][®][^][®][ ظالمـــــــــــاه ياقلــــبي معايـــــــــا ][®][^][®][ ‏

[مـــــلك]

أتغيرت حبيبي

حاسه بحاجه جواك

صوتك نظرة عينك

طبعك حتى هواك

فيه حاجه حساها

طبعك فيها أتغير

راحت فين عصبيتك

زعلك غضبك غيرتك

حاسه بحاجه غريبه

بينا بقت موجوده

طبعك كده بقا هاااااادي

ساكت دايماً راضي

حتى البال بقا طويل

أوقات بسرح أفكر

إيه سبب التغيير

ينطق قلبي يقولي

أصله ظلمني كتير

وآخر مره وعدني

أنه فيه تغيير

هايعشق فيا بقلبه

يديني حنانه كتير

وعمرة مايقسا عليا

قلقانه ليه مالتغيير

أسكت شويه وأسرح

وأفكر في اللي فات

واتمنا يكون حبيبي

هايعوضني اللي فات

لكن بسرح وأخاف

يكون اللي بينا مات

خايفه أكون مش فارقه

بالنسباله كتير

مش عارفه ياقلبي أنا ظالمه

وجايه كتير أنا عليه

والا احساسي صادق

وحاسس باللي فيه

آه ياحيرة قلبي

محتارة يافرحه عمري

محتارة ياروحي كتير

ساعات لو زعق فيا

أقول مش باقي عليا

بيتخانق كل شويه

ده عايز يبعد عني

وفي يوم يتخلص مني

ويسببها فيا

وساعات لما يسامحني

قلبي يفرح بجد

شويه يسرح يفكر

ويقول

بقيت انا أي حد

مش فارقه معاه كتير

وعشان كده معاتبنيش

محتارة في أمرة وحالي

وتعبت من التفكير

تعباه ياقلبي معايا

ظالماه ياقلبي كتير

أنا حاسه بخنقه قلبه

وإيه دايماً شاغل باله

ومحير قلبه وحاله

يمكن خايف أبعد عنه

دانا مخلوقه أفضل جنبه

هابعد عنه هايدور

يلاقيني جوه فحضنه

دانا نبضه وهو وريدي

هو عشقي وحبيبي

ويفوت العمر وأموت

وأنا روحي عشقاه موت

يدفن بإيديه أنا جسمي

وقلبي معاه موجود


كنــــــــارة