ارجو التثبيت :-غرامة نصف ملون جنيه مشروع قانون يجرّم الاحتجاجات

[boudy1983]

الحكومة توافق على مشروع قانون يجرّم الاحتجاجات التى تعطل العمل

الأربعاء، 23 مارس 2011 - 15:57

رئيس مجلس الوزراء د. عصام شرف
كتب محمد الجالى

وافق مجلس الوزراء، خلال اجتماعه اليوم، الأربعاء، على مقترح مرسوم بقانون بتجريم بعض حالات الاعتصام والاحتجاج والتجمهر، إذا ترتب عليها تعطيل عمل جهات عامة أو خاصة، وعقاب كل من يحرض على ذلك بالحبس، وغرامة شديدة تصل إلى نصف مليون جنيه، وذلك على خلفية المظاهرات والاحتجاجات الكثيرة التى شهدتها مصر عقب ثورة 25 يناير، والتى أدت إلى توقف الإنتاج فى المصانع والمؤسسات، وكبدت الدولة خسائر فادحة.

ومن المقرر أن يتم عرض هذا المرسوم على المجلس الأعلى للقوات المسلحة، لإبداء الموافقة النهائية عليه وإقراره.

http://www.youm7.com/News.asp?NewsID=375498

[ابو الفاروق]

نص مليون جنية

[miss_emy]

ههههههههههههههههههههه نصف مليون ؟ دا اصبح لعبه نصف مليون دا طيب لو مدرس هيدفعهم منين ؟ من مكأفأه الامتحانات؟؟؟؟؟؟؟

[أحمد جودة3]

سلملي على الثورة.................. من نظيف لشرف يا قلبي لا تحزن بدل ما يشوفوا طلبات الناس ايه ويحققوها يفرضوا غرامات وحبس

[ابو الفاروق]

انا النص مليون دى ادفعا على ال ..... ؟ من فلوس الكادر ...........امال اية هو انا شوية
انا خوجة قد الدنيا

[mr.yassour]

من الواضح كده ان احنا محتاجين نغير الشعب والحكومة والجيش مع بعض
اقولكم احنا نجيب شعب صينى ونريح نفسنا
ايه رايكم اهو نرتاح بجد شعب صينى بيفهم ولا شعب مصرى بيسرق كل ما يوصل لحكم
حسبنا الله ونعم الوكيل

[ايهاب العراقى]

طبعا كلام مرفوض و المفروض نحتج عليه لان الاحتجاجات دى هى الى غيرتنا و غيرت النظام القديم

[drfayoum2010]

أنا طبعا أوافق الحكومة على هذه الخطوة ، لأن الفترة الماضية أظهرت فوضى عارمة في الشعب المصري، وهناك فئات كثيرة استغلت الثورة بشكل غير صحيح ، وقد طالبت المجلس الأعلى للقوات المسلحة عبر صفحته الرسمية على الفيس بوك باتخاذ هذه الخطوة من فترة ، والحمد لله أنها تحققت .
وبعدين الناس زعلانة ليه ، القانون بيقول انه بيجرم الاعتصامات التي تؤثر على العمل وتعطل الانتاج ، يعني ببساطة شديدة ممكن تعمل اي اعتصام أو مظاهرة للمطالبة بحقوقك زي ما بتعمل الدول المتقدمة حيث يكون التظاهر بعد انتهاء فترة العمل الرسمية ولو عايز تعمل مظاهرة أثناء فترة العمل بتكون لمدة ساعة أو ساعتين على الاكثر ثم تستأنف بعدها العمل مرة أخرى وذلك حرصا على مصلحة الوطن والمواطنين

[leprince2010]

الحكومة الجديدة بتهزر معانا

[محمد حسين الشربينى]

!!!!!!!!!!!!!!!!!!!!!!!!!1

[teacher_2]

شرف باين عليه بيحلم
هو نسى انه وصل للمكان ده بالمظاهرات ولا ايه؟

[عاصم حمزة]

الفكرة جميلة .....بس الغرامة كتيره أوووي ومين اللي هيدفع .....
كفاية اعتصامات بقا وخلي الناس تشوف شغلها
مش كل واحد عايز حاجة يقولك مظاهرة هي البلد ناقصة
احنا عايزين وزير كده مش بيخاف من الشعب بس بيحترم الشعب
ويراعي مصالحه وهو ده اللي عمله شرف

[drfayoum2010]

نحن فى أمس الحاجة لذلك لأننا فى أمس الحاجة لاعادة البناء وليفرق الجميع بين الحرية والفوضى
كما أطالب بتشكيل لجان عليا لفحص مايسمى بالمطالب الفئوية وتصنيفها الى درجات (مطالب ملحة وعاجلة - مطالب تنفذ بعد بعض الوقت - مطالب إستهبالية يحاسب عليها القانون)
(فكرة منقولة)

[تيجروود]

المشاركة الأصلية كتبت بواسطة mr.yassour

من الواضح كده ان احنا محتاجين نغير الشعب والحكومة والجيش مع بعض
اقولكم احنا نجيب شعب صينى ونريح نفسنا
ايه رايكم اهو نرتاح بجد شعب صينى بيفهم ولا شعب مصرى بيسرق كل ما يوصل لحكم
حسبنا الله ونعم الوكيل

الآن فقط الجيش الا إيه فاضبه من المظاهرات ولم يكن يحرك ساكناً لأى مظاهرة او وقفة إحتجاجيه وبالعكس طالب الحكومة فى بعض الوقفات بتنفيذ مطالبهم والان أصدر قرار بتجريم المظاهرات والوق فات الاحتجاجيه
عندما قررنا نحن المدرسين بأقل حق لنا وهو التثبيت
لا إله إلا الله سيدنا محمد رسول الله صلى الله عليه وسلم
حسبنا الله ونعم الوكيل .. لنا الله وحده

[امل اليكس]

طبعا المدرسين ميخفوش ايش ياخد الريح من البلاط ههههههههههههههههههه