|
||||||
| أرشيف المنتدي هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
|
|
#1
02-09-2008, 02:03 AM
|
||||
|
||||
عايـــــــــ حقى ـــــــــز
الطبيعى ان الساكت عن الحق شيطان اخرس
وكمان كما قال رسول الله صلى الله عليه وسلم أفضل الجهاد كلمة عدل عند سلطان جائر أو أمير جائر وده معناه ان المطالبه بالحق واجب وليس فضلا الكلام ده عموما نيجى بقى لمجتمعنا المصرى واللى الطبيعى فيه برده ان التفكير مجرد التفكير فى المطالبه بحقك المسلوب بتكون بمثابة الالقاء بالنفس فى التهلكه وياريتها على ادك انت بس .. لا الأذى بيطول اى حد انت تعرفه سواء من قريب او بعيد حتى ما بياخدوش بالمثل " تعرف فلان؟ اه .. عاشرته؟ لا .. يبقى ما تعرفهوش"  فالمعظم بيريح دماغه وبيمشى جنب الحيط بدعوى لا ضرر ولا ضرار .. انا مش بعيب فى الحديث حاشا لله بس برده الحديث ده مش مكانه هنا لان كده هو يبقى دعوه للسلبيه .. السلبيه اللى هى السبب فى اللى احنا فيه دلوقتى دلوقتى بقى * عايزه اعرف ايه رأيكوا فى الكلام اللى انا قولته؟ يعنى صح ولا انا فاهمه الموضوع من زاويه غلط؟ * ولو الكلام ده صح ايه الحل الوسط بين الاتنين ؟ او بمعنى اصح ازاى نمسك العصايه من النص؟  |
|
#2
02-09-2008, 02:20 AM
|
||||
|
||||
|
الالقاء بالنفس فى التهلكه
شوفى يا الرهينة موضوعك تحفة بس انا عن نفسى لما اكون عايوة اخد حقى بحاول و بحاول و بحاول و عادة مابخدوش فحعمل ايه يعنى خلاص انا شايفه ان ازاى نمسك العصاية من النص ديه حلها مش معايا و لا حتى اعرف اجاوبك لو حد يعرف يدينى اجابة يقول موضوعك رائعععع شكرا
__________________
Man is the artificer of his own happiness
Helen Keller تقريبا كده نهاية الخط |
|
#3
02-09-2008, 04:28 AM
|
||||
|
||||
|
الساكت عن الحق شيطان اخرس
وصاحب الحق عينه قوية وما ضاع حق ورائه مطالب هذه مجرد امثلة وحكم دائما نقولها عند ذكر هذا الموضوع عن الحق والحقوق ولكن احيانا يكون الحصول على الحق رمى فى التهلكه كما تقولين خصوصا فى هذا العصر الذى يسود فيه الظلم والضلال واحيانا تجدى من هو متأكد من حقك ولكن يجبن ( جبان ) على ان يشهد بهذا الحق ولذلك احثنا ديننا الحنيف عن عدم كتمان الشهاده لانها تؤدى الى ضياع الحق من صاحبة شكرا لك
__________________
 |
|
#4
02-09-2008, 10:51 AM
|
||||
|
||||
|
صح اوي
طبـــعا كلام حضرتك صح احنا دلوقتي بنعيش أزهي عصور الديموقراطيه
 وكل من يطالب بحقه بياخده بس بياخده اقلام وشلاليت في اقسام البوليس ......عمري ما جربت الكلام دا لاني الحمد لله محصن بس اللي اعرفه كانسان اني لو ليا حق عمري ما هسيبه بس بطريقه متحضره ومن غير لا شوشره ولا هتافات ...كلو بيتحل بالعقل وبالنسبه لموضوع اننا نمسك العصايه من النص اعتقد ان الانسان يكون ثائر مره وهادي مره ويتقلب علي كل الاشكال عشان يتعايش .....بس في الاخر في بلدنا دي بيعيش اللي له ظهر وبس(المسنود)....شكرا علي الموضوع ويا رب اكون قولت حاجه مفيده
__________________
Tawfeek Yahia Mohammed
Faculty of Computer & Information Science Mansoura University |
|
#5
02-09-2008, 12:08 PM
|
||||
|
||||
|
انا هحكيلك حكاية حصلت بجد كان فى واحد ساكن قريب مننا وكان فى ظابط ساكن فى عمارته وعايز يبنى فوق العمارة شبكة لتقوية شبكات المحمول يعنى ودى حاجات كتير بتقول انها مضرة على الناس اللى ساكنة تحتها او محيطة بيها وبتجيب امراض وحشة المهم الناس اللى فى العمارة عملت مساكل جامدة واخويا واصحابه يوميها راحوا اتخانقوا مع اللى بيركبوا الشبكة وكدا والراجل اللى ساكن فى العمارة ده اعد يشتم لما شاف البوليس جاى فكر ان البوليس جاى يتعاون مع الراجل اللى بيركب الشبكة وبعديها على طول لقوا المحل بتاع الراجل اللى شتم ده مفتوح طول النهار وفاضى وأتاخر على اهله اوى وتانى يوم لقوه جثة فى شوال مرمى جمب الكوبرى يعنى البوليس خده ومرجعش غير جثة فى شوال ايوه هو غلط علشان شتم بس يكون مصيره كدا !!!!!! بجد الواحد بيشوف بلاوى فعلا محدش عارف يعترض او يعبر عن رأيه وفعلا كدا عمرنا ما نقدر ناخد حقنا ونفضل محلك سر.
__________________
رجعت للمنتدى ومش عارفة رجعت ليه بس حاجة رجعتنى وخلاص...وحشتونى
|
|
#7
02-09-2008, 12:33 PM
|
||||
|
||||
|
احنا زمن الرشاوي وكله خايف من كله محدش بيقول الحق وبيشهد زور
|
|
#8
03-09-2008, 12:55 AM
|
||||
|
||||
|
اقتباس:
خلاص نستنى الاجابه سوا ميرسى ايوى ع مرورك  اقتباس:
برده ما وصلناش لحل .. ازاى نجمع بين الاتنين
ماهو الدين زى ما امرنا بعدم كتمان الشهاده برده نهانا عن الالقاء بالنفس ف التهلكه ميرسى ع مرور حضرتك |
|
#9
03-09-2008, 01:05 AM
|
||||
|
||||
|
اقتباس:
اها حضرتك قولت المفيد كله كفايه انك قولت بناخد حقنا ازاى "ف الاقسام يعنى "بس تفتكر انت كده مسكت العصايه من النص .. ازاى يكون ثائر مره وهادى مره معنى كلام حضرتك ان ناخد حق ونسيب التانى ولا ايه؟ ميرسى ع المرور اقتباس:
اعتقد انه سواء كان شتم او لا كان مصيره هيبقى واحد وده جزاة اللى يطالب بحقه
 ميرسى ع المرور |
|
#10
03-09-2008, 01:08 AM
|
||||
|
||||
|
اقتباس:
التعليم بيكون بالرضا لكن الشعب المصرى مغصوب انه يسكت ولو اتكلم تنساه .. وهى فعلا مشكله انك لو فكرت تطالب بحقك هتلاقى الكل ضدك واولهم اقرب الناس ليك ميرسى ع المرور اقتباس:
اها فعلا
ميرسى ع المرور |
|
#11
03-09-2008, 01:14 AM
|
|||
|
|||
|
كله بينصب علي كله
هو ده دلوقتي النظام فكل حاجة بتمشي دلوقتي بالفلوس و الوسايط مثلا عشان الطالب يدخل كلية الشرطة قدامه حلين ليكون عنده واسطة او يدفع 100000 جنيه ونفس الكلام بقي بيحصل لما واحد يؤذي التاني يقعد يقول انت مش عارف انا مين و ابن مين...... بقت حاجة تكسف والله |
|
#12
03-09-2008, 02:36 AM
|
||||
|
||||
|
كل الكلام اللي قلتوه دا صح
ومعاكوا فيه بس في سؤال تاني هل الكلام دا في الاخر بعد ما نقول راينا هيخلي حاجه تتغير في النظام ما اعتقدششششششششششش
__________________
 |
|
#13
03-09-2008, 02:45 AM
|
||||
|
||||
|
اقتباس:
اننا نحاول نطالب بحقنا او على الاقل نغير فكرنا ده مش هيغير حاجه
لكن السلبيه اللى احنا عايشين فيها هى اللى هتغير مش كده؟؟ ميرسى ع المرور |
|
#14
04-09-2008, 02:43 AM
|
||||
|
||||
|
بصى جيجو
الحقوق فى مصر فروعها كتير "مش الحقوق الكلية ركزى " منها حق معاش حق معيشة حق اعتراض حق تعليم علاج امان وامن وسلامة والخ ... كتير وللاسف الانسان العادى فى مصر "وانا اقصد بالانسان العادى اللى هو متوسط الحال او الفقير وبالاخص اللى ملهوش ضهر او واسطة " الانسان العادى مش بيقدر ياخد حقوقة كلها فرضا لو هما 10 حقوق ممكن جدا تلاقية واخد 5 حقوق والباقيين مش عارف ياخدهم وممكن تلاقية واحد جزء من حق واحد والانسان اللى لسة واسطة بتجرى واره فى كل حتة تلاقية واخد حقة تالت ومتلت ابسطها موقف حصل "ابن واحد معرفة جامعة خاصة وتشاء الظروف انة يتمسك تحرى والضابط يصمم انة يركب البوكس هو واصحابة وكل اصحابة ما شاء الله فى ساعته اتصلوا بااهليهم ومسافة لما وصلوا القسم ككان اهلهم هناك وخرجوا الا الولد دة لانة مش اتصل باهلة لانة مش عارف يقول لهم اية وعارف انة ملهوش واسطة بس اتصل وباباه جة لكن طبعا اتفرجى على قمة البهدلة اللى اتبهدلوها ومكنش ليهم حد غير لما طلبوا من خالى وجة وخرجة " اهو دة مواطن وحقة انة يتعامل زى غيرة وحقة انة يتعامل كبنى ادم فى القسم حتى دة السائد ان الواسطة هى الاساس ننيجى بقى للسلبية اللى بيتصرف بيها بعض المواطنين وبتتسبب فى ان حقوقهم تضيع اولا الصوت العالى ضعف وتضيع للحقوق المظاهرات الغير سلمية والاضرابات واللى بينتج عنها الاعتراض بالتطاول على المسؤلين زى اللى يقعد يكتب فى جريدة ما ويجرح فى الوزير الفلانى علنى كدة ويسب فية طب ما انت معاك الحق يبقى تكتب بالادلة وكل شئ يكون طيبعى انما لما تجرح فية هو مش هيسكت وهتبدا حرب الردود على السب والقذف وننسى المضمون الاساسى هتقولى لى طب واية العمل ناخد حقوقنا ازاى اقولك كل شئ بالعقل والحكمة وهداوة بردو مثلا واحد مش عارفة ياخد معاشة او يصرفة مش يروح مصلحة المعاشات ويزعق ويتخانق لا انا اروح عل المسؤل على طول وصدقينى الحاجة الوحيدة اللى فى مصر كويسة وعن ثقة هى المسؤلين سواء وزير او محافظ اى كان لما يروح لهم طلب او مشكلة بيحلوها بصى هو الموضوع شامل وكبير بس المضمون العام هو ان مينفعش نسكت ومينفعش نعمل بلبلة سورى يا جميل طولت عليكى لينا عودة تانى لما اشوف ردك بس اروح اتسحر واجى تانى |
|
#15
04-09-2008, 03:01 AM
|
||||
|
||||
|
اقتباس:
مافيش داعى لسورى خالص
ومستنيه ردك بس هرد عليه بكره بقى ان شاء الله عشان هقوم ناو |
| العلامات المرجعية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 09:01 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
