|
||||||
| أرشيف المنتدي هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
08-08-2008, 02:05 AM
|
|||
|
|||
ادخلوا وانتوا هتعرفوا العنوان
أخواتى الأعزاء
طبعا الموضوع اللى هاكلمكم فيه موضوع شائك وغريب وكلنا بنخاف نتكلم فيه لكن لازم نتكلم مش معقول هانحط راسنا فى الرمل ونعمل نفسنا موش شايفين ولا سامعين. الموضوع بسيط بس بيخوف انا هكلمكم بالعاميه لان الموضوع عاوزاه يوصل لكل الناس المثقف والغير مثقف على الأقل المثقفين والمتعلمين يقدروا يدوروا ويلاقوا اللى بيدورا عليه لكن الغالبية بيبقى نفسها حد يدلها أو يقولها تعمل ايه ومتلاقيش طبعا كلكم نفسكم تعرفوا انا هاتكلم عن ايه النهاردة أنا هاتكلم عن تجربة يمكن تكون حقيقية ويمكن تكون خيال بس انا افضلها خيال عشان صحابها ميزعلوش منى هى خيال بس ارجوا منكم تفهموها وطبقوها عشان نقدر نفهم بناتنا عاوزة ايه؟؟؟؟؟؟؟ الأم بتدورعلى بنتها فى الشقة عادة بتكون بتتفرج على التلفزيون هى حساسة ورقيقة وبتحب الأفلام الرومانسية الأم بتندة عليها وتسمع صوتها جاى من غرفتها وهو كله دموع الام : مالك ياحبيبة ماما البنت: مافيش حاجة الأم: والدموع دى كلها منين البنت : ابدا مافيش ياماما الأم: طول عمرنا متعودين ع الصراحة مع بعض ومبنخبيش حاجة عن بعض البنت: ايوة بس أنتى بتخبى ياماما الأم: انا؟ البنت: أيوة الأم: ليه ياحبيبتى بس البنت:أنا لما سألتك أنتى حبيتى قبل كدة مردتيش وهل كان فى حد فى حياتك قبل بابا حبيتيه ومتجوزتهوش مردتيش وعلى طول بتكلمينى عن البنت الأخلاق المؤدبه الى الكل بيحترمها عشان هى جد ومبتكلمش أولاد ألا فى حدود الضرورة البنت اللى بتتكلمى عنها دى ياماما مش موجودة البنت المؤدبة فى الزمن دة بيقولوا عليها معقدة واللى مبتكلمش مع الأولاد الا فى حدود الضرورة بنت لخمة ووحشة ومنبوذة وصحابها البنات بيتريقوا عليها عشان معندهاش بوى فريند ياماما انا وحشة مافيش حد بيقولى حتى صباح الخير نفسى أحب واتحب وأحس أنى بسمع كلام حلو وأن فى حد بيسأل عليه وبيحبنى أنا مش صغيرة أناعندى 15 سنة كل صحابى عندهم زمايل وصحاب وبيكلموهم أشمعنى أنا وفى منهم اللى قايل لمامته وفى اللى مخبى عنها وامهاتهم ميعرفوش عنهم حاجة وصحابنا 13،14،لحد 18سنة ليهم صحابهم وبيخرجوا ويتفسحوا معاهم أشمعنى أنا أنتى نفسك ياماما كان ليكى زمايل وأصدقاء مش ليكى اصدقاء فى الشغل وبتكلميهم وبيتصلوا بيكى ليه مكلمش صحابى ع النت للصبح ليه مديش نمرة تليفونى لحد ليه كل حاجة عيب ليه ملبسش اللى نفسى فيه ماهم بالتلفزيون لابسين البادى والجينز والميكاب كله تمام ليه بتخنقونا وانتم زمان كان نفسكم فى اللى احنا عاوزينه أنا زهقت ياماما كل حاجة عيب وحرام طيب مانا ممكن أعمل كل اللى أنا عاوزاة بدون ماتعرفى وكتير امهات ماتعرفش عن بناتهم حاجة وعادى ليه كل ماحب اتكلم معاكى فى أى موضوع مالكيش رغبة فيه تزعقى وتشخطى؟ ليه كل ماحب أقعد معاكى تتاوبى وتبقى عاوزة تنامى ومرهقة من الشغل والبيت؟ وليه دايما مبتضحكيش ووشك مكشر ومضايقة وزهقانة ولما أسألك مالك ياماما تقولى مافيش؟ ليه فاكرة على طول انى مبفهمش وانك لو كلمتينى مش هاعرف اسمعك وأن صحباتك الستات هايفهموكى اكتر منى؟ وليه مع كل مشكلة على طول تتصلى بيهم وتكلميهم وتشكى وتحكى ويتردد جوايا صوتك و كلمتك مش هاتفهمى حاجة مع انى سامعة المكالمة وفاهمة كل كلامكم فيها؟ ليه دايما بتقولى عليه صغيرة ولما أكبر هافهم كل حاجة؟ ليه سهل أما أنرفزك تحدفينى بحاجة أو تهزأينى؟ ليه دايما أما تتخانقى مع بابا أحس انك بتكرهينا وتطلعى ضيقتك عليناوتبكى وتلعنى اليوم الى أتجوزتى فيه وخلفتينا فيه؟ وليه اما تكونى مبسوطة أو سعيدة تمسكى التليفون وتكلمى صحابك وتضحكى وتهأهاى وبعد ماتقفلى التليفون تتبدلى معانا لوجه تانى؟ ماما أنا كبرت أرجوكى جاوبينى على أسئلتى ماما من حقى أفهم كل اللى بيدور فى الحياة ماما من حقى أحب واتحب حتى لو معرفتيش أو حتى لو ماقلتش للشخص اللى بحبه أنا بحبك من حقى أحلم ويكون عندى فارس احلامى وأنام واحلم بيه ماما من حقى أناقشك وأختلف أو اتفق معاكى فى الأراء ماما من حقى يكون لى أصحاب بنات حتى لو ماأعجبتيش بيهم ماما من حقى أتكلم بالتليفون زيك ولمدة كبيرة بدون ماضيقينى وتقوليلى كفاية رغى من حقى موبايلى يرن من غير ماتقوليلى مين؟؟ ماما أنتى بتبكى وبتضحكى فى نفس الوقت ليه الدموع ياماما ؟ (الأم فى عقلها ):ماكنتش أعرف أنك كبرتى كدة؟ البنت:ماما أنا بحبك ومقدرش على زعلك ماما انا سحبت كل الحقوق بتاعتى بس أبوس أيدك متبكيش الأم :تبكى وتفكر أن عليها الرد على كل التساؤلات نعم يجب عليها الرد يجب الرد والى لقاء بالرد منقوووووووووووووووووووووووووووووووووووووووول 
|
|
#2
08-08-2008, 02:32 AM
|
|||
|
|||
اية يابنتى والله هعيط منك حرام عليكى
عندك حق والله فى امهات كتير اوى مش بتراعى بنتها وخصوصا انا لسن دة متاج لكن ذرة حنان وحب بس للاسف هما مش قدرين يفهموا ان الصغير بيكبر مش قادرين يعرفوا ان مراحل الطفولة عديت وان بنتها او ابنها بقىى يتكلم ويتناقش ويفهم وبقى لية شخصية عاوز يستقل بيها فى ناس كتير دمرت شخصيات ولادها بسبب جهل اسلوب التعامل مع المراهق بس بجد تسلم ايدك موضوع رائع كتير
__________________
 laugh at the time when people wait ur tears
|
|
#3
08-08-2008, 02:33 AM
|
|||
|
|||
|
مستنية رد الام ياجميل
ومتابعة معاكى للاخر ان شاء الله
__________________
laugh at the time when people wait ur tears
|
|
#5
10-08-2008, 02:33 PM
|
||||
|
||||
|
موضوع رائع جدا ومستنيه رد الام
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 05:31 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
