سيبك من الشبهات ... وقولي ما بقبلش صداقة أولاد ^_^

[مسلمة متفائلة]

بسم الله الرحمن الرحيم

السلام عليكن ورحمة الله وبركاته

كيف حاااالكم بنات قسم البنت المسلمة ؟ ^^
إن شاء الله تكونوا بخير

أنا جاية النهاردة أقولك رسالة .. ياريت تقبليها مني وتفهميها كويس

وأنا أختك وبحب مصلحتك زي ما بحب مصلحتي

كان ممكن أقول وأنا مالي .. المهم أنا كده كويسة وماليش دعـوة بغيري

لكن بجد بخاف عليكِ ..

بما أننا في منتدى مختلط .. رجال ونساء ... ففي بعض الحاجات اللي المفروض ناخد بالنا منها:-

1- عدم التساهل والزيادة في الكلام عن المطلوب ..

يعني لو هتردي على موضوع ولد .. يبقى نكتفي بالشكر وبس

إلا إذا كان فيه مناقشة في صلب الموضوع نفسه

والكلام يبقى في حدود الموضوع وبس ...

لأن بكتر الكلام معاه .. ممكن يحصل إعجاب بين الطرفين

وده بداية الخطر ... هتلاقي بعد كده بيبعت لك رسالة تعارف

أو حتى إنتِ هتحبي تطلعي إنك تعرفي عنه أكـتر ..

وده بداية الخطر زي ما قولنا ... فبعد الإعجاب .. هتبقى رسايل كل يوم

وده يدخل تحت حديث الرسول صلى الله عليه وسلم :

((ألا لا يخلون رجل بامرأة إلا كان ثالثهما الشيطان ))
رواه أحمد والترمذي عن ابن عمر رضي الله عنهما.

وكلام الرسول صلى الله عليه وسلم واضح ...

ما ينفعش رجل يخلو بامرأة أجنبيه عنه .. وإلا كان ثالثهما الشيطان ..

وأكيد أنتِ بتحبي الرسول وعايزة تنفذي أوامره .. صح ؟

يبقى نسد باب الفتن وما نكلمش أولاد

تمام كده .. وضحت النقطة دي ...



2- في حاجات احنا بنحسبها بسيطة بس ممكن تفتح بردو باب للفتن منها

التعبير عن الضحك بتكرير حرف الهاء ( هههه ) ، واستخدام الوجوه التعبيرية بكثرة

ممكن واحدة تقولي دلوقتي .. وإيه الحرام في كده بقى ...؟

هقولها .. أنا ماقلتش حرام .. بس بنقول نسد باب الذرائع والفتن

مـاشـــــــي ؟

اتفقنا .........



3- ودي النقطة الأساسية اللي جاية اتكلم عنها النهارده

وهي قبول طلبات الصداقة بين الشباب والفتيات

بجد يا جماعة النقطة دي مهمة جداً وخطيرة جداً

ممكن واحدة تقولي .. ده في قائمة الأصدقاء بس و احنا مش بنكلم بعض....!

هقولك ماشي حبيبتي .. مبتكلموش بعض ... طيب ليه تفتحي أصلاً باب للفتنة بإنك تقبلي طلب صداقته ؟

يعني إنتِ دلوقتي ملتزمـة .. وواحدة بنت عادية شافت عندك أولاد في قائمة الأصدقاء

ممكن تقولك .. آدي يا ستي الملتزمـين .. بتقبل طلب صداقة من ولد ..!

يبقى ليه ترضي كده من الأول ...؟

وبعدين راجعي الكلمة كده تاني " طلب صداقة " ...

صداقــة ... والله عز وجل يقول في كتابه الكريم :

(( مُحْصَنَاتٍ غَيْرَ مُسَافِحَاتٍ وَلا مُتَّخِذَاتِ أَخْدَانٍ )) [النساء:25]

عارفه يعني إيه .. ولا متخذات أخدان ؟

يعني أن تتخذ المرأة صديق لها ..

وده من سبل الشيطان ... فهو يزين المرأة للرجل والرجل للمرأة إلى أن يوقع بينهما الفاحشة

فخافي على نفسك يا أختي ... واقفلي أي باب للفتنة من دلوقتي

وعايزاكي كمان تراجعي الموضوع ده _ مهم جداً _

http://www.thanwya.com/vb/showthread.php?t=287052

وأخيراً أختي سدي أي باب للفتن ... ومش تبصي لبقية البنات وتقولي ما كلهم عاملين كده

هاتيجي عليا أنا ؟ ... خليكي إنتِ قدوة لغيرك ... وياريت تقلدي غيرك في الخير

وبلاش نبص لنظرية ( ما كل الناس كده ) ... عايزين احنا نبقى مختلفين : )

عشان ربنا يرضى عنا ... ولما يجي يسألنا يوم القيامة .. تركت الشيء ده ليه

نقول .. عشان يارب ... لأجل رضاك يا رب .. نسأل الله الرضا ..

............
.......
....

ياريت تفهمي كلامي كويس

واسأل الله لكِ ولي ولجميع المسلمين الهداية والثبات

آمـين .. آمـين .. آمـين



.................................................. .......أختك / تسبيحــات .

[(( لؤلؤة الايمان ))]

كلامك جميل جدا 00000
جزاكى الله كل خير 000
وربنا يهدى الجميع للصح
اتمنى ذلك للجميع 0000

[الوردة الوحيدة]

جزاكي الله كل خير
وانا والحمد لله من البنات اللي بترفض صداقة الأولاد تماما سواء عن طريق النت او في الواقع
ربنا يهدي جميع بنات وشباب المسلمين

[مسلمة متفائلة]

وجزاكم أخواتي الحبيبات :")

وعايزة دلوقتي كل بنت تقرأ الموضوع ده

وعندها أولاد في قائمة الأصدقاء ... تلغي الصداقة بينهم

خليكي شجـاعة ... ومش تستهوني بالأمــــر

ربنا يثبتنا ويهدينا ...

[,, أَمـــَـة الله ,,]

جزاكِ الله خيراً أختي
ياريت البنات تاخد بالها فعلاً

اللهم اهدنا ..

[رحماك ربـي]

وعليك السلام ورحمة الله وبركاته

مــــــا شاء الله ، أبدعت حقا أختي الغالية ، أسلوبك مقنع للغاية خاصة وقد دعمته بآيات وأحاديث ← ومنكم نستفيد

طريقةك في الإلقاء ممتازة بارك الله فيكٍ وجزاكٍ خيرَ الجزآء.

[ahmed el nawam]

وعليكم السلام ورحمة الله وبركاته ... أختي في الله فعلا عندك حق ، هو فعلا قائمة الاصدقاء لن تزيد من الأمر شيء ومفيش شات في المنتدي ومفيهاش حاجة خااااالص ان ولد يضيف بنت أو العكس ، لكن المشكلة الوحيدة ، هي رؤية الناس للبروفايل لو فيه بنات عند الولاد الملتزمين أو العكس عيفهموا الموضوع غلط ، لكن المهم هو ارضاء الله عز وجل ، ليس إرضاء الناس ، جزاكم الله خيرا .... !!

[(nehal)]

جزاكي الله خير

[*تائبة فى رحاب الله*]

وعليكم السلام ورحمة الله وبركاته

بوركت اخيتى
عندكـِ حق فـي كل كلمة
أسال الله ان ينفع بكـِ الاسلام
وان يجعلنا من إمائه العفيفات الطاهـرات

[بطة حامد]

جزاكى الله خيرا يااختى
موضوعك رائع

[.fatima]

ربنا يجعلنا ممن يستمعون القول فيتبعون احسنه
بجد موضوع فى الصميم و مهم جدا<""تسبيحات"">
اللهم انا نسالك الهدى والتقى والعفاف والغنى

[مسلمة متفائلة]

بارك الله فيكم جميعاً

والأفضل اجتناب الفتن من بابها كما ذكرنا

جزاكم الله خيراً ^^

[فارسة الإسلام]

بارك الله فيكِ ورزقك الله الجنة
الموضوع مهم جداً لذلك يجب عدم الاستهانة به حتى ولو كان صغيراً
لأنه يزداد أثره فيما بعد
نسأل الله تعالى لنا جميعاً الستر والعفو والعافية

[مسلمة متفائلة]

المشاركة الأصلية كتبت بواسطة فارسة الإسلام

بارك الله فيكِ ورزقك الله الجنة
الموضوع مهم جداً لذلك يجب عدم الاستهانة به حتى ولو كان صغيراً
لأنه يزداد أثره فيما بعد
نسأل الله تعالى لنا جميعاً الستر والعفو والعافية

وإيــــــاكِ غاليتي

عـندك حق في كلامك ... بارك الله فيكِ :‘)

[moon light2012]

جزاكى الله كل خير