفقك و لو في حاجة مش واضحة انا موجود على المنتدي __________________________________________________ ______ س:الله يبارك فيك .. طب و ايه النظام الامريكي ده ؟؟ و ده موجود في اسماعيلية و بس ؟؟ ج:اه في الاسماعيلية بس و في المنصورة باسم نظام المنصورة مانشستر ب عشرين الف في السنة و اعتقد تمم تطبيقه خلاص في اسكندرية بس مش متاكد و دة نظام غير نظام الطب في مصر عموما اسمه problem solving قائم على البحث حضرتك تقدري تقري عنه كتير ع النت و عن مميزاته و عيوبه بس نظام الطب العادي في مصر طلع دكاترة شطار كتير و لسة النظام دة يعتبر جديد يعني و النظام الاامريكلا الى حد ما غير كافى لانى اسيب القاهرة و اروح اسماعيلية الكلية و المستشفيات و الدكاترة من حيث شرحهم مش اوي اللي نعرفه احسن من اللى منعرفوش و استخيري ربنا طبعا و اسالي ناس تانية غيري برضه بس اللي انا بقوله لحضرتك خلاصة سؤال و قراية كتير __________________________________________________ ___________ و دي مشاركة واقعية برده من دكتور جراحة شاب "من الاخر الى داخل فاكر انه هيلاقى الطب زى هاوس او جرايز اناتومى يبقى يشوفله كلية تانية من دلوقتى سيبوكم من الهبل بتاع المسلسلات الاجنبى وروحوا انزلوا مستشفيات مصر وشوفوا الواقع بتاع الطب فى بلدكم السبب الوحيد الى يخليك تخش طب انك تكون على يقين انك هتفشل فى اى حاجة تانية فى حياتك خلص الكلام" كلام واقعي برده و ختمت بيه عشان نعرف اهمية القرار دة و اننا نكون قده و نستحمل في سبيله ان شاء الله مهما كان حال بلدنا 
|
|
#2
20-07-2013, 09:23 PM
|
|||
|
|||
|
طيب لو محتار بين طب بشري وطب اسنان (جامعه اسكندرية)؟
يعني طب بشري : مشكلتها 7 سنين وعاوز 5 ماجستير غير الجيش يكون سنك 30 .. لكن مهنة عظيمة ، وتخصصات ومجالات كتير، وبعد كدة لو سافرت بتاخد مرتب اعلى من اسنان وصيدلة ولو فتحت عيادة وربنا كرمك بتبقى حاجة جامدة  طب اسنان : مشكلتها تخصص واحد محدود وحتفضل طول الوقت واقف علي رجلك ومهنة مرهقة لكن مميزاتها اسرع واخف كدراسة ومش محتاجة سنين كتير وماديا حلوة انا بصراحة ميال لطب بشري أكتر بس قلقان من طول المدة وخايف لا اندم بعد كدة لأن محدش جرب اى كلية وبصراحة خايف لا ادخل اسنان وانا كنت ممكن اطلع حاجة أعظم فى طب بشري وابقى ضيعت فرصة ، يعني رأيي انك تعالج واحد مكسور وتخليه يمشى أعظم من انك تعمل حشو ولا تركيبة لواحد والامثلة كثيرة .. وكمان نسبة كبيرة من طلبة طب بتقعد تشتم في كليتها ، عكس طلبة طب اسنان بيشكرو فيها وبيشجعو الطلبة عليها ، وتلاقى ناس من طب بتعقدك والواحد خايف يخش وبعدكدة يتعقد ويقول كلام الطلبة دول ويندم واللى يقولك حتلاقى بتاع اسنان ولا صيدلة فاتح عيادة ولا صيدلية وشغال وبيقبض ومتجوز ومخلف وانت قاعد تذاكر ومعملتش اي حاجة فى حياتك،الواحد مش عارف هل الكلام ده بجد ولا لأ، انا عاوز اخش طب بس مقلق من الكلام ده ايه رأيك بأمانة؟
|
|
#3
21-07-2013, 02:06 AM
|
||||
|
||||
|
مبروووووووووووك اولا
ثانيا المشكلة اللي قدامك دلوقتي انك مش محدد انت عاوز ايه.... زي اللي بيفكر في عروستين واحدة مهرها غالي وواحدة مهرها ارخص و مش بيحب واحدة فيهم ايه اللي يجبره انه يتجوز اللى مهرها غالي دى و هو مش بيحبها؟؟! طب مهرها غالي اوي من راحتك و متعتك اسنان و صيدلة مهرهم ارخص منها لو انت بتحب طب بطريقة فظيعة و شايف نفسك مش هتنجح الا فيها و بس و انا شايف ان الامر من وجهة نظرك سيان بين طب و اسنان و صيدلة يبقى طب ممكن تزهقك شوية متفكرش انت عاوز تبقى ايه فكر انت تقدر تبقى ايه و انت تقدر تبقى اي حاجة بس لو بتحبها يبقى بنلف حوالين نفسنا فكر بتحب ايه و ناوي تبذل مجهود موت عشانه لو الطب اهم عندك من اي حاجة ادخل طب مش بتحب الانسة طب يبقى بلاش تخطبها لانها بالنسبالك مش هتستاهل مهرها و الدكتور مش اعظم من دكتور الاسنان لان كل واحد شاطر عظيم حتى لو خريج ايه و الامثلة كتير صلي استخارة و توكل على الله
|
|
#4
21-07-2013, 03:44 AM
|
||||
|
||||
|
و بالمناسبة انا و صحابي من شوية كنا بنتكلم عن ان الحياة من اول ما تفكر في انك تشتغل تجيب فلوس تتجوز و تخلف و تصرف على عيالك و خلاص
بتبقى حياتك انتهت مش المعيار الوحيد ان الواحد يبقى ماديا كويس فين انت من كل دة لازم يبقى ليك زي ما الاجانب بيقولو Passion هدف بتحب الطب دوس فيه و اعمل دراسات و سافر خد شهادات و fellowships و تميز و لف الدنيا ورا حلمك سيبك من فلوس و جواز كله مكتوب و ربنا يكرمك ساعتها فاهمني لو حلمك برة الطب كله خش اللي تحبه انا مثلا لو رجع بيا الزمن كان ممكن ادخل computer science و دة سبب تعبي في الكلية و اني مش من الاوائل النتيجة لسة ما ظهرتش بس انا عارف اني احتمال كبير اجيب جيد جدا و مش هجيب امتياز انا مش عاوزك تبقى زيي خش اللي بتحبه و سيبك استحمل كام سنة يتريقوا عليك بعد كدة كله هيقولك انت بتفهم انا كنت متاكد انك هتطلع متميز دة لو حلمك برة الكليات الطبية حلمك مرتبط بالكليات الطبية يبقى الجزء الاول من مشاركتي و ربنا يوفقك لكل خير يا رب انت زي اخويا و بنصحك كاني بنصح نفسي
|
|
#5
21-07-2013, 05:20 AM
|
|||
|
|||
|
انا نفسي في علوم صراحة بس خايف اخش ومعملش حاجة ويبقى ضيعت نفسي وكان قدامي كلية قمة ؟
|
|
#6
21-07-2013, 05:40 AM
|
||||
|
||||
|
لا مدام مش متاكد خلاص رايي خليك في المضمون احسن
انا قصدي بالحاجة اللي بتحبها انك تبقى زي الرصاصة موجهة ثابتة منطلقة نحو القمة تبقى داخل متاكد انك بتحب الحاجة دي و التعب فيها احلى ليك من الراحة.. في الحالة دي ادخلها و سيب اي حاجة اما لو مش متاكد من حبك خليك ي اللي ماشي في البلد دي و ادخل اي حاجة تجيب فلوس  اصل اللي بيحب حاجة مش بيقف عند نقطة لو انا بحب كلية احواض السمك و خلصت الكلية مجاليش شغل مثلا هعافر و اعمل احواض سمك و اصمم اشكال جديدة و افتح شركة احواض سمك و تبقى احسن شركة احواض سمك اصلي بحب احواض السمك و محدش يقدر يمنعني من الابداع فيها فاهمني يا بو حميد؟؟
|
|
#7
21-07-2013, 06:43 PM
|
|||
|
|||
|
طيب وهو انت ليه مادخلتش يا دكتور كلية فيها كمبيوتر ساينس زي ما انت قلت من الاول؟
يعني ليه دخلت طب؟؟ وممكن اعرف لما كملت علمي علوم وطلعت نتيجتك وبقي ادامك طب بشري وطب اسنان ، اخترت بشري على اساس ايه ؟ يعني حضرتك بتقول لو مش فارقة معاك ادخل اسنان او صيدلة عشان طب متعبة لكن انت نفسك اخترت طب مع انك مكانتش فارقة معاك اوي (لانك ذكرت انك كنت عاوز مجال تانى خالص اصلا غير المجالات الطبية) ولا ايه؟؟؟
|
|
#8
21-07-2013, 07:47 PM
|
||||
|
||||
|
اها اقول لحضرتك
انا اخترت على اساس انا عاوز ابقى ايه مش على اساس اقدر ابقى ايه.... تمام ثانيا عيلتي كانت تتمنى من كل قلبها اني ادخل طب و الدرجة اللى ربنا اكرمني بيها 411.5 (100.36) بعد فضل الله لهم الفضل الثاني فيها و كانت رغبتهم اني ادخل طب فتغاضيت عن موضوع البرمجة و الكلام دة و قلت ممكن الاقى نفسي في طب و كنت الاول على المدرسة و المدينة اللي انا منها و بيني و بينك فرحت بنفسي و فكرت زي اي طال ب جايب مجموع طب اني خلاص هبقى الاول هنااك برضه مش شرط ان حضرتك تقيس نفسك عليا ممكن انت بتحب الطب و انا بحبه برضه و كلنا بنحبه بس كنت مشتت شوية انا مش عاوز اشتتك فكر و احسبها بالعقل ليا زميلي كان جايب طب الزقازيق و سابها و دخل كمبيوتر ساينس الجامعة الامريكية بس انا ماديا مكنتش اقدر على كدة فيا حبيبي انا اللي عاوز اقولهولك لو انت موهوب موهوب موهوب في حاجة خسارة تضيع موهبتك و هتبقى احسن فيها و مبدع اكتر من اي حاجة جديدة لو الموضوع عادي و مش "عبقري" في مجال بعينه و نفسك تبقى دكتور و هي حاجة جميلة جدا و انا مبسوط و بتمني اليوم اللي هبقى فيه دكتور مقلناش حاجة ادخل طب و توكل على الله و اجمع شتات نفسك و ركززززز بس و انا همسح المشاركتين السابقتين لو ينفع عشان ماشتتش حد و احنا بنتناقش اهو قولى رايك و اتمني يكون صدرك رحب
|
|
#9
21-07-2013, 07:49 PM
|
||||
|
||||
|
انا مجرد رأي فقط
يا صديقي انا مش بقولك بلاش تدخل طب بالله عليك بلاش تفهم الكلام كدة انا بحصرهالك بس فى حالة انك في حاجة تانية بتحبها اما لو مفيش حاجة بتحبها و بتحب الطب خش طب بس تكون بتحب طب و انا بقولك فكر قبل ماتدخلها او صيدلة او اسنان عشان لما تدخلها و انت عاوزها قوي مش هتتعب فيها خالص و يا رب تكون بتحب طب اوي يا رب ارزق عبدك احمد و كل طلبة كلية الطب حب كليتهم و بذل الجهد فيها اللهم امين انا حاسس بالذنب و حاسس انك فهمت اني بقولك بلاش تدخل طب لا انا بقولك ادخل طب و كل حاجة و نفسي تدخل طب بس تكون بتحبها عشان صعوبتها في الحالة دي مش هتحس بيها زي العبادة خفيفة على المؤمن و تقيلة على العاصي كلامي ملوش لزمة و ارميه فيى الزبالة لو مفيش حاجة تانية بتحبها لو انت بتحب طب اكتر من اسنان و اصيدلة ادخلها اما لو بتحب واحدة منهم اكتر من طب ادخل اللي بتحبه دة قرارك انت انا معرفش يا رب تفهم كلامي و توكل على الله لو طب الاقرب الى قلبك من كل الكليات التانية توكل على الله و اكتبها رغبة اولى و الف مبروك يا دكتور احمد
|
|
#10
23-07-2013, 12:37 AM
|
||||
|
||||
|
موضوع مفيد وفكره جميله
سيتم تثبيته لاهميته ان شاء الله
__________________
تذكروني بدعوة
|
|
#11
23-07-2013, 01:48 AM
|
||||
|
||||
|
اقتباس:
|
|
#12
23-07-2013, 03:13 AM
|
||||
|
||||
|
أولا : جزاكم الله خير الجزاء على هذا الموضوع المهم
ثانيا : عندي استفسار عن نظام الامتحانات؟؟؟؟؟؟؟ هل هي صعبة أم سهلة؟؟؟ . سمعت أن طلاب عين شمس يشتكون من صعوبة الامتحانات  !!!!!!!!!!!!!!!!!! فما مقياس الصعوبة والسهولة أصلا؟؟؟؟؟؟يعني مثلا بيشرحوا حاجة وبيمتحنوا ف حاجات تانية أو بيجيبوا كل صغيرة ف المنهج واللي مش بيركز عليها الطلبة؟؟؟؟؟؟؟؟؟. وبالنسبة للتصحيح يا دكتور هل بيبقى فيه ضمير أم غير ذلك؟؟؟؟؟؟ يعني ممكن يكون الطالب خارج من الامتحان حاسس إنه هيجيب تقدير عالي ف مادة ما وممكن يتفاجئ بتقدير قليل؟؟ . وشكرا . ونأسف ع الإطالة
__________________
|
|
#13
23-07-2013, 01:59 PM
|
||||
|
||||
|
اقتباس:
اما في الكلية الدرجات متوزعة جزء اقل في نص السنة و جزء اكبر في اخر السنة و بيبقى في امتحانات عملى صغيرة في التشريح كل ترم ب5درجات و طبعا انك تكملى كتاب العملى برضه عليه 5 درجات خاصة رسومات الهستولوجي و امتحانات العملى اخر السنة عليها درجات كتير برضه تقريبا تساوي امتحان نص السنة او اقل بحاجة بسيطة يعني لازم تكون المادة العلمية مظبوطة اول باول و ماتسمحيش لنفسك يبقى في حاجة "متلخلخة" كله ثابت و مظبوط عشام ممكن ميكونش في وقت كافى قبل الامتحانات الامتحانات بتبقى سهلة في حالتين 1 يجيب حجات مشهورة --- و المنهج كبير جدا فبيبقى فيه ( نسبة مشهورة اوي )و ( الغالبية عادي )و (نسبة مش كتير بياخد باله انها مهمة) 2 يطلب اجابات قصيرة يعني بدل ما يقولك قولى ال relations بتاعة pancreas يقولك مثلا ايه اللي معدي وراه و خلاص لانه لو طلب relations يبقى لازم نقول اللي معدي ورا و قدام و فوق و تحت كل حاجة فلو طلب اجابة قصيرة بيسهل الامتحان كتير مشكلة عين شمس في ايه بقى؟؟ الاسئلة بتطلب اجابات كبيرة مفيهاش اختصار "حسب مذكرة امتحاناتهم اللي عندي" ثانيا ممكن يجيب سؤال بطريقة عاوزة فهم يعني بدل ما يقولك قولي اشرحي Rh factor يقولك Hemolytic anemia of the new born يعني مرض تكسير الدم في الاطفال اللي لسة مولودين هتضطري تشرحي الموضوع كله... و حجات تانية غير كدة بس المثال دة حضرتك واخداه بالنسبة للتصحيح مادام حضرتك مذاكرة كويس خلاص ماتخافيش من حاجة حتى لو لا قدر الله الدرجات قلت لاي سبب هتبقى احسن من غيرك بس العقبة الحقيقية بتبقى في الامتحان مش في التصحيح و بالتوفيق
|
|
#14
23-07-2013, 08:34 PM
|
||||
|
||||
|
السلام عليكم يا دكتور مصطفى
أشكرك جدا جدا على أمانتك التي تجلت في أنك تنسب لي الفضل في فكرة نقل التوبيك .. هذا الأمر إن دل على شيئ فإنه يدل على أنك شخص أمين مع نفسك ومع الآخرين وأنك أيضا متواضع وعندك إنكار للذات أنا قرأت أنك كنت تتمنى دراسة computer science وبالتالي فأنا أقول أن هذا المجال بقدر ما خسر مهندسا نابغا فإن مجال الطب قد كسب طبيبا أمينا مخلصا متميزا إن شاء الله تمنياتي لك بالحصول على إمتياز هذا العام وكل الأعوام القادمة بإذن الله
__________________
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 12:06 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
